مقبلات البطاطا سلسله سهل وسريع 16
مقبلات البطاطا سلسله سهل وسريع 16
المقادير
- بطاطا مسلوقه
- جزر مبرووش
- بقدونس مفروم ناعم او مفروم على الخلاط
- رب البندوره او صلصه البندوره
- ملح
- فلفل اسود
- زيت زيتون
- ملح وذره رشه فابريكا حلوه للتزيين
الخطوات
بسم الله نبدا
بالبدايه بنسلق البطاطا وبنقشرها وبنقسمها لثلاث اقسام وبنضيف لكل قسم ملح وفلفل اسود وشويه زيت زيتون وبنبرش الجزر وبنصفي من ميتو وبنضيفو على قسم من اقسام البطاطا وبنخلطو وبنخلط القسم الثاني مع رب البندوره وبتركو وبنفرم البقدونس على الخلاط او بنفرمو فرم ناعم وبنخلطو مع القسم الثالث من البطاطا وبنجيب صحن صفير وبنضع فيو بلاستيك غذائي وبنبلش نشكل طبقات البطاطا بنضع من كل قسم شوي لما نعمل ثلاث طبقات بنقلب الصحن بصحن اكبر وبنرفع البلاستيك الغذائي بخفه لنحافظ على منظر الطبقات وبنزينو باللبنه والذره حسب الرغبه
بتمنى تجربوها وتعجبكم لا تنسو تضيفوها للمفضله❤
تحياتي الكم جميعا رشا ام احمد
لا تنسوني من فضل دعواتكم الحلوه
