مقلوبة بروكلي
مقلوبة بروكلي
المقادير
- دجاجه كامله
- 3 كاسات رز
- كيلو بروكلي او حسب كيف بتحبو يكون كتير او اقل
- مقادير البهارات:
- م ص فلفل اسود
- م ص بصل بودره
- م ص توم بودره
- م ك كاري
- م ك ملح
- م ص كمون
- مغلف ماجي بودره
- كاسه زيت
الخطوات
حبيبات قلبي مقلوبة البروكلي زيها زي اي مقلوبه بس زاااااكيه ومفيده هلا بنبلش نطبقها انا المفروق اقلي البروكلي بس مشان اخفف نسبة الزيت بالاكل شويتها بعد دهنها بالفرشاي بالزيت بعدين بطنجرة مناسبه لطبختي حطيت الزيت لما حمي نزلت عليه الدجاج بقليه بعد ما تنزل ميته ويتحمر معي بنزل البهارات الثوم مع البصل والكاري والكمون والفلفل الاسود الك الخيار بالبهارات اللي بتحبي نكهتها اكتر بس صدقا هيك زاكيه بعد ما يوخد الجاج لون ونكهة البهارات بضيف نص كمية المي وبتركها تغلي بس اول غلوه بعدين ببلش اطبق بضيف البروكلي اول طبقه فوق الجاج وبعدها طبقة رز وبكرر طبقة بروكلي وفوقها رز وبضيف باقي كمية المي بغطيها وعالغاز اول ما تنشف المي عن وجها
بوطي الغاز عالاخر وخليها تتهدا براحتها وانشاءالله هاي الوصفه تعجبكم وتجربوها والف الف صحه وهنا على قلبكم حبيبات قلبي ❤❤❤❤
