بيتزا رول بالصور ولا احلا من هيك وطعمة يميم
بيتزا رول بالصور ولا احلا من هيك وطعمة يميم
المقادير
- ٧ كاسات طحين
- ٣ معالق ونص كبار خميرة فورية
- ٣ معالق كبار سكر
- معلقة صغير ملح
- معلقة صغيرة حبة بركة
- كاستين وربع مي دافية
- زيتون
- جبنة
- فليفلة خضرا
- للصلصة
- بصلة مفرومة ناعم
- تلات حبات بندورة
- معلقة دبس فليفلة
- معلقة دبس بندورة
- رشة ملح وفلفل
- حبة بركة وسمسم
الخطوات
يسعد كل اوقاتكن ياغاليات اليوم جبتلكن بيتزا الرول طعم ولااطيب يلا نبلش
بسم الله الرحمن الرحيم
منخلط الطحين والسكر والخميرة وحبة البركة ومننزل عليهن بالمي انا اخدت معي كاستين وربع منتركا ترتاح ساعة او اكتر افضل
بهالوقت منجهز الصلصة
منقلي بصلة ومنحط عليها بندورة والدبس فليفلة والدبس بندورة ليغلو شوي منحط الملح والفلفل وحبة البركة والسمسم ومنخلط دقيقتين ومنطفي الغاز منتركا لتبرد
منقسم العجينة لتلات اقسام
منفتحو شكل مستطيل ومنحط الصلصة والفليفلة شرايح والزيتون والجبنةومنلف شوي شوي ليصير رول بخيط منبلش نقطع حسب حجم الي انتو بدكن ياه مندهن صينية بزيت ومنصفن وعالفرن يكون حامي شي عشر دقايق مابتاخد وقت انا عملت شوية فطاير جبنة وسبانخ
وانشالله الف صحة
انشالله تكون عجبتكن
