الزربيان على طريقة الشيف الرائعة ريحانة

اليوم عملت وصفة الزربيان بنفس طريقة الشيف ريحانة طبقت طريقتها بحذافيرها متل ما بيقولوا وطلعت جد وللأمانة زاكية كتير وطعمها مختلف من زمان كنت حابة أتعلم طريقة سهلة للزربيان لطبقها بدون تعقيد كتير وأول ما نزلت ريحانة وصفتها لهالاكلة دغري طبقتها وبشكرها كتير كتير والله يعطيها الصحة والقوة والعافية لتضل تعطي كمان وكمان هي وكل شيفات زاكي المبدعين الغاليين وطبعا المقادير بتلاقوها بملف ريحانة الله يسلمها
والطريقة موجودة بملفها كمان ومشروحة بالتفصيل المفيد والسلس وبنصح كل ست بيت تجرب تعملها لهالاكلة لأنه عنجد لذيذة

بس أنا فيي طبع بصراحة بضل أحس طعمة الأكلة بالمحلات والمطاعم غير وفيها خلطة سرية ما بنعرف إحنا نقلدها على قد ما بيطلع تطبيقنا لاكلات برا والمطاعم زاكي ولذيذ

على كل حال أنا بس ضفت الها سلطة الدقوس برشت بندورة وشوية فليفلة حارة وملح وحامض وشوية زيت طلعت كمان زاكية معها

وتسلمولي الكل

وصحة وهناااا