كيكه النشا رووعه وهشه وخفيفه جربوها وادعولي سلسله وصفات من فرني 9

المقادير

• ثلاث بيضات كباار او اربعه صغار
• كوب سكر
• كوب زيت
• كوبين نشا
• معلقتين صغار فانيلا سائل
• معلقه صغيره بيكنج باودر
• معلقه صغيره خل ابيض
• التزيبن حسب الرغبه انا زينت ب:
• علب دانيت جاهز

الخطوات

بسم الله نبدا

بالبدايه بنخفق البيض مع رشه الملح والخل والفانيلا دقيقه تقريبا وبعد هيك بنضيف كوب السكر وبنكمل خفق لمده ثمن دقائق ليسير عنا لون الخليط فااتح ومليان هواا وبنضيف كوب الزيت وبنخفقو ثواني لما يمتزج مع الخليط وبعد هيك بنضيف النشا المنخول منيح مع معلقه البيكنج باودر وبنخلطهم لما يختلطو ببعض وتختفي التكتلات بنديرهم بقالب مدور مدهون زيت ومرشوش بالنشا وبنفوتهم عفرن حامي مسبقا عنار هاديه 180 درجه تقريبا بيوخذ اربعين دقيقه او اقل حسب الفرن وحجم القالب ولانو ما فيها سوائل بتستوي اسرع وبدنا نوخذ هالملاحضه بعين الاعتار يعني المفروض نظل منتبهين الها

بس يستوي بنتركو يبرد وبنزيتو بعلب دانيت بطعم الفانيلا وبعد هيك بنعمل دوائر بدانيت بطعم الشوكولاه وبسكين او عود خشب بنسحب الدوائر بشكل متعاكس مره لبرا ومره لجوا لنشكل هالخطوط الحلوه وتقطع وتقدم والف صحه وهناا

ملاحضه انا استعملت كوب مقاس 200ملل

للتزيين استعملت علبتين صغار من دانيت الفانيلا ونص علبه من دانيت الشوكولاه

بتمنى تجربوها وتعجبكم

تحياتي الكم جميعا رشا ام احمد ❤❤❤

لا تنسوني من فضل دعواتكم الحلوه