طريقة عمل كيكة المقلاة من تحت دياتي
طريقة عمل كيكة المقلاة من تحت دياتي
المقادير
- عملت خليط كيك عادي وكان عبارة عن:
- ٤بيضات
- كوبين طحين منخول
- ملعقه كبيره فانيلا
- ٢بيكنج باودر
- ربع كوب كاكاو
- كوب سكر
- نص كوب زيت
- كوب حليب
الخطوات
بخفق اول اشي البيض لحتى يتغير لونو ويسير اقرب للون الابيض وبحط الفانيلا والسكر وبخلط وبنزل عليه الزيت خط رفيع شوي شوي وبنزل كاسه الحليب
على جنب بخلط المواد الجافه مع بعض
الطحين والكاكاو والبيكنج باودر وبنخلهن
بعدين بنزل شوي من الطحين على خليط
البيض بخلط وبرجع احط طحين وبخلط هيك لحتى يخلص الطحين
وصار خليط الكيك جاهز
هسا بنجيب مقلاة ما تلزق وبدهنها شويت زيت وبحط على الغاز تحت المقلاة قصدير او اي اشي بيكون بيعزل الحرارة بحط شوي من خليط الكيك ليكون عندي طبقه رقيقه وبغطي عليها وبتركها تقريبا عشر دقائق لتستوي الكيكه وبعيد الكرة لحتى يخلص الخليط كامل
يمكن تساوي معي ٣طبقات كيك تقريباً احاول انو اقسم الخليط من الاول ل ٣اقسام متساويه لحتي تطلع البقات كلها نفس القياس
بعد ما يبرد عندي الكيك بشيل الحواف وبكون مجهز عندي كريما بحشي الطبقات وبزينها كل وحده تزينيها زي ما بدها
وهاي الشكل النهائي أن شاء الله تكون عجبتكو وبتمنا تجربوها لانو عن جد كثير زاكيه
