رز بالحمص والدجاج عالطريقة التركية المميزة سلسلة الوصفات التركية 15
رز بالحمص والدجاج عالطريقة التركية المميزة سلسلة الوصفات التركية 15
رز بالحمص والدجاج عالطريقة التركية المميزة سلسلة الوصفات التركية 15
المقادير
- كوبين رز
- كوب حمص مسلوق او اكتر حسب مابتحبو وشوي للتزيين
- ملعقتين كبار زبدة
- 3 ملاعق كبيرة زيت
- ملعقة كبيرة عصير الليمون
- ملح
- فلفل أسود
- رشة صغيرة سكر
- صدورة جاج
- منسلقها مع مطيبات بهارات صحيحة متل ما تحبوا مثل:
- الهيل
- القرفة
- القرنفل
- الفلفل الأسود الحب
- ورق الغار
الخطوات
☆بسم الله الرحمن الرحيم☆
يلا يا امورات نتحول لتركيات ونطبخ هالاكلة هههههه
ولا تنسو الملاحظة اللي قلتلكم ياها مرة انو تسلقو الحمص مع بيكينغ باودر بدل الكربونة
النتيجة احلى والضرر لا يقارن طبعاً
منسلق الصدورة ومنقسمهم بأحجام حسب الرغبة بعد السلق وممكن ماتقسموهم وفيكم تستخدمو قطع غير الصدورة مافي اي مشكلة بس عادة هية بتنعمل هيك واذا حبيتو كخطوة اضافية تحمصو وش الصدر بعد السلق بمقلاية لياخد لون دهبي فكمان هالخيار راجع الكم بس انا بكتفي بالسلق حفاظاً عالرشاقة اللي قاتلة حالا هههههه
هلا بقى مندوب الزبدة مع الزيت عالغاز ومنحط الرز متل ماهو مع السكر ومنقلبو بالزبدة خمس دقايق ليبلش يتحمص وبتحسو لونو تغير شوي وصار يميل للدهبي
هون منضيف عليه الملح والفلفل وعصير الليمون ومنقلبهم مع بعض ومنضيف الحمص كمان منحركهم ومنضيف المي المغلية بالكمية المنسبة للرز
منترك النار عالية اول كم دقيقة بعدين منوطيه ومنتركو مغطى ليستوي منطفي تحتو ومنخليه يتهدى وبصير جاهز للتقديم
فكرة التقديم بسيطة وسهلة
منحط الجاج بسفل شي زبدية مبطنة بنايلون غذائي وفوقو حمص مسلوق وفوقو الرز ومنقلبها على جاط مناسب وصحة والف هنا
“فيكم تحطو شوي من مرقة الجاج فوق الرز ليتشربها وياخد نكهة الجاج”
اذا حبيتوها لا تنسو تجربوها وتدعولي بالبركة يا وردات♡
الصور الأخيرة لبسطة بتبيع هالاكلة ويلا قرررررب وجررررب بخمس ليرات هههههه
