شوربة العدس بطريقة جديدة ومميزة ملكة الشوربة

المقادير

• كاسة عدس مجروش
• ٢ حبة جزر
• ١حبة بطاطا
• ٢ بصلة كبيرة
• ٢ ملعقة كبيرة سمنة
• ماء مغلي
• ربع ملعقة صغيرة كركم
• رشة فلفل اسود
• ربع ملعقة كمون
• ملح حسب الحاجة
• مكعب ماجي

الخطوات

بنفرم بصلة فرمة ناعمة وبنحوسها في الطنجرة مع ملعقة سمنة بس تذبل

بنضيف جزرتين مفرومين ناعم والبطاطا وبنحوسهم جيدا مع الكركم والفلفل الاسود والملح والماجي والكمون

بنغسل العدس وبنضيفو للخضار وبنحوسو جيدا مع الملح

بنضيف تقريبا لتر ماء مغلي وبنتركه لحتى يستوي

بعد ما يستوي بنخلطه على الخلاط او الهاند بلاندر وبنرجعه على نار هادية

بنفرم راس بصل فرم ناعم وبنقليه بملعقة سمنة بس يشقرو بنضيفهم للعدس وبنطفي الغاز تحتو

كتير زاكية عيلتي حبت هطريقة كتير ماكانو يوكلو العدس ياريت تجربو مارح تغيرو هطريقة ابدا