جوانا خارج المقبرة بقلم مال الشام الجزء الثاني
جوانا خارج المقبرة بقلم مال الشام الجزء الثاني
الجزء الخامس
وشافت شوفة ما بتحملها مخلوق
كان في وحده لابسه اسود .. كتافها مكشوفة وضهرها مسلخ ومكشوف .. شعرها اسود طوييل
ومغطي وشها .. وعم تغني .. وماسكة بايدها تهاني ..
ميس انربط لسانها وما عاد قدرت تنطق ولا تتحرك .. كانت عم تتفرج وعيونها ما عاد رمشو
بعدين بلشت البنت الي جوا تعبي البانيو مي .. و ميس عم تشوف بنتها بين ايدين هديك الي جوا الحمام
عم تغنيلها .. وصوت المي عم يعلى …بلش البانيو يتعبى مي .. صارت مي تفيض وتنزل على ارض الحمام
كانت ميس مو قادرة تصرخ ولا تعمل اي شي .. بس قلبها عم يرجف وهي شايفه بنتها بين ايدين مخلوقة غريبة وخايفه تعمل اي شي
لوقت ما التفتت البنت الي جوا على الباب ..
و رفعت شعرها عن وشها ..
رفعت جزء بسيط .. وشها كان ابيض رمادي … العروق فيه ظاهرة وفيه دماميل و ديدان ..
ابتسمت وشافت ميس واقفه عند الباب ..
رجعت ميس لورا هي وعم تبكي و ضلو عم يتطلعو ببعض
بعدين شافتها ميس وهي عم تحط بنتها ببنايو المي وعم تدفشها لتحت لتغرقها بالمي
ركضت ميس عالحمام وفتحت الباب .. ما قدرت تقرب لأن المنظر كان كتير بشع
صرررخت وهي عم تبكي : جوانا .. جوانا لأ .. لأ اتركي بنتي للللللأأأأأأأأأأأأأأ
طلعت جوانا البنت من المي وكانت تهاني عم تبكيييييي و وشها احمر من كتر البكي
ميس وهي عم ترجف : اتركيها .. اتركي بناتي
قربت جوانا لعند ميس و البنت بايدها .. قعدت عالأرض مواجها و حطت تهاني بحضن ميس
ورفعت شهر عن وشها .. كانت قريبه كتير .. كتير قريبه من وش ميس ..
عيونها كبار ولونهن ابيض .. و الدود عم يطلع من وشها و فيه دماميل و قيح .. وريحتها بشعه كتير
مال_الشام
اتطلعت بعيون ميس .. وبلش يتشقق وجه ميس وصار ينزف دم بس من الخوف ما كانت حاسة بالوجع
ما كانت حاسة بأي شي ..
كانت يارا جايه عالحمام .. واول ما فتحت الباب .. اختفت جوانا ..
يارا : ماما؟
ما ردت ميس كانت لسه مرعوبة وخايفه كتير وتهاني عم تبكي بين ايديها
يارا قربت من امها و دقرتها على كتفها : ماما شو عم تعملي هون
التفتت ميس على بنتها وكان وشها كلو عم ينزف وفيه جروح .. و حطت راسها على كتف يارا .. وما عاد تحركت
وبس شافت يارا هاد المنظر .. صرررخت بأعلى صوتها ..
صحي جابر واجا على صوت يارا الي ما استرجت تتحرك بنوب .. وشاف هاد المنظر
كان وش ميس على كتف يارا وعم ينزل منو دم .. ..
وتهاني بعدها بحضن ميس و يارا عم تصرخ وترجف ..
ركض مسك ميس وصار يصحيها بس ما صحيت بنوب و يارا حملت اختها وركضت على غرفتها و سكرت الباب ..
حمل جابر مرتو و قام فيها عالصالون .. حط راسها بحضنو وكان مصدوم .. كان منظر بشع كتير و حاول يمشف الدم الي عم ينزل من وشها..
قام ورا بناتو و حاول يفتح الباب كان مسكر ..
جابر : ميس افتحي الباب .. ميس افتحيلي
وما كانت ترد عليه بنوب ..
بس كان صوت تهاني جوا عم تبكي كتير
مال_الشام
جابر : بابا لا تخافي ماما طابت تعي اطلعي شوفيها
كمان ما ردت عليه ..
خاف كتير و اضطر يكسر الباب .. بلش يدفش الباب ويضربو .. لوقت ما انكسر .. وانفتح
لقى تهاني على تخت يارا عم تبكي .. وما شاف يارا وين
صار يدور هون وهون بس ما لقيها بولا مكان بالغرفة .. بعدين اتطلع من الشباك ..
جابر : الشباك ليش مفتوح !! قرب من الشباك وتطلع ولقى يارا عم تركض على جهة المقبرة
#جوانا_خارج_المقبرة_بقلم_مال_الشام
الجزء السادس
طلع متل المجنون من البيت و شغل السيارة وطلع على طريق المقبرة .. صارت يارا قدام عيونو وعم يزمرلها وياشرلها وما كانت توقف
وقف السيارة ونزل ركض وراها ومسكها قبل ما تفوت على المقبرة ..
كانت عم تصرخ وتبكي وتقلو ( جوانا بدها يااااااااني … جوانا بدها ياااااااااني اتركنييييييييييييييي اتركنييييييييييي )ما كان مستوعب شي
اخد بنتو غصب عنها حطها بالسيارة ورجع فيها عالبيت .. قفل باب البيت وكل الشبابيك و اتصل على اخوه يجيب دكتور فوراً واتصل على امو لتجي
تشوف البنات ..
قلو اخوه انو هلا مستحيل اي دكتور يجي ولازم يستنو للصبح بس رح يوصلو امو
بالفعل بعد نص ساعه وصلت ام جابر و دقت الباب متل المجنونة وهي مو عارفه شو صاير مع ابنها
اتاكد جابر انو امو الي على الباب وفتحلها ..
فاتت ولقت جابر رابط بنتو يارا عالتخت بحبل و ميس نايمة و وشها على الجهة التانيه
ام جابر : ليش هيك عامل ببنتك ؟ شووو في
جابر وهو عم يبكي : ميس
مال_الشام
ام جابر : شبها ؟
جابر ما قدر يحكي شي .. كان خايف كتير و عم يرجف
ام جابر : لك شبها احكي احكي ..
راحت لعند ميس وصارت تصحيها وميس ما عم تتحرك بنوب ..
شدتها ام جابر : لك اصحي فهميني شو في
و صار وشها للجهة التانيه .. شافت ام جابر وش ميس كيف مشوه .. و ما عاد قدرت تحكي ولا شي ..
ام جابر : مين عمل بمرتك هيك
جابر قام وهو يصرخ كأنو مو طبيعي : انتي السبب انتي السبب
ام جابر : انا شوووو عملت شو عملت
جابر : انتي بتعرفي حالك شو عملتي .. ازا بصير شي مرتي ولبناتي ما رح ساحك ابداً
قعدت ام جابر وصارت تبكي وهي حاسة بالذنب .. ضلهن على اعصابهن خايفين وجابر حكى لامو
كل شي صار .. لوقت طلوع الضو .. واول ما طلعت الشمس ..
صحيت ميس … وكان جابر وامو بعدهن قاعدين
ميس : اخ راسي
ركض جابر عليها وحضنها : سلاااامتك سلامتك
ميس حطت ايدها على وشها : موجوعه كتير .. كتير يا جابر
وبعدين تزكرت بنتها ..
ميس : تهاني وين … تهاني ويييييييييييييين
ام جابر ركضت جابت البنت واعطتها ياها ..
صارت ميس تبكي و تضم البنت لحضنها
ميس : جابر ما رح تسدء الي صار معي
جابر : انا فهمت كل شي .. بس انتي لازم تسمعيني منيح
ميس : شو في ؟
#مال_الشام
ام جابر قعدت وصارت تبكي
ميس : لك شو في شبكون
جابر: كل شي عم يصير بسببنا
ميس : كيف يعني ؟
جابر : انا … انا وامي السبب
ميس : انا ما عم افهم شي
ام جابر : انا كان بدي تفرحي بولد .. ما كان اصدي يصير هيك
جابر : امي … عملت سحر مشان خلفتك تصير اولاد .. وشكلو الي عملت عندها صاحبة سحر اسود
دورنا عليها كتير وما عاد لقينالها اثر .. انا اسف .. انا اسف من كل البي
انا ندمت فوراً وطلبت من امي ما تعمل شي بس كان الوقت رايح .. سامحيني
ميس: شو يعني ؟ يعني الي عم يصير فيني وببناتي بسببكون انتو ؟
جابر ما عرف شو يحكي
ام جابر : المشعوذة طلبت مني خصلة من شعر وحده من بناتك .. اخدتلها خصلة شعر يارا
و عملت عليها سحر ما بعرف شو هو .. وبعدين قالتلي ادفنو بأي مقبرة .. جنب قبر طاهر
وانا ..انا
ميس صارت تعيط عليها : لك انتي شو ؟؟؟؟ انتي شوووووووووووو ؟؟؟؟
انتي شيطانة … كيف عملتي هيك ببنتي …
ركضت ميس على بنتها يارا ولقتها مربطة .. كانت بدها تفك الحبال بس مسكها جابر
جابر : لا … لا تفكيها
ميس : بدكن تقتلو بنتي مو ؟ ما رح اسمحلكن … ما رح اسمحلكن
جابر : لا لا .. لا تجني يا ميس .. البنت كانت امبارح عم تركض عالمقبرة وتقلي جوانا بدها ياني
ما فهمت عليها شي و خايف تغافلني وترجع تروح … مشانها خليها هيك مربوطة
قعدت ميس وهي تعبانه كتير وحطت ايدها على راسها وصارت تتزكر ليلة امبارح
ميس : جوانا
جابر : شو قلتي ؟
قامت ميس عالحمام بدها تغسل وشها وجابر قعد مع امو ليلاقو حل
و سمعو صراخ ميس
الجزء السابع
ام جابر : شو صاااار
جابر : المراية … مراية الحمام
ركضو عالحمام ولقو ميس واقفة قدام المراية و عم تطلع فيها وتقول لا هي مو انا
هي مو انا … هي مو انا .. لا .. لااااااااا
فات جابر لفها لحضنو و طلعها وهي عم ترجف وتبكي وتقول هي مو انا
شربوها مي و صارو يهدوها
ام جابر: بنتي هي جروح بسيطه لا تخاافي لا تخافي
ميس : انا مو بنتك فهمانه .. انا مو بنتك.. جوانا رح تاخد روحك
جوانا بدها دم نجس .. ما بدها دم طاهر
ما بدها دم طاهر … انا وبناتي دمنا طاهر وانتي دمك نجس رح تاخدك انتي
رح تاخدك انتي يا دجالة رح تاخدك انتييييييييييي
اعطاها جابر دوا منوم ونامت جنب يارا لانها كانت كتير خايفه عليها
وام جابر كمان كانت كتير خايفه ومرعوبة
قعد جنبها جابر وما قدر يشوف امو بهي الحالة وحاول يخفف عنها
جابر : اهدي .. اهدي ما رح يصير شي .. ميس تعبانه
ام جابر : مين جوانا ؟
جابر : ما بعرف بس رح حاول اعرف
ام جابر : كيف ؟
جابر : انتي وين دفنتي خصلة شعر يارا ؟ عند اي قبر
ام جابر : بالمقبرة المهجورة هي .. كنت خايفة .. تالت قبر لقتو دفنت الخصلة فيه وهربت
جابر : المقبرة هي ؟؟؟؟؟؟؟؟؟؟؟؟
ام جابر : ايه .. هي
تكهرب جابر وما عاد قدر ينطق بأي حرف ..
ام جابر : احكي شو في .. احكي
جابر : ممكن ميت يطلع من قبرو ؟
ام جابر : ما فهمت
مال_الشام
جابر : ولا انا .. مو فاهم … بس رح افهم كل شي
طلع جابر من البيت وقفل الباب على عيلتو واتصل بأخوه ليروح لعندهن ..
راح على المقبرة فوراً وقف السيارة ونزل .. صار يدور على تالت قبر ..
وقف عندو وقرأ الشاهد
( جوانا عاطف السيد )
بس شاف الأسم صار يرجف … تغير لون وشو و رجليه ما عاد حملوه
وقع عالأرض وصار يزحف لورا مشان يطلع من المقبرة
واول ما بعد شوي عن القبر وقف وهرب لبعيد .. ركض بكل قوتو ركب السيارة وبعد اكتر شي بيقدرو عن المقبرة
جابر :كيف ؟ .. شو بدها ما ؟ .. شو بدها منا شو بدها منا
وصار يبكي متل الأطفال الصغار .. ضل ساعات بسيارتو ما عم يعرف شو يعمل وبعدين تزكر شغله
جريمة القتل الي صارت بهي المقبرة . معقول في علاقة بينها وبين الي عم يصير ؟!
طلع الجوال واتصل برفيقو بالشرطة .. وطلب منو يعرف اسم الرجال الي قتل مرتو بهي المقبرة من عشر سنين
بعد ترجي و رشاوي قدر يأمنلو العنوان وبعتلو ياه
حرك جابر السيارة وطلع على العنوان الي بعتلو ياه رفيقو
اسم الرجال سالم ..
وصل على حارتو وسأل عن بيتو وين صاير بالضبط
كان بدو يسأل الرجال ازا اسم مرتو جوانا او لأ .. بدو يعرف تفاصيل عنها اكتر ليعرف شو بيعمل
غابت الشمس و كان جابر كل شوي يتصل على امو يطمن على ميس والبنات
قبل ما ينزل من السيارة رجع اتصل عليهن وقلهن انو ربع ساعه ورح يجي عالبيت وما يخافو بنوب
بعدين نزل ودق باب البيت …
انفتح الباب
جابر : سالم ؟ … احم احم … في حدا ؟
ما حدا رد عليه بنوب ..
جابر صار يحاكي حالو : طيب مين فتح الباب ؟ شو هالكسل هاد فتح الباب وفات بدون ما يسأل
طيب فوت ولا لأ ؟
خلص يا جابر هلا ما بتقدر ترجع لازم تفهم كل شي ..
مال_الشام
فات جابر عالبيت .. وضل عم ينادي وما حدا عم يرد عليه
كان بيت صغير غرفتين وصالة ومطبخ وحمام .. كان معتم و مرطب كتير كتير
صار يسعل جابر من الرطوبة .. وبلش يشم ريحة عفن وحس حالو بدو يستفرغ ..
فتت عالصالة كانت مكركبة كتير ..
جابر : اخ سالم انا اسمي جابر .. انا بدي اسألك عن ..
قبل ما يكمل حكيو شاف في ايد .. ايد طالعة من الغرفة الي قبالو ..
جابر : سالم ؟ شو الي عم يصير …
قرب وهو خايف شوي .. و مسك الايد وصار يحركها
جابر : اخ سالم .. اخ سالم انا
شد الايد .. و طلعت ايد مقطوعة لبني آدم
جن جابر من المنظر و الأيد الي ماسكها لبني ادم
زتها و طلع من البيت يركض وهو مرعوب كتير .. ركب السيارة وضل عم يسوق
ودقات قلبو عم تتسارع لدرجة خاف تصير معو جلطة .. وقف السيارة جنب مستشفى
صارت الساعه قريب 10 بالليل و لسه جابر حاسس بتعب و دوار قوي… وكل شوي يفتح شباك السيارة يستفرغ…
حس بنعس وتعب كبير و كان خايف على عيلتو…
غلبو التعب… و غفي…
كان مغمض عيونو و حاسس انو معلق بين السما و الارض..
بلش يصحى و يستجمع حالو ليتحرك…
و فجأة ضربة قوية ضربت على شباك السيارة… انتفض جابر و صار نفسو يتسارع…
التفت لقدام و ورا و ما شاف حدا…
رجع اندق دقه قويه على شباك السيارة…
الجزء الثامن
تطلع جابر عالشباك… شاف رجال كبير بالعمر… اسمر و الو دقن بيضا…
خاف يفتح الشباك…
قرب الرجال من الشباك وهو معصب و صار يصرخ: انا حارس المستشفى حرك سيارتك…
حس بشوية امان و حرك السيارة وهو عم يحاول ينظم نفسو..
تطلع على الساعه لقاها عشرة… اتصل عليه رفيقو الشرطي الي اخد منو عنوان سالم… خاف جابر يرد لان حس حالو رح يتلبس جريمة قتل… بعدين فكر و رد و حكى بشكل طبيعي
جابر: اهلا اهلا سيادتك
عدنان: حبيبي يا جابر… والله اتصلت اعتزر منك
جابر: خير ليش؟
عدنان: لك الزلمه الي اعطيتك عنوانو من شوي عرفت انو الو خمس شهور متخفي وما حدا ملاقيلو اثر… لهيك لا تعزب حالك و تروح
جابر: كيف يعني؟ انتو رحتو على بيتو؟
عدنان: ايه هي المقدم وليد عم يقلي اجاهم بلاغ و راحو من فترة وما لقو اي اثر
جابر: متاكد؟
عدنان: لك شبك يا زلمة
شرد جابر شوي وهو حاسس حالو خلص رح يجن
عدنان: لك جابر… الو
جابر: ايه ايه قلي
عدنان: انت شو كان بدك منو
جابر: اسم مرتو… بدي اسم مرتو الي قتلها لان مرتي عم تقول هي يمكن رفيقتا الي قاطعتا من زمان و انا بدي طمنها
عدنان: خليك معي… الملف بايدي… سهام… سهام الوارد… تم نحرها على قبر جوانا السيد… و كمل عدنان قراءة المعلومات و جابر حس اعصابو ما عاد متحمله
عدنان: شبك سكتت لتكون عنجد رفيقة مرتك؟
جابر: لا لا… لا… بس بدي اسالك… جوانا السيد مين بتكون؟
عدنان: ساحرة ههههههه… هي مشعوذة داهمت الشرطة بيتها ليعتقلوها و قتلت حالها… ليش بتسأل؟
سكر عدنان الخط وزاد سرعة السيارة لان حس انو عيلتو مو بامان ابداً
#مال_الشام
اتصل على البيت ليتطمن على عيلتو… رن الهاتف كتير و ما حدا رد…
رجع اتصل ردت بنتو يارا و اول ما سمع صوتها انشغل بالو لانو وصاهن ما يفكو الحبل ابداً… حاول يحكي طبيعي
جابر: كيفها اميرتي
يارا كانت تحكي بصوت واطي كتيررررر: منيحة
جابر: ليش موطيه صوتك؟
ضحكت يارا
جابر: شو في
يارا: جوانا هون… هههه
و سكرت الخط… كان جابر عم يسوق و فقد السيطرة… ما عاد قدر يتحكم بالسيارة و انحرفت عن الطريق و وقع الهاتف من ايدو..
وقفت السيارة و حاول جابر يطلع منها… كان راسو عم ينزف دم…
دور عالتليفون… و اخدو و طلع بصعوبة و هو حاسس جسمو مكسر بس خوفو على عيلتو نساه كل وجعو…
قعد على زاوية الطريق و مسح الدم و اتصل على البيت مره تانيه… ما حدا رد…
صار يبكي و يصرخ بنص الشارع…
وهو مو عارف شو يعمل بحالو… كل ما توقف سيارة يأشرلها و يركض بين السيارات متل المجنون و الكل يخاف من منظرو و يتركوه…
صار يركض بالشارع و يحاول يوقف على رجليه
لوقت ما مرقت سيارة… و وقفتلو
طل الشب من الشباك… و حكى مع جابر..
السائق: له له له شو صاير معك
ركض جابر عليه و صار يترجاه يوصلو هالبيت ويقلو انو عمل حادث و عيلتو بخطر
السائق: طيب… اطلع…
مال_الشام
حاول جابر يفتح الباب ما فتح معو
جابر: افتحلي الباب
السائق: بس في شرط بالاول
جابر : شو؟
السائف: اشلح ساعتك و اعطيني ياها…
شلح جابر الساعه و زتها عليه
السائق: و الجوال…
رمالو جابر الجوال
السائق: اشلح تيابك
جابر: بكفي… خلص بكفيييييي
السائق: ايه انت حر… يلا انا ماشي
جابر: خلص خلص
شلح جابر تيابو و اعطاه ياهن…
السائق: ههههههه مجنون… يلا سلام
مسك جابر ايدو و صار يبكي و يترجاه و يوعدو يعطيه الي بدو ياه.. حس السواق انو جابر مضطر كتير و حب يستغل الوضع
السائق: اطلع فتحت الباب
جرب جابر يفتح الباب و لقاه مفتوح فعلاً
جابر: ضلك ماشي لقدام و لف عالدوار وبعدين عاليمين بتوقف
حط السواق سكينة على رقبة جابر و قلو اسمع انا رح وصلك و بس نخلص المشوار بتدفعلي الرقم الي بطلبو
بعد جابر السكينة و قلو بعطيك الي بدك ياه امشي…
كانو ماشيين و اجا السواق اتصال و رد عليه
السائق: اهلين معلم… عجبتك البنت؟ ههههههه تتهنى ياهمي… انت بلبقلك الفخامة و الرواق… لا لا ما تخاف هي متلها متل الي بعتلك ياهن من قبل بجيبهن من الميتم يعني ما الهن اهل و لا في حدا يحاسبنا… المهم دخيل عينك ابعتها مع هشام لان بتلزمنا… يلا بمرق بكرا باخد الحساب… سلام يا boss
كان جابر عم يسمع و حاسس نار بقلبو بس هلا كل همو يوصل لبيتو… بالفعل وقفو قدام البيت…
كان الباب مفتوح… نزل جابر عم يركض و السواق عم يعيط عليه: تعال لهون جيب المصاري
تجاهلو جابر و فات عالبيت… اول ما فات لقي يارا قاعده بالارض عم تلعب بالسيارة… و تهاني نايمة عالكنباية جنبها
فات عالبيت و صار يركض بين الغرف و ينادي:
اميييييي
ميييييس… و ينكووووون…
يارا: بابا هن راحو…
نزلت الكلمة متل الصاعقة على جابر…
قرب من بنتو و تطلع بعيونها كأنو عم يترجاها
جابر: وين راحو؟
الجزء التاسع
يارا: راحو لعند جوانا
و رجعت تلعب بالسيارة
مسكها جابر و رجع يسالها وصوتو مخنوق و تعبان: وين يعني؟
يارا: بدك اخدك لعندهن؟
جابر: ايه… تعالي…
شال تهاني و مسك يارا بايدها وحس انو أكتر مكان امن الهن هو معو… طلعو لبرا و كان السواق لسه واقف
السائق: جبت المصاري؟
حط جابر بناتو بالسيارة و طلع من قدام جنب السواق الي عرف انو كل همو المصاري
جابر: رح اعطيك خمس تالاف اتفقنا؟
فتح الشب تمو و انصدم: خمسه على شو!! ليكون بدك امنلك بنت متل الي امنتها للمعلم… بس هي سعرها اكتر
جابر وهو معصب: امشي…
السائق: لوين؟
جابر: انت امشي و انا بدلك عالطريق و بعدا منرجع و بعطيك مصاريك
السائق: و ازا لعبت بديلك بقتلك بناتك الحلوين
مسكو جابر من رقبتو و عيونو عم تضرب شرار
السائق: خلص خلص رح امشي
مشي و يارا تقول لابوها وين يروحو و جابر يقول للسواق..
بعدين جابر انتبه انو هاد طريق المقبرة..
التفت على بنتو لقاها عم تضحك و مبسوطه… و خاف يقول للسواق انو هاد طريق المقبرة..
بلشت القبور تبين… وقف السواق السيارة و اتطلع بجابر لقاه عم يتصبب عرق و عم يرجف
السائق و الخوف فات لقلبو : انت وين جايبنا؟!
جاوبت يارا وهي مبسوطة… : لعند جوااااانااااا
رجع السائق سأل جابر: شو في؟
جابر حاول يلفلف القصة: متل ما قالتلك البنت… لعند جوانا
هدول بناتي ايتام ماتت امهن من كم يوم و ما بيرضو ينامو لاخدهن على قبر امهن… يلا الله يرضى عليك انا نعست خليني اخدهن على قبر امهن و ارجع حط راسي و نام..
السواق ما اقتنع… كان خايف و متردد…
جابر: لك خلصنا بئى هلا منرجع و بتاخد 5 آلاف بتعمل فيهن الي بدك ياه… يلا امشي..
شغل السيارة و كملو طريقهن و بس صارو قدام المقبرة نزل جابر و قال ليارا تضل عند اختها تهاني و ما تنزل من السيارة بنوب
نزل جابر و لمح ميس واقفه عند القبر الي اجا عليه الصبح!!
قبر جوانا… صار يركض متل المجنون و يصرخ: ميس تعي لهون
مييييس…
و ميس ما التفتت عليه ابداً… هيك لوقت ما وصل لعندهن..
كانت ميس واقفه و امو عم تحفر حوالين القبر
جابر: شو عم تعملو؟
ميس: بدنا نطلع خصلة شعر يارا
مسك جابر امو و صار يحاول يقومها و هي ما ردت عليه ابداً و لا تجاوبت معو
جابر: طيب انا رح احفر من الجهة التانيه
لف على الزاوية التانيه من الثبر و صار يحاول يلاقي الخصلة..
بعد شوي اجا ضو من بعيد…
كان السواق و وراه يارا و تهاني…
بس شافتهن ميس خافت و ركضت على بناتها و ضمتهن
ميس: جابر كيف بتجيب البنات معك لهون!!
جابر كان عم يحفر: يارا قالتلي انتو وين
ميس: بس نحنا ما قلنا ليارا اننا جاين لهون!! …
مال_الشام
#جوانا_خارج_المقبرة_بقلم_مال_الشام
تابع الجزء التاسع (9(
وقف جابر حفر و تطلع بميس و قلها بس يارا هي الي جابتني لهون … و امو كملت و بعدين قالت لقيت الخصلة تبع شعر يارا و صارت تصرخ لقيتها …
سحبت ميس بنتها تهاني من ايدين يارا… و بعدت عنها لورا و الكل كان عم يتطلع بيارا بخوف و حذر
السائق: الله لا يوفقكن انتو شو عم تعملو هون…
قربت يارا من السائق و مسكت ايدو…
يارا: جوانا ما بدها دم طاهر… جوانا بدها دم نجس…
جابر: يارا
السائق: شو عم يصير هون؟
ام جابر: خلونا نطلع من هون…
يارا: جوانا جايه… جوانا وصلت… جوانا هون…
جابر: امي ميس اركضو عالسيااااارررررة
و بغمضة عين الكل ركض حتى السواق بس فجأة وقف مكانو و صار يصررخ
جابر وقف و اتطلع عليه: شووو عم تعمل
تعاااال
ضلو يصرررخ…. كانت في ايد طالعه من الارض و ماسكتو… بلشت تسحبو لتحت لعندها وهو يصرخ
يارا: جوانا اخدت الي بدها ياها… الدم النجس..
و غابت يارا عن الوعي…
حملها جابر و تركو السواق و ركضو على السيارة شغلوها و طلعو على بيت اهلو لجابر… نزلهن جابر بالبيت و راح اخد السيارة على مكان بعيد صفها فيه و رجع عالبيت مع تكسي تانيه..
ضلت يارا نايمة للصبح… و بس صحيت كانت فاقدة الذاكرة لكل شي صار تماماً.. حتى ما كانت عم تتذكر مين جوانا!! ..
#مال_الشام
ضلو شهر ساكنين ببيت اهلو لجابر و بلش وشها لميس يتعافى شوي شوي و ما عاد حسو بأي شي عم يصير… صارت كل حياتهن طبيعيه و فهمو انو السحر خلا شر جوانا يرجع من جديد لياخد ناس وسخين و دمهن نجس متل سالم و السائق الي اختفى و ما حدا لقالو اثر متل ما اختفى سالم تماما… حاول جابر يقنع ميس يرجعو على بيتهن بس ميس كانت كتير خايفه و رفضت ترجع لهنيك بأي شكل .. ضلو سنتين و نص ساكنين عند ام جابر الي كانت تخدم ميس بعيونها لتعبر عن ندمها على الشي الي عملتو!
بعد هي الفترة طلعت ميس حامل… و قدرو يعرفو جنس المولود… كانت بنت بس ما حدا زعل بالعكس كانو كتير مبسوطين…
جاب جابر عمال و رجعو رممو البيت و جددوه دهنو و فرشو من جديد و غير كل الديكور… و عملها مفاجئة لميس و انتقلو على البيت ليبلشو من جديد حياة جديدة…
خلفت ميس و سمت بنتها رحمة… و كانت عم تتمشى فيها و تغنيلها و تهاني كبرت و صارت تحكي و تلعب و تركض…
كانت يارا عم تتفرج عالتلفيزون و تهاني عم تلعب بالسيارة و تعمل اصوات مزعجة… ( ببيييييب بووووف… بيييييب)
ميس: تهاني بكفي وجعتي راسي…
ما ردت عليها تهاني بنوب…
قامت ميس و اخدت السيارة و ضربتها بالحيط…
ميس: لما احكي معك بتردي فهمانة
نزلت دمعت تهاني و صارت تبكي
ميس: روحي على غرفتك راسي عم يوجعني..
تهاني: الدم النجس رح يحاسبك… بتشوفي…
و راحت تهاني تركض على غرفتها… و ميس رح تموت خوف من الي سمعتو… التفتت على يارا وهي عم ترجف
ابتسمتلها يارا ابتسامة مخيفة و قالتلها ( جوانا رجعت)
#تمت