عوامة بالكاسترد
عوامة بالكاسترد
المقادير
- ٢ كوب طحين
- ١ كوب ماء دافئ
- ٢ م ك كاسترد
- نصف كوب حليب سائل دافئ
- ٢ م ك حليب بودرة
- ١ م ك سكر
- ٢م ص خميره
- رشه ملح
- زيت نباتي للقلي
- للتزيين:
- قطر
الخطوات
طريقه عوامة يمكن جديده عليكم ..بس لذيذة بشكل مش عاااادي
اضطريت انزل صورتين من النت لحتى اقدر افهمكم خطوة استخدام المقص للعوامة …للي متلي ما بيعرف يشكل عوامة بايدو وان شاء الله الادمن تسمح انها تنزلهم
نضع ..الكاسترد و والملح والسكر والخميره والحليب الدافئ والحليب البودرة ونحرك ليختلطو سوا
ثم نضيف الطحين والماء ونحرك كويس لتختلط المكونات جيدا ( هاي العوامة متماسكه اكتر من العوامة العاديه ..وهاي المكونات بدون زيادة او نقصان ابدا )
نتركها تخمر لمده ساعه او حتى يتضاعف حجمها
بس يتضاعف حجمها …نحركها كويس كتير حتى نطلع منها الهوا ( وما تفقع وقت القلي ..بممممم خهههههههه )
الان نيجي لها لمرحلة المهمه جدا ….طبعا انتو ازا بتعرفو تقلوها بايدكم ما في داعي تقراو هالخطوة …بس ازا كنتو متلي … الحقوني
نضع كيس نايلون من طرف من الاطراف من تحت ..جوات كاسه كبيره ونبدا نضع العجينه جوات الكيس ( المهم وضع العجينه بكيس نايلون ( تفريز)
نقص طرف الكيس ..ونبدا نضغط حتى نطلع كميه من العجينه ونقصها بالمقص ( ارفقت صورة من النت لانو صعب اصور واشتغل بنفس الوقت ) …خدو من الصورة بس طريقه القص
الزيت يكون يا دوبو بلش يدفى ونبدا باسقاط حبات العوامة الجميله
بس يبلشو يمسكو وهم لونهم ابيض نطلعهم من الزيت لانو رح نقلي ع مرحلتين
ونكمل كل الكميه لتخلص
بنرجع العوامات كمان مرة ع الزيت ونحمر كويس هالمرة
ومن الزيت ع القطر …نضعهم بالقطر ونحرك كتير كويس حتى تشرب القطر ..وبعدين نصفي القطر الزايد
وعليكم بالف صحه وعافيه
