سابليه سهل وسريع

المقادير

• بيضه
• ٢ ونصف كوب طحين ( او حتى تلم معنا عجينه طريه وملساء)
• ٢٥٠ غرام زبدة بحرارة الغرفه ( تقريبا كوب )
• ٢ ونصف م ك نشا
• م ص فانيليا
• رشه ملح
• نصف كوب سكر ناعم او مطحون
• للتزيين:
• ربع كوب نوتيلا
• ربع كوب مربى
• فارمسليز

الخطوات

سابليه سهل وسريع وكتتتيير بكون مبسوطه وانا بشتغل فيه لانو اطفالي بكونو حواليي مبسوطين بالاشكال يلي عم يعملوهم بالقطاعات ويختارو الشكل والحشوة والتزززيين يلي بيحبوه …..

نبدا اول شي نخفق الزبدة مع السكر والفانيليا والبيضه كتير منيح حتى يصبح نوعا ما كريمي

ننخل الطحين والملح والنشا …ونضع الطحين تدريجيا حتى تلم معنا العجينه بدنا اياها تكون ناعمه وطريه يعني ممكن يختلف معنا مقدار الطحين بربع كوب زيادة او نقصان …فقط لا غير …….((( ازا كان الطحين قليل بالعجينه بيتقلص حجم السابليه وبيكش ….واذا كان كتيير طحين بيطلع قاسي كتير ))))

نريح العجينه نصف ساعه الى ساعه ونلفها بنايلون الطعام …..ثم نضع العجينه بين كيسين نايلون( تفريز) ونمدها بالشوبك ونشكلها(((( وضعها بين كيسين تفريز بيطلع شكلها ناعم وحلو واملس وما بتلزق ع مكان العمل )))

ارفقت صورة القطاعات يلي استعملتهم ….

توضع بفرن محمى مسبقا ع درجه حراره ١٨٠ الرف الشبكي الاوسط …لمده تتراوح بين ١٢_١٥ دقيقه او حتى تشقر من تحت …

**********طبعا متل ما كلكم تعرفو ممنوع تحمير وجه السابليه والكوكيز ********

وطبيعي يكون الوجه طري …. تترك الى ان تبرد ورح تمسك حالها والوجه يصير عادي …… ثم نحشيها ونزينها بالمربى والنوتيلا والفارمسليز …

***لعمل خطوط النوتيلا …نعمل حمام مائي لنوتيلا ثم نضعها بكيس نايلون ونقص طرفو شوية صغيره بس حتى تطلع الخطوط رفيعه ونزيين

###ومتل ما حتشوفو بالصور كيف سابليه الحمد لله ممتاز وكل من ذاقو حبو وشوفو كيف الشكل ابدا مو متشقق وما فيو حبيبات سكر مش ذايبه وما فيو تكتلات وما تقلص …..

وتقدم بالف هنا وصحه وان شاء الله تعجبكم