عرايس لحم
عرايس لحم
المقادير
- نص كيلو لحمه مفرومه
- بصلة كبيره مبشوره
- فلفله كبيره مقطعه مكعبات
- معلقتين سمنه بلدى
- معلقه صغيره ملح
- معلقه صغيره فلفل أسود
- نص معلقة بهارات سبعه
- عيش لبنانى
الخطوات
الطريقه نخلط اللحمه مع البصل والفلفل والبهارات والسمنه نفتح العيش اللبنانى فتحه صغيره منفصلهمش عن بعض وندهن العيش بالسمنه من جوا وبره ناخد قطعه من خليط اللحم ونفردها جوا العيش فرد رفيع ونضغط عليه كويس بأيدينا نخلص كل الكميه اللى معانا ونشويه على الفحم ونقلبه كل شويه لحد ماياخد اللون الحلو ونقطع كل رغيف الى ٤ أرباع ويقدم مع المخلل والبطاطس المقليه جربوه هيعجبكم جدا واللى معندهاش شوايه للفحم تشوف أنا استخدمت إيه فى فيديو الوصفه على قناتى على اليوتيوب إسمها أحلى واسهل مع ساره best and easiest with sara
