أحفاد إبليس الحلقة الثانية والأخيرة
أحفاد إبليس الحلقة الثانية والأخيرة
ﺍﻟﺠﺰﺀ ﺍﻟﺮﺍﺑﻊ
ﻗﻴﺲ ﻛﺎﻥ ﺷﺐ ﻃﻮﻳﻞ … ﺣﻨﻄﻲ … ﻛﺘﺎﻓﻮ ﻋﺮﻳﻀﻪ ﺑﺲ ﻧﺤﻴﻒ
ﺑﺲ ﺷﻔﺘﻮ ﺑﺮﻗﻮ ﻋﻴﻮﻧﻲ … ﻣﺎ ﻗﺪﺭﺕ ﺍﺗﻄﻠﻊ ﻓﻴﻪ ﻛﺘﻴﺮ … ﺍﺑﺘﺴﻤﻠﻲ ﻭ ﻛﺎﻧﺖ ﺳﻌﺎﺩﺗﻮ ﻭﺍﺿﺤﺔ …
ﻧﺰﻟﺖ ﺭﺍﺳﻲ ﻭ ﻛﻨﺖ ﻣﻠﺒﻜﺔ ﻛﺘﻴﺮ
ﻗﻴﺲ : ﺍﻧﺎ ﺑﺼﺮﺍﺣﺔ ﺣﻜﻮﻟﻲ ﻋﻨﻚ ﺍﻧﻚ ﺣﻠﻮﺓ ﺑﺲ ﻣﺎ ﺗﻮﻗﻌﺖ ﻛﻞ ﻫﺎﻟﺌﺪ …
ﺍﻣﺎﻧﻲ : – – –
ﻗﻴﺲ : ﺍﻧﺴﻪ ﺍﻣﺎﻧﻲ ﺍﻧﺎ ﻣﻘﺪﺭ ﺧﺠﻠﻚ ﻭ ﻣﻮﻗﻔﻚ ﺑﺲ ﺣﻘﻚ ﺗﻄﻠﻌﻲ ﻓﻴﻨﻲ ﻣﻨﻴﺢ ﻭ ﺗﻘﺮﺭﻱ ﺍﺯﺍ ﻣﻮﺍﻓﻘﻪ ﻋﻠﻲ ﺍﻭ ﻷ …
ﺭﺟﻌﺖ ﺗﻄﻠﻌﺖ ﻓﻴﻪ ﻭ ﻣﺎﺑﻌﺮﻑ ﻛﻴﻒ ﻗﻠﺘﻠﻮ ( ﺍﻳﻪ ﻣﻮﺍﻓﻘﻪ ) ﻭ ﻃﻠﻌﺖ ﻣﻦ ﺍﻟﻐﺮﻓﻪ ﺑﺴﺮﻋﻪ …
ﻣﺎﺑﻌﺮﻑ ﻋﻠﻰ ﺍﻱ ﺍﺳﺎﺱ ﻭﺍﻓﻘﺖ ﺑﺪﻭﻥ ﻣﺎ ﺍﻋﺮﻑ ﻋﻨﻮ ﺍﻱ ﺷﻲ ﺍﻭ ﺍﺗﺎﻛﺪ ﺷﻮ ﻫﻲ ﺍﺧﻼﻗﻮ ﻭ ﻛﻴﻒ ﻋﻼﻗﺘﻮ ﺑﺮﺑﻮ … ﺑﺲ ﻛﻨﺖ ﻃﻔﻠﻪ ﺑﺪﻫﺎ ﺗﻬﺮﺏ ﻣﻦ ﻣﺄﺳﺎﺗﻬﺎ
ﻭ ﺻﺎﺭ ﻗﻴﺲ ﻓﺎﺭﺱ ﺍﺣﻼﻣﻲ ﻭ ﺍﻟﻤﻨﻘﺬ ﺍﻟﻲ ﺭﺡ ﻳﺨﻠﺼﻨﻲ ﻣﻦ ﺣﻴﺎﺗﻲ ﺍﻟﺤﺎﻟﻴﺔ …
ﺑﻨﻔﺲ ﺍﻟﻨﻬﺎﺭ ﺍﻟﻤﺴﺎ ﺑﻌﺘﻮ ﺧﺒﺮ ﺍﻟﺠﻤﺎﻋﻪ ﺍﻧﻮ ﺑﺪﻫﻦ ﻣﻮﻋﺪ ﻟﻜﺘﺐ ﺍﻟﻜﺘﺎﺏ .. ﻣﺎ ﻛﺎﻥ ﻓﻲ ﺣﺪﺍ ﻣﻌﺘﺮﺽ … ﻭ ﻣﺎ ﻛﺎﻥ ﻓﻲ ﺍﻱ ﻣﺸﻜﻠﺔ … ﻭ ﺗﺤﺪﺩ ﻣﻮﻋﺪ ﻛﺘﺐ ﺍﻟﻜﺘﺎﺏ …
ﻣﺎ ﻛﻨﺖ ﻣﺴﺪﺋﺔ ﺍﻧﻮ ﺭﺡ ﺍﺻﺤﻰ ﻣﻦ ﻫﺎﻟﻜﺎﺑﻮﺱ …
ﻳﺎ ﺍﻟﻠﻪ ﺷﻮ ﺑﺸﻊ ﻣﺎ ﺗﻌﺮﻑ ﺷﻮ ﻳﻌﻨﻲ ﺍﻡ !! … ﺷﻮ ﺑﺸﻊ ﺗﺘﻤﻨﻰ ﺑﺲ ﺗﻔﻬﻢ ﻫﺎﻻﺣﺴﺎﺱ !!! ﻭ ﺍﻻﺑﺸﻊ ﻣﺮﺕ ﺍﻻﺏ ﺍﻟﻈﺎﻟﻤﻪ …
ﻛﻞ ﻟﺤﻈﺔ ﻛﻨﺖ ﻋﻴﺸﻬﺎ ﻣﻊ ﻗﻴﺲ ﻛﺎﻧﺖ ﺗﺤﺴﺴﻨﻲ ﺍﻧﻮ ﺍﻧﺎ ﻋﺎﻳﺸﻪ … ﻭ ﺗﻔﺎﺟﺌﺖ ﺍﻧﻲ ﻟﺴﻪ ﺑﻘﺪﺭ ﺣﺲ ﻭ ﺍﻓﺮﺡ ﻭ ﺍﺷﺘﺎﻕ … ﺑﺎﻟﻌﻜﺲ ﻛﺎﻥ ﻋﻨﺪﻱ ﻓﺎﺋﺾ ﻣﻦ ﺍﻟﻤﺸﺎﻋﺮ ﻭ ﺍﻟﺤﺐ ﺗﻔﺠﺮﻭ ﻣﻊ ﻗﻴﺲ …
ﺣﺒﻴﺘﻮ ﺑﺠﻨﻮﻥ …
ﻛﺎﻥ ﺍﻟﻮ ﺷﺨﺼﻴﻪ ﻭ ﻫﻴﺒﻪ … ﻛﻨﺖ ﺷﺎﻳﻔﺘﻮ ﺷﻲ ﻛﺒﻴﺮ ﻛﺘﻴﺮ … ﻭ ﺣﺘﻰ ﺍﻋﺘﺒﺮ ﺣﺎﻟﻲ ﻣﺎ ﺑﺴﺘﺎﻫﻠﻮ ﻭ ﺍﻧﻮ ﻫﻮ ﻛﺘﻴﺮ ﻋﻠﻲ …
ﺍﻟﺤﻠﻮ ﺍﻧﻮ ﻭﻓﺎﺀ ﻛﺎﻧﺖ ﺗﺎﺭﻛﺘﻨﻲ ﺑﺤﺎﻟﻲ ﻻﻥ ﺑﺪﻫﺎ ﺍﻟﺠﻮﺍﺯﺓ ﺗﺘﻢ …
ﻭ ﻣﺮﺕ ﺍﺑﻲ ﺗﺴﺎﻋﺪﻧﻲ ﻭ ﺗﻌﻠﻤﻨﻲ ﻛﻴﻒ ﺭﺗﺐ ﺣﺎﻟﻲ ﻭ ﻛﻴﻒ ﺍﻟﺒﺲ ﻣﺸﺎﻥ ﺗﺒﻴﺾ ﻭﺷﻬﺎ ﻣﻊ ﺍﻫﻞ ﻗﻴﺲ ﻻﻥ ﺣﻤﺎﻱ ﻛﺎﻥ ﺭﺟﻞ ﻗﺎﻧﻮﻥ ﻭ ﺍﻟﻮ ﻣﺮﻛﺰ ﻭ ﺍﻫﻤﻴﺔ …
ﺻﻔﺖ ﺍﻟﻤﺸﻜﻠﺔ ﻋﻨﺪ ﺍﺑﻲ ﺍﻟﻲ ﻣﺎ ﻛﺎﻥ ﻳﻬﻨﻴﻨﻲ ﺍﻧﺎ ﻭ ﻗﻴﺲ ﺑﺄﻱ ﻗﻌﺪﻩ …
ﻛﺘﻴﺮ ﻛﺎﻧﻮ ﻳﺘﻨﺎﻗﺮﻭ ﻻﻥ ﺍﺑﻲ ﻳﻨﺰﻋﺞ ﻣﻦ ﻗﻌﺪﺗﻨﺎ ﻟﺤﺎﻟﻨﺎ ﻭ ﻣﺎ ﻳﺴﻤﺤﻠﻮ ﻳﻄﻠﻌﻨﻲ ﻣﺸﺎﻭﻳﺮ ﺍﺑﺪﺍً ﻭ ﻟﻬﻴﻚ ﻣﺎ ﻗﺪﺭﺕ ﺍﻋﺮﻑ ﺷﻲ ﻋﻨﻮ ﺑﺎﻟﺨﺠﺒﺔ
ﻛﺘﺮﺕ ﺍﻟﻤﺸﺎﻛﻞ ﻭ ﺻﺎﺭ ﻗﻠﺒﻲ ﻋﻠﻰ ﺍﻳﺪﻱ ﺧﻮﻓﺎً ﺍﻧﻮ ﻫﺎﻟﺠﻮﺍﺯﺓ ﺗﺘﻔﺮﻛﺶ … ﺣﻜﻴﺖ ﻟﻘﻴﺲ ﺍﻧﻮ ﺧﺎﻳﻔﻪ ﻭ ﻭﻋﺪﻧﻲ ﻣﺎ ﻳﺼﻴﺮ ﺷﻲ ﻭ ﺣﺎﻭﻝ ﻳﺴﺘﻌﺠﻞ ﺑﺎﻟﻌﺮﺱ ﻟﻨﺘﺠﺘﺐ ﺍﻟﻤﺸﺎﻛﻞ .…
ﻭ ﺑﺎﻟﻔﻌﻞ … ﻗﺮﺑﻮ ﻣﻮﻋﺪ ﺍﻟﻌﺮﺱ ﻣﻊ ﺍﻧﻲ ﻣﺎ ﻛﻨﺖ ﺟﺎﻫﺰﺓ ﻣﻦ ﺍﻱ ﻧﺎﺣﻴﻪ … ﺑﺲ ﻭﺍﻓﻘﺖ ﻓﻮﺭﺍً …
ﺑﻌﻜﺲ ﺍﻱ ﺑﻨﺖ ﺑﺘﻄﻠﻊ ﻣﻦ ﺑﻴﺖ ﺍﺑﻮﻫﺎ … ﻣﺎ ﺯﻋﻠﺖ ﺍﻧﻮ ﺗﺎﺭﻛﻪ ﺑﻴﺖ ﺍﻫﻠﻲ … ﺑﺎﻟﻌﻜﺲ ﻛﻨﺖ ﺑﻘﻤﺔ ﻓﺮﺣﺘﻲ ﻭ ﺳﻌﺎﺩﺗﻲ ..
ﻣﻊ ﻗﻴﺲ ﺑﻠﺸﺖ ﺣﻴﺎﺗﻲ ﺑﻤﻤﻠﻜﺘﻲ ﺍﻟﺼﻐﻴﺮﺓ … ﻛﺎﻥ ﺭﻭﻣﻨﺴﻲ ﺑﻄﺮﻳﻘﻪ ﺟﻨﻨﺘﻨﻲ ﻭ ﺧﻠﺘﻨﻲ ﻛﻞ ﺍﻟﻮﻗﺖ ﻓﻜﺮ ﻓﻴﻪ ﻭ ﺑﺤﻜﻴﻮ ﻭ ﺑﺘﻌﺎﻣﻠﻮ ﻣﻌﻲ …
ﺍﻭﻝ ﺗﻼﺕ ﺍﻳﺎﻡ ﻛﺎﻧﺖ ﻋﻼﻗﺘﻨﺎ ﻃﺒﻴﻌﻴﻪ ﺟﺪﺍً …
ﺑﻌﺪﺍ ﺻﺎﺭ ﻓﻲ ﺗﻐﻴﺮﺍﺕ ﻭﺍﺿﺤﺔ ﺑﺘﻌﺎﻣﻠﻮ ﺍﻟﻲ ..
ﻛﺎﻥ ﻳﻀﻞ ﺳﻬﺮﺍﻥ ﻣﻊ ﺭﻓﻘﺎﺗﻮ ﻟﻮﻗﺖ ﻣﺘﺎﺧﺮ ﻣﻦ ﺍﻟﻠﻴﻞ … ﻭ ﺍﻧﺎ ﻟﺴﻪ ﻋﺮﻭﺱ ﻭﻣﻮ ﻓﻬﻤﺎﻧﻪ ﺍﺯﺍ ﻫﻴﻚ ﻃﺒﻴﻌﻲ ﺍﻭ ﻷ ..
ﺷﻮﻱ ﺷﻮﻱ ﺑﻠﺸﺖ ﻋﻼﻗﺘﻨﺎ ﺗﻘﺘﺼﺮ ﻋﻠﻰ ﺍﺳﺲ ﺍﻟﻌﻼﻗﺔ ﺍﻟﺰﻭﺟﻴﺔ … ﺑﺪﻭﻥ ﺍﻱ ﻋﻼﻗﺔ ﺍﺟﺘﻤﺎﻋﻴﻪ ﺍﻭ ﺗﻮﺍﺻﻞ …
ﻳﻌﻨﻲ ﻣﺎ ﻋﺎﺩ ﻗﻌﺪ ﺣﻜﻲ ﻣﻌﻲ ﻭ ﻧﺎﺩﺭﺍً ﻣﺎ ﺷﻮﻓﻮ … ﻟﻬﻴﻚ ﻛﻨﺖ ﻗﻀﻲ ﺍﻏﻠﺐ ﻭﻗﺘﻲ ﻋﻨﺪ ﺑﻴﺖ ﺍﻫﻠﻮ ﻷﻥ ﺑﻴﺘﻬﻦ ﺟﻨﺐ ﺑﻴﺘﻨﺎ ..
ﺩﺍﻳﻤﺎً ﻳﻀﻞ ﻣﻨﻌﺰﻝ ﻟﺤﺎﻟﻮ ﻭ ﺑﺲ ﺭﻭﺡ ﺍﺗﺤﺮﻛﺸﻮ ﻳﺼﻴﺮ ﻳﻌﻴﻂ ﻋﻠﻲ ﻣﺘﻞ ﺍﻟﻤﺠﻨﻮﻥ .. ﺑﻤﺮﻩ ﻣﻦ ﺍﻟﻤﺮﺍﺕ -:
*****
ﻓﺘﺖ ﻋﻠﻰ ﺍﻟﻐﺮﻓﻪ ﺍﻟﻲ ﻫﻮ ﻓﻴﻬﺎ ﻭ ﻛﺎﻥ ﻣﺎﺳﻚ ﻣﻮﺑﺎﻳﻠﻮ ﻭ ﻣﻮ ﺣﺎﺳﺲ ﻋﻠﻲ ﻟﻤﺎ ﻓﺘﺖ …
ﻟﻔﻴﺖ ﻣﻦ ﻭﺭﺍ ﺿﻬﺮﻭ ﻭ ﻟﻔﻴﺖ ﺍﻳﺪﻱ ﺣﻮﺍﻟﻴﻦ ﺭﻗﺒﺘﻮ ﻭ ﺍﻧﺎ ﻋﻢ ﺍﺿﺤﻚ .. ( ﺑﺤﺐ (… ﻣﺎ ﻛﻤﻠﺖ ﺍﻟﻜﻠﻤﻪ ﻟﻤﺎ ﺍﻧﺘﺒﻬﺖ ﺷﻮ ﺷﻔﺖ ﺑﻤﻮﺑﺎﻳﻞ ﺟﻮﺯﻱ …
ﻣﺎ ﻛﻨﺖ ﻣﺴﺪﺋﺔ ﻋﻴﻮﻧﻲ … ﺟﻤﺪﺕ ﺑﺄﺭﺿﻲ ﻭ ﻣﺎ ﻋﺎﺩ ﻧﻄﻘﺖ ﺷﻲ ..
ﺍﻟﺘﻔﺖ ﻋﻠﻲ ﺑﺒﺮﻭﺩ ( ﺷﻮ ﺑﺪﻙ؟ ﻛﻢ ﻣﺮﻩ ﻧﺒﻬﺖ ﻋﻠﻴﻜﻲ ﻣﺎ ﺗﻔﻮﺗﻲ ﻟﻌﻨﺪﻱ ﺑﻬﻞ ﻃﺮﻳﻘﺔ … ﺗﺎﻧﻲ ﻣﺮﻩ ﺑﺘﺪﻗﻲ ﺍﻟﺒﺎﺏ (!
ﻭ ﺭﺟﻊ ﻳﻜﻤﻞ ﻋﻠﻰ ﻣﻮﺑﻠﻴﻠﻮ …
ﺭﺟﻌﺖ ﺣﺎﻟﻲ ﻟﻮﺭﺍ ﻭ ﺍﻟﺤﻜﻲ ﻣﺎ ﻋﻢ ﻳﻄﻠﻊ ﻣﻨﻲ ..
ﻣﺎ ﻗﺪﺭﺕ ﺍﻋﻤﻞ ﺍﻱ ﺭﺩﺓ ﻓﻌﻞ ﺍﻻ ﺍﻧﻮ ﺍﻃﻠﻊ ﻣﻦ ﺍﻟﻐﺮﻓﻪ ﺑﻬﺪﻭﺀ ..
ﻗﻌﺪﺕ ﻋﻠﻰ ﺗﺨﺘﻲ ﻭ ﺍﻧﺎ ﻣﺎ ﻋﻢ ﺍﺳﺘﻮﻋﺐ !! ﻗﻴﺲ ﻛﺎﻥ ﻋﻢ ﻳﺘﻔﺮﺝ ﻋﻠﻰ ﺷﻐﻼﺕ ﻣﺤﺮﻣﺔ … ﻣﺸﺎﻫﺪ ﻭ ﻟﻘﻄﺎﺕ ﻭ ﻣﻘﺎﻃﻊ ﻭ ﺿﻞ ﻳﺘﺎﺑﻊ ﻓﺮﺟﺔ ﻗﺪﺍﻣﻲ …
ﺑﻌﺪ ﺳﺎﻋﻪ ﺍﺟﺎ ﻟﻌﻨﺪﻱ ﻭ ﻧﺎﻡ ﺟﻨﺒﻲ ﻛﺄﻧﻮ ﻣﺎ ﺻﺎﺭ ﺍﻱ ﺷﻲ !! ..
*********
ﻛﺘﺮ ﻣﺎ ﺍﺧﺪ ﺍﻟﻤﻮﺿﻮﻉ ﻃﺒﻴﻌﻲ ﺧﻼﻧﻲ ﺣﺲ ﺍﻧﻮ ﻓﻌﻼً ﻋﺎﺩﻱ ﻭ ﻣﺎ ﺻﺎﺭ ﺷﻲ .. ﺍﻟﻤﺸﻜﻠﻪ ﻣﺎ ﻛﺎﻥ ﺍﻟﻲ ﺣﺪﺍ ﺍﺣﻜﻲ ﻣﻌﻮ ﺍﺑﺪﺍً ..
ﻭ ﻛﻞ ﻣﺎ ﻗﺮﺭﺕ ﺍﺣﻜﻲ ﻣﻌﻮ ﺑﺎﻟﻤﻮﺿﻮﻉ ﻣﺎ ﺍﻗﺪﺭ ﺍﺣﻜﻲ ﺷﻲ، ﺻﺎﺭ ﻋﻨﺪﻱ ﻋﺪﻡ ﺛﻘﺔ ﺑﺎﻟﻨﻔﺲ ﻭ ﺷﻌﻮﺭ ﺑﺎﻟﻨﻘﺺ ﻻﻥ ﻛﻨﺖ ﻋﻢ ﺣﺎﻭﻝ ﺩﻭﺭ ﻋﻠﻰ ﺍﻱ ﻣﺒﺮﺭ ﻻﻋﺮﻑ ﻟﻴﺶ ﺑﻴﻌﻤﻞ ﻫﻴﻚ ..
ﺑﻠﻌﺖ ﺍﻟﻤﻮﺿﻮﻉ ﻭ ﺻﺎﺭﺕ ﺣﻴﺎﺗﻲ ﻛﻠﻬﺎ ﺗﻮﺗﺮ ﻭ ﻗﻬﺮ … ﻛﻞ ﻣﺎ ﺷﻮﻓﻮ ﻣﻨﻌﺰﻝ ﻟﺤﺎﻟﻮ ﻭ ﻣﺸﻐﻮﻝ ﺑﻔﻬﻢ ﺷﻮ ﻋﻢ ﻳﺼﻴﺮ ﻭ ﺑﺘﺸﻌﻞ ﺑﺼﺮﻱ ﻧﺎﺭ !!! ﻟﻚ ﺍﻧﺎ ﺣﻼﻟﻮ ﻭ ﻗﺪﺍﻡ ﻋﻴﻮﻧﻮ ﻭﻣﻮ ﺷﺎﻳﻔﻨﻲ ﻟﻚ ﺷﻮﻭﻭﻭ ﻋﻢ ﻳﺼﻴﻴﻴﻴﺮﺭﺭ .…
ﻣﺮﻗﻮ ﺷﻬﺮﻳﻦ ﻭ ﻧﺘﻴﺠﺔ ﻃﻔﻮﻟﺘﻲ ﻭ ﻣﻌﺎﻣﻠﺔ ﻭﻓﺎﺀ ﺍﻟﻲ ﻛﺎﻧﺖ ﺩﺍﻳﻤﺎً ﻋﻴﻨﻲ ﻣﻜﺴﻮﺭﺓ ﻭ ﺷﺨﺼﻴﺔ ﻗﻴﺲ ﺗﺨﻮﻓﻨﻲ، ﺗﺮﻛﺘﻮ ﻳﻌﻤﻞ ﺍﻟﻲ ﺑﺪﻭ ﻳﺎﻩ ﻭ ﺣﺎﻭﻟﺖ ﺍﺭﺗﺎﺡ ﺑﺤﻴﺎﺗﻲ ﻭ ﺻﺮﺕ ﺍﻗﻨﻊ ﺣﺎﻟﻲ ﻧﺎﺭ ﻗﻴﺲ ﻭ ﻻ ﺟﻨﺔ ﺍﺑﻲ ﻭ ﻧﺴﻮﺍﻧﻮ …
ﻛﻨﺖ ﺣﺎﻭﻝ ﺿﻞ ﺯﻭﺭ ﺍﻫﻠﻮ ﻭ ﺍﻧﺸﻐﻞ ﻣﻌﻬﻦ ﻭ ﻣﺮﻩ ﻣﺮﺕ ﻋﻤﻲ ﻗﺎﻟﺘﻠﻲ ﺍﻧﻮ ﻓﻲ ﻋﻨﺪﻫﻦ ﻭﺣﺪﻩ ﺑﺎﻟﺤﺎﺭﺓ ﺍﺭﻣﻠﺔ ﻭ ﻣﺎ ﻋﻨﺪﺍ ﻭﻻﺩ ﻻﻧﻬﺎ ﻋﺎﻗﺮ ﺑﺲ ﺑﻴﻨﻬﺪﻭﻟﻬﺎ ﺍﻡ ﻋﺒﺪﺍﻟﻠﻪ ﺍﺣﺘﺮﺍﻣﺎً ﻟﺴﻨﻬﺎ … ﻣﻦ ﻟﻤﺎ ﻣﺎﺕ ﺟﻮﺯﺍ ﻓﺘﺤﺖ ﺑﻴﺘﻬﺎ ﻟﺘﻌﻄﻲ ﺩﺭﻭﺱ ﺩﻳﻦ ﻭ ﺗﺤﻔﻴﻆ ﻗﺮﭐﻥ …
ﺷﺠﻌﺘﺘﻲ ﻟﺮﻭﺡ ﻟﻌﻨﺪﺍ ﻭ ﻗﺎﻟﺘﻠﻲ ﺍﻧﻮ ﻫﻴﻚ ﺑﺘﺴﻠﻰ ﻭ ﺑﻌﺒﻲ ﻭﻗﺘﻲ …
ﻣﻦ ﻟﻤﺎ ﻭﻋﻴﺖ ﻋﻠﻰ ﺍﻟﺪﻧﻴﺎ ﻣﺎ ﺭﻛﻌﺖ ﻟﻠﻪ ﻋﺰ ﻭﺟﻞ … ﻣﺎ ﺳﺒﻖ ﻭ ﺗﻮﺿﻴﺖ … ﻛﻨﺖ ﺷﻮﻑ ﺧﺎﻟﺘﻲ ﺑﺘﺼﻠﻲ ﺑﺲ ﺭﺍﺣﺖ ﻗﺒﻞ ﻣﺎ ﺗﻔﻬﻤﻨﻲ ﺍﻧﻮ ﻫﻲ ﺍﻟﺼﻼﺓ ﻫﻲ ﺍﻟﻔﺮﻕ ﺑﻴﻦ ﺍﻟﻤﺆﻣﻦ ﻭ ﻏﻴﺮ ﺍﻟﻤﺆﻣﻦ … ﻛﺎﻥ ﻋﻨﺪﻱ ﻣﻌﻠﻮﻣﺎﺕ ﻣﻦ ﻣﺪﺭﺳﺘﻲ ﺑﺲ ﺍﻵﻧﺴﺎﺕ ﻛﺎﻧﻮ ﻳﻌﻄﻮﻧﺎ ﻳﺎﻫﻦ ﻙ ﺩﺭﺱ ﻣﻮ ﻙ ﻧﺼﻴﺤﺔ ﻭ ﻣﻮﻋﻈﺔ .… ﻟﻬﻴﻚ ﻛﺎﻥ ﻓﻲ ﺃﻣﻴﺎﻝ ﻭ ﻣﺴﺎﻓﺎﺕ ﻛﺒﻴﺮﺓ ﺑﻴﻨﻲ ﻭ ﺑﻴﻦ ﺭﺑﻨﺎ .… ﻭ ﻣﺎ ﺑﻌﺮﻑ ﻣﻦ ﺍﻟﺪﻳﻦ ﺍﻻ ﺍﻧﻮ ﻻﺯﻡ ﻏﻄﻲ ﺭﺍﺳﻲ ﻭ ﺣﺘﻰ ﻟﻴﺶ ﻣﺎ ﻛﻨﺖ ﺑﻌﺮﻑ .… ﻭ ﺍﻧﻮ ﻻﺯﻡ ﺻﻮﻡ ﺑﺮﻣﻀﺎﻥ … ﻓﻜﺮﺕ ﻛﺰﺍ ﻣﺮﻩ ﺭﻭﺡ ﻟﻌﻨﺪ ﺍﻡ ﻋﺒﺪﺍﻟﻠﻪ ﺑﺲ ﻛﺎﻥ ﺷﻲ ﻳﻤﻨﻌﻨﻲ ﻭ ﻳﻘﻠﻲ ﺧﻠﺺ ﺷﻮ ﻣﺎﺧﺪﻙ ﻟﻬﻨﻴﻚ !!
ﺑﻌﺪ ﻓﺘﺮﺓ ﻣﻦ ﺣﻴﺎﺗﻲ ﺍﻟﻤﻤﻠﻪ ﻭ ﺍﻟﻨﺎﺷﻔﻪ ﻣﻊ ﻗﻴﺲ ﺍﻟﻲ ﻣﺎ ﻛﺎﻧﺖ ﺑﺘﺸﺒﻬﺎ ﺍﻱ ﺷﻲ ﻣﻦ ﺍﻟﺰﻭﺍﺝ .… ﻣﺎ ﻛﺎﻥ ﻓﻲ ﺣﺪﺍ ﺍﺧﺪ ﻣﺸﻮﺭﺗﻮ ﺑﻌﻼﻗﺘﻲ ﻓﻴﻪ ﻭ ﻛﻨﺖ ﺣﺎﻭﻝ ﻛﻞ ﺍﻟﻄﺮﻕ ﻻﺭﺟﻊ ﺧﻠﻴﻪ ﻣﺘﻞ ﻣﺎ ﻛﺎﻥ ﻣﻌﻲ ﺍﻭﻝ ﻛﻢ ﻳﻮﻡ ﺑﺲ ﻋﺒﺚ !!! ﻛﺎﻥ ﻋﻘﻠﻮ ﺑﻜﻞ ﺷﻲ ﻭﺳﺦ ﻭ ﺑﻜﻞ ﺍﻟﻤﻌﺎﺻﻲ ﻭ ﺍﻟﻔﻮﺍﺣﺶ … ﻣﻊ ﺍﻻﻳﺎﻡ ﻗﺪﺭﺕ ﺍﻋﺮﻑ ﻛﻠﻤﺔ ﺍﻟﺴﺮ ﺍﻟﻲ ﺣﺎﻃﻄﻬﺎ ﻋﻠﻰ ﻣﻮﺑﺎﻳﻠﻮ … ﺗﺮﻛﺘﻮ ﻣﺮﻩ ﻋﻢ ﻳﺘﺤﻤﻢ ﻭ ﺍﺧﺪﺕ ﻣﻮﺑﺎﻳﻠﻮ … ﻓﺘﺤﺖ ﺍﻟﺠﻮﺍﻝ ﻭ ﺑﻠﺸﺖ ﻓﺘﺸﻮ … ﻛﺎﻥ ﺑﺪﻱ ﺍﻓﻬﻢ ﻟﻴﺶ ﻣﺴﻴﻄﺮ ﻋﻠﻴﻪ ﻫﻴﻚ ﻭﺷﻮ ﺍﻟﺸﻲ ﺍﻟﻲ ﺑﺪﻭﺭ ﻋﻠﻴﻪ ﻳﻤﻜﻦ ﺍﻗﺪﺭ ﻗﺪﻣﻠﻮ ﻳﺎﻩ ..
ﻭﺻﻠﺖ ﻟﻠﻲ ﻋﻢ ﻳﺘﻔﺮﺝ ﻋﻠﻴﻪ ﻗﻴﺲ ﻭ ﻫﻮﻥ ﻛﺎﻧﺖ ﺍﻟﻤﺼﻴﺒﻪ !! … ﺣﺴﻴﺖ ﺣﺎﻟﻲ ﺩﺧﺖ ﻭ ﻋﻴﻮﻧﻲ ﻏﺒﺸﻮ …
ﺭﻣﻴﺖ ﺍﻟﺠﻮﺍﻝ ﻣﻦ ﺍﻳﺪﻱ ﻭ ﻟﺒﺴﺖ ﺗﻴﺎﺑﻲ ﻭ ﻃﻠﻌﺖ ﻣﻦ ﺍﻟﺒﻴﺖ ﻗﺒﻞ ﻣﺎ ﻫﻮ ﻳﻄﻠﻊ ﻣﻦ ﺍﻟﺤﻤﺎﻡ … ﺍﻟﻜﺎﺭﺛﻪ ﻣﺎ ﺑﺲ ﻛﺎﻧﺖ ﺍﻧﻮ ﻫﻮ ﺑﻴﺸﻮﻑ ﻣﺤﺮﻣﺎﺕ .… ﻟﺴﻪ ﺍﻟﻤﺼﻴﺒﻪ ﺍﻧﻮ ﺍﻟﻲ ﻏﻢ ﻳﺸﻮﻓﻮ ﻛﺎﻥ ﻛﻠﻮ ﺷﻲ ﺧﺎﺭﺝ ﻓﻄﺮﺓ ﺍﻻﻧﺴﺎﻥ … ﺷﻲ ﻣﻘﺮﻑ ﻭ ﻏﻴﺮ ﻃﺒﻴﻌﻲ ﺍﺑﺪﺍً ..
ﻛﻨﺖ ﻣﻔﻜﺮﺓ ﺣﺎﻟﻲ ﺭﺍﻳﺤﻪ ﻟﻌﻨﺪ ﺳﻨﺪ ﻭ ﺿﻬﺮ ..
ﻭﺻﻠﺖ ﻟﺒﻴﺘﻨﺎ ﻭ ﻣﺎ ﻛﺎﻥ ﺍﺑﻲ ﻣﻮﺟﻮﺩ … ﻗﻌﺪﺕ ﺑﺎﻟﺼﺎﻟﺔ ﺍﻧﻄﺮﻭ ﻭ ﻭﻓﺎﺀ ﻭ ﺿﺮﺗﻬﺎ ﻭﺍﻗﻔﻴﻦ ﻋﻨﺪ ﺍﻟﺒﺎﺏ ﻋﻢ ﻳﺘﻔﺮﺟﻮ ﻋﻠﻲ ﻭ ﻳﺘﻬﺎﻣﺴﻮ ..
ﻛﺎﻥ ﻭﺍﺿﺢ ﻋﻠﻲ ﺍﻧﻮ ﻣﻮ ﻃﺒﻴﻌﻴﻪ ﺍﺑﺪﺍً ﻭ ﻛﻨﺖ ﻋﻢ ﺣﺎﻭﻝ ﺭﺗﺐ ﺍﻟﺤﻜﻲ ﻛﻴﻒ ﺑﺪﻱ ﺍﺣﻜﻲ ﻣﺸﻜﻠﺘﻲ ﻫﻲ ﻷﺑﻲ ..
ﺑﺲ ﺳﻤﻌﺖ ﺻﻮﺗﻮ ﻭﺻﻞ ﻟﻠﺒﻴﺖ ﺗﺒﺨﺮ ﻛﻞ ﺍﻟﺤﻜﻲ ﻣﻦ ﺭﺍﺳﻲ ﻭ ﺑﻠﺸﺖ ﺍﺑﻜﻲ ﻭ ﺩﻣﻮﻋﻲ ﻣﺎ ﻋﻢ ﻳﻮﻗﻔﻮ …
ﺳﺄﻝ ﻧﺴﻮﺍﻧﻮ ﺷﻮ ﺟﺎﻳﺒﻨﻲ ﻭﺷﻮ ﺻﺎﻳﺮ ﻣﻌﻲ ﻭ ﻗﺎﻟﻮﻟﻮ ﺍﻧﻮ ﻣﻦ ﻭﻗﺖ ﻣﺎ ﺟﻴﺖ ﻣﺎ ﻋﻢ ﺍﺣﻜﻲ …
ﻣﺴﺤﺖ ﺩﻣﻮﻋﻲ ﻭ ﺍﻧﺎ ﻋﻢ ﺍﺷﻬﻖ )) ﻳﺎﺑﻲ ﺑﺪﻱ ﻳﺎﻙ ﺷﻮﻱ ﻋﻠﻰ ﺟﻨﺐ (( …
ﻣﻼﻣﺢ ﻭﺷﻮ ﺍﻟﻲ ﺑﺘﻌﺒﺮ ﻋﻦ ﻋﺪﻡ ﺍﻫﺘﻤﺎﻣﻮ ﻣﺎ ﺣﺴﺴﺘﻨﻲ ﺑﺎﻻﻣﺎﻥ ﺑﺲ ﻣﺎ ﻛﺎﻥ ﺍﻟﻲ ﻏﻴﺮﻭ … ﻓﺎﺕ ﻋﻠﻰ ﻏﺮﻓﺘﻮ ﻭ ﻟﺤﻘﺘﻮ ﻭ ﺳﻜﺮﺕ ﺍﻟﺒﺎﺏ .. ﻭﻗﻔﺖ ﻗﺪﺍﻣﻮ ﻭ ﺍﻧﺎ ﻋﻴﻮﻧﻲ ﺑﺎﻻﺭﺽ … ﻭ ﺑﻌﺪ ﺩﻗﺎﻳﻖ ﻟﻤﺎ ﺣﺴﻴﺘﻮ ﺩﺍﺉ ﺧﻠﺌﻮ ﻣﻨﻲ ﻭ ﺭﺡ ﻳﺘﺮﻛﻨﻲ ﻭ ﻳﻄﻠﻊ ﻃﻠﻊ ﺍﻟﺤﻜﻲ ﺑﺪﻭﻥ ﻭﻋﻲ )) ﺍﺑﻲ … ﻫﺎﺩ ﻗﻴﺲ … ﻫﺎﺩ ﻗﻴﺲ … ﻫﻮ .… ﻫﻮ ﻋﻢ … ((
ﺍﺑﻲ )) ﻋﻢ ﺷﻮ؟ ! ((
ﺍﻣﺎﻧﻲ )) ﻗﻴﺲ ﻣﻮ ﻣﻨﻴﺢ، ﻭﻣﻮ ﻃﺒﻴﻌﻲ ﺍﺑﺪﺍً ﻳﻤﻜﻦ ﻫﻮ ﻣﺮﻳﺾ ﻧﻔﺴﻲ … ﻫﻮ ﺑﺘﻔﺮﺝ ﻋﻠﻰ ﺷﻐﻼﺕ ﺷﺎﺫﺓ … ﻛﻞ ﺷﻲ ﻋﻠﻰ ﻣﻮﺑﺎﻳﻠﻮ ﻣﻘﺮﻓﻮ ﻣﺴﺘﺤﻴﻞ ﺍﻱ ﺑﻨﻲ ﺍﺩﻡ ﻃﺒﻴﻌﻲ ﺑﻴﺸﻮﻑ ﻫﻴﻚ ﺷﻐﻼﺕ .… ﺍﻧﺎ ﻣﻮ ﻣﺘﺤﻤﻠﻪ ﺿﻞ ﻋﻨﺪﻭ ﻣﺸﺎﻥ ﺍﻟﻠﻪ ﺗﺮﻭﺡ ﺗﺤﻜﻲ ﻣﻌﻮ ﺍﻧﺎ ﻣﻮ ﻋﺮﻓﺎﻧﻪ ﺷﻮ ﺍﻋﻤﻞ ﻭﻣﺎ ﺍﻟﻲ ﻏﻴﺮﻙ ﺗﺤﻜﻲ ﻣﻌﻮ (( …
**************
ﻃﻠﻌﺖ ﻣﻦ ﺑﻴﺖ ﺍﻫﻠﻲ ﻭ ﺍﻟﻜﻒ ﻋﻠﻰ ﻭﺷﻲ ﺍﺛﺎﺭﻭ ﻟﺴﻪ ﻇﺎﻫﺮﺓ …
ﻭ ﻛﻠﻤﺎﺕ ﺍﺑﻲ ﻋﻢ ﺗﺮﻥ ﺑﺮﺍﺳﻲ )) ﺷﻮ ﻫﺎﻟﺘﺨﺒﻴﺺ ﺟﺎﻳﻪ ﺑﻜﻞ ﻭﻗﺎﺣﺔ ﺗﺤﻜﻴﻠﻲ ﻫﻴﻚ ﺣﻜﻲ ﺧﻠﺺ ﻃﻖ ﻋﺮﻕ ﺍﻟﺤﻴﺎ ﻋﻨﺪﻙ ﻭﻟﻴﻪ … ﺍﻧﻘﻠﻌﻲ … ﺍﻧﻘﻠﻌﻲ ﻣﻦ ﻭﺷﻲ ((
ﻛﻨﺖ ﻣﺎﺷﻴﻪ ﺑﺎﻟﺸﺎﺭﻉ ﻭ ﻣﺎ ﻋﻢ ﺷﻮﻑ ﻗﺪﺍﻣﻲ ﻣﻦ ﺍﻟﺪﻣﻮﻉ ﺍﻟﻲ ﺑﻌﻴﻮﻧﻲ …
ﻭﺻﻠﺖ ﻋﻠﻰ ﺣﺎﺭﺗﻨﺎ …
ﻛﻨﺖ ﻣﺎﺷﻴﻪ ﺑﻄﺮﻳﻘﻲ ﺑﺎﻟﺒﻴﺖ ﻟﻤﺎ ﺳﻤﻌﺖ ﺻﻮﺕ ﻗﺮﺁﻥ ﻃﺎﻟﻊ ﻣﻦ ﺑﻴﺖ ﺍﻡ ﻋﺒﺪﺍﻟﻠﻪ …
ﻟﻬﻸ ﺑﺤﻠﻒ ﺍﻧﻮ ﻣﻮ ﺍﻧﺎ ﺍﻟﻲ ﻣﺸﻴﺖ …
ﻣﻮ ﺍﻧﺎ ﺍﻟﻲ ﺣﺮﻛﺖ ﺭﺟﻠﻲ …
ﻛﺎﻥ ﺷﻲ ﻋﻢ ﻳﺪﻓﺸﻨﻲ ﻳﺎﺗﺠﺎﻩ ﺑﻴﺘﺎ … ﺭﻓﻌﺖ ﺍﻳﺪﻱ ﻭ ﺩﻗﻴﺖ ﺍﻟﺒﺎﺏ ﻭ ﺻﺎﺭ ﺻﻮﺕ ﺍﻟﻘﺮﺁﻥ ﻭﺍﺿﺢ ﻛﺘﻴﺮ ﻭ ﻗﺮﻳﺐ ﻟﺪﺭﺟﺔ ﺣﺴﻴﺖ ﻧﺴﻤﺎﺕ ﻣﻦ ﺍﻟﺪﻓﺎ ﻏﻤﺮﺕ ﺟﺴﻤﻲ …
ﻓﺘﺤﺘﻠﻲ ﺍﻡ ﻋﺒﺪﺍﻟﻠﻪ ﺍﻟﺒﺎﺏ ﻭ ﻫﻲ ﻣﺒﺘﺴﻤﺔ … )) ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻳﺎﺑﻨﺘﻲ … ﺗﻔﻀﻠﻲ؟ ! (( …
ﺗﻄﻠﻌﺖ ﻓﻴﻬﺎ ﻭ ﺍﻧﺎ ﻣﺎﺑﻌﺮﻑ ﺷﻮ ﺑﺪﻱ ﻗﻠﻬﺎ … ﻣﺴﺤﺖ ﺩﻣﻮﻋﻲ ﻭ ﺑﺼﻮﺕ ﻋﻢ ﻳﺮﺟﻒ )) ﺍﺳﻔﻪ ﻳﺎ ﺧﺎﻟﺔ ﻏﻠﻄﺎﻧﻪ ﺍﻧﺎ (( ..
ﻓﺘﻠﺖ ﺿﻬﺮﻱ ﻋﻨﻬﺎ ﻭ ﻗﺒﻞ ﻣﺎ ﺍﺑﻌﺪ ﺳﻤﻌﺘﻬﺎ ﻋﻢ ﺗﻨﺪﻫﻠﻲ )) ﻭﻗﻔﻲ ﺷﻮﻱ (( .…
ﺍﻟﺠﺰﺀ ﺍﻟﺨﺎﻣﺲ + ﺍﻟﺴﺎﺩﺱ + ﺍﻟﺴﺎﺑﻊ
ﻭﻗﻔﺖ ﻣﻜﺎﻧﻲ ﺑﺪﻭﻥ ﻣﺎ ﺍﻟﺘﻔﺖ ﻋﻠﻴﻬﺎ ..
ﺃﻡ ﻋﺒﺪﺍﻟﻠﻪ : ﺑﻨﺘﻲ ﺍﻧﺘﻲ ﻣﻨﻴﺤﻪ ؟ ﺷﺒﻚ ﻟﻴﺶ ﻋﻢ ﺗﺒﻜﻲ ؟ .. ﻣﻮ ﺍﻧﺘﻲ ﻛﻨﺘﻬﺎ ﻷﻡ ﻗﻴﺲ ؟
ﻣﺎ ﺟﺎﻭﺑﺖ .. ﻗﺮﺑﺖ ﻟﻌﻨﺪﻱ ﻭﺣﻄﺖ ﺍﻳﺪﻫﺎ ﻋﻠﻰ ﻛﺘﻔﻲ .. ﻣﻤﻜﻦ ﺍﻱ ﺣﺪﺍ ﻳﻌﺘﺒﺮﻧﻲ ﻫﻸ ﻣﺠﻨﻮﻧﻪ !! ﺑﺲ ﻛﺎﻥ ﺭﺡ ﻳﻄﻠﻊ ﺍﻟﺒﻲ ﻣﻦ ﻣﻄﺮﺣﻮ .. ﺍﻭﻝ ﻣﺮﻩ ﺑﺤﻴﺎﺗﻲ ﺣﺪﺍ ﺑﺤﻂ ﺍﻳﺪﻭ ﻋﻠﻲ ﺑﻬﻞ ﺣﻨﻴﻪ .. ﻧﺰﻟﺖ ﻋﻴﻮﻧﻲ ﻋﻠﻰ ﺍﻳﺪﻫﺎ ﻭ ﻭﻗﻔﺖ ﺑﻜﻲ
ﺃﻡ ﻋﺒﺪﺍﻟﻠﻪ : ﺇﻧﺘﻲ ﺷﻜﻠﻚ ﺟﺎﻳﻪ ﻟﻌﻨﺪﻱ ﺑﺲ ﺧﺠﻠﺘﻲ ﻭﻗﺮﺭﺗﻲ ﺗﺮﺟﻌﻲ .. ﺑﺲ ﺍﻧﺎ ﻣﺎ ﺭﺡ ﺧﻠﻴﻜﻲ ﺗﺮﻭﺣﻲ .. ﺗﻌﻲ ﺧﻠﻴﻨﺎ ﻧﺼﻠﻲ ﺍﻟﻌﺼﺮ ﻭﺑﻌﺪﻫﺎ ﻣﻨﺤﻜﻲ .. ﻳﻼ ﻓﻮﺗﻲ
ﻣﺴﻜﺘﻨﻲ ﻣﻦ ﺍﻳﺪﻱ ﻭﺟﺬﺑﺘﻨﻲ ﻟﻌﻨﺪﻫﺎ ..
ﺍﺑﺘﺴﻤﺖ ﺑﻮﺷﻬﺎ ﻭﻫﺰﻳﺖ ﺑﺮﺍﺳﻲ ﺑﺎﻟﺮﺿﻰ ..
ﻓﺘﺖ ﻟﻌﻨﺪﻫﺎ ﻋﺎﻟﺒﻴﺖ .. ﻛﺎﻥ ﺑﻴﺖ ﻣﺮﺗﺐ ﻛﺘﻴﺮ ﻭﺻﻐﻴﺮ .. ﺍﻧﻴﻖ ﺑﺸﻜﻞ ﻣﻠﻔﺖ ﻣﻊ ﺍﻧﻮ ﺑﺴﻴﻂ ﺟﺪﺍً ﻭﻣﺎ ﻓﻴﻪ ﺗﻜﻠﻴﻒ
ﻗﻌﺪﺕ ﻋﻠﻰ ﺍﻟﻜﻨﺒﺎﻳﻪ … ﺍﻡ ﻋﺒﺪﺍﻟﻠﻪ ﻛﺎﻧﺖ ﺑﻌﻤﺮ ﺍﻟﺨﻤﺴﻴﻨﺎﺕ ﺑﺲ ﻣﻮ ﺑﺎﻳﻦ ﻋﻠﻴﻬﺎ .. ﻣﺎ ﻓﻲ ﺗﺠﺎﻋﻴﺪ ﺑﻮﺷﻬﺎ .. ﺑﺸﺮﺗﻬﺎ ﺻﺎﻓﻴﻪ ﻭﻧﻘﻴﻪ ﻭﺑﺘﻠﺒﺲ ﺣﺠﺎﺏ ﺍﺑﻴﺾ ﺩﺍﺋﻤﺎً ..
ﺭﺟﻌﺖ ﻟﻌﻨﺪﻱ ﺑﻌﺪ ﺷﻮﻱ ﻭﻣﻌﻬﺎ ﺗﻮﺏ ﺻﻼﺓ ﻭﻣﺪﺗﻠﻲ ﻳﺎﻩ )) ﺣﺒﻴﺒﺘﻲ ﻟﺒﺴﻚ ﻣﻨﻴﺢ ﺑﺲ ﻣﺎ ﺑﻴﻨﺎﺳﺐ ﺍﻟﺼﻼﺓ ﻷﻧﻮ ﺩﻳﺊ ﺷﻮﻱ .. ﺍﻟﺒﺴﻲ ﻭﻗﻮﻣﻲ ﻳﻼ ((
ﺿﻠﻴﺖ ﺍﺗﻄﻠﻊ ﻓﻴﻪ ﻭﺍﻧﺎ ﺧﺠﻼﻧﻪ ﻗﻠﻬﺎ ﺍﻧﻮ ﻣﺎﻧﻲ ﻣﺘﻮﺿﻴﻪ .. ﻓﻬﻤﺖ ﻟﺤﺎﻟﻬﺎ ﻭﺻﺎﺭﺕ ﺗﻀﺤﻚ ( ﻳﻴﻲ ﻟﻚ ﺍﻧﺎ ﻧﺴﻴﺖ ﻗﻠﻚ ﺗﺘﻮﺿﻲ .. ﻓﻮﺗﻲ ﺗﻌﻲ ﻭﺻﻠﻚ ﻟﻠﻤﻐﺴﻠﻪ .. )
ﻗﻤﺖ ﻣﻌﻬﺎ .. ﻭ ﻭﻗﻔﺖ ﻗﺪﺍﻡ ﺍﻟﻤﻐﺴﻠﻪ ﻭﻫﻲ ﺣﺎﻣﻠﻪ ﺍﻟﻤﻨﺸﻔﻪ ﻭ ﻭﺍﻗﻔﻪ ﺟﻨﺒﻲ .. ﺷﻐﻠﺘﻠﻲ ﺍﻟﻤﻲ ﻭ ﻗﺎﻟﺘﻠﻲ ﺗﻔﻀﻠﻲ .. ﺿﻠﻴﺖ ﻓﻜﺮ ﻛﻴﻒ ﺑﺪﻱ ﺍﺗﻮﺿﻰ !!
ﻣﻮ ﻷﻧﻲ ﻣﺎ ﺑﻌﺮﻑ ﺧﻄﻮﺍﺕ ﺍﻟﻮﺿﻮﺀ ﺑﺲ ﻣﺪﺭﻱ ﺷﻮ ﺻﺮﻟﻲ …
ﺿﻠﺖ ﻭﺍﻗﻔﻪ ﺳﺎﻛﺘﻪ ﺑﺪﻭﻥ ﻣﺎ ﺗﺤﻜﻲ ﺑﺲ ﻛﺎﻧﺖ ﺗﺘﻔﺮﺝ ﻋﻠﻲ .. ﻭﺍﻧﺎ ﻛﻨﺖ ﺭﺍﻗﺐ ﺍﻟﻤﻲ ﻭﻫﻲ ﻋﻢ ﺗﻨﺰﻝ ﻭﺳﺮﺣﺎﻧﻪ ..
ﺑﻌﺪ ﺩﻗﺎﻳﻖ ﺍﻧﺘﺒﻬﺖ ﻟﺤﺎﻟﻲ .. ﺍﻟﺘﻔﺘﺖ ﻋﻠﻴﻬﺎ ﻟﻘﻴﺘﻬﺎ ﺑﻌﺪﻫﺎ ﻣﺒﺘﺴﻤﺔ ﻭﻋﻢ ﺗﺴﺘﻨﺎﻧﻲ ﺑﺪﻭﻥ ﻣﺎ ﺗﺴﺘﻌﺠﻠﻨﻲ ﺍﻭ ﺗﺴﺎﻟﻨﻲ ﺷﺒﻨﻲ .. ﺑﺎﺩﻟﺘﻬﺎ ﺍﻻﺑﺘﺴﺎﻣﺔ ﻭﺑﻠﺸﺖ ﻭﺿﻮﺀ …
ﺍﺧﺪﺕ ﻣﻨﻬﺎ ﺗﻮﺏ ﺍﻟﺼﻼﺓ ﻟﺒﺴﺘﻮ ﻭ ﻭﻗﻔﻨﺎ ﻧﺼﻠﻲ ﺳﻮﺍ … ﻭ ﻣﻦ ﺍﻭﻝ ﻣﺎ ﻗﻠﺖ )) ﺍﻟﻠﻪ ﺍﻛﺒﺮ .. (( ﺣﺴﻴﺖ ﻛﻞ ﺷﻲ ﻋﻢ ﻳﺼﻐﺮ … ﻭﺣﺴﻴﺖ ﺍﺑﻮﺍﺏ ﺍﻟﺪﻧﻴﺎ ﻛﻠﻬﺎ ﺍﻧﻔﺘﺤﺘﻠﻲ … ﻭﺍﻟﺪﻧﻴﺎ ﺍﺑﺘﺴﻤﺘﻠﻲ ﺑﻌﺪ ﻛﻞ ﻫﺎﻟﻌﻤﺮ
ﻣﺎ ﻛﻨﺖ ﺣﺎﻓﻈﺔ ﺇﻻ ﺍﻟﻤﻌﻮﺫﺍﺕ .. ﺑﺲ ﻛﻨﺖ ﻣﺮﺗﺎﺣﻪ ﻭﻣﺒﺴﻮﻃﻪ ﻛﺘﻴﺮ .. ﻛﺄﻧﻲ ﺍﺧﺪﺕ ﺍﺑﺮﺓ ﻣﺴﻜﻦ !! ..
ﺧﻠﺼﻨﺎ ﺻﻼﺓ ﻭﺍﻧﺎ ﻣﺒﺘﺴﻤﺔ ﻭﻓﺮﺣﺎﻧﻪ ﻭﻛﻨﺖ ﺑﺪﻱ ﻗﻮﻡ ﺑﺲ ﺷﻔﺖ ﺍﻡ ﻋﺒﺪﺍﻟﻠﻪ ﺑﻌﺪﺍ ﻣﻄﺮﺣﻬﺎ ﻋﻢ ﺗﺪﻋﻲ .. ﺿﻠﻴﺖ ﻣﻜﺎﻧﻲ ﻭﺻﺮﺕ ﺍﻧﺎ ﻛﻤﺎﻥ ﺍﺩﻋﻲ ..
ﺑﺲ ﺧﻠﺼﻨﺎ ﻗﺎﻣﺖ ﺗﻌﻤﻞ ﻗﻬﻮﺓ ﻭﺍﻧﺎ ﺑﻘﻴﺖ ﻓﺮﺣﺎﻧﻪ ﻛﺘﻴﺮ .. ﺍﺟﺖ ﻟﻌﻨﺪﻱ ﻭﻗﻌﺪﺕ ﻣﻌﻲ ﻭ ﺳﺄﻟﺖ ﻋﻦ ﺍﺣﻮﺍﻟﻲ ﻭﺍﺧﺒﺎﺭﻱ ﺑﺸﻜﻞ ﻋﺎﻡ .. ﺳﻜﺘﻨﺎ ﺷﻮﻱ ﻛﺄﻧﻬﺎ ﻧﺎﻃﺮﻳﺘﻨﻲ ﺍﺣﻜﻲ ﺷﻲ .. ﻛﻨﺖ ﻋﻢ ﻃﻘﻄﻖ ﺍﺻﺎﺑﻌﻲ ﻭﺍﻧﺎ ﻣﺘﻮﺗﺮﺓ
ﺑﻌﺪ ﻣﺪﺓ ﻣﻦ ﺍﻟﺰﻣﻦ … ﺭﺟﻌﻮ ﺩﻣﻮﻋﻲ ﻳﻨﺰﻟﻮ …
ﺃﻡ ﻋﺒﺪﺍﻟﻠﻪ : ﺣﺒﻴﺒﺘﻲ ﺃﻣﺎﻧﻲ ﺍﺣﻜﻴﻠﻲ ﺷﺒﻚ ﻭ ﺍﺯﺍ ﺍﻟﻠﻪ ﺭﺍﺩ ﺭﺡ ﻭﻗﻒ ﻣﻌﻚ ﺷﻮ ﻣﺎ ﻛﺎﻥ ﺍﻟﻤﻮﺿﻮﻉ ﺑﺲ ﺍﺣﻜﻲ ﺷﻮ ﻭﻗﺼﺘﻚ ؟
ﺗﻄﻠﻌﺖ ﺑﻌﻴﻮﻧﻬﺎ ﻭﺷﻔﺖ ﺷﻲ ﺧﻼﻧﻲ ﺍﻓﺘﺢ ﻗﻠﺒﻲ ﻭﺍﻭﺛﻖ ﻓﻴﻬﺎ ﺛﻘﺔ ﻣﻄﻠﻘﻪ .. ﺣﻄﻴﺖ ﺍﻳﺪﻱ ﻋﻠﻰ ﻭﺷﻲ ﻭﺑﻠﺸﺖ ﺍﺣﻜﻲ ﻣﻦ ﻗﻠﺐ ﻣﺤﺮﻭﻕ .. : ﻳﺎ ﺧﺎﻟﺔ ﺍﻧﺎ ﺑﻌﺪﻧﻲ ﻋﺮﻭﺱ ﻣﺎ ﺍﻟﻲ ﺷﻬﺮﻳﻦ ﺗﻼﺗﻪ ﻣﺘﺠﻮﺯﺓ
ﻭﺟﻮﺯﻱ ﻃﻠﻊ .. ﻃﻠﻊ .. ﻣﺎ ﺑﻌﺮﻑ ﺷﻮ ﻃﻠﻊ ﺑﺲ ﻫﻮ ﻣﻘﺮﻑ ﻣﺎ ﻋﻢ ﻃﻴﻖ ﺷﻮﻓﻮ ﻋﻢ ﺍﻗﺮﻑ ﻣﻨﻮ … ﺑﻌﺪ ﻛﻞ ﺍﻟﺘﻌﺘﻴﺮ ﻭﺍﻟﻮﺟﻊ ﺍﻟﻲ ﻋﺸﺘﻮ ﻓﻜﺮﺕ ﺣﺎﻟﻲ ﺧﻠﺺ ﺭﺡ ﺍﺭﺗﺎﺡ ..
ﺑﺲ ﻳﻤﻜﻦ ﻣﻮ ﻣﻜﺘﻮﺑﻠﻲ ﺍﻟﺮﺍﺣﺔ ﺑﻬﻲ ﺍﻟﺤﻴﺎﺓ .. ﺑﻠﻜﻲ ﺍﻟﻠﻪ ﺑﻴﺎﺧﻮﺩ ﺭﻭﺣﻲ ﻭﺑﺮﻳﺤﻨﻲ ﻋﻨﺪﻭ ﺑﺎﻵﺧﺮﺓ
ﺃﻡ ﻋﺒﺪﺍﻟﻠﻪ ﺑﺤﻴﺮﺓ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ .. ﻳﻌﻨﻲ ﺷﻮ ﻣﺎ ﻓﻬﻤﺖ .. ﺟﻮﺯﻙ ﻣﺎ ﺑﻴﺼﻠﻲ ؟ ﺑﻴﻜﺰﺏ ﺷﻲ ؟ ﺍﻟﻮ ﻋﻼﻗﺎﺕ ﻣﺤﺮﻣﺔ ؟ ﺑﻴﺴﺮﻕ ؟ ﻣﺎ ﻋﻢ ﺍﻓﻬﻢ ﻋﻠﻴﻜﻲ ؟
ﻭﻗﻌﺖ ﻋﻠﻲ ﻫﺎﻟﻜﻠﻤﺔ ﻣﺘﻞ ﺍﻟﺼﺎﻋﻘﻪ !! ﻟﻚ ﺍﻧﺎ ﺍﺻﻼً ﺑﻌﻤﺮﻱ ﻣﺎ ﻓﻜﺮﺕ ﺑﻤﻮﺿﻮﻉ ﺻﻼﺗﻮ ﺍﻭ ﺍﻳﻤﺎﻧﻮ .. ﻫﺎﺩ ﺍﻟﺸﻲ ﻣﺎ ﻛﺎﻥ ﺍﺑﺪﺍً ﺑﺤﺴﺒﺎﻧﻲ ..
ﺃﻣﺎﻧﻲ : ﻻ ﻣﺎ ﺑﺼﻠﻲ … ﻭﺑﻴﻌﻤﻞ ﻛﺘﻴﺮ ﺷﻐﻼﺕ ﺣﺮﺍﻡ … ﻭ ﻫﻮ ﻛﻤﺎﻥ .. ﻫﻮ .. ﺑﻴﺸﻮﻑ ﺷﻐﻼﺕ ﻣﺤﺮﻣﺔ ﻭﻗﺬﺭﺓ ، ﻫﻮ ﻣﻮ ﻃﺒﻴﻌﻲ ﻭﺷﺎﺫ ﻋﻦ ﺍﻟﻔﻄﺮﺓ ﺍﻟﺒﺸﺮﻳﺔ
ﺣﻄﺖ ﺍﻳﺪﻫﺎ ﻋﻠﻰ ﺻﺪﺭﻫﺎ ﻭﻫﻲ ﻋﻢ ﺗﺴﺘﻐﻔﺮ ﺭﺑﻬﺎ ..
ﺃﻣﺎﻧﻲ : ﻭﺍﻧﺎ ﻣﺎ ﺑﺪﻱ ﺍﻗﻌﺪ ﻋﻨﺪﻭ ﻣﺎ ﺑﻌﺮﻑ ﻣﺨﻨﻮﻗﺔ ﺭﻭﺣﻲ ﻋﻢ ﺗﻄﻠﻊ ﺑﺎﻟﺒﻴﺖ ﻣﻌﻮ .. ﻳﻤﻜﻦ ﻫﺎﺩ ﺍﻟﺸﻲ ﻋﺎﺩﻱ ﻣﺘﻞ ﻣﺎ ﻗﺎﻝ ﺍﺑﻲ ﻭﺍﻧﺎ ﻣﻜﺒﺮﺗﻮ ﺑﺲ ﻣﺎ ﻋﻢ ﺍﺗﺤﻤﻞ ﺭﺡ ﻳﻄﻖ ﻗﻠﺒﻲ
ﺃﻡ ﻋﺒﺪﺍﻟﻠﻪ : ﻻ ﻳﺎ ﺑﻨﺘﻲ ﻻ … ﻫﺎﺩ ﺍﻟﺸﻲ ﻣﻮ ﻋﺎﺩﻱ ﺍﺑﺪﺍً .. ﺭﺏ ﺍﻟﻌﺎﻟﻤﻴﻦ ﻗﺎﻝ ﺑﻜﺘﺎﺑﻮ ﺍﻟﺤﻜﻴﻢ : } ﻗُﻞ ﻟِّﻠْﻤُﺆْﻣِﻨِﻴﻦَ ﻳَﻐُﻀُّﻮﺍ ﻣِﻦْ ﺃَﺑْﺼَﺎﺭِﻫِﻢْ ﻭَﻳَﺤْﻔَﻈُﻮﺍ ﻓُﺮُﻭﺟَﻬُﻢْ ﺫَﻟِﻚَ ﺃَﺯْﻛَﻰ ﻟَﻬُﻢْ ﺇِﻥَّ ﺍﻟﻠَّﻪَ ﺧَﺒِﻴﺮٌ ﺑِﻤَﺎ ﻳَﺼْﻨَﻌُﻮﻥَ { [ ﺍﻟﻨﻮﺭ : 30 ] .
ﺻﺪﻕ ﺍﻟﻠﻪ ﺍﻟﻌﻈﻴﻢ ..
ﺃﻣﺎﻧﻲ : ﻳﻌﻨﻲ ﺣﺘﻰ ﺑﺎﻟﺪﻳﻦ ﻫﺎﺩ ﺍﻟﺸﻲ ﺣﺮﺍﻡ .. ﻃﻴﺐ ﺍﻧﺎ ﺷﻮ ﺍﻋﻤﻞ ﺑﺤﺎﻟﻲ ؟؟ ﺍﻫﺮﺏ ﻣﻦ ﺍﻟﺒﻴﺖ ؟
ﺃﻡ ﻋﺒﺪﺍﻟﻠﻪ : ﻟﻚ ﻷ ﺷﻮ ﺗﻬﺮﺑﻲ .. ﺍﻧﺘﻲ ﻗﻠﺘﻲ ﺷﻲ ﺻﺤﻴﺢ ﺍﻧﻮ ﻳﻤﻜﻦ ﺟﻮﺯﻙ ﻣﺮﻳﺾ .. ﻭﺍﻧﺘﻲ ﻛــ ﺯﻭﺟﺔ ﻭﺍﺟﺒﻚ ﺗﻮﻗﻔﻲ ﺟﻨﺒﻮ ﻟﻴﺘﺤﺴﻦ ..
ﺃﻣﺎﻧﻲ : ﻛﻴﻒ ؟ ﺷﻮ ﺍﻋﻤﻞ ؟ ﺍﻧﺎ ﻣﺎ ﺑﻌﺮﻑ ﺍﺣﻜﻲ ﻣﺎ ﺑﻌﺮﻑ ﺍﻋﻤﻞ ﺷﻲ ﻭﺑﺨﺎﻑ ﻣﻨﻮ ﻛﺘﻴﺮ .. ﺑﺨﺎﻑ ﺍﺯﺍ ﺣﻜﻴﺖ ﻣﻌﻮ ﺑﺎﻟﻤﻮﺿﻮﻉ ﻳﻀﺮﺑﻨﻲ ﻭﺍﻧﺎ ﺍﻧﻀﺮﺑﺖ ﻛﺘﻴﺮ ﻭﻣﺎ ﺑﺪﻱ ﺍﺭﺟﻊ ﺍﻧﻀﺮﺏ
ﺑﺨﺎﻑ ﺗﺘﻌﻮﺩ ﺍﻳﺪﻭ ﻋﺎﻟﻀﺮﺏ ﻭ ﺻﻴﺮ ﺑﺸﻐﻠﻪ ﻣﻮ ﻗﺪﻫﺎ ..
ﺃﻡ ﻋﺒﺪﺍﻟﻠﻪ : ﺻﺎﺣﺐ ﺍﻟﺤﻖ ﺳﻠﻄﺎﻥ ﻳﺎ ﺑﻨﺘﻲ … ﺻﺎﺣﺐ ﺍﻟﺤﻖ ﺳﻠﻄﺎﻥ ..
ﺿﻠﻴﺖ ﻗﺎﻋﺪﻩ ﻋﻨﺪﻫﺎ ﻻﺫﺍﻥ ﺍﻟﻤﻐﺮﺏ .. ﺻﺤﻴﺖ ﻋﻠﻰ ﺣﺎﻟﻲ ﺍﻧﻮ ﻃﺎﻟﻌﻪ ﻣﻦ ﺍﻟﺒﻴﺖ ﺑﺪﻭﻥ ﺍﺫﻥ ﻗﻴﺲ ﻭﺩﺏ ﺍﻟﺮﻋﺐ ﺑﻘﻠﺒﻲ …
ﻃﻠﻌﺖ ﻣﻦ ﻋﻨﺪﺍ ﻭﺑﻮﺷﻲ ﻋﻠﻰ ﺍﻟﺒﻴﺖ ﻭﺍﻭﻝ ﻣﺎ ﺷﺎﻓﻨﻲ ﻗﻴﺲ ﺻﺎﺭ ﻳﻌﻴﻂ ﻭﻳﺼﺮﺥ ﻋﻠﻲ … ﺿﻠﻴﺖ ﺳﺎﻛﺘﻪ ﻟﺨﻠﺺ ﺣﻜﻴﻮ ﺍﻟﻲ ﻣﺘﻞ ﺍﻟﺴﻢ .. ﺷﻠﺤﺖ ﺍﻟﺸﺎﻝ ﻣﻦ ﻋﻠﻰ ﺭﺍﺳﻲ ﻭﺿﻠﻴﺖ ﻓﺎﻳﺘﻪ ﻭﻫﻤﺴﺖ )) ﺍﻱ ﺣﺒﻴﺖ ﻓﻀﻴﻠﻚ ﺍﻟﺒﻴﺖ ﻟﺘﺎﺧﻮﺩ ﺭﺍﺣﺘﻚ ﺑﺎﻟﻔﺮﺟﻪ ((
ﻛﻤﻠﺖ ﻃﺮﻳﻘﻲ ﻟﻄﻠﻊ ﺷﻲ ﻋﺒﺎﻳﺔ ﻭﺍﺳﻌﻪ ﻣﺸﺎﻥ ﺻﻠﻲ ﻭﻫﻮ ﻻﺣﻘﻨﻲ ﻭﻋﻢ ﻳﻘﻠﻲ ﺷﻮ ﺣﻜﻴﻴﺘﻲ ؟؟
ﺃﻣﺎﻧﻲ : ﺍﻟﻲ ﺳﻤﻌﺘﻮ ..
ﻗﺮﺏ ﻟﻌﻨﺪﻱ ﻭﻫﻮ ﻫﺎﺩﻱ : ﻟﻴﺶ ﻋﻢ ﺗﺤﻜﻲ ﻫﻴﻚ ؟ ﻭﻟﻴﺶ ﻃﺎﻟﻌﻪ ﻣﻦ ﺍﻟﺒﻴﺖ ﺑﺪﻭﻥ ﺍﺫﻧﻲ ؟
ﺣﻂ ﺍﻳﺪﻭ ﻋﻠﻰ ﻛﺘﻔﻲ ﻭ ﺟﻦ ﺟﻨﺎﻧﻲ .. ﺑﻌﺪﺕ ﺍﻳﺪﻭ ﻭﺍﻧﺎ ﻋﻢ ﺻﺮﺥ : ﻻ ﺗﻠﻤﺴﻨﻲ ﻫﺎ .. ﻃﻮﻝ ﻣﺎ ﺍﻧﺖ ﻋﻠﻰ ﻫﺎﻟﺤﺎﻟﺔ ﻻ ﺗﻔﻜﺮ ﺗﺤﻜﻲ ﻣﻌﻲ ﻭﻻ ﺗﻘﺮﺏ ﻋﻠﻲ ﻓﻬﻤﺎﻥ !!
ﻗﻴﺲ : ﻟﻚ ﺷﻮ ﺻﺎﺭﻟﻚ ؟ ﻭﻳﻦ ﻛﻨﺘﻲ ﺍﻧﺘﻲ ؟ ﺷﻮ ﺍﻟﻲ ﻋﻢ ﻳﺼﻴﺮ ؟
)) ﺍﻟﻲ ﻋﻢ ﻳﺼﻴﺮ ﺍﻧﻲ ﻣﻮ ﻃﺎﻳﻘﺘﻚ … ﻭﻗﺮﻓﺖ ﻭﺍﻧﺎ ﺳﺎﻛﺘﻪ ﻋﻠﻰ ﻭﺳﺎﺧﺘﻚ ﻭﺍﻧﺖ ﻣﺎ ﻋﻢ ﺗﺴﺘﺤﻲ ﻋﻠﻰ ﺣﺎﻟﻚ .. ﻷﻳﻤﺖ ﻫﻴﻚ ﺍﻩ ؟ ﻣﺒﺴﻮﻁ ﺑﺎﻟﻲ ﻋﻢ ﻳﺼﻴﺮ ؟ ﻣﻮ ﺧﺠﻼﻥ ﻣﻦ ﺣﺎﻟﻚ ؟ ﻣﻮ ﺧﺎﺍﻳﻒ ﻣﻦ ﺭﺑﻚ ؟ ﺷﻮ ﻃﻴﻨﺘﻚ ﺍﻧﺖ
ﺍﺯﺍ ﻭﺿﻌﻚ ﻫﻴﻚ ﻟﻴﺶ ﺗﺠﻮﺯﺗﻨﻲ ؟ ﻟﻴﺶ ﻣﺎ ﻗﻠﺖ ﺑﺪﻙ ﺧﺪﺍﻣﻪ ﻗﺒﻞ ﻣﺎ ﺗﺠﻴﺒﻨﻲ ﻣﻦ ﺑﻴﺖ ﺍﻫﻠﻲ ؟ ﻟﻴﺶ ﺍﻩ ﻟﻴﻴﻴﻴﻴﻴﻴﻴﻴﻴﺶ ؟؟؟ ((
ﺭﻓﻊ ﺍﻳﺪﻭ ﻟﻴﻀﺮﺑﻨﻲ … ﻭﻗﺒﻞ ﻣﺎ ﺗﻮﺻﻠﻨﻲ ﺍﻳﺪﻭ ﻛﻨﺖ ﻣﺎﺳﻜﻪ ﺑﺘﻴﺎﺑﻮ ﻭ ﻏﺎﻳﺒﻪ ﻋﻦ ﺍﻟﻮﻋﻲ … ﻭﻃﻠﻌﺖ ﺑﻬﺪﺍﻙ ﺍﻟﻨﻬﺎﺭ ﺣﺎﻣﻞ !! …
ﺻﺤﻴﺖ ﻭﺍﻫﻠﻮ ﻟﻘﻴﺲ ﺣﻮﺍﻟﻲ ﻋﻢ ﻳﺒﺎﺭﻛﻮﻟﻲ ﻭﻳﻬﻨﻮﻧﻲ ﻭﺍﻧﺎ ﺑﺲ ﻋﺮﻓﺖ ﻛﺄﻧﻮ ﺣﺪﺍ ﻃﻌﻨﻲ ﺑﺼﺪﺭﻱ !! .. ﻗﺒﻞ ﻣﺎ ﻳﺮﻭﺣﻮ ﺍﻫﻠﻮ ﻣﻦ ﻋﻨﺪﻱ ﺣﻜﻴﺖ ﻣﻊ ﺣﻤﺎﺗﻲ ﻭﻗﻠﺘﻠﻬﺎ ﻋﻦ ﺍﻟﻲ ﺑﻴﺼﻴﺮ
ﻭﻗﻠﺘﻠﻬﺎ ﺍﻧﻮ ﺍﻧﺎ ﻛﻞ ﻋﻤﺮﻱ ﺑﺸﻮﻑ ﺍﻟﻌﺬﺍﺏ ﻭ ﺍﻟﺬﻝ ﻭﺑﺴﻜﻮﺕ ﺑﺲ ﻫﺎﻟﻤﺮﻩ ﻣﻮ ﻗﺎﺩﺭﻩ ﺍﺳﻜﻮﺕ ﻣﺎ ﺑﻌﺮﻑ ﻟﻴﺶ .. ﻳﻤﻜﻦ ﻻﻥ ﻗﻠﺒﻲ ﻣﺎ ﻋﺎﺩ ﻣﺘﺤﻤﻞ … ﻭ ﻭﻋﺪﺗﻨﻲ ﺗﺤﻜﻲ ﻣﻊ ﻗﻴﺲ ﻭﻳﺤﻠﻮ ﺍﻟﻤﻮﺿﻮﻉ
ﺗﺎﻧﻲ ﻧﻬﺎﺭ ﺭﺟﻊ ﻗﻴﺲ ﻋﻠﻰ ﺍﻟﺒﻴﺖ ﻣﻌﻮ ﺑﻮﻛﻲ ﻭﺭﺩ … ﻓﺎﺕ ﻟﻌﻨﺪﻱ ﻭﺑﺎﺱ ﺭﺍﺳﻲ ﻭﺍﻋﺘﺬﺭ ﻣﻨﻲ … ﻭ ﻭﻋﺪﻧﻲ ﻧﺒﺪﺍ ﺑﺪﺍﻳﺔ ﺟﺪﻳﺪﻩ ﺍﻧﺎ ﻭﻳﺎﻩ ﻭﺍﺑﻨﻲ … ﻭ ﺍﻧﺎ ﻣﺎ ﺳﺪﺋﺖ ﻣﻦ ﻓﺮﺣﺘﻲ ﻭﺿﺮﺕ ﺿﻤﻮ ﻭ ﺍﺑﻜﻲ ﻭﺍﺗﺸﻜﺮﻭ ﻻﻥ ﺭﺡ ﻳﺘﻐﻴﺮ ﻛﺮﻣﺎﻟﻲ ..
ﻛﻞ ﺣﻜﻴﻮ ﺗﻐﻴﺮ ﺑﻌﺪ ﺍﺳﺒﻮﻉ … ﺑﺲ ﺍﻧﺎ ﻛﻤﺎﻥ ﻛﻨﺖ ﻣﺘﻐﻴﺮﻩ …
ما ﻋﺎﺩ ﺳﻜﺘﺖ ﻭﺻﺮﺕ ﻗﻮﻡ ﺍﻟﺒﻴﺖ ﻭﻣﺎ ﻗﻌﺪﻭ ﻣﻦ ﺻﺮﻳﺦ ﻭﻋﻴﺎﻁ ﻭﺗﻜﺴﻴﺮ … ﺻﺎﺭ ﻟﺴﺎﻧﻲ ﺍﻃﻮﻝ ﻣﻨﻮ ﻣﺎ ﻓﻲ .. ﻳﻤﻜﻦ ﻻﻥ ﻛﻠﻤﺔ ﺍﻡ ﻋﺒﺪ ﺍﻟﻠﻪ ﺿﻠﺖ ﺑﺒﺎﻟﻲ ؟ ( ﺻﺎﺣﺐ ﺍﻟﺤﻖ ﺳﻠﻄﺎﻥ ) .. ﻳﻤﻜﻦ .. ﻣﺎ ﺑﻌﺮﻑ ..
ﺿﺮﺑﻨﻲ ﻗﻴﺲ ﻣﺮﻩ ﻭ ﺍﻧﻮﺟﻌﺖ ﻛﺘﻴﺮ ﻭﺑﻌﺪﺍ ﺧﺎﻑ ﻋﻠﻰ ﺍﻟﻮﻟﺪ ﻳﺮﻭﺡ ﻭﺻﺎﺭ ﻳﺒﻠﻊ ﺍﻟﺤﻜﻲ ﻭﻫﻮ ﺳﺎﻛﺖ … ﺍﻧﺠﺒﺮ ﻣﻊ ﺍﻷﻳﺎﻡ ﺍﻧﻮ ﻣﺎ ﻳﻌﻴﺪ ﺗﺼﺮﻓﺎﺗﻮ ﻋﻠﻰ ﺍﻷﻗﻞ ﻗﺪﺍﻣﻲ .. ﻭﺍﻧﺎ ﻣﺎ ﻋﺎﺩ ﺣﺴﻴﺖ ﺑﺄﻱ ﻣﺸﺎﻋﺮ ﺗﺠﺎﻫﻮ ﻓــ ﻣﺎ ﻛﺎﻥ ﺑﻬﻤﻨﻲ ﺍﻟﺤﻘﻴﻘﻪ
ﻛﺎﻥ ﺑﻬﻤﻨﻲ ﺑﺲ ﺍﻧﻮ ﻣﺎ ﻳﻮﺗﺮﻟﻲ ﺍﻋﺼﺎﺑﻲ ﺑﺘﺼﺮﻓﺎﺗﻮ …
ﺑﻜﻞ ﺧﻨﺎﻗﻪ ﻛﻨﺖ ﻛﺴﺮ ﺍﻟﻤﻮﺑﺎﻳﻼﺕ ﻛﻠﻬﺎ .. ﻣﻮﺑﺎﻳﻠﻮ ﻭ ﻣﻮﺑﺎﻳﻠﻲ ﻭ ﻛﻞ ﺷﻲ ﺣﻮﺍﻟﻲ … ﺗﻜﻮﻥ ﺣﺮﻛﺔ ﻣﻘﺼﻮﺩﻩ ﺑﺲ ﺍﻋﻤﻞ ﺣﺎﻟﻲ ﻣﻌﺼﺒﻪ ﻭﻣﺎ ﻗﺼﺪﻱ ..
ﺑﻠﺶ ﺍﻟﺠﻨﻴﻦ ﻳﻜﺒﺮ ﺑﺒﻄﻨﻲ .. ﻭﻣﻊ ﻛﻞ ﻳﻮﻡ ﻳﻜﺒﺮ ﺧﻮﻓﻲ ﻭﻭﺟﻌﻲ .. ﻛﻨﺖ ﻣﻀﻲ ﻛﻞ ﺍﻟﻠﻴﻞ ﻭﺍﻧﺎ ﻋﻢ ﺍﺑﻜﻲ .. ﻛﺎﻧﺖ ﻣﺴﻴﻄﺮﺓ ﻋﻠﻲ ﻓﻜﺮﺓ ﻭﺣﺪﻩ ﺍﻧﻮ ﺭﺡ ﻣﻮﺕ ﺑﺎﻟﻮﻻﺩﻩ ﻣﺘﻞ ﻣﺎ ﻣﺎﺗﺖ ﺍﻣﻲ …
ﻭﺭﺡ ﻳﻌﻴﺶ ﺍﻟﻲ ﺑﺒﻄﻨﻲ ﺣﻴﺎﺓ ﺗﻌﻴﺴﻪ ﻣﺘﻞ ﺣﻴﺎﺗﻲ ..
ﻭﺟﻮﺩ ﺍﻡ ﻋﺒﺪﺍﻟﻠﻪ ﺟﻨﺒﻲ ﻛﺎﻥ ﺍﻟﺸﻲ ﺍﻟﻮﺣﻴﺪﻩ ﺍﻟﻲ ﺑﻴﺮﻳﺤﻨﻲ ﻭﺑﻘﻮﻧﻲ …
ﻭﻛﻞ ﺷﻲ ﺟﺪﻳﺪ ﺗﻌﻠﻤﺘﻮ ﻋﻦ ﺩﻳﻨﻲ ﻭ ﺭﺑﻲ ﻛﺎﻥ ﻳﻄﻤﻨﻲ ﻟﺪﺭﺟﺔ ﺑﺘﻤﻨﻰ ﻣﻦ ﻛﻞ ﻗﻠﺒﻲ ﻟﻮ ﻛﻨﺖ ﺑﻌﺮﻑ ﻫﻲ ﺍﻟﺸﻐﻼﺕ ﻭﻫﺎﺩ ﺍﻟﺤﻜﻲ ﻣﻦ ﺯﻣﺎﻥ .. ﻻﻧﻲ ﻣﺮﻳﺖ ﺑﻈﺮﻭﻑ ﺻﻌﺒﻪ ﻭﻛﻨﺖ ﺑﺤﺎﺟﺔ ﻛﺘﻴﺮ ﻷﻳﻤﺎﻧﻲ ﺍﻟﻲ ﻛﺎﻥ ﻣﻔﻘﻮﺩ .. ﺍﻭ ﻣﻤﺴﻮﺡ ..
ﻣﺮﻗﺖ ﻓﺘﺮﺓ ﺍﻟﺤﻤﻞ … ﻭﺑﻠﻴﻠﺔ ﻭﺍﻧﺎ ﻧﺎﻳﻤﺔ ﻭ ﻗﻴﺲ ﺳﻬﺮﺍﻥ ﺑﺮﺍ ﺍﻟﺒﻴﺖ ﺍﺟﺎﻧﻲ ﺍﻟﻄﻠﻖ … ﻛﺎﻥ ﺑﻬﺎﺩ ﺍﻻﺳﺒﻮﻉ ﺗﺤﺪﻳﺪﺍً ﺍﻡ ﻋﺒﺪﺍﻟﻠﻪ ﺗﺠﻲ ﺗﺸﻖ ﻋﻠﻲ ﺑﻐﻴﺎﺏ ﺟﻮﺯﻱ ﻻﻥ ﻛﺎﻧﺖ ﻭﻻﺩﺗﻲ ﻣﺘﻮﻗﻌﻪ ..
ﺿﻠﻴﺖ ﺍﺑﻜﻲ ﻭﻋﻴﻂ ﻟﻮﻗﺖ ﻣﺎ ﺩﻕ ﺑﺎﺏ ﺍﻟﺒﻴﺖ .. ﻣﺎ ﺑﻌﺮﻑ ﻛﻴﻒ ﻭﺻﻠﺖ ﻭﻓﺘﺤﺖ ﺍﻟﺒﺎﺏ ﻭﺭﻣﻴﺖ ﺣﺎﻟﻲ ﺗﺤﺖ ﺭﺟﻠﻴﻬﺎ ﻭﺍﻧﺎ ﺍﺗﻮﺳﻠﻬﺎ ﺗﺴﺎﻋﺪﻧﻲ …
ﺷﻌﻮﺭ ﺍﻟﻮﻻﺩﻩ ﺃﻛﺘﺮ ﺷﻌﻮﺭ ﻣﺆﻟﻢ ﺑﺘﺤﺲ ﻓﻴﻪ ﺍﻷﻧﺜﻰ ﺑﺤﻴﺎﺗﻬﺎ … ﻣﻊ ﻛﻞ ﺗﻘﻠﺺ ﻭﻛﻞ ﻧﻔﺲ ﺑﺘﺤﺴﻲ ﺭﻭﺣﻚ ﻃﻠﻌﺖ ﻟﻠﺴﻤﺎ ﻭ ﺭﺟﻌﺘﻲ ﺍﻧﺒﻌﺜﺘﻲ ﻣﻦ ﺟﺪﻳﺪ ..
ﺭﺍﺣﺖ ﺟﺎﺑﺖ ﺑﻴﺖ ﻋﻤﻲ ﻭﺍﺗﺼﻠﻮ ﺑﻘﻴﺲ ﻭﺍﺳﻌﻔﻮﻧﻲ … ﻛﺎﻧﻮ ﻣﺘﺄﺧﺮﻳﻦ ﻋﻠﻲ ﻭ ﺧﺎﻓﻮ ﻋﻠﻰ ﺍﻟﻮﻟﺪ ﻳﺨﺘﻨﻖ ﻭﻳﻤﻮﺕ ..
ﻛﻞ ﺛﺎﻧﻴﻪ ﺍﺗﻤﻨﻰ ﺍﻟﻤﻮﺕ ﻭﺍﻟﺮﺣﻤﺔ ﻻﻥ ﺟﺴﻤﻲ ﻣﺎ ﻋﺎﺩ ﺗﺤﻤﻞ ﺍﻟﻮﺟﻊ ﺍﻟﻲ ﻋﻢ ﺣﺴﻮ .. ﺭﻭﺡ ﻋﻢ ﺗﻄﻠﻊ ﻣﻦ ﺭﻭﺡ !! … ﻣﻊ ﺁﺧﺮ ﺻﺮﺧﻪ ﺻﺮﺧﺘﻬﺎ ﻭ ﺭﺍﻓﻘﺖ ﺻﺮﺧﺘﻲ ﺻﺮﺧﺔ ﺍﺑﻨﻲ ..
ﻧﺎﺩﻳﺖ ﺑﻜﻞ ﺻﻮﺗﻲ )) ﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺥ ﻳﺎ ﺃﻣﻴﻴﻴﻴﻴﻴﻴﻴﻴﻴﻴﻴﻲ
ﻳﻴﻴﻴﻴﻴﻴﻴﻴﻴﻴﻴﻴﻴﻲ (( ﺗﺰﻛﺮﺗﻬﺎ ﻛﺘﻴﺮ … ﻛﻨﺖ ﻣﻮﺟﻮﻋﻪ ﻋﻠﻰ ﺣﺎﻟﻲ ﻭﻣﻮﺟﻮﻋﻪ ﺍﺩﻳﻪ ﺍﻣﻲ ﺗﻌﺰﺑﺖ !! ﺣﻄﺘﻠﻲ ﺍﻟﻤﻤﺮﺿﻪ ﺍﺑﻨﻲ ﻋﻠﻰ ﺻﺪﺭﻱ ﻭﻫﻮ ﻋﻢ ﻳﺒﻜﻲ
ﻛﻨﺖ ﺗﻌﺒﺎﻧﻪ ﻟﺪﺭﺟﺔ ﻋﺪﻡ ﺍﻟﻮﻋﻲ .. ﺑﺲ ﺣﺎﺳﻪ ﻓﻴﻪ ﻋﻢ ﻳﺘﺤﺮﻙ ﻋﻠﻰ ﻛﺘﺎﻓﻲ ﻭﻳﺒﻜﻲ … ﺳﻤﻌﺖ ﺍﻟﻤﻤﺮﺿﻪ ﻋﻢ ﺗﻘﻮﻝ )) ﺟﻴﺒﻮﻟﻬﺎ ﺍﻣﻬﺎ ﻣﻦ ﻟﻤﺎ ﻓﺎﺗﺖ ﻭﻫﻲ ﺗﺼﺮﺥ ﺍﺥ ﻳﺎ ﺍﻣﻲ .. ((
ﻧﺰﻟﺖ ﺍﺧﺮ ﺩﻣﻌﻪ ﻣﻦ ﻋﻴﻨﻲ ﻭﺍﻧﺎ ﻋﻢ ﺍﻫﻤﺲ )) ﺍﻧﺎ ﻣﺎ ﺍﻟﻲ ﺃﻡ (( ﻭﻏﻄﻴﺖ ﺑﻨﻮﻡ ﻣﺎ ﺻﺤﻴﺖ ﻣﻨﻮ ﻟﺘﺎﻧﻲ ﻧﻬﺎﺭ ﺍﻟﻤﺴﺎ
ﺍﺑﻨﻲ ﺯﻳﺎﺩ ﻛﺎﻥ ﻣﺘﻞ ﺍﻟﻔﺮﺍﺷﻪ … ﺍﺟﺎ ﻋﺎﻟﺪﻧﻴﺎ ﻭﺟﺎﺑﻠﻲ ﺍﻟﺴﻌﺎﺩﻩ ﻭﺍﻟﻔﺮﺡ … ﺧﻼﻧﻲ ﺍﻧﺴﻰ ﻛﻞ ﺷﻲ ﺷﻔﺘﻮ ﺑﺤﻴﺎﺗﻲ .. ﻭﺳﺎﻣﺤﺘﻮ ﻻﻥ ﺧﻼﻧﻲ ﺍﺗﻌﺰﺏ ﻛﺘﻴﺮ ﺑﻮﻻﺩﺗﻮ ﻻﻥ ﺿﺤﻜﺘﻮ ﺑﺘﺴﻮﺍ ﺭﻭﺣﻲ ..
ﺻﺎﺭ ﻫﻮ ﻛﻞ ﺷﻲ ﺑﺎﻟﻨﺴﺒﻪ ﺍﻟﻲ .. ﻭﻣﺎ ﻋﺎﺩ ﺍﻫﺘﻤﻴﺖ ﻟﻘﻴﺲ ﺷﻮ ﺑﻴﻌﻤﻞ ﻭﺷﻮ ﻣﺎ ﺑﻴﻌﻤﻞ .. ﻣﺎ ﻋﺎﺩ ﻫﻤﻨﻲ ﺍﺑﺪﺍً ﻭ ﻻ ﻋﺎﺩ ﻫﺰ ﻓﻴﻨﻲ ﺷﻌﺮﻩ ..
ﺻﺎﺭ ﻳﻜﺒﺮ ﺍﺑﻨﻲ ﻗﺪﺍﻡ ﻋﻴﻮﻧﻲ .. ﻛﺎﻥ ﺣﺮﻙ ﻛﺘﻴﺮ ﻭ ﻣﺮﺡ ﻛﺘﻴﺮ .. ﻳﺤﺐ ﻳﻜﺘﺸﻒ ﻛﻞ ﺷﻲ ﻭ ﻳﺤﺐ ﻳﺸﻮﻑ ﻛﻞ ﺷﻲ .. ﺍﻭﻝ ﻣﺸﻴﻮ ﺗﻌﺰﺑﺖ ﻣﻌﻮ ﻛﺘﻴﺮ ﻭﻃﻮﻝ ﺍﻟﻮﻗﺖ ﺍﺭﻛﺾ ﻭﺭﺍﻩ ﺑﺪﻭﻥ ﻣﺎ ﺍﺗﺄﻓﺄﻑ ﺍﻭ ﺍﺯﻋﻞ ﻻﻥ ﻛﻨﺖ ﻓﺮﺣﺎﻧﻪ ﻭﺍﻧﺎ ﺷﺎﻳﻔﺘﻮ ﻋﻢ ﻳﻠﻒ ﺑﺎﻟﺒﻴﺖ ﻭﻳﻌﻄﻲ ﻫﺎﻟﺤﻴﻄﺎﻥ ﺍﻟﺒﺎﺭﺩﺓ ﺭﻭﺡ ﻭ ﺣﻴﺎﺓ
ﻋﻼﻗﺘﻲ ﺑﺄﻡ ﻋﺒﺪﺍﻟﻠﻪ ﺗﺠﺎﻭﺯﺕ ﺍﻟﻨﺼﺢ ﻭ ﺍﻟﻤﻮﻋﻈﺔ ﻭﺍﻟﺘﻮﻋﻴﺔ ﺑﺄﻣﻮﺭ ﺍﻟﺪﻳﻦ … ﻛﺎﻧﺖ ﺑﺎﻟﻨﺴﺒﻪ ﺍﻟﻲ ﻣﺘﻞ ﺃﻡ .. ﺑﺘﻨﺼﺤﻨﻲ ﻭﺑﺘﻮﺟﻬﻨﻲ ﻭﺑﺘﺘﺤﻤﻞ ﻭﺟﻌﻲ ﻭ ﺣﻜﻴﻲ ﺍﻟﻜﺘﻴﺮ ﺍﻟﻲ ﺑﻴﻮﺟﻊ ﺍﻟﻘﻠﺐ
ﻛﺎﻧﺖ ﺣﻴﺎﺗﻲ ﺑﻠﺸﺖ ﺗﺴﺘﻘﻴﻢ .. ﻭﺑﻠﺸﺖ ﻋﻴﺶ ﻣﺘﻞ ﺑﺎﻗﻲ ﺍﻟﻨﺎﺱ … ﻟﻮﻗﺖ ﻣﺎ ﺭﺟﻌﺖ ﺍﻛﻠﺖ ﺍﻟﻀﺮﺑﻪ ﺍﻟﻲ ﺻﺤﺘﻨﻲ ﻋﻠﻰ ﺣﺎﻟﻲ ﻭﺯﻛﺮﺗﻨﻲ ﺍﻧﻮ ﺍﻧﺎ ﺃﻣﺎﻧﻲ … ﺃﻣﺎﻧﻲ ﺍﻟﻲ ﻣﻮ ﻣﻜﺘﻮﺑﻠﻬﺎ ﺗﺪﻭﻕ ﻃﻌﻢ ﺍﻟﻔﺮﺡ ﺑﻴﻮﻡ ..
ﺭﺣﺖ ﺯﺭﺕ ﺟﺎﺭﺗﻲ ﺍﻟﻲ ﺑﻴﺘﻬﺎ ﺟﻨﺐ ﺑﻴﺘﻨﺎ ﻭﻋﻨﺪﻫﺎ ﺍﻭﻻﺩ ﺑﻌﻤﺮ ﺍﺑﻨﻲ … ﻗﻌﺪﻧﺎ ﻗﺪﺍﻡ ﺍﻟﺒﻴﺖ ﻭﺍﻷﻭﻻﺩ ﻋﻢ ﻳﻠﻌﺒﻮ ﻗﺪﺍﻡ ﻋﻴﻮﻧﺎ …
ﻛﺎﻥ ﻣﻌﻬﻦ ﻃﺎﺑﻪ ﺻﻐﻴﺮﻩ ﻋﻢ ﻳﻠﻌﺒﻮ ﻓﻴﻬﺎ …
ﻭﺍﻧﺎ ﻭﺟﺎﺭﺗﻲ ﻋﻢ ﻧﺤﻜﻲ ﻋﻦ ﺍﻟﻐﺴﻴﻞ ﻭﺍﻟﻜﻮﻱ ﻭﺍﻟﻄﺒﺦ … ﻣﺎﺑﻌﺮﻑ ﺑﺲ ﻣﺎ ﺗﻮﻗﻌﺖ ﻳﺼﻴﺮ ﻫﻴﻚ ﺷﻲ … ﻛﻞ ﺷﻲ ﻛﻨﺖ ﻣﺘﺨﻴﻠﺘﻮ … ﺍﻻ ﺍﻧﻮ ﺑﻌﺪ ﻣﺎ ﺭﺑﻨﺎ ﺭﺯﻗﻨﻲ ﻫﺎﻟﻔﺮﺣﻪ ﻳﺮﺟﻊ ﻳﺤﺮﻣﻨﻲ ﻣﻨﻬﺎ ..
ﺳﻤﻌﺖ ﺻﻮﺕ ﺑﻨﺖ ﺟﺎﺭﺗﻲ ﻭﻫﻲ ﻋﻢ ﺗﻌﻴﻂ ( ﺯﻳﺎﺍﺍﺩ ﻓﻲ ﺳﻴﺎﺭﺓ .. ﺯﻳﺎﺍﺍﺍﺩ ﻓﻲ ﺳﻴﺎﺍﺍﺍﺍﺍﺍﺍﺍﺭﺓ .. ﻣﺎﺍﺍﺍﺍﺍﻣﺎﺍﺍﺍﺍﺍﺍ ﺯﻳﺎﺍﺍﺍﺍﺍﺍﺍﺍﺍﺍﺩ .. )
ﻭﺑﻌﺪ ﺍﻟﺼﻮﺕ ﻣﺒﺎﺷﺮﺓ ﺍﺟﺎ ﺻﻮﺕ ﺑﺮﻳﻚ ﺳﻴﺎﺭﺓ ﻗﻮﻱ ﻛﺘﻴﺮ … ﺧﻔﺖ ﺍﺗﻄﻠﻊ ﻭﺭﺍﻱ … ﻭﺧﻔﺖ ﺷﻮﻑ ﺷﻮ ﺻﺎﺭ …
ﻛﻨﺖ ﻋﻢ ﺩﻭﺭ ﻋﻠﻰ ﺍﺑﻨﻲ ﺑﻜﻞ ﻣﻜﺎﻥ ﺍﻻ ﺑﺎﻟﺸﺎﺭﻉ … ﻛﻨﺖ ﻋﻢ ﺣﺎﻭﻝ ﻻﻗﻴﻪ ﺣﻮﺍﻟﻲ ﺍﻭ ﻣﺘﺨﺒﻲ ﻭﺭﺍﻱ ﻣﺘﻞ ﻋﺎﺩﺗﻮ .. ﺑﺄﻱ ﻣﻜﺎﻥ .. ﺑﺄﻱ ﻣﻜﺎﻥ ﻳﺎﺭﺑﻲ .. ﺇﻻ ﺗﺤﺖ ﻋﺠﺎﻝ ﺍﻟﺴﻴﺎﺭﺓ ﻳﺎ ﺍﻟﻠﻪ …
# ﺃﺣﻔﺎﺩ _ ﺍﺑﻠﻴﺲ _ ﺑﻖﻟﻢ _ ﻣﺎﻝ _ ﺍﻟﺸﺎﻡ
# ﻗﺼﺔ _ ﻭﺍﻗﻌﻴﺔ
ﺍﻟﺠﺰﺀ ﺍﻟﺴﺎﺩﺱ
ﺯﻳﺎﺩ ﺭﺍﺡ ﻭﺍﺧﺪ ﻣﻌﻮ ﻛﻞ ﺷﻲ ﺑﺎﻗﻲ ﻣﻦ ﺿﻌﻒ ﻭﺑﺮﺍﺀﺓ ﺃﻣﺎﻧﻲ … ﺣﻮﻟﻨﻲ ﻟﻮﺣﺶ ﺑﺪﻭ ﻳﻨﺘﻘﻢ ﻣﻦ ﺍﻟﻜﻞ ﻭ ﻳﺠﺮﺡ ﺍﻟﻜﻞ .. ﻃﻠﻊ ﺍﻟﻲ ﻣﺨﺎﻟﺐ ﻭ ﺃﻧﻴﺎﺏ … ﻭﻛﺒﺮﺕ ﻓﻮﻕ ﻋﻤﺮﻱ ﻋﺸﺮﻳﻦ ﺳﻨﻪ .. ﻣﻦ ﺍﻟﻘﻬﺮ ﻭﺍﻟﻮﺟﻊ ﻭ ﺍﻷﻟﻢ ..
ﻣﺎ ﺍﺧﺪﺕ ﺑﻌﺰﺍ ﺍﺑﻨﻲ ﻣﻦ ﺣﺪﺍ .. ﺿﻠﻴﺖ ﺑﻐﺮﻓﺘﻲ ﻋﻢ ﺍﻗﺮﺃ ﻗﺮﺁﻥ .. ﻛﺘﻴﺮ ﻣﺸﺘﺎﻗﺘﻠﻮ .. ﻭﻣﻮ ﻣﺴﺪﺋﺔ ﺍﻧﻮ ﺭﺍﺡ ﻣﻦ ﺑﻴﻦ ﺍﻳﺪﻱ .. ﻣﻮ ﻣﺴﺪﺋﺔ ﺍﻧﻮ ﻣﺎ ﻋﺎﺩ ﺷﻮﻓﻮ ﺍﻭ ﺿﻤﻮ ﺍﻭ ﺑﻮﺳﻮ .. ( ﻟﻴﺶ ﻫﻴﻚ ﻳﺎ ﺍﻣﻲ !! ﻫﻴﻚ ﺑﺘﻌﻤﻞ ﻓﻴﻨﻲ ﻳﺎ ﺣﺒﻴﺒﻲ
ﺑﻌﺪ ﻣﺎ ﺭﺟﻌﺘﻠﻲ ﺍﻟﺤﻴﺎﺓ ﻭﺧﻠﻴﺘﻨﻲ ﻋﻴﺶ ﻛﺮﻣﺎﻟﻚ ﻭ ﺍﺿﺤﻚ ﻭ ﺍﻧﺴﻰ ﻛﻞ ﻫﻤﻮﻣﻲ ؟ ﻫﻴﻚ ﺑﺘﻌﻤﻞ ﺑﺎﻣﻚ ﻳﺎ ﺯﻳﺎﺩ ؟ )
ﻓﺎﺕ ﻗﻴﺲ ﻟﻌﻨﺪﻱ ﻭﻫﻮ ﻣﺘﺪﺍﻳﺊ ( ﻃﻴﺐ ؟ ﻷﻳﻤﺖ ﻋﻠﻰ ﻫﺎﻟﺤﺎﻟﺔ ؟ … ﺧﻠﺺ ﺍﻟﻮﻟﺪ ﺭﺍﺡ ﻭﺍﻟﻚ ﺷﻬﺮﻳﻦ ﻫﻴﻚ ﻣﺘﻞ ﺍﻟﻤﺠﻨﻮﻧﺔ ﻋﻢ ﺗﺤﺎﻛﻲ ﺣﺎﻟﻚ )
ﺭﻓﻌﺖ ﻋﻴﻮﻧﻲ ﻓﻴﻪ ﺑﻜﻞ ﻛﺮﻩ .. ﻛﻨﺖ ﺣﺎﺳﺴﺘﻮ ﻫﻮ ﺍﻟﺴﺒﺐ .. ﺣﺴﻴﺖ ﺭﺑﻨﺎ ﻋﺎﻗﺒﻮ ﺑﺎﺑﻨﻮ ﻻﻧﻮ ﻭﺍﺣﺪ ﻋﺎﺻﻲ ﻭﻣﺎ ﺑﺨﺎﻑ ﺍﻟﻠﻪ … )) ﺷﻮ ﺑﺪﻙ ﻣﻨﻲ ؟ ((
ﻗﻴﺲ )) ﻧﺴﻮﺍﻥ ﺍﺑﻮﻛﻲ ﺑﺮﺍ .. ﻗﺎﻝ ﺍﺑﻮﻛﻲ ﺑﺎﻋﺘﻬﻦ ﻳﺸﻘﻮ ﻋﻠﻴﻜﻲ ((
ﺃﻣﺎﻧﻲ )) ﺑﺘﻄﻠﻊ ﺑﺘﻘﻠﻬﻦ ﺑﺎﻟﺤﺮﻑ ﺍﻟﻮﺍﺣﺪ # ﺍﻧﻘﻠﻌﻮﺍ .. ﺍﺣﺴﻦ ﻣﺎ ﺍﻧﺎ ﺍﻃﻠﻊ ﻗﻠﻌﻬﻦ ((
ﻗﻴﺲ )) ﺷﻮ ؟ ((
ﺃﻣﺎﻧﻲ )) ﻣﺘﻞ ﻣﺎ ﺳﻤﻌﺖ … ﻃﻮﻝ ﺍﻟﻌﺰﺍ ﻭﻫﻦ ﻗﺎﻋﺪﺍﺕ ﻫﻮﻥ ﻭﺍﻧﺎ ﻣﻮ ﻗﺎﺩﺭﺓ ﺍﺣﻜﻲ ﻻﻥ ﻣﻮ ﻣﺘﺤﻤﻠﻪ ﺷﻲ .. ﺑﺲ ﺃﺯﺍ ﺑﻌﺪ ﺑﺪﻭﺳﻮ ﻫﺎﺩ ﺍﻟﺒﻴﺖ ﺑﻜﺴﺮ ﺭﺟﻠﻬﻦ ((
ﻗﻴﺲ )) ﻣﺎ ﻳﻜﻮﻥ ﺑﻴﺖ ﺍﻟﻲ ﺧﻠﻔﻚ ﺍﻣﺎﻧﻲ ﺧﺎﻧﻮﻡ ؟ .. ﺍﻧﺎ ﻣﺎ ﺑﻘﻠﻊ ﺣﺪﺍ ﻣﻦ ﺑﻴﺘﻲ ﻣﻴﻦ ﻣﺎ ﻛﺎﻥ ((
ﺃﻣﺎﻧﻲ )) ﻃﻴﺐ .. ﻟﻜﻦ ﺭﻭﺡ ﺍﻋﻤﻞ ﻓﻨﺠﺎﻥ ﻗﻬﻮﺓ ﻭﺍﻗﻌﺪ ﺍﻧﺖ ﻭﻳﺎﻫﻦ .. ﻭﺳﻜﺮﻟﻲ ﻫﺎﻟﺒﺎﺏ ﻭﺭﺍﻙ ((
ﺭﺟﻌﺖ ﻧﺰﻟﺖ ﺭﺍﺳﻲ ﻟﻠﻤﺼﺤﻒ ﻭﺗﺎﺑﻌﺖ ﻗﺮﺍﺀﺓ .. ﻣﺎ ﺍﻫﺘﻤﻴﺖ ﻓﻴﻪ ﺷﻮ ﻋﻢ ﻳﺤﻜﻲ .. ﻃﻠﻊ ﻣﻦ ﺍﻟﻐﺮﻓﺔ ﻭﺗﺮﻛﻨﻲ … ﻛﺎﻥ ﺭﺑﻨﺎ ﻋﻢ ﻳﻌﻄﻴﻨﻲ ﺍﻟﻘﻮﺓ ﻻﻃﻠﻊ ﻣﻦ ﻫﺎﻟﻤﺤﻨﺔ ..
ﺑﻌﺪ ﺍﺳﺒﻮﻉ ﻃﻠﻌﺖ ﻣﻦ ﺑﻴﺘﻲ ﻷﻭﻝ ﻣﺮﻩ ﻭﺭﺣﺖ ﺯﻭﺭ ﺍﻡ ﻋﺒﺪﺍﻟﻠﻪ .. ﻓﺘﺤﺘﻠﻲ ﺍﻟﺒﺎﺏ ﻭﺍﺳﺘﻘﺒﻠﺘﻨﻲ ﻣﺘﻞ ﺍﻟﻌﺎﺩﻩ ﺑﻄﺮﻳﻘﻪ ﺑﺘﺸﺮﺡ ﺍﻟﺼﺪﺭ ..
ﺍﻡ ﻋﺒﺪﺍﻟﻠﻪ ( ﻛﻴﻔﻚ ﺍﻧﺘﻲ ﻭﺟﻮﺯﻙ ؟ )
ﺃﻣﺎﻧﻲ ( ﻣﻮ ﻃﺎﻳﻘﺘﻮ .. ﺑﺘﻤﻨﻰ ﺍﻗﺘﻠﻮ ﻭﺍﺭﺗﺎﺡ .. ﺣﺎﺳﻪ ﺍﺑﻨﻲ ﺭﺍﺡ ﺑﺴﺒﺒﻮ .. ﺍﺑﻨﻲ ﺻﺎﺭﻟﻮ ﺷﻬﺮﻳﻦ ﻭﺍﺳﺒﻮﻉ ﻣﻴﺖ … ﻭﻫﻮ ﺑﻴﺮﻭﺡ ﻭﺑﻴﺠﻲ ﻭﺑﻴﺴﻬﺮ ﻭﻣﺎ ﺑﻴﻬﻤﻮ ﺷﻲ ﻭﺍﻧﺎ ﻋﻢ ﻣﻮﺕ ﺍﻟﻒ ﻣﻮﺗﻪ .. ﺑﺘﻌﺮﻓﻲ ﻳﺎ ﺧﺎﻟﺔ ؟
ﺯﻳﺎﺩ ﺑﻴﺠﻴﻨﻲ ﺑﺎﻟﺤﻠﻢ .. ﻛﻞ ﻣﺎ ﻧﺎﻡ ﺑﺤﻠﻢ ﻓﻴﻪ ﺑﻜﻮﻥ ﻋﻢ ﻻﻋﺒﻮ ﻭﻃﻌﻤﻴﻪ ﻭﻫﻮ ﻳﻀﺤﻜﻠﻲ … ﻫﻲ ﺍﻟﻠﺤﻈﺎﺕ ﺍﻟﻲ ﺑﺸﻮﻓﻮ ﻓﻴﻬﻦ ﻫﻦ ﺍﻟﻲ ﻣﺼﺒﺮﻳﻨﻲ ﻭﺑﺤﺲ ﺭﺑﻨﺎ ﺑﺨﻠﻴﻨﻲ ﺷﻮﻓﻮ ﺑﺎﻟﺤﻠﻢ ﺑﻄﻒ ﻭﺭﺣﻤﺔ ﺑﺤﺎﻟﺘﻲ .. )
ﺃﻡ ﻋﺒﺪﺍﻟﻠﻪ ( ﺑﺲ ﻳﺎ ﺣﺒﻴﺒﺘﻲ ﺭﺑﻨﺎ ﺃﺭﺣﻢ ﻣﻦ ﺍﻧﻮ ﻳﺤﺎﺳﺐ ﺣﺪﺍ ﺑﺬﻧﺐ ﺷﺨﺺ ﺗﺎﻧﻲ .. ﻧﺤﻨﺎ ﺣﻜﻴﻨﺎ ﻛﺘﻴﺮ ﻭﻗﻠﻨﺎ ﺍﻧﻮ ﻫﺎﺩ ﻗﻀﺎﺀ ﻭﻗﺪﺭ .. ﺭﺑﻨﺎ ﺍﻟﻲ ﺍﻋﻄﻰ ﻭﺭﺑﻨﺎ ﺍﻟﻲ ﺃﺧﺪ … ﺣﺮﺍﻡ ﺗﻌﺘﺮﺿﻲ ﻋﻠﻰ ﺣﻜﻢ ﺭﺑﻚ
ﺗﺰﻛﺮﻱ ﺍﻧﻮ ﺍﻟﻚ ﺍﺑﻨﻚ ﻃﻴﺮ ﻣﻦ ﻃﻴﻮﺭ ﺍﻟﺠﻨﺔ
ﻭ ﻭﻗﺘﻬﺎ ﺑﺘﻌﺮﻓﻲ ﻓﻀﻞ ﺭﺑﻨﺎ ﻋﻠﻴﻜﻲ ﺣﺘﻰ ﺑﺎﻟﻤﺼﺎﻳﺐ )
ﺃﻣﺎﻧﻲ ( ﻻ ﺍﻋﺘﺮﺍﺽ ﻋﻠﻰ ﺣﻜﻢ ﺍﻟﻠﻪ … ﻻ ﺇﻟﻪ ﺇﻻ ﺍﻟﻠﻪ )
ﺃﻡ ﻋﺒﺪﺍﻟﻠﻪ ( ﻭﺍﺯﺍ ﺑﺘﺴﻤﻌﻲ ﻣﻨﻲ ﻭﺍﻟﻚ ﺧﺎﻃﺮ ﻋﻨﺪﻱ … ﺣﻨﻲ ﻋﻠﻰ ﺟﻮﺯﻙ ﻭﺗﺤﻤﻠﻴﻪ … ﻳﻤﻜﻦ ﺍﻟﻠﻪ ﻳﻬﺪﻳﻪ ﻋﻠﻰ ﺍﻳﺪﻙ .. ﻭﻛﻤﺎﻥ ﺭﺑﻨﺎ ﻣﺎ ﺑﻴﺮﺿﻰ ﺗﺤﺮﻣﻲ ﺯﻭﺟﻚ ﻣﻦ ﺣﻘﻮﻗﻮ ﻭﺗﻘﺼﺮﻱ ﺑﻮﺍﺟﺒﺎﺗﻚ ﻣﺎ ﺑﻴﺠﻮﺯ ﻫﺎﺩ ﺍﻟﺸﻲ
ﻭﺍﻧﺘﻲ ﻫﻴﻚ ﺑﺎﻳﺪﻙ ﻋﻢ ﺗﻮﺟﻬﻴﻪ ﻟﻠﺤﺮﺍﻡ )
ﺃﻣﺎﻧﻲ ( ﻟﻚ ﺍﻧﺎ ﻣﺎ ﺑﻌﺘﺒﺮﻭ ﺭﺟﺎﻝ … ﻣﺎ ﺑﻄﻴﻘﻮ ﺑﻜﺮﻫﻮ … ﺍﻟﻤﺸﻜﻠﺔ ﺑﻘﻠﻮ ﻫﺎﺩ ﺍﻟﺤﻜﻲ ﺑﻮﺷﻮ ﻭﺑﺴﺒﻮ ﻭ ﺑﻮﺍﺟﻬﻮ ﺑﻜﻞ ﺷﻲ ﺑﻌﺮﻓﻮ ﻋﻨﻮ ﻭ ﺑﻴﺤﺴﺴﻨﻲ ﺍﻧﻮ ﻧﺪﻣﺎﻥ ﻭﺑﻴﺮﺟﻊ ﻣﺘﻞ ﻗﺒﻞ ﻭﻻ ﻛﺄﻧﻮ ﺗﻐﻴﺮ ﻓﻴﻪ ﺷﻲ ) ..
ﺃﻡ ﻋﺒﺪﺍﻟﻠﻪ ( ﺃﻳﻪ ﻷﻥ ﺍﻟﻤﻌﺼﻴﻪ ﻭﺍﻟﺬﻧﺐ ﺑﺨﻠﻮ ﻗﻠﺐ ﺍﻹﻧﺴﺎﻥ ﻣﺘﻞ ﺍﻟﺤﺠﺮ … ﺭﺑﻨﺎ ﻣﺎ ﺑﻴﺤﺮﻡ ﺷﻲ ﻋﻦ ﻋﺒﺚ … ﻛﻞ ﺷﻲ ﺑﻴﻌﻤﻠﻮ ﻗﻴﺲ ﺑﻴﺨﻠﻴﻪ ﻳﻔﻘﺬ ﻟﺬﺓ ﺍﻟﺤﻼﻝ .. ﺑﺎﺏ ﺍﻟﺘﻮﺑﺔ ﻣﻔﺘﻮﺡ ﺑﺲ ﺍﻟﻲ ﺑﻴﻌﺮﺽ ﻋﻨﻮ ﺭﺑﻨﺎ ﺑﻌﺎﻗﺒﻮ ﻭﺑﻐﻀﺐ ﻋﻠﻴﻪ
ﺟﻮﺯﻙ ﺷﺨﺼﻴﺘﻮ ﺿﻌﻴﻔﻪ ﻭﻣﻬﺰﻭﺯﺓ … ﺩﺍﻳﻤﺎً ﺧﺎﻳﻒ ﻣﻨﻚ … ﺑﺲ ﺳﺪﺋﻴﻨﻲ ﻣﻮ ﺑﺎﻳﺪﻭ .. ﻳﻤﻜﻦ ﻫﻮ ﻏﺮﻕ ﺑﺎﻟﻮﺣﻞ ﻟﺪﺭﺟﺔ ﺻﺎﺭ ﻗﻠﺒﻮ ﻣﺮﻳﺾ ﻭﺑﺪﻭ ﻋﻼﺝ ﻟﻴﺸﻔﻰ … ﻭﻫﺎﺩ ﺍﺑﺘﻼﺀ ﻣﻦ ﺭﺑﻨﺎ ﻭﻻﺯﻡ ﺗﻜﻮﻧﻲ ﻗﻮﻳﺔ ﻻﻥ ﻣﺎ ﺑﺪﻙ ﺗﺮﺟﻌﻲ ﻟﺒﻴﺖ ﺍﻫﻠﻚ ﻟﺬﻟﻚ ﻣﺎ ﺍﻟﻚ ﻏﻴﺮ ﺍﻟﺼﺒﺮ )
ﺑﻌﺪ ﻳﻮﻣﻴﻦ ﻣﻦ ﺣﺪﻳﺜﻨﺎ ﺷﻠﺤﺖ ﺍﻷﺳﻮﺩ .. ﻭﺭﺟﻌﺖ ﺍﻃﺒﺦ ﻟﺒﻴﺘﻲ ﻭ ﻗﻮﻡ ﺑﻮﺍﺟﺒﺎﺗﻲ … ﻭ ﻗﻴﺲ ﻣﺎ ﻛﺎﻥ ﻫﺎﻣﻮ ﺍﺯﺍ ﺍﻧﺎ ﻋﻨﺠﺪ ﺭﺟﻌﺖ ﻟﺤﻴﺎﺗﻲ .. ﺍﻟﻲ ﺑﻬﻢ ﺭﺍﺣﺘﻮ ﻭﻣﺼﻠﺤﺘﻮ ..
ﺣﻄﻴﺖ ﻣﻠﺢ ﻋﻠﻰ ﺍﻟﺠﺮﺡ ﻭ ﺭﺟﻌﺖ ﺍﺗﻌﺎﻣﻞ ﻣﻌﻮ ﺑﺸﻜﻞ ﻃﺒﻴﻌﻲ .. ﻭﻣﺸﻴﺖ ﺣﻴﺎﺗﻨﺎ ﻋﻠﻰ ﻧﻔﺲ ﺍﻟﺮﻭﺗﻴﺒﻦ ﺍﻟﻤﻤﻞ ﻭﺍﻧﺎ ﻋﺎﻳﺸﻪ ﺟﺴﺪ ﺑﺪﻭﻥ ﺭﻭﺡ ..
ﻟﻮﻗﺖ ﻣﺎ ﻋﺮﻓﺖ ﺍﻧﻲ ﻃﻠﻌﺖ ﺣﺎﻣﻞ … ﻭﺑﻠﺶ ﺍﻻﻛﺘﺌﺎﺏ ﻭﺍﻟﺨﻮﻑ ﻣﺮﻩ ﺗﺎﻧﻴﻪ .. ﺩﻣﻮﻋﻲ ﻣﺎ ﻛﺎﻧﻮ ﻳﻨﺸﻔﻮ ﻭﺻﺎﺭ ﻣﻌﻲ ﻧﻘﺺ ﺗﻐﺬﻳﺔ ﻭﺿﻠﻴﺖ ﻧﺎﻳﻤﻪ ﺑﻔﺮﺷﺘﻲ ﺷﻬﺮﻳﻦ ﻛﺎﻣﻠﻴﻦ ﻻﻥ ﺍﻟﺤﻤﻞ ﻛﺎﻥ ﺧﻄﺮ ﻛﺘﻴﺮ ﻭﻏﻴﺮ ﻣﺴﺘﻘﺮ
ﻣﺮﻕ ﺣﻤﻠﻲ ﺍﻟﺘﺎﻧﻲ ﺍﺻﻌﺐ ﺑﻜﺘﻴﺮ ﻣﻦ ﺣﻤﻠﻲ ﺍﻷﻭﻝ … ﻭﻛﻨﺖ ﻣﺘﻤﻨﻴﻪ ﻳﺠﻴﻨﻲ ﺻﺒﻲ ﻻﺭﺟﻊ ﺳﻤﻴﻪ ﺯﻳﺎﺩ .. ﺑﺲ ﺍﺟﺘﻨﻲ ﺑﻨﺖ .. ﻭﺳﻤﻴﺘﻬﺎ ﺯﻳﻨﺐ
ﺑﻨﺘﻲ ﺯﻳﻨﺐ ﻣﺎ ﻛﺎﻧﺖ ﺑﺘﺸﺒﻪ ﺣﺪﺍ .. ﻛﺎﻧﺖ ﺳﻤﺮﺍ ﻭﺷﻌﺮﻫﺎ ﺍﺳﻮﺩ ﻣﺠﻌﺪ .. ﺑﺲ ﺑﻴﻠﻬﻒ ﺍﻟﻬﺎ ﺍﻟﻘﻠﺐ ﺑﺴﺮﻋﻪ .. ﻛﻨﺖ ﺷﻮﻑ ﻓﻴﻬﺎ ﺣﺎﻟﻲ .. ﻭﻛﻞ ﻣﺮﺍﺣﻠﻬﺎ ﺍﻟﻲ ﻋﻢ ﺗﻜﺒﺮ ﻓﻴﻬﻦ ﻓﻜﺮ ﺍﻧﻮ ﺍﻧﺎ ﻛﻨﺖ ﻫﻴﻚ ؟ ﻃﻴﺐ ﻫﻸ ﺍﻧﺎ ﺑﻮﺳﺖ ﺯﻳﻨﺐ
ﻭﻧﻤﺖ ﺟﻨﺒﺎ ﻭﻣﺴﺤﺖ ﺩﻣﻌﺘﺎ .. ﻭﺍﻧﺎ ﺑﻌﻤﺮﺍ ﻓﻲ ﺣﺪﺍ ﻋﻤﻠﻲ ﻫﻴﻚ ؟ .. ﻛﻨﺖ ﻛﺘﻴﺮ ﺍﺳﺮﺡ ﻭﻓﻜﺮ … ﻭﺩﺍﻳﻤﺎً ﺍﺩﻋﻲ ﻷﻣﻲ ﻭﺣﺎﻛﻴﻬﺎ ﻭ ﻭﺻﻴﻬﺎ ﻋﻠﻰ ﺯﻳﺎﺩ ﻻﻧﻮ ﺻﺎﺭ ﻋﻨﺪﺍ
ﺑﻌﺪ ﺳﻨﻪ ﻭﻧﺺ ﺭﺟﻌﺖ ﺣﺒﻠﺖ ﻭﺟﺒﺖ ﺑﻨﺖ ﺗﺎﻧﻴﻪ .. ﺑﺲ ﻫﻲ ﺍﻟﺒﻨﺖ ﻭﻗﺖ ﻭﻟﺪﺕ .. ﺍﻟﻐﺮﻓﺔ ﺿﻮﺕ ﻣﻦ ﻧﻮﺭ ﻭﺷﻬﺎ ﻭﺟﻤﺎﻟﻬﺎ .. ﺳﻤﻴﺘﻬﺎ ﺳﺎﺭﺓ .. ﺑﻨﺘﻲ ﺳﺎﺭﺓ ﻛﺎﻧﺖ ﺁﻳﺔ ﺑﺎﻟﺠﻤﺎﻝ ﺑﺪﻭﻥ ﻣﺒﺎﻟﻐﻪ
ﻛﻞ ﻣﺎ ﺗﻜﺒﺮ ﻛﺎﻧﺖ ﺗﺤﻠﻰ ﺃﻛﺘﺮ …
ﻭﻗﺒﻞ ﻣﺎ ﺗﻜﻤﻞ ﺳﺎﺭﺓ ﺍﻟﺴﺖ ﺷﻬﻮﺭ ﺭﺟﻌﺖ ﻃﻠﻌﺖ ﺣﺎﻣﻞ ﻭﺍﻟﺨﺒﺮ ﻫﺰﻧﻲ ﻫﺰ … ﻻﻥ ﻛﺎﻥ ﺟﺴﻤﻲ ﻣﻬﺪﻭﺩ ﻭﺗﻌﺒﺎﻧﻪ ﻛﺘﻴﺮ ﻭﻣﺎ ﻛﺎﻥ ﺑﺪﻱ ﺍﻭﻻﺩ ﺍﻛﺘﺮ ﻋﺎﻷﻗﻞ ﺑﻬﻲ ﺍﻟﻔﺘﺮﺓ ﺍﻭ ﻟﺘﻜﺒﺮ ﺑﻨﺘﻲ .. !!
ﺳﺎﺭﺓ ﻛﺎﻥ ﻭﺷﻬﺎ ﺃﺑﻴﺾ ﻛﺘﻴﺮ ﻭ ﺧﺪﻭﺩﻫﺎ ﻣﺘﻞ ﺣﺒﺎﺕ ﺍﻟﺘﻔﺎﺡ .. ﻭﺷﻌﺮﻫﺎ ﻭﺍﺻﻞ ﻟﺘﺤﺖ ﺧﺼﺮﻫﺎ ﻭﻧﺎﻋﻢ ﻛﺘﻴﺮ ﻣﺘﻞ ﺍﻟﺤﺮﻳﺮ .. ﺭﻏﻢ ﺻﻐﺮ ﺳﻨﻬﺎ ﺑﺲ ﻛﺎﻥ ﺟﻤﺎﻟﻬﺎ ﻻﻓﺖ ﻛﺘﻴﺮ
ﻛﻨﺖ ﺷﻮﻓﻬﺎ ﻣﺘﻞ ﺍﻟﻠﻌﺒﺔ ﻭﺣﺐ ﻛﺘﻴﺮ ﺯﻳﻨﻬﺎ ﻭﺭﺗﺒﻠﻬﺎ ﺷﻌﺮﻫﺎ ﻭﻟﺒﺴﻬﺎ ﺗﻴﺎﺏ ﺣﻠﻮﻩ .. ﻭﺑﺬﺍﺕ ﺍﻟﻮﻗﺖ ﻛﻨﺖ ﺍﻫﺘﻢ ﺑﺰﻳﻨﺐ ﺑﺸﻜﻞ ﻣﻀﺎﻋﻒ ﻷﻥ ﺍﻟﻜﻞ ﻛﺎﻥ ﻳﺤﺴﺲ ﺯﻳﻨﺐ ﺑﺎﻟﻔﺮﻕ ﻭﻳﻔﻀﻠﻮ ﺳﺎﺭﺓ ﻋﻠﻴﻬﺎ ﻭﻛﻨﺖ ﺷﻮﻑ ﺍﻟﺤﺰﻥ ﺑﻌﻴﻮﻧﻬﺎ
ﻓــ ﻛﻨﺖ ﺣﺎﻭﻝ ﻋﺰﺯ ﺛﻘﺘﻬﺎ ﺑﺤﺎﻟﻬﺎ ﻭﺍﻋﻄﻴﻬﺎ ﺣﻨﻴﻪ ﻭﺣﺐ ﺍﻛﺘﺮ ..
ﺻﺎﺭ ﻋﻤﺮﻱ ﺯﻳﻨﺐ 5 ﺳﻨﻴﻦ ﻭ ﺳﺎﺭﺓ ﺗﻼﺕ ﺳﻨﻴﻦ ﻭﻧﺺ ﻭ ﺑﻨﺘﻲ ﺍﻟﺼﻐﻴﺮﺓ ﺣﻴﺎﺓ ﻋﻤﺮﻫﺎ ﺳﻨﺘﻴﻦ ﻭﺗﻼﺕ ﺷﻬﻮﺭ …
ﺑﻴﻮﻡ ﻛﺎﻧﺖ ﺣﻴﺎﺓ ﺣﺮﺍﺭﺗﻬﺎ ﻣﺮﺗﻔﻌﻪ ﻛﺘﻴﺮ … ﻭﻛﻞ ﻣﺎ ﻗﻮﻝ ﻟﻘﻴﺲ ﻳﻘﻠﻲ ﺣﻄﻴﻠﻬﺎ ﻛﻤﺎﺩﺍﺕ .. ﻟﺘﺎﻧﻲ ﻧﻬﺎﺭ ﺿﻠﺖ ﺣﺮﺍﺭﺗﻬﺎ ﻋﺎﻟﻴﺔ ﻭ ﻭﺷﻬﺎ ﺃﺣﻤﺮ ﻣﺘﻞ ﺍﻟﺠﻤﺮ …
ﺗﺎﻧﻲ ﻧﻬﺎﺭ ﺍﻟﺼﺒﺢ ﻛﺎﻥ ﻳﻮﻡ ﺳﺒﺖ ﻭﻗﻴﺲ ﻧﺎﻳﻢ … ﺻﺤﻴﺘﻮ ﻭﺍﻧﺎ ﺍﺗﺮﺟﺎﻩ ﻳﻘﻮﻡ ﻳﺎﺧﻮﺩ ﺍﻟﺒﻨﺖ ﻋﺎﻟﺪﻛﺘﻮﺭ ﻣﺎ ﺭﺿﻲ .. ﻗﻤﺖ ﺍﺧﺪﺕ ﻣﺼﺎﺭﻱ ﻣﻦ ﺟﻴﺒﺘﻮ ﻭﻗﻠﺘﻠﻮ ﺍﻧﺎ ﺭﺡ ﺍﺧﺪﻫﺎ ﻭ ﻣﺎ ﺣﻜﻰ ﺷﻲ
ﻭﺻﻴﺘﻮ ﻋﻠﻰ ﺯﻳﻨﺐ ﻭﺳﺎﺭﺓﻭ ﺭﺣﺖ ﻻﻡ ﻋﺒﺪﺍﻟﻠﻪ ﺍﺧﺪﺗﻬﺎ ﻣﻌﻲ ﻭﺭﺣﻨﺎ ﻋﻠﻰ ﺍﻟﺪﻛﺘﻮﺭ … ﻋﺼﺐ ﻛﺘﻴﺮ ﻻﻥ ﺗﺮﻛﺖ ﺍﻟﺒﻨﺖ ﻫﻴﻚ ﻭﺭﻋﺒﻨﻲ ﻋﻠﻴﻬﺎ ﺍﻧﻮ ﻛﺎﻥ ﻣﻤﻜﻦ ﺗﺮﻭﺡ ﻣﻦ ﺑﻴﻦ ﺍﻳﺪﻳﻨﺎ ﺑﺴﺒﺐ ﺍﻫﻤﺎﻟﻲ
ﻭﺻﺎﺭ ﻳﺤﻜﻲ ﻋﻠﻰ ﺟﻬﻠﻲ ﻭﺍﻧﻮ ﺍﻟﻲ ﻣﺘﻠﻲ ﺣﺮﺍﻡ ﻳﻜﻮﻥ ﻋﻨﺪﻫﻦ ﺍﻃﻔﺎﻝ ﻭﺍﻧﺎ ﻣﺴﺘﻬﺘﺮﺓ ﻭﻣﺎ ﺑﺴﺘﺎﻫﻞ ﻛﻮﻥ ﺍﻡ
ﻛﻨﺖ ﻋﻢ ﺍﺳﻤﻊ ﺣﻜﻴﻮ ﻭﺍﺑﻜﻲ ﻟﺒﻌﺪ ﺗﻼﺕ ﺳﺎﻋﺎﺕ ﻫﺪﻱ ﺍﻟﺪﻛﺘﻮﺭ ﻭﺻﺎﺭ ﻳﻌﺘﺰﺭ ﻣﻨﻲ ﻭﻗﻠﻲ ﺍﻧﻮ ﺑﻨﺘﻲ ﺻﺎﺭﺕ ﻣﻨﻴﺤﻪ ﻭﻛﺘﺒﻠﻲ ﻋﻠﻰ ﺍﺩﻭﻳﺔ ..
ﻃﻠﻌﻨﺎ ﺟﺒﻨﺎ ﺍﻟﺪﻭﺍ ﻣﻦ ﺍﻟﺼﻴﺪﻟﻴﺔ ﻭﺭﺟﻌﺖ ﻋﻠﻰ ﺍﻟﺒﻴﺖ ﻛﺎﻧﺖ ﺣﻴﺎﺓ ﻧﺎﻣﺖ .. ﺣﻄﻴﺘﻬﺎ ﻋﺎﻟﺘﺨﺖ ﺟﻨﺒﻲ .. ﻭﻛﺎﻥ ﺟﻮﺯﻱ ﻭﺑﻨﺎﺗﻲ ﺑﺒﻴﺖ ﺣﻤﺎﻱ …
ﺗﻤﺪﺩﺕ ﻭﺗﻄﻠﻌﺖ ﺑﺎﻟﺴﻘﻒ ﻭﺣﺎﺳﻪ ﺍﻟﻐﺮﻓﻪ ﻋﻢ ﺗﻠﻒ ﻓﻴﻨﻲ ﻭﺣﻜﻲ ﺍﻟﺪﻛﺘﻮﺭ ﻋﻢ ﻳﻠﻒ ﺑﺮﺍﺳﻲ ( ﺍﻧﺘﻲ ﻣﺎ ﺑﺘﺴﺘﺎﻫﻠﻲ ﺗﻜﻮﻧﻲ ﺍﻡ .. ﺍﻧﺘﻲ ﻣﺴﺘﻬﺘﺮﺓ .. ﺍﻧﺘﻲ ﺟﺎﻫﻠﺔ )
ﻭ ﻋﻴﻮﻥ ﺯﻳﺎﺩ ﻭﺿﺤﻜﺘﻮ ﻗﺒﻞ ﻣﺎ ﻳﻤﻮﺕ ﺑﺪﻗﺎﻳﻖ ﻋﻢ ﺗﻄﻠﻊ ﻗﺪﺍﻡ ﻋﻴﻮﻧﻲ ﻭﻋﻢ ﻓﻜﺮ … ﻳﺎ ﺗﺮﻯ ﺍﺑﻨﻲ ﺭﺍﺡ ﺑﺴﺒﺐ ﺍﻫﻤﺎﻟﻲ !! ..
ﻣﺎ ﺑﻌﺮﻑ ﻛﻴﻒ ﻏﻔﻴﺖ .. ﺑﺲ ﺻﺤﻴﺖ ﻋﻠﻰ ﺍﻳﺪﻳﻦ ﺑﻨﺘﻲ ﺯﻳﻨﺐ ﻭﻫﻲ ﻋﻢ ﺗﻤﺴﺢ ﻋﻠﻰ ﺷﻌﺮﻱ .. ﻓﺘﺤﺖ ﻋﻴﻮﻧﻲ ﻭﺍﻧﺎ ﻣﺒﻴﺘﺴﻤﺔ ..
ﺯﻳﻨﺐ ( ﺍﻧﺘﻲ ﺟﻴﺘﻲ ﻣﺎﻣﺎ ؟ )
ﺍﻣﺎﻧﻲ ( ﺍﻳﻪ ﺣﺒﻴﺒﺘﻲ .. ﻫﻸ ﺭﺟﻌﺘﻮ ؟ ﺍﻛﻠﺘﻮ ﻋﻨﺪ ﺳﺘﻚ ؟ )
ﺯﻳﻨﺐ ( ﺍﻳﻪ ﺍﻛﻠﺖ ﻭ ﺑﺎﺑﺎ ﺟﺎﺑﻠﻲ ﻛﺘﻴﺮ ﺷﻐﻼﺕ ﻃﻴﺒﻪ ﺍﻟﻲ ﻟﺤﺎﻟﻲ ﻭﻣﺎ ﺟﺎﺏ ﻟﺴﺎﺭﺓ ﻫﻬﻬﻪ )
ﺃﻣﺎﻧﻲ ( ﺍﻳﻪ ﻣﻮ ﺍﻧﺎ ﺩﺍﻳﻤﺎً ﺑﻘﻠﻚ ﺑﺎﺑﺎ ﻛﺘﻴﺮ ﺑﺤﺒﻚ ﻭﻣﺎ ﺑﺘﺴﺪﺋﻲ )
ﺯﻳﻨﺐ ( ﻻ ﻫﻮ ﺟﺎﺑﻠﻲ ﻻﻧﻮ ﻭﺍﻓﻘﺖ ﺍﻟﻌﺐ ﻣﻌﻮ .. ﻭﻗﻠﻲ ﻛﻞ ﻣﺎ ﻧﻠﻌﺐ ﻣﺮﻩ ﺗﺎﻧﻴﻪ ﺭﺡ ﻳﺠﺒﻠﻲ ﺍﻛﻼﺕ ﻃﻴﺒﻪ )
ﺃﻣﺎﻧﻲ ( ﺍﻳﻪ ﺷﻄﻮﺭﺓ ﺣﺒﻴﺒﺘﻲ ﺑﺲ ﻻﻋﺒﻮ ﺳﺎﺭﺓ ﻣﻌﻜﻦ .. ﺣﺮﺍﻡ ﺍﺧﺘﻚ ﻣﻮ ﻫﻴﻚ ﻳﺎ ﺍﻟﺒﻲ ؟ )
ﻗﺮﺑﺖ ﺯﻳﻨﺐ ﻟﺤﻀﻨﻲ ﻭﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ .. ( ﻻ ﺑﺎﺑﺎ ﻗﺎﻝ ﻣﺎ ﺑﺼﻴﺮ ﺣﺪﺍ ﻳﻠﻌﺐ ﻣﻌﻨﺎ ﺑﺲ ﺍﻧﺎ ﻭﻳﺎﻩ )
ﻋﻘﺪﺕ ﺣﻮﺍﺟﺒﻲ ﻭﺍﻧﺎ ﻣﺴﺘﻐﺮﺑﻪ .. ( ﻟﻴﺶ ؟ )
ﻏﻤﺮﺕ ﻭﺷﻬﺎ ﺑﺘﻴﺎﺑﻲ ﻭ ﺧﺒﺖ ﻋﻴﻮﻧﻬﺎ ﻋﻨﻲ ( ﻣﺎ ﺑﻌﺮﻑ ﻫﻮ ﻫﻴﻚ ﻗﺎﻝ )
ﺭﻓﻌﺖ ﻭﺷﻬﺎ ﻭﺗﻄﻠﻌﺖ ﺑﻌﻴﻮﻧﻬﺎ ( ﻟﻴﺶ ﺑﺎﺑﺎ ﺷﻮ ﻻﻋﺒﻚ ؟ )
ﺭﺟﻌﺖ ﻫﺮﺑﺖ ﺑﻌﻴﻮﻧﻬﺎ ﻣﻨﻲ ﻭﻛﺎﻧﺖ ﺑﺪﻫﺎ ﺗﺒﻌﺪ ﻋﻨﻲ .. ﻣﺴﻜﺖ ﻣﻨﻴﺢ ﻭﺻﺮﺧﺖ ﻋﻠﻴﻬﺎ ( ﻟﻚ ﺍﺣﻜﻲ ﺷﺒﺒﺒﺒﻚ ؟؟ )
ﺻﺎﺭﺕ ﺗﻠﻌﺐ ﺑﺎﺻﺎﺑﻌﻬﺎ ﺑﺨﻮﻑ ﻭﺗﺠﻤﻌﻮ ﺑﻌﻴﻮﻧﻬﺎ ﺩﻣﻮﻉ ﻭﻣﺎ ﻋﺎﺩ ﻧﻄﻘﺖ ﺑﺸﻲ .. ﺣﺎﻭﻟﺖ ﻫﺪﻱ ﺣﺎﻟﻲ ﻭﺣﻜﻴﺖ ﻣﻌﺎ ﺑﺮﻭﺍﻕ ﻭﺍﺿﺤﻜﻠﻬﺎ ﻭ ﺍﺳﺎﻟﻬﺎ ﺷﻮ ﻟﻌﺒﺘﻮ ﻭﺍﻧﺎ ﺑﺪﻱ ﺍﻟﻌﺐ ﻣﺘﻠﻜﻦ ﻭﺍﺻﻼ ﺑﺎﺑﺎ ﺑﺤﻜﻴﻠﻲ ﻛﻞ ﺍﻟﻌﺎﺑﻮ ﻳﻼ ﺍﺣﻜﻴﻠﻲ
ﻗﺮﺑﺖ ﻣﻦ ﺍﺩﻧﻲ ﻭ ﺻﺎﺭﺕ ﺗﺤﻜﻴﻠﻲ ﻗﻴﺲ ﺷﻮ ﻋﻤﻞ ..
ﻣﺎ ﻛﻨﺖ ﻋﻢ ﺳﺪﺉ ﻭﻛﺎﻧﺖ ﺿﺮﺑﺎﺕ ﺍﻟﺒﻲ ﻋﻢ ﺗﺰﻳﺪ ﻭﺣﺲ ﺧﻼﻳﺎ ﺟﺴﻤﻲ ﻛﻠﻬﺎ ﻋﻢ ﺗﻨﻤﻞ ..
ﺧﻠﺼﺖ ﺯﻳﻨﺐ ﺣﻜﻴﻬﺎ ﺑﻌﺪﻳﻦ ﺣﻄﺖ ﺍﻳﺪﻫﺎ ﻋﻠﻰ ﺍﻟﺘﺨﺖ ﻭﻗﺎﻟﺖ ( ﻫﻮﻥ ﺑﺎﻟﻐﺮﻓﺔ ﻟﻌﺒﻨﺎ .. )
ﻣﺴﻜﺘﻬﺎ ﺑﺠﻨﻮﻥ ﻭﺑﺪﻭﻥ ﻭﻋﻲ ﻭﺍﻧﺎ ﻋﻢ ﺍﺻﺮﺥ ﻭﺍﺑﻜﻲ ﻭﺍﺳﺎﻟﻬﺎ ﺷﻮ ﺻﺎﺭ ﺑﺎﻟﻀﺒﻂ ﻭﻛﻴﻒ ﻭﻫﻲ ﺻﺎﺭﺕ ﺗﺒﻜﻲ ﻣﻦ ﺍﻟﺨﻮﻑ ﻭﻣﺎ ﻋﺎﺩ ﺣﻜﺘﻠﻲ ﺷﻲ .. ﺣﻤﻠﺘﻬﺎ ﻭﺍﺧﺪﺗﻬﺎ ﻋﻠﻰ ﺍﻟﺤﻤﺎﻡ .. ﺗﻔﻘﺪﺕ ﺍﻟﺒﻨﺖ ﻭ ﻏﻂ ﻋﻠﻰ ﻗﻠﺒﻲ ﻟﻤﺎ ﺷﻔﺖ ﺩﺍﺧﻠﻴﺘﻬﺎ
ﻗﻌﺪﺕ ﺍﺑﻜﻲ ﻭﺍﺿﺮﺏ ﺣﺎﻟﻲ ﻭﻫﻲ ﻋﻢ ﺗﺒﻜﻲ ﻭﺗﻘﻠﻲ ﺍﺳﻔﻪ ..
ﻛﺎﻥ ﻗﻴﺲ ﺟﺎﻳﺒﻬﻦ ﻋﺎﻟﺒﻴﺖ ﻭﻃﺎﻟﻊ .. ﺍﺗﺼﻠﺖ ﺑﺎﻡ ﻋﺒﺪﺍﻟﻠﻪ ﻭﺍﻧﺎ ﻋﻢ ﺍﺑﻜﻲ ﻭﺍﺟﺖ ﻟﻌﻨﺪﻱ ﺑﻌﺪ ﺛﻮﺍﻧﻲ ﻭﻫﻲ ﻋﻢ ﺗﺮﻛﺾ ﻭﺗﻠﻬﺚ ..
ﻓﻮﺗﺘﻬﺎ ﻭ ﻗﻠﺘﻠﻬﺎ ﻛﻞ ﺷﻲ ﻭﺭﺟﻌﺖ ﻛﺸﻔﺖ ﻋﻦ ﺍﻟﺒﻨﺖ
ﺃﻣﺎﻧﻲ ( ﻣﺸﺎﻥ ﺍﻟﻠﻪ ﺷﻮ ﺍﻋﻤﻞ .. ﺷﻮ ﺍﻋﻤﻤﻤﻤﻞ … ﺍﻗﺘﻞ ﺣﺎﻟﻲ ﻭﺍﺭﺗﺎﺡ ﻣﻦ ﻫﻲ ﺍﻟﺤﻴﺎﺓ ؟ ﺍﻧﺎ ﻋﺎﻳﺸﻪ ﺑﻴﻦ ﺷﻴﺎﻃﻴﻦ ﻣﻮ ﺑﻴﻦ ﺑﺸﺮﺭﺭﺭ … ﺗﻌﺒﺒﺒﺒﺒﺒﺖ ﺗﻌﺒﺖ ﺗﻌﺒﺖ ﺍﻗﺘﻠﻮ ؟ ﺍﻗﺘﻠﻮﻭﻭﻭﻭﻭﻭ ؟ ﻟﻚ ﻫﺎﺩ ﺍﺑﻠﻴﺲ ﺣﺮﺍﻡ ﻳﻌﻴﺶ ﺣﺮﺍﻡ ﻳﻌﻴﻴﻴﻴﻴﻴﻴﻴﺶ )
ﺃﻡ ﻋﺒﺪﺍﻟﻠﻪ ( ﺑﻨﺘﻲ ﺃﻣﺎﻧﻲ .. ﺑﺲ ﺟﻮﺍﺑﻨﻲ ﻋﻠﻰ ﺳﺆﺍﻝ ﻭﺍﺣﺪ … ﺍﻧﺘﻲ ﺑﺪﻙ ﻣﺼﻠﺤﺔ ﺑﻨﺎﺗﻚ ﺍﻭ ﻻ ؟ )
ﺃﻣﺎﻧﻲ ( ﻟﻚ ﺍﻧﺎ ﺷﻮ ﻣﻘﻌﺪﻧﻲ ﻫﻮﻥ ﻏﻴﺮ ﺑﻨﺎﺗﻲ .. ﺷﻮ ﻣﺨﻠﻴﻨﻲ ﻋﻴﺶ ﻏﻴﺮﺭﺭﺭﻫﻦ )
ﺃﻡ ﻋﺒﺪﺍﻟﻠﻪ ( ﻃﻴﺐ ﻟﻜﻦ ﻗﻮﻣﻲ ﺧﻠﻴﻨﺎ ﻧﺮﻭﺡ ﻋﺎﻟﺸﺮﻃﺔ ﻭﻧﻘﺪﻡ ﺑﻼﻍ ﺑﺠﻮﺯﻙ )
ﺃﻣﺎﻧﻲ ( ﻛﻴﻒ !! )
ﺃﻡ ﻋﺒﺪﺍﻟﻠﻪ ( ﻣﺘﻞ ﻣﺎ ﻋﻢ ﻗﻠﻚ .. ﻭﺟﻴﺒﻲ ﺍﻟﺒﻨﺖ ﻣﻌﻚ ﻳﻼ ﺗﻌﻲ . )
ﺿﻠﻴﺖ ﺳﺎﻛﺘﻪ ﺷﻮﻱ ﻭﺭﺟﻌﺖ ﻗﺎﻟﺘﻠﻲ ﻳﻼ ﻗﻮﻣﻲ
ﻗﻤﺖ ﻋﺎﻟﺴﺮﻳﻊ ﺣﻄﻴﻨﺎ ﺑﻨﺎﺗﻲ ﻋﻨﺪ ﻣﺮﺕ ﻋﻤﻲ ﻭﺍﺧﺪﺕ ﺯﻳﻨﺐ ﻭﺭﺣﻨﺎ ﻋﻠﻰ ﻣﺮﻛﺰ ﺍﻟﺸﺮﻃﺔ .. ﻓﻮﺗﻮﻧﺎ ﻟﻌﻨﺪ ﺍﻟﻀﺎﺑﻂ ﻭﻗﺪﻣﻨﺎ ﺑﻼﻍ ﻭ ﻓﺘﺤﻠﻨﺎ ﻣﺤﻀﺮ ﻭ ﺣﻜﻴﻨﺎ ﻛﻞ ﺷﻲ ﻭﺯﻳﻨﺐ ﺣﻜﺘﻠﻬﻦ ﺍﻟﻲ ﻗﺎﻟﺘﻠﻲ ﻳﺎﻩ
ﺍﻟﻀﺎﺑﻂ ( ﺑﺲ ﺑﺪﻱ ﺍﺗﺎﻛﺪ ﻣﻨﻚ .. ﺍﻧﺘﻲ ﺟﻮﺯﻙ ﻫﺎﺩ ﺍﺳﻤﻮ ﺑﺎﻟﻀﺒﻂ ؟ )
ﺃﻣﺎﻧﻲ ( ﺍﻱ ﻫﺎﺩ ﺍﺳﻤﻮ ﺍﻟﻜﺎﻣﻞ )
ﺍﻟﻀﺎﺑﻂ ( ﺑﺲ ﺍﻧﺘﻲ ﺑﺘﻌﺮﻓﻲ ﺍﻧﻮ ﺍﻟﺴﻴﺪ ﻗﻴﺲ ﺭﺟﻞ ﻗﺎﻧﻮﻥ .. ﻭ ﻭﺍﻟﺪﻭ ﺟﻤﺎﻝ ﻛﻤﺎﻥ ﻣﻦ ﺭﺟﺎﻝ ﺍﻷﻣﻦ )
ﺗﻄﻠﻌﺖ ﺑﺄﻡ ﻋﺒﺪﺍﻟﻠﻪ ﻭﺍﻧﺎ ﺧﺎﻳﻔﻪ ( ﺍﻱ ﺷﻮ ﻳﻌﻨﻲ ؟ )
ﺍﻟﻀﺎﺑﻂ ( ﻻ ﺧﻠﺺ ﻭﻻﺷﻲ ﺗﻮﻛﻠﻲ ﻋﻠﻰ ﺍﻟﻠﻪ ﻭﻧﺤﻨﺎ ﻣﻨﺮﺩﻟﻜﻦ ﺧﺒﺮ )
ﻃﻠﻌﻨﺎ ﻭﺍﻡ ﻋﺒﺪﺍﻟﻠﻪ ﻋﻢ ﺗﺤﺎﻭﻝ ﺗﻬﺪﻳﻨﻲ .. ﺑﻨﺺ ﺍﻟﻄﺮﻳﻖ ﻭﻗﻔﺖ ﻭﻗﻠﺘﻠﻬﺎ ﻣﺎ ﺑﺪﻱ ﺍﺭﺟﻊ ﻋﺎﻟﺒﻴﺖ ﻗﺒﻞ ﻣﺎ ﺍﺗﻄﻤﻦ ﻋﻠﻰ ﺑﻨﺘﻲ ﺑﺪﻱ ﺍﺧﺪﻫﺎ ﻋﻠﻰ ﺩﻛﺘﻮﺭﺓ .. ﻣﺎ ﻛﺎﻥ ﻣﻌﻲ ﻣﺼﺎﺭﻱ ﺑﺲ ﺍﻡ ﻋﺒﺪﺍﻟﻠﻪ ﺭﺍﺣﺖ ﻣﻌﻲ ﻭ ﺩﻓﻌﺖ ﻋﻨﻲ
ﻭﺣﻜﻴﻨﺎ ﻟﻠﺪﻛﺘﻮﺭﺓ ﺍﻟﻘﺼﻪ ﻭﻛﺸﻔﺖ ﻋﺎﻟﺒﻨﺖ ﻭﻃﻤﻨﺘﻨﺎ ﺍﻧﻮ ﺍﻟﺒﻨﺖ ﺳﻠﻴﻤﺔ ..
ﻭﺻﻠﺖ ﻋﻠﻰ ﺍﻟﺒﻴﺖ ﻭﻗﻌﺪﺕ ﻣﻊ ﺯﻳﻨﺐ ﻭﺻﺮﺕ ﻓﻬﻤﻬﺎ ﻭ ﺍﺷﺮﺣﻠﻬﺎ ﻛﻞ ﺷﻲ .. ﻛﻨﺖ ﻣﻀﻄﺮﺓ ﻭﻣﺎ ﺑﻌﺮﻑ ﺍﺯﺍ ﻋﻘﻠﻬﺎ ﺍﻟﻄﻔﻮﻟﻲ ﻗﺪﺭ ﻳﺴﺘﻮﻋﺐ ﺷﻮ ﺍﻟﻲ ﺣﻜﻴﺘﻮ .. ﺑﺲ ﻣﺎ ﻛﺎﻥ ﺑﺎﻳﺪﻱ ﺷﻲ ﺍﻻ ﺍﻧﻮ ﻭﻋﻴﻬﺎ ..
ﺭﺟﻊ ﻗﻴﺲ ﻭﻛﺎﻥ ﺟﺎﻳﺐ ﻣﻌﻮ ﺍﻟﺒﻨﺎﺕ .. ﺣﺎﻭﻟﺖ ﻛﻮﻥ ﻃﺒﻴﻌﻴﻪ ﻭﻣﺎ ﺣﺴﺴﻮ ﺷﻲ ﻭﺍﺗﺮﻙ ﺍﻟﺸﺮﻃﺔ ﺗﺘﺼﺮﻑ … ﻓﻮﺗﺖ ﺑﻨﺎﺗﻲ ﻋﻠﻰ ﻏﺮﻓﺔ ﻭﻧﻤﺖ ﻣﻌﻬﻦ .. ﻭﻣﺮﻗﻮ ﺗﻼﺕ ﺍﻳﺎﻡ ﻭﻣﺎ ﺻﺎﺭ ﺍﻱ ﺷﻲ ..
ﺭﺍﺣﺖ ﺍﻡ ﻋﺒﺪﺍﻟﻠﻪ ﻟﺘﺴﺄﻝ ﻋﻦ ﺍﻟﻤﻮﺿﻮﻉ ﻭﺳﺄﻟﺖ ﻋﻦ ﺍﻟﻀﺎﺑﻂ ﻧﻔﺴﻮ .. ﻗﺎﻟﺖ ﺍﻧﻮ ﻗﻠﻌﻬﺎ ﻭ ﻗﻠﻬﺎ ﺍﺯﺍ ﺑﻌﺪ ﻣﻨﻔﺘﺢ ﻫﺎﻟﻤﻮﺿﻮﻉ ﺑﺪﻫﻦ ﻳﺘﻬﻤﻮﻧﺎ ﺑﻘﻀﻴﺔ ﺁﺩﺍﺏ ﻭﻗﺎﻝ ﺟﻮﺯﻱ ﻭ ﺣﻤﺎﻱ ﻣﻌﺮﻭﻓﻴﻦ ﺷﻮ ﻫﻦ ﻭﺍﻧﺎ ﻋﻢ ﺍﺗﺒﻠﻰ ﻋﻠﻴﻬﻦ
ﺣﻤﻠﺖ ﺣﺎﻟﻲ ﻭﺍﺧﺪﺕ ﺑﻨﺎﺗﻲ ﻭﺭﺣﺖ ﻟﻌﻨﺪﻱ ﺍﺑﻲ …
ﻓﺘﺖ ﻭﻛﺎﻥ ﻗﺎﻋﺪ ﻋﻢ ﻳﺘﻔﺮﺝ ﻋﺎﻟﺘﻠﻔﻴﺰﻭﻥ .. ﺳﻜﺮﺕ ﺍﻟﺒﺎﺏ ﻋﻠﻴﻨﺎ ﻭﺭﺣﺖ ﻗﻌﺪﺕ ﺟﻨﺒﻮ ﻭ ﺻﺮﺕ ﺍﺣﻜﻴﻠﻮ ﻭﻫﻮ ﻋﻢ ﻳﺘﻔﺮﺝ ﻭﻳﺎﻛﻮﻝ ﻓﻮﺍﻛﻪ ..
ﺃﺑﻲ ( ﺑﻨﺘﻚ ﻓﻠﺘﺎﻧﻪ .. ﻭﺍﻟﻠﻪ ﺍﻋﻠﻢ ﻣﻦ ﻭﻳﻦ ﺳﺎﻣﻌﻪ ﻫﺎﻟﺤﻜﻲ ﻭﻋﻢ ﺗﺘﺒﻠﻰ ﻋﻠﻰ ﺟﻮﺯﻙ )
ﺃﻣﺎﻧﻲ ( ﺃﺑﻲ .. ﺍﻧﺖ ﺷﻮ ﻋﻢ ﺗﺤﻜﻲ !! ﻣﺸﺎﻥ ﺍﻟﻠﻪ ﺍﻧﺎ ﺑﻨﺎﺗﻲ ﺭﺡ ﻳﻀﻴﻌﻮ ﻣﻦ ﺑﻴﻦ ﺍﻳﺪﻱ .. ﻫﺎﺩ ﺍﻟﺒﻨﻲ ﺍﺩﻡ ﻣﻮ ﻃﺒﻴﻌﻲ ﺍﺑﺪﺍً ﻣﻦ ﺍﻷﻭﻝ ﻗﻠﺘﻠﻚ ﻣﻮ ﻃﺒﻴﻌﻲ ﻭﺧﺎﻳﻔﻪ ﻣﻨﻮ ﺑﺲ ﻣﺎ ﺗﻮﻗﻌﺖ ﺗﻮﺻﻞ ﻟﻬﻮﻥ ﺍﻷﻣﻮﺭ )
ﺗﻄﻠﻊ ﻓﻴﻨﻲ ﻭﺗﺎﺑﻊ ﺣﻜﻲ ( ﻭ ﻳﻜﻮﻥ ﺻﺤﻴﺢ ﺷﻮ ﺑﺪﻙ ﻣﻨﻲ ﺍﻋﻤﻞ ؟ ﺑﺎﻟﻨﻬﺎﻳﺔ ﺍﺯﺍ ﺻﺎﺭ ﺷﻲ ﺍﻟﻔﻀﻴﺤﺔ ﺑﺘﺮﺟﻊ ﻋﻠﻴﻬﻦ ﻣﺎ ﻋﻠﻴﻨﺎ .. ﺍﻟﺒﻨﺎﺕ ﺑﻨﺎﺗﻬﻦ ﻭﻋﻠﻰ ﺍﺳﻤﻬﻦ .. ﻭﻧﺤﻨﺎ ﻣﺎ ﺩﺧﻠﻨﺎ .. )
# ﺃﺣﻔﺎﺩ _ ﺍﺑﻠﻴﺲ _ ﺑﻖﻟﻢ _ ﻣﺎﻝ _ ﺍﻟﺸﺎﻡ
# ﻗﺼﺔ _ ﻭﺍﻗﻌﻴﺔ
ﺍﻟﺠﺰﺀ ﺍﻟﺴﺎﺑﻊ
ﺃﺣﻔﺎﺩ ﺍﺑﻠﻴﺲ !! ﻛﻴﻒ !! ﻛﻴﻒ ﻫﻴﻚ ﻟﻚ ﻣﻌﻘﻮﻭﻭﻭﻝ !! ﻣﺴﺘﺤﻴﻴﻴﻴﻴﻴﻴﻴﻴﻴﻲﻝ ﻣﺴﺘﺤﻴﻞ ..
ﺭﺟﻌﺖ ﻋﻠﻰ ﺑﻴﺘﻲ ﻣﻜﺴﻮﺭﺓ ﻣﺮﻩ ﺗﺎﻧﻴﻪ .. ﻳﻤﻜﻦ ﻛﺎﻥ ﻻﺯﻡ ﻟﺤﺎﻟﻲ ﺍﻋﺮﻑ ﺍﻧﻮ ﻣﺴﺘﺤﻴﻞ ﻳﻮﻗﻒ ﺟﻨﺒﻲ .. )) ﺍﻟﻠﻪ ﻳﺮﺣﻤﻚ ﻳﺎ ﻣﺮﻳﻢ … ﺍﻟﻠﻪ ﻳﺮﺣﻤﻚ .. ((
ﻓﺘﺖ ﻋﻠﻰ ﺑﻴﺘﻲ ﻭﻛﺎﻥ ﻗﻴﺲ ﻧﺎﻃﺮﻧﻲ ﺑﺪﻭ ﻳﺘﻐﺪﺍ ..
ﺃﻣﺎﻧﻲ : ﻣﺎﺷﻲ ﻧﺺ ﺳﺎﻋﻪ ﺭﺡ ﻓﻮﺕ ﺍﻋﻤﻠﻠﻜﻦ ﻏﺪﺍ .. ﺑﺲ ﻟﻐﻴﺮ ﺗﻴﺎﺑﻲ
ﺍﺗﻄﻠﻌﺖ ﺑﺒﻨﺘﻲ ﻭﻗﻠﺘﻠﻬﺎ ﺗﺎﺧﻮﺩ ﺳﺎﺭﺓ ﻭﺣﻴﺎﻩ ﻭﻳﻔﻮﺗﻮ ﻋﻠﻰ ﻏﺮﻓﺘﻬﻦ ﻳﻠﻌﺒﻮ ﻣﻊ ﺑﻌﺾ ﻭﻣﺎ ﻳﻄﻠﻌﻮ ﻣﻨﺎ ..
ﻓﺘﺖ ﻋﺎﻟﻤﻄﺒﺦ ﻭﻗﻔﺖ ﻭﺭﺍ ﺍﻟﻐﺎﺯ ﻭ ﺑﻠﺸﺖ ﻃﺒﺦ .. ﻟﺤﻘﻨﻲ ﻗﻴﺲ
ﻗﻴﺲ : ﺷﺒﻚ ﺍﻟﻚ ﻓﺘﺮﺓ ﻣﻮ ﻋﻠﻰ ﺑﻌﻀﻚ ﺍﺑﺪﺍً .. ﻓﻲ ﺷﻲ ؟
ﻛﺎﻥ ﺣﺎﺳﺲ ﺍﻧﻮ ﺯﻳﻨﺐ ﻣﺨﺒﺮﻳﺘﻨﻲ ﺷﻲ ﻻﻥ ﻛﻞ ﺍﻟﻮﻗﺖ ﻛﺎﻧﺖ ﺗﻀﻞ ﻗﺎﻋﺪﻩ ﺟﻨﺒﻲ ﻭﻣﺎ ﺗﺴﺘﺮﺟﻲ ﺗﺤﻜﻲ ﻣﻌﻮ ..
ﺃﻣﺎﻧﻲ : ﻻ ﺍﺑﺪﺍً ، ﻟﻴﺶ ﺍﻧﺖ ﻋﺎﻣﻞ ﺷﻲ ؟
ﻗﻴﺲ : ﺿﻠﻚ ﺍﺣﻜﻲ ﻣﻦ ﺭﻭﺱ ﻣﻨﺎﺧﻴﺮﻙ .. ﻋﻢ ﺍﺣﻜﻲ ﻣﻌﻚ ﻣﺘﻞ ﺍﻟﺨﻠﺊ ﺑﺘﺮﺩﻱ ﻣﺘﻞ ﺍﻟﺨﻠﺊ .. ﺍﻟﻌﻤﻰ ﻋﻠﻰ ﻫﺎﻟﺒﻴﺖ .. ﻣﺎ ﻋﺎﺩ ﺑﺪﻱ ﺍﺗﺴﻤﻢ ﺭﺍﻳﺢ ﺍﻛﻮﻝ ﻋﻨﺪ ﺍﻫﻠﻲ ..
ﺻﺎﺭﻭ ﻳﻬﺮﻭ ﺩﻣﻮﻋﻲ ﻭﺍﻧﺎ ﻣﻌﻄﻴﺘﻮ ﺿﻬﺮﻱ .. ﺳﻤﻌﺖ ﺻﻮﺕ ﺑﺎﺏ ﺍﻟﺒﻴﺖ ﺗﺴﻜﺮ ﻭﺭﺍﻩ .. ﻛﻤﻠﺖ ﻃﺒﺦ ﻭﻃﻌﻤﻴﺖ ﺑﻨﺎﺗﻲ … ﻭﺗﺰﻛﺮﺕ ﺍﻧﻮ ﻫﻸ ﻣﺎ ﺿﻠﻠﻲ ﻏﻴﺮ ﺍﻫﻠﻮ ..
ﻟﺤﻘﺘﻮ ﺑﻌﺪ ﻧﺺ ﺳﺎﻋﻪ ﻭﻧﻄﺮﺕ ﻋﻤﻲ ﻟﺮﺟﻊ ﻋﻠﻰ ﺍﻟﺒﻴﺖ .. ﻗﻤﺖ ﻋﻤﻠﺖ ﻛﺎﺳﺔ ﺷﺎﻱ ﻭﻟﺤﻘﺘﻮ ﻋﻠﻰ ﻣﻜﺘﺒﻮ .. ﻭﻗﻠﺘﻠﻮ ﺍﺑﻨﻮ ﺷﻮ ﻋﺎﻣﻞ ﺑﺎﻟﺒﻨﺖ ﻭ ﺣﻜﻴﺘﻠﻮ ﺍﻧﻮ ﻓﺘﺤﺖ ﻣﺤﻀﺮ ﻻﻥ ﻛﻨﺖ ﺧﺎﻳﻔﻪ ﻳﻮﺻﻠﻮ ﺍﻟﺤﻜﻲ ﻣﻦ ﺣﺪﺍ ﻏﻴﺮﻱ
ﻣﺎ ﺑﻌﺮﻑ ﻛﻴﻒ ﺍﺟﺘﻨﻲ ﺍﻟﻘﻮﺓ ﺑﺲ ﺣﻜﻴﺖ ﺑﻜﻞ ﺛﻘﺔ ﻭﺑﺪﻭﻥ ﺧﻮﻑ ..
ﺃﻣﺎﻧﻲ )) ﻭﺍﺯﺍ ﻣﺎ ﺑﺘﻼﻗﻲ ﺣﻞ ﻻﺑﻨﻚ ﺍﻧﺎ ﺭﺡ ﺭﻭﺡ ﺧﺒﺮ ﺍﻫﻠﻲ .. ﻭﺍﺑﻲ ﺍﻛﻴﺪ ﻣﺎ ﺭﺡ ﻳﺴﻜﻮﺕ ﻋﻠﻰ ﻫﺎﻟﻤﻮﺿﻮﻉ .. ﺍﻧﺎ ﻗﻠﺖ ﻟﻤﺮﺕ ﻋﻤﻲ ﺑﺤﻤﻠﻲ ﺍﻷﻭﻝ .. ﻗﻠﺘﻠﻬﺎ ﺍﺑﻨﻚ ﻫﻴﻚ ﻫﻴﻚ ﻭﺿﻌﻮ ﻭ ﻭﻋﺪﺗﻨﻲ ﺗﺤﻞ ﺍﻟﻤﻮﺿﻮﻉ
ﺍﺑﻨﻜﻦ ﻣﺮﻳﺾ ﻭﺑﺪﻭ ﻋﻼﺝ ﻭﻣﺎ ﺭﺡ ﺍﺳﻤﺤﻠﻮ ﻳﺌﺬﻱ ﺑﻨﺎﺗﻲ ((
ﺃﺑﻮ ﻗﻴﺲ ﻛﺎﻥ ﻭﺷﻮ ﻣﺨﻄﻮﻑ ﻭﻣﻮ ﻣﺴﺘﻮﻋﺐ ﺍﻟﺸﻲ ﺍﻟﻲ ﺳﻤﻌﻮ … : ﺍﻧﺘﻲ ﺍﻛﻴﺪ ﻏﻠﻄﺎﻧﻪ .. ﻳﻤﻜﻦ ﻗﻴﺲ ﻛﺎﻥ ﻳﻠﻌﺐ ﻣﻊ ﺍﻟﺒﻨﺖ ﻭﻫﻲ ﻓﻬﻤﺖ ﻏﻠﻂ
ﺻﺮﺧﺖ ﻓﻴﻪ ﺑﺼﻮﺕ ﻋﺎﻟﻲ : ﻟﻚ ﻣﺎ ﻋﻢ ﺗﻔﻬﻢ ﻋﻠﻲ ﺍﻧﺎ ﻛﺸﻔﺖ ﻋﻠﻰ ﺍﻟﺒﻨﺖ ﻭ ﻛﺎﻥ ﻓﻲ ﺍﺛﺎﺭ ﻭ ﺍﺧﺪﺗﻬﺎ ﻋﻠﻰ ﺩﻛﺘﻮﺭﺓ .. ﺍﺻﺤﻰ ﺑﺌﻰ ﻫﺪﻭﻝ ﻋﺮﺿﻚ .. ﺍﺑﻨﻚ ﻣﺮﻳﺾ .. ﺍﺑﻨﻚ ﻣﻮ ﻃﺒﻴﻌﻲ .. ﺍﻟﺸﻐﻼﺕ ﺍﻟﻲ ﺑﻴﺸﻮﻓﺎ ﺣﻮﻟﺘﻮ ﻟﻤﺠﻨﻮﻥ
ﺍﻧﺎ ﻭﺑﻨﺎﺗﻲ ﻣﺎ ﺭﺡ ﻧﻀﻞ ﺗﺤﺖ ﺭﺣﻤﺘﻮﻭ ﺍﻓﻬﻤﺎﺍﺍﺍ ﺍﻓﻬﻤﺎﺍﺍﺍﺍﺍﺍﺍﺍﺍﺍﺍﺍ …
ﻓﺎﺕ ﻗﻴﺲ ﻋﻠﻰ ﺻﻮﺗﻲ ﻭﻫﻮ ﻋﻢ ﻳﺴﺄﻟﻨﺎ ﺷﻮ ﻓﻲ .. ﺍﻟﺘﻔﺘﺖ ﻋﻠﻴﻪ ﻭﻋﻴﻮﻧﻲ ﻳﻀﺮﺑﻮ ﺷﺮﺍﺭ : ﺍﻧﺖ ﺍﻧﻘﻠﻊ ﻣﻦ ﻭﺷﻲ ﻣﺎ ﺑﺪﻱ ﺷﻮﻓﻚ ﻣﺎ ﺑﺪﻱ ﺷﻮﻓﻚ ..
ﻫﺠﻢ ﻋﻠﻲ ﻟﻴﻀﺮﺑﻨﻲ ﻭﻫﻮ ﻋﻢ ﻳﺴﺄﻟﻨﻲ ﺷﺒﻨﻲ .. ﺑﻌﺪﻭ ﻋﻨﻲ ﻋﻤﻲ ﻭ ﻗﻠﻲ ﺍﺭﺟﻊ ﻋﻠﻰ ﺑﻴﺘﻲ ﻭ ﺧﻠﻰ ﻗﻴﺲ ﻋﻨﺪﻭ .. ﻃﻠﻌﺖ ﺑﺪﻭﻥ ﻣﺎ ﺭﺩ ﻋﻠﻰ ﺣﻤﺎﺗﻲ ﻭﻫﻲ ﺗﺴﺄﻟﻨﻲ ﺷﻮ ﺻﺎﻳﺮ ..
ﺭﺟﻌﺖ ﻋﻠﻰ ﺍﻟﺒﻴﺖ .. ﻓﺘﺖ ﻋﻠﻰ ﻏﺮﻓﺔ ﺑﻨﺎﺗﻲ ﻭ ﻗﻔﻠﺖ ﺑﺎﺏ ﻏﺮﻓﺘﻬﻦ ﻋﻠﻴﻬﻦ .. ﻗﻌﺪﺕ ﻣﻌﻬﻦ ﻭﺻﺮﺕ ﻓﻬﻤﻦ ﻛﻴﻒ ﻻﺯﻡ ﻳﺤﺎﻓﻈﻮ ﻋﻠﻰ ﺣﺎﻟﻬﻦ ﻭﻣﺎ ﻳﺴﻤﻌﻮ ﻛﻠﻤﺔ ﺍﻱ ﺣﺪﺍ ﻟﺪﺭﺟﺔ ﺻﺮﺕ ﻫﺪﺩﻫﻦ ﺑﺸﻜﻞ ﻫﺴﺘﻴﺮﻱ
ﺍﻧﻮ ﺍﻟﻲ ﺑﺘﺸﻠﺢ ﺗﻴﺎﺑﻬﺎ ﻗﺪﺍﻡ ﺣﺪﺍ ﺑﺪﻱ ﺍﺣﺮﻗﻬﺎ ﺑﺎﻟﻨﺎﺭ ﻭ ﺯﺗﻬﺎ ﺑﺎﻟﺸﺎﺭﻉ .. ﺑﻌﺪﻳﻦ ﺿﻤﻴﺘﻬﻦ ﻟﺼﺪﺭﻱ ﻭﺍﻧﺎ ﻋﻢ ﺍﺑﻜﻲ …
ﺑﻌﺪ ﺳﺎﻋﺘﻴﻦ ﺍﻧﻔﺘﺢ ﺑﺎﺏ ﺍﻟﺒﻴﺖ .. ﻭﺳﻤﻌﺖ ﺻﻮﺗﻲ ﻋﻤﻲ ﻭﻫﻮ ﻋﻢ ﻳﻨﺪﻫﻠﻲ …
ﻃﻠﻌﺖ ﻟﻌﻨﺪﻫﻦ ﻭﺍﻧﺎ ﻋﻢ ﺍﺗﻄﻠﻊ ﺑﻌﻴﻮﻥ ﻗﻴﺲ ﻻﻓﻬﻢ ﺷﻮ ﺻﺎﺭ ﺑﻴﻨﺎﺗﻬﻦ .. ﻛﺎﻧﻮ ﻋﻴﻮﻧﻮ ﺣﻤﺮ ﻛﺘﻴﺮ ﻛﺄﻧﻮ ﺑﻜﻴﺎﻥ ﺩﻡ .. ﻭ ﻓﻲ ﺍﺛﺎﺭ ﻛﻒ ﻣﻌﻠﻤﺔ ﻋﻠﻰ ﻭﺷﻮ ..
ﺃﺑﻮ ﻗﻴﺲ )) ﺍﻧﺎ ﺗﻔﺎﻫﻤﺖ ﻣﻊ ﻗﻴﺲ .. ﻭﻫﻮ ﺍﻛﺪﻟﻲ ﺍﻧﻮ ﻓﻲ ﺳﻮﺀ ﺗﻔﺎﻫﻢ ﻭﻫﻮ ﻛﺎﻥ ﻳﻼﻋﺐ ﺍﻟﺒﻨﺖ ﻭﻫﻲ ﻓﻬﻤﺘﻮ ﻏﻠﻂ .. ((
ﺿﻠﺖ ﻋﻴﻮﻧﻲ ﺛﺎﺑﺘﻪ ﻋﻠﻰ ﻗﻴﺲ ﻭﻫﻮ ﻣﻨﺰﻝ ﻋﻴﻮﻧﻮ ﺑﺎﻷﺭﺽ ..
ﺃﺑﻮ ﻗﻴﺲ )) ﻭﻫﻸ ﺍﻃﻮﻱ ﻫﺎﻟﺼﻔﺤﺔ ﻭﻣﺎ ﺗﺎﺧﺪﻱ ﺑﺤﻜﻲ ﺑﻨﺖ ﺻﻐﻴﺮﻩ ﻗﺒﻞ ﻣﺎ ﺗﺤﻜﻲ ﻣﻊ ﺟﻮﺯﻙ ﻭﺗﺘﻔﺎﻫﻤﻲ ﻣﻌﻮ .. ﻭﻣﺎ ﺑﺪﻱ ﺍﺳﻤﻊ ﺍﻧﻚ ﺣﻜﻴﺘﻲ ﺷﻲ ﻻﻫﻠﻚ .. ﻭﻣﻮﺿﻮﻉ ﺍﻟﻤﺤﻀﺮ ﺍﻭﻋﻲ ﻳﺘﻜﺮﺭ ﻻﻥ ﻫﺎﻟﻤﺮﺓ
ﺭﺡ ﺍﻋﺘﺒﺮﻙ ﻛﻨﺘﻲ ﺧﺎﻳﻔﻪ ﻋﻠﻰ ﺑﻨﺎﺗﻚ .. ﺗﺎﻧﻲ ﻣﺮﻩ ﻣﺎ ﺑﻴﺼﻴﺮ ﺧﻴﺮ … ﺗﺼﺒﺤﻮ ﻋﻠﻰ ﺧﻴﺮ .. ((
ﺿﺤﻜﺖ ﻋﻠﻰ ﺣﺎﻟﻲ ﻭﺍﻧﺎ ﻋﻢ ﻓﻜﺮ ﺑﺮﺍﺳﻲ )) ﻟﻮ ﻳﻌﺮﻑ ﺍﻧﻮ ﺭﺣﺖ ﻟﻌﻨﺪ ﺍﺑﻲ ﻭﻗﻠﻲ ﻣﺎ ﺩﺧﻠﻨﻲ ﻛﺎﻥ ﺭﺡ ﻳﻀﺤﻚ ﻋﻠﻲ .. ﻗﺎﻝ ﺧﺎﻳﻒ ﻣﻦ ﺍﺑﻲ ﻗﺎﻝ ((
ﺿﻠﻴﺖ ﻭﺍﻗﻔﻪ ﺍﻧﺎ ﻭﻗﻴﺲ ﻭﻫﻮ ﻣﺎ ﻋﻢ ﻳﺤﻜﻲ ﺷﻲ ..
ﺃﻣﺎﻧﻲ )) ﻟﻮﻳﻦ ﺑﻌﺪ ﺑﺪﻙ ﺗﻮﺻﻞ ؟ ﻟﻮﻳﻦ ﻳﺎ ﻗﻴﺲ … ((
ﺗﺮﻛﺘﻮ ﻭﻓﺘﺖ ﻋﻠﻰ ﻏﺮﻓﺔ ﺑﻨﺎﺗﻲ ﻭﻗﻔﻠﺖ ﺍﻟﺒﺎﺏ …
ﻗﻴﺲ ﻛﺎﻥ ﻓﻌﻼً ﻏﻴﺮ ﻣﺘﺰﻥ ﺑﻜﻞ ﻣﻌﻨﻰ ﺍﻟﻜﻠﻤﺔ .. ﻣﺎ ﻭﺻﻞ ﻟﻤﺮﻛﺰﻭ ﺍﻻ ﺑﺴﺒﺐ ﻭﺍﺳﻄﺎﺕ ﻭﻣﺼﺎﺭﻱ ﺍﺑﻮﻩ .. ﺷﺨﺼﻴﺘﻮ ﻣﻬﺰﻭﺯﺓ ﻭﺿﻌﻴﻔﺔ ﺑﺎﻟﺬﺍﺕ ﻗﺪﺍﻣﻲ .. ﻳﻤﻜﻦ ﻛﺎﻥ ﻋﺎﻳﺶ ﺻﺮﺍﻉ ﺑﻴﻦ ﺍﻧﺴﺎﻧﻴﺘﻮ ﻭ ﻭﺣﺸﻴﺘﻮ .. ﺍﻧﺠﺮﻑ ﺑﺎﻟﻄﺮﻳﻖ ﺍﻟﻐﻠﻂ
ﺍﺧﺪﻭ ﺍﻟﺘﻴﺎﺭ ﻷﻣﺎﻛﻦ ﺑﺸﻌﻪ ﻛﺘﻴﺮ .. ﺍﻣﺎﻛﻦ ﻣﺎ ﺑﻴﻌﺒﻴﺶ ﻓﻴﻬﺎ ﺇﻻ ﺍﺑﻠﻴﺲ ﻭﺍﻟﺸﻴﺎﻃﻴﻦ .. ﻭﻋﺸﻌﺸﺖ ﺑﻘﻠﺒﻮ ﺍﻟﻤﺤﺮﻣﺎﺕ .. ﺣﺘﻰ ﻧﺴﻲ ﻃﻌﻢ ﻭﻟﺬﺓ ﺍﻟﺤﻼﻝ .. ﻭﺍﻟﻠﻪ ﺍﺑﺘﻼﻧﻲ ﻓﻴﻪ
ﺯﻳﻨﺐ : ﻳﺎ ﻣﺎﻣﺎ ﺧﻠﻴﻨﺎ ﻧﺸﻮﻱ ﺑﺲ ﻛﻢ ﻧﻘﻨﻮﻗﺔ ﻭﻧﻄﻠﻊ ﻧﻨﺎﻡ !!
ﻗﻤﺖ ﻭ ﺍﻧﺎ ﻋﻢ ﻧﻜﺖ ﺗﻴﺎﺑﻲ : ﻃﻴﺐ ﺧﻠﺺ ﻣﺘﻞ ﻣﺎ ﺑﺪﻛﻦ ، ﺑﺲ ﻣﺎ ﺗﺘﺄﺧﺮﻭ ﻧﺺ ﺳﺎﻋﻪ ﻭﺑﺘﻜﻮﻧﻮ ﻋﻨﺪﻱ ﻓﻮﻕ ﻟﺒﺪﻝ ﺗﻴﺎﺑﻜﻦ ﻭﻟﺒﺴﻜﻦ ﺑﻴﺠﺎﻣﺎﺕ
ﻗﻴﺲ : ﺍﻱ ﻣﺎﺷﻲ ﻧﺺ ﺳﺎﻋﻪ ﻭﺑﺨﻠﻴﻬﻦ ﻳﻄﻠﻌﻮ ..
ﻃﻠﻌﺖ ﻭﺍﺟﺖ ﻣﻌﻲ ﺯﻳﻨﺐ ﻃﻠﻌﺘﻠﻬﺎ ﻣﻦ ﺍﻟﻔﺮﻳﺰﺭ ﻧﻘﺎﻧﻖ ﻭ ﺍﻋﻄﻴﺘﻬﺎ ﺧﺒﺰ ﻭ ﻃﻠﻌﺖ … ﻭﺍﻧﺎ ﻓﺘﺖ ﻋﻠﻰ ﻏﺮﻓﺘﻲ .. ﻃﻠﻌﺖ ﻗﻤﻴﺺ ﻧﻮﻡ ﻗﻄﻦ ﺑﺪﻟﺖ ﺗﻴﺎﺑﻲ ﻣﻦ ﺭﻳﺤﺔ ﺍﻟﺪﺧﺎﻥ .. ﻭ ﻣﺪﺩﺕ ﺣﺎﻟﻲ ﻋﺎﻟﺴﺮﻳﺮ
ﻛﻨﺖ ﻧﻌﺴﺎﻧﻪ ﻛﺘﻴﺮ ﻭﻋﻢ ﻗﺎﻭﻡ ﺍﻟﻨﻮﻡ ﻣﺸﺎﻥ ﻏﺴﻞ ﻟﻠﺒﻨﺎﺕ ﻗﺒﻞ ﻣﺎ ﻳﻨﺎﻣﻮ ﺍﺧﺮ ﺷﻲ ﺷﻔﺖ ﺍﻟﺴﺎﻋﻪ 11:30 ﻗﺒﻞ ﻣﺎ ﻳﻐﻤﻀﻮ ﻋﻴﻮﻧﻮ ﻭﺭﻭﺡ ﺑﺴﺎﺑﻊ ﻧﻮﻣﺔ .. ﺻﺤﻴﺖ ﺑﻌﺪ ﺳﺎﻋﻪ ﻭﺍﻟﺒﻲ ﻋﻢ ﻳﺪﺀ ﺑﺴﺮﻋﻪ ﻛﺄﻧﻮ ﻛﺎﻥ ﺣﺪﺍ ﻣﺎﺳﻜﻨﻲ ﻣﻦ ﺭﻗﺒﺘﻲ ﻭﻋﻢ ﻳﺨﻨﻘﻨﻲ ..
ﺻﺤﻴﺖ ﻭﺍﻧﺎ ﻋﻢ ﺍﺑﻜﻲ ﻣﺎ ﺑﻌﺮﻑ ﻟﻴﺶ ﻛﺎﻥ ﺷﻌﻮﺭ ﺑﺸﻊ ﻛﺄﻧﻲ ﺑﻘﺒﺮ ﻭﺣﺪﺍ ﻋﻢ ﻳﻜﺖ ﻋﻠﻲ ﺍﻟﺘﺮﺍﺏ ﻭﻳﺪﻓﻨﻲ ﻣﻴﺘﻪ ..
ﺭﺣﺖ ﻋﺎﻟﺤﻤﺎﻡ ﻏﺴﻠﺖ ﻭﺷﻲ ﻭﺍﻧﺎ ﻋﻢ ﺍﺑﻜﻲ .. ﻃﻠﻌﺖ ﺷﺮﺑﺖ ﻣﻲ ﻭﺣﺎﻭﻟﺖ ﺍﻫﺪﻯ .. ﺍﺟﺖ ﻋﻴﻨﻲ ﻋﻠﻰ ﺍﻟﺴﺎﻋﻪ ﻛﺎﻧﺖ 1:30
ﺭﺣﺖ ﻋﻠﻰ ﻏﺮﻓﺔ ﺑﻨﺎﺗﻲ ﻭﻣﺎ ﻟﻘﻴﺘﻬﻦ ﻫﻴﻚ ﻭﻛﺎﻧﺖ ﺣﻴﺎﺓ ﺑﻌﺪﺍ ﻧﺎﻳﻤﺔ ..
ﺣﻄﻴﺖ ﻋﻠﻰ ﺭﺍﺳﻲ ﻭﻃﻠﻌﺖ ﻭﺍﻧﺎ ﻣﻌﺼﺒﺔ )) ﺍﻧﺎ ﻣﻮ ﻗﻠﺘﻠﻜﻦ ﻧﺺ ﺳﺎﻋﻪ ﻭﺑﺘﻄﻠﻌﻮ ؟ ﻟﻴﺶ ﻟﻬﻸ !! ((
ﻭﻗﻔﺖ ﻭﻛﺎﻥ ﺍﻟﻤﺸﻬﺪ ﻏﺮﻳﺐ ..
ﺯﻳﻨﺐ ﻗﺎﻋﺪﻩ ﻋﻠﻰ ﺟﻨﺐ ﻭ ﻭﺷﻬﺎ ﻣﺎ ﻋﻢ ﻳﺘﻔﺴﺮ ﻛﺄﻧﻬﺎ ﺧﺎﻳﻔﻪ .. ﻭ ﺳﺎﺭﺓ ﺑﺤﻀﻦ ﻗﻴﺲ ..
ﻗﻴﺲ )) ﺍﻳﻪ ﻃﻠﻌﻮ ﻭﻟﻘﻮﻛﻲ ﻧﺎﻳﻤﺔ ﻭﺭﺟﻌﻮ ﻧﺰﻟﻮ … ((
ﺳﻜﺘﺖ ﺷﻮﻱ ﻭﺿﻠﻴﺖ ﺍﺗﻄﻠﻊ ﺑﺰﻳﻨﺐ .. ﻛﺎﻧﺖ ﻛﺄﻧﻬﺎ ﺑﺪﻫﺎ ﺗﺒﻜﻲ ..
ﺃﻣﺎﻧﻲ )) ﺳﺎﺭﺓ ﺗﻌﻲ ﻟﻬﻮﻥ .. ((
ﺗﻄﻠﻌﺖ ﺳﺎﺭﺓ ﺑﻘﻴﺲ ﻭﺳﺄﻟﺘﻮ )) ﺭﻭﺡ ﻫﻸ ؟ ((
ﺍﺭﺗﻔﻌﺖ ﺣﺮﺍﺭﺓ ﺟﺴﻤﻲ ﻭ ﺗﺴﺎﺭﻋﺖ ﺍﻧﻔﺎﺳﻲ .. ﻗﺮﺑﺖ ﺳﺤﺒﺘﻬﺎ ﻣﻦ ﺍﻳﺪﻫﺎ ﻭ ﺍﺧﺪﺕ ﺯﻳﻨﺐ ﻭﻃﻠﻌﻨﺎ ﻟﻔﻮﻕ .. ﺳﻜﺮﺕ ﺑﺎﺏ ﺍﻟﺒﻴﺖ ﻭﻗﻌﺪﺕ ﻋﻠﻰ ﺭﻛﺒﺘﻲ ﻭ ﺗﻄﻠﻌﺖ ﺑﺰﻳﻨﺐ )) ﺷﻮ ﻓﻲ ؟ ﺻﺎﻳﺮ ﺷﻲ ؟ ((
ﺗﻄﻠﻌﺖ ﺯﻳﻨﺐ ﺑﺴﺎﺭﺓ ﻭﻗﺎﻟﺘﻠﻬﺎ )) ﺍﺣﻜﻴﻠﻬﺎ ﺍﻧﺘﻲ ﻳﻼ ((
ﺍﻟﺘﻔﺘﺖ ﻋﻠﻰ ﺳﺎﺭﺓ ﻭﺭﺍﺳﻲ ﺭﺡ ﻳﻨﻔﺠﺮ )) ﺷﻮ ﻓﻲ ﺳﺎﺭﺓ ﺍﺣﻜﻲ ؟ … ﻟﻚ ﺷﻮ ﻓﻲ ((
ﻣﺎ ﺣﻜﺖ ﺷﻲ ﺳﺎﺭﺓ ﻛﺎﻧﺖ ﺧﺎﻳﻔﻪ ﻭ ﻭﺷﻬﺎ ﺍﺣﻤﺮ ﻛﺘﻴﺮ .. ﺑﺲ ﺯﻳﻨﺐ ﻛﺎﻧﺖ ﻣﻌﺼﺒﺔ ﻭﺻﺎﺭﺕ ﺗﻘﻠﻲ ﺷﻮ ﺻﺎﺭ .. ﺭﺟﻊ ﻗﻴﺲ ﺗﺤﺮﺵ ﺑﺴﺎﺭﺓ .. ﻭﻗﺪﺍﻡ ﻋﻴﻮﻥ ﺍﺧﺘﻬﺎ … ﺑﻌﺪ ﻣﺎ ﺑﻠﺸﺖ ﺍﺭﺟﻊ ﺍﻭﺛﻖ ﻓﻴﻪ ..
ﺩﻣﺮ ﻛﻞ ﺷﻲ … ﺩﻣﺮ ﻛﻞ ﺷﻲ …
ﺍﺑﺘﺴﻤﺖ ﻣﻊ ﺍﻧﻮ ﻛﺎﻥ ﻗﻠﺒﻲ ﻣﻦ ﺟﻮﺍ ﻋﻢ ﺗﺘﺒﺎﻃﺊ ﻧﺒﻀﺎﺗﻮ ﻛﺄﻧﻮ ﺭﺡ ﻳﻮﻗﻒ …
ﻓﺘﺖ ﻣﻌﻬﻦ ﻋﻠﻰ ﻏﺮﻓﺘﻬﻦ ﺑﺪﻟﺘﻠﻬﻦ ﺗﻴﺎﺑﻬﻦ ﻭﻓﻬﻤﺖ ﺑﺎﻟﻀﺒﻂ ﺷﻮ ﺻﺎﺭ … ﻭ ﺳﻜﺮﺕ ﻋﻠﻴﻬﻦ ﺑﺎﺏ ﺍﻟﻐﺮﻓﺔ ﻗﻔﻠﺖ ﺍﻟﺒﺎﺏ ﻣﻦ ﺑﺮﺍ ..
ﺭﺣﺖ ﻋﻠﻰ ﺍﻟﻤﻄﺒﺦ .. ﻃﻠﻌﺖ ﺳﻜﻴﻨﺔ ﻛﺒﻴﺮﺓ ..
ﻭﻃﻠﻌﺖ ﻟﺒﺮﺍ ﻟﻌﻨﺪ ﻗﻴﺲ ﻭﺍﻧﺎ ﺣﺎﻃﺔ ﺍﻟﺴﻜﻴﻨﺔ ﻭﺭﺍ ﺿﻬﺮﻱ
ﻭﻟﺴﻪ ﻋﻢ ﺍﺧﺪﻫﺎ ﻣﻦ ﺩﻛﺘﻮﺭ ﻟﺪﻛﺘﻮﺭ …
ﻗﻴﺲ ﺻﺎﺭ ﻛﻞ ﻓﺮﺽ ﻳﺼﻠﻴﻪ ﺑﺎﻟﺠﺎﻣﻊ ﺣﺘﻰ ﺍﻟﻔﺠﺮ ﻛﺎﻥ ﻳﺼﺤﻰ ﻭﻳﺼﺤﻴﻨﻲ … ﺣﺮﻣﺘﻮ ﻳﻘﺮﺏ ﻣﻦ ﺍﻟﺒﻨﺎﺕ ﺑﺸﻜﻞ ﻗﻄﻌﻲ … ﺑﺲ ﻛﻞ ﻳﻮﻡ ﺑﺤﻠﻔﻠﻲ ﻭ ﺑﺒﻮﺱ ﺍﻳﺪﻱ ﺍﻧﻮ ﺧﻠﺺ ﺗﺎﺏ ﻭﺍﻟﻲ ﻛﺎﻥ ﻓﻴﻪ ﻣﺎ ﻛﺎﻥ ﺑﺄﻳﺪﻭ
ﺻﺎﺭ ﻳﺸﻴﻠﻨﻲ ﺍﻧﺎ ﻭﺍﻟﺒﻨﺎﺕ ﻋﻦ ﺍﻷﺭﺽ ﺑﺎﻟﺪﻻﻝ ﻭ ﺍﻟﻤﺴﺎﻳﺮﺓ ﺑﺲ ﻣﺎ ﻋﻢ ﺍﻗﺪﺭ ﺍﺭﺟﻊ ﺳﺎﻣﺢ … ﻣﺎ ﻋﻢ ﺍﻗﺪﺭ ﺍﻧﺴﻰ ﺍﺑﺪﺍً .. ﻣﺎ ﻋﻢ ﺍﻗﺪﺭ ﺍﺗﻄﻤﻦ ﻋﻠﻰ ﺑﻨﺎﺗﻲ ﺑﻨﻮﺏ ..
ﻛﻨﺖ ﺑﺎﻟﻤﻄﺒﺦ ﻟﻤﺎ ﺗﺮﻛﺖ ﺍﻟﺒﻨﺎﺕ ﺑﻐﺮﻓﺘﻬﻦ ﻭﻗﻴﺲ ﺑﺎﻟﺼﺎﻟﺔ ..
ﺳﻤﻌﺖ ﺻﻮﺕ ﺣﻴﺎﺓ ﻋﻢ ﺗﻀﺤﻚ ( ﻛﻤﺎﺍﺍﺍﻥ ﺑﺎﺑﺎ ﻛﻤﺎﺍﺍﺍﺍﻥ .. ﻛﻤﺎﺍﺍﺍﺍﺍﺍﻥ ﺑﺎﺑﺎ ﻛﻤﺎﺍﺍﺍﺍﺍﺍﺍﺍﺍﺍﺍﺍﻥ .. ﻫﻬﻬﻬﻬﻬﻪ )
ﺗﺮﻛﺖ ﻣﻦ ﺍﻳﺪﻱ ﻭﺭﻛﻀﺖ ﻋﻠﻰ ﻏﺮﻓﺘﻬﻦ .. ﻛﺎﻥ ﺣﺎﻣﻠﻬﺎ ﻋﻠﻰ ﻛﺘﺎﻓﻮ ﻭﻋﻢ ﻳﺪﻭﺭﻫﺎ ﻭ ﺍﻟﺒﻨﺎﺕ ﻋﻢ ﻳﻀﺤﻜﻮ ﻭﻳﻠﻌﺒﻮ ﺣﻮﺍﻟﻴﻪ .. ﻫﺪﻳﺖ ﺍﻋﺼﺎﺑﻲ ﺷﻮﻱ ﻣﺴﺤﺖ ﻋﺮﻗﻲ ﺍﻟﻲ ﻋﻠﻰ ﺟﺒﻴﻨﻲ
ﺃﻣﺎﻧﻲ : ﺷﻮ ﻣﻔﻮﺗﻚ ﻟﻬﻮﻥ ؟ ﻣﻮ ﺍﺗﻔﻘﻨﺎ ﻏﺮﻓﺔ ﺍﻟﺒﻨﺎﺕ ﻣﺎ ﺗﺪﻭﺳﻬﺎ ؟
ﺗﺒﺪﻟﺖ ﻣﻼﻣﺢ ﺍﻟﻜﻞ .. ﺑﻌﺪﻭ ﻋﻨﻮ ﺍﻟﺒﻨﺎﺕ ﻭﻗﻌﺪﻭ ﺑﺎﻟﺰﺍﻭﻳﺔ … ﻭﺑﺎﻧﺖ ﻣﻼﻣﺢ ﺍﻟﺨﻴﺒﺔ ﻭﺍﻟﻮﺟﻊ ﻋﻠﻰ ﻭﺵ ﻗﻴﺲ ..
ﺣﻴﺎﺓ )) ﺍﻳﻪ ﺑﺎﺑﺎ ﻧﺰﻟﻨﻲ ﻟﻮ ﺳﻤﺤﺖ .. ((
ﻧﺰﻝ ﻟﻸﺭﺽ ﻭﻧﺰﻟﻬﺎ ﻭﺭﺍﺣﺖ ﻗﻌﺪﺕ ﺟﻨﺐ ﺍﺧﻮﺗﻬﺎ ﺍﻟﺘﻼﺗﻪ ..
ﻓﺘﺤﺖ ﺍﻟﺒﺎﺏ )) ﻳﻼ ﺍﻃﻼﻉ ((
ﻃﻠﻊ ﻗﺪﺍﻣﻲ ﻭﺳﻜﺮﺕ ﺍﻟﺒﺎﺏ …
ﻟﻔﻴﺖ ﻭﺷﻲ ﻟﺮﻭﺡ ﻋﻠﻰ ﺍﻟﻤﻄﺒﺦ … ﻭﻣﺴﻜﻨﻲ ﻣﻦ ﺍﻳﺪﻱ ..
ﺃﻣﺎﻧﻲ ( ﺷﻮ ﺑﺪﻙ ؟ )
ﻗﻴﺲ ( ﻣﻮ ﺍﻧﺘﻲ ﺑﺘﻌﺮﻓﻲ ﺑﺎﻟﺪﻳﻦ ؟ ﻣﻮ ﺍﻧﺘﻲ ﺑﺘﺼﻠﻲ ﻭﺑﺘﺬﻛﺮﻱ ﺭﺑﻚ ﻭ ﺑﺘﺼﻮﻣﻲ ؟ .. ﻣﺎ ﺑﺘﻌﺮﻓﻲ ﻗﻮﻝ ﺭﺏ ﺍﻟﻌﺎﻟﻤﻴﻦ ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ( ﻭَﻟْﻴَﻌْﻔُﻮﺍ ﻭَﻟْﻴَﺼْﻔَﺤُﻮﺍ ﺃَﻻَ ﺗُﺤِﺒُّﻮﻥَ ﺃَﻥْ ﻳَﻐْﻔِﺮَ ﺍﻟﻠَّﻪُ ﻟَﻜُﻢْ ) )
ﺃﻣﺎﻧﻲ ( ﺍﻧﺖ ﺣﺮﺍﻡ ﻓﻴﻚ ﺍﻟﻐﻔﺮﺍﻥ .. ﺟﺮﺑﺘﻚ ﻣﺮﻩ .. )
ﺟﻴﺖ ﻻﻣﺸﻲ ﺭﺟﻊ ﻣﺴﻜﻨﻲ ﺑﻘﻮﺓ ﻭﺳﺤﺒﻨﻲ ﻟﻌﻨﺪﻭ ( ﻭﺍﻟﻠﻪ ﺍﻟﻌﻈﻴﻢ .. ﻭﺍﻟﻠﻪ ﺍﻟﻌﻈﻴﻢ ﺍﻧﻮ ﺗﺒﺖ .. ﺗﺒﺖ ﻟﻮﺟﻪ ﺍﻟﻠﻪ ﻋﺰ ﻭﺟﻞ ﻭﺭﻣﻴﺖ ﻛﻞ ﺍﻟﻤﺎﺿﻲ ﻭﺭﺍ ﺿﻬﺮﻱ )
ﺃﻣﺎﻧﻲ ( ﺍﺛﺒﺖ ﺑﺎﻷﻭﻝ ﺑﻌﺪﻳﻦ ﺑﺴﺎﻣﺤﻚ .. )
ﻗﻴﺲ ( ﺣﺎﺿﺮ ﺍﻣﺮﻙ .. ﺭﺡ ﺍﺛﺒﺖ ﺑﺲ ﺍﻋﻄﻴﻨﻲ ﻓﺮﺻﺔ )
ﺳﻜﺘﺖ ﺷﻮﻱ ﻭﻫﺰﻳﺖ ﺑﺮﺍﺳﻲ .. ( ﻃﻴﺐ .. )
ﺗﺤﻮﻝ ﺟﻮﺯﻱ ﻟــﻤـــــــــﻼﻙ … ﻭﻋﻢ ﺷﻮﻑ ﺍﻳﺎﻡ ﻭﺩﻻﻝ ﺑﻌﻤﺮﻱ ﻣﺎ ﺣﻠﻤﺖ ﻓﻴﻬﻦ ﻟﺪﺭﺟﺔ ﺭﺟﻊ ﻗﻠﺒﻲ ﻳﻨﺒﻀﻠﻮ ﺑﺎﻟﺤﺐ ..
ﺑﺲ ﻟﻬﻸ ﻣﺎ ﻋﻢ ﺍﻗﺪﺭ ﺍﻗﺘﻨﻊ ..
ﻳﺎ ﺗﺮﻯ .. ﻣﻤﻜﻦ ﺣﻔﻴﺪ ﺍﺑﻠﻴﺲ ﻳﺘﺤﻮﻝ ﻟﻤﻼﻙ ؟
ﻣﻤﻜﻦ ﻳﺘﻮﺏ !! .. ﺭﺡ ﻳﻀﻞ ﺳﺎﺩﺉ ؟ …
ﻣﻦ ﺟﻬﺔ ﺗﺎﻧﻴﻪ ﺍﺑﻲ ﻃﻠﻖ ﻭﻓﺎﺀ ﻻﻥ ﺍﻛﺘﺸﻒ ﺍﻧﻬﺎ ﺧﺎﻳﻨﻪ ﻭ ﻓﻀﺤﻬﺎ ﻗﺪﺍﻡ ﺍﻟﺨﻠﻖ .. ﺍﺧﺪ ﻣﻨﻬﺎ ﺍﻭﻻﺩﻫﺎ ﻭﺍﺟﺖ ﺗﺘﻮﺳﻞ ﻋﻨﺪﻱ ﻭﺗﺘﺮﺟﺎﻧﻲ … ﻛﻞ ﺷﻬﺮ ﺑﻼﻗﻴﻬﺎ ﻋﻠﻰ ﺑﺎﺏ ﺑﻴﺘﻲ ﺗﺘﺮﺟﺎﻧﻲ ﺳﺎﻋﺪﻫﺎ ﻟﺘﺸﻮﻑ ﺍﻭﻻﺩﻫﺎ ..
ﻭ ﺍﻫﻠﻬﺎ ﻣﻌﻴﺸﻴﻨﻬﺎ ﺑﺠﺤﻴﻢ .. ﺣﺴﺒﺖ ﺣﻜﻴﻬﺎ ﻭﺣﺴﺐ ﺍﺛﺎﺭ ﺍﻟﻀﺮﺏ ﺍﻟﻮﺍﺿﺔ ﻋﻠﻰ ﻭﺷﻬﺎ .. ﻭﺩﺍﻳﻤﺎً ﺑﺴﻜﺮ ﺑﺎﺏ ﺍﻟﺒﻴﺖ ﺑﻮﺷﻬﺎ ﺑﺪﻭﻥ ﺷﻔﻘﺔ ..
ﺍﺫﺍ ﺍﺿﻄﺮﻳﺖ ﺍﻗﺒﻞ ﻭﺳﺎﻣﺢ ﺟﻮﺯﻱ ﻑ ﻫﺎﺩ ﻻﻧﻮ ﻣﺎ ﻋﻨﺪﻱ ﺣﻞ .. ﻭﻻﻧﻮ ﻓﻲ ﺷﻲ ﺟﻮﺍﺗﻲ ﻋﻢ ﻳﻘﻠﻲ ﺍﻧﻮ ﻫﻮ ﺿﺤﻴﺔ
ﺿﺤﻴﺖ ﺍﻟﺘﺠﺎﺭ ﺍﻟﻲ ﺑﺘﺎﺟﺮﻭ ﺑﺤﻴﺎﺓ ﺍﻟﻨﺎﺱ ﻣﻦ ﺧﻼﻝ ﺍﻟﻤﻘﺎﻃﻊ ﺍﻟﻲ ﺑﻴﻨﺸﺮﻭﻫﺎ ﻭﺑﻴﺘﺪﺍﻭﻟﻮﻫﺎ ﻋﻠﻰ ﻣﻮﺍﻗﻊ ﺍﻟﺘﻮﺍﺻﻞ .. ﺍﻟﻲ ﻣﻤﻜﻦ ﺗﺪﻣﺮ ﺷﺨﺼﻴﺔ ﺍﻹﻧﺴﺎﻥ ﻭﺗﺤﻮﻟﻮ ﻟﻮﺣﺶ ﻣﺎ ﻋﻨﺪﻭ ﻗﻠﺐ ﻭﻻ ﻣﺸﺎﻋﺮ ..
ﺑﺲ ﻫﻲ ﺻﻌﺐ ﺳﺎﻣﺤﻬﺎ ﻋﻠﻰ ﻛﻞ ﺳﻨﻴﻦ ﺍﻟﻘﻬﺮ ﻭﺍﻟﺬﻝ ﺍﻟﻲ ﺷﻔﺘﻬﺎ ﻋﻨﺪﻫﺎ ..
ﻭﺑﻨﺎﺗﻲ ﻣﺎ ﺍﻧﻬﺰﻭ ﻣﻦ ﺍﻟﻲ ﺻﺎﺭ ﻻﻥ ﺭﻏﻢ ﺟﻬﻠﻲ ﺑﺲ ﺑﺘﺜﻘﻔﺖ ﻣﻨﻴﺢ ﻋﻦ ﻃﺮﻳﻖ ﺍﻟﻤﻨﺘﺪﻳﺎﺕ ﻭﺍﻟﻔﻴﺲ ﺑﻮﻙ ﻭ ﺧﻠﻴﺖ ﻗﻴﺲ ﻳﺸﺘﺮﻳﻠﻲ ﻛﺘﻴﺮ ﻛﺘﺐ ﻋﻦ ﺻﻘﻞ ﺷﺨﺼﻴﺔ ﺍﻷﻃﻔﺎﻝ ﻭ ﺩﻋﻤﻬﻦ
ﺭﻏﻢ ﻛﻞ ﻣﺤﺎﺳﻦ ﻗﻴﺲ ﻭ ﺣﺒﻮ ﺍﻟﻲ ﻋﻢ ﻳﻌﺎﻣﻠﻨﻲ ﻓﻴﻪ ﻭ ﺗﻌﻠﻘﻮ ﻓﻴﻨﻲ ﻟﺪﺭﺟﺔ ﻋﻢ ﺣﺲ ﺣﺎﻟﻲ ﺑﻬﻞ ﻓﺘﺮﺓ ﺻﺎﻳﺮ ﻛﺄﻧﻲ ﺍﻣﻮ ﻭﻛﺄﻧﻮ ﺻﺎﺭ ﻋﻨﺪﻱ ﻭﻟﺪ ﺟﺪﻳﺪ .. ﻣﺎ ﺑﻴﺎﻛﻮﻝ ﻭﻻ ﺑﻴﺸﺮﺏ ﻭﻻ ﺑﻴﻨﺎﻡ ﺍﻻ ﺑﻮﺟﻮﺩﻱ ..
ﺑﺲ ﻗﻠﺒﻲ ﻣﻮ ﻣﺮﺗﺎﺡ ﻻﻗﺪﺭ ﻭﺻﻞ ﺑﻨﺎﺗﻲ ﻟﺒﺮ ﺍﻵﻣﺎﻥ ﻭﺍﻃﻤﻦ ﻋﻠﻴﻬﻦ …
ﻭﻟﻬﻸ ﻣﺎ ﻋﺮﻓﻨﺎ ﺷﻮ ﻋﻠﺔ ﺑﻨﺘﻲ ﺳﺎﺭﺓ … ﻭ ﻣﻦ ﺷﻮﻱ ﺭﺟﻌﺖ ﻣﻦ ﺍﻟﻤﺴﺘﺸﻔﻰ ﺑﻌﺪ ﻣﺎ ﻋﻤﻠﻨﺎﻟﻬﺎ ﺗﺤﺎﻟﻴﻞ ﻟﻠﻤﺮﻩ ﺍﻟﺮﺍﺑﻌﻪ …
)) ﺃﻣﺎﻧﻲ (( ﻣﻴﺔ ﺍﻣﻨﻴﺔ ﻭﺍﻣﻨﻴﺔ ..
ﺍﻣﻨﻲ ﺍﻟﻔﺮﺡ
ﺍﻣﻨﻴﺔ ﺍﻻﻣﺎﻥ
ﺍﻣﻨﻴﺔ ﺍﻟﺤﺐ
ﺍﻣﻨﻴﺔ ﺍﻟﺒﻴﺖ ﺍﻟﺪﺍﻓﻲ ..
ﺍﻣﻨﻴﺔ ﺣﻀﻦ ﺍﻻﻡ ..
ﺍﻣﻨﻴﺔ ﺷﻢ ﺍﺑﻨﻲ ﺯﻳﺎﺩ ..
ﺍﻣﻨﻴﺔ ﺍﻓﺮﺡ ﺑﺒﻨﺎﺗﻲ ﻭﻫﻦ ﺑﺨﻴﺮ ﻭﺳﻼﻣﺔ ..
ﺍﻣﻨﻴﺔ ﻧﺎﻡ ﺑﺘﺨﺘﻲ ﻭﻣﺎ ﺍﺻﺤﻰ ﻣﺮﻋﻮﺑﺔ ﻻﺗﺎﻛﺪ ﺍﻧﻮ ﻗﻴﺲ ﺟﻨﺒﻲ ﻭﺑﻨﺎﺗﻲ ﻧﺎﻳﻤﻴﻦ ..
ﻛﺘﻴﺮ ﺃﻣﺎﻧﻲ .. ﺍﻏﻠﺒﻬﻦ ﺳﻠﺒﻮﻧﻲ ﻳﺎﻫﻦ ﺍﺣﻔﺎﺩ ﺍﺑﻠﻴﺲ ﺍﻟﻲ ﻋﻢ ﻳﻌﺸﻌﺸﻮ ﻭﻳﻨﺘﺸﺮﻭ ﺑﻬﻞ ﺃﺭﺽ .. ﺑﺪﻭﻥ ﺭﺣﻤﺔ .
انتهت#