ﺳﻤﻮ ﺍﻟﻤﻠﻜﺔ بقلم ﻣﺎﻝ ﺍﻟﺸﺎﻡ الحلقة الثانية والاخيرة
ﺳﻤﻮ ﺍﻟﻤﻠﻜﺔ بقلم ﻣﺎﻝ ﺍﻟﺸﺎﻡ الحلقة الثانية والاخيرة
ﺍﻟﺠﺰﺀ ﺍﻟﺴﺎﺑﻊ + ﺍﻟﺜﺎﻣﻦ + ﺍﻟﺘﺎﺳﻊ + ﺍﻟﻌﺎﺷﺮ + ﺍﻟﺤﺎﺩﻱ ﻋﺸﺮ + ﺍﻟﺜﺎﻧﻲ ﻋﺸﺮ # ﺗﻤﺖ
ﺍﻡ ﺣﻤﺰﺓ : ﻻ ﺻﻬﺮﻱ ﺍﺟﺎﻙ ﺑﻨﺖ ﻣﺘﻞ ﺍﻟﻘﻤﺮ
ﺟﺎﺑﺖ ﺩﻳﻤﺎ ﺑﻨﺖ ﻭﺳﻤﺘﻬﺎ ﺩﺍﺭﻳﻦ .. ﻭﻣﻊ ﻛﻞ ﻋﻨﺎﺩ ﺻﻔﻮﺍﻥ ﻭﺭﻏﺒﺘﻮ ﺑﺎﻟﺼﺒﻲ .. ﺑﺲ ﺷﺎﻑ ﺍﻟﺒﻨﺖ ﻟﻬﻒ ﻗﻠﺒﻮ
ﻫﻲ ﺍﻭﻝ ﺍﻭﻻﺩﻭ .. ﻣﺎ ﻗﺪﺭ ﻳﻘﺴﻰ ﻋﻠﻴﻬﺎ ﻭﻳﻜﺮﻫﺎ .. ﻭﺍﺳﺘﻤﺮﺕ ﺣﻴﺎﺗﻬﻦ ﻭﻛﺎﻧﺖ ﺍﻭﺿﺎﻋﻬﻦ ﻋﻢ ﺗﺘﺤﺴﻦ ﻭﺑﻴﺘﻬﻦ ﻋﻢ ﻳﺼﻴﺮ ﺍﺣﺴﻦ
ﻛﺎﻥ ﺻﻔﻮﺍﻥ ﻫﻮ ﺍﻟﻲ ﻳﻐﻴﺮ ﺣﻔﻮﻇﺎﺕ ﺩﺍﺭﻳﻦ ﻭﻳﻬﺘﻢ ﻓﻴﻬﺎ ﺍﺯﺍ ﻣﺮﺿﺖ ﻻﻧﻮ ﻫﺎﺩ ﻛﺎﻥ ﺍﻭﻝ ﻭﻟﺪ ﻟﺪﻳﻤﺎ ﻭﻣﺎ ﻛﺎﻧﺖ ﺗﻌﺮﻑ ﺗﺘﻌﺎﻣﻞ ﻣﻊ ﺍﻟﺼﻐﺎﺭ
ﺑﺲ ﻣﺘﻞ ﺍﻟﻌﺎﺩﻩ .. ﺍﻟﻨﺎﺱ ﻭﺍﻟﻤﺠﺘﻤﻊ ﻣﺴﺘﺤﻴﻞ ﻳﺘﺮﻛﻮ ﺍﻱ ﺗﻨﻴﻦ ﻣﺒﺴﻮﻃﻴﻦ ﺑﺤﺎﻟﻬﻦ
ﺑﻠﺸﻮ ﺍﻫﻞ ﺻﻔﻮﺍﻥ ﻳﻨﻘﻮ ﻋﻠﻴﻪ ﻣﺸﺎﻥ ﺍﻟﻮﻟﺪ .. ﻭﺭﻓﻘﺎﺗﻮ ﻳﻘﻠﻮﻟﻮ ﻣﻦ ﺣﻘﻚ ﻳﻜﻮﻥ ﻋﻨﺪﻙ ﻭﻟﺪ
ﻭﺷﻜﻠﻬﺎ ﺧﻠﻔﺘﻚ ﻛﻠﻬﺎ ﺑﻨﺎﺕ … ﻭﺍﻟﻠﻪ ﻳﻌﻴﻨﻚ ﺷﻮ ﻣﺴﺘﻨﻴﻚ ﺑﺤﻴﺎﺗﻚ !! ﻫﺎﻟﺤﻜﻲ ﻛﻠﻮ ﺍﺛﺮ ﻋﻠﻰ ﺻﻔﻮﺍﻥ ﻭﻏﻴﺮﻭ
ﺭﺟﻌﺖ ﺣﺒﻠﺖ ﺩﻳﻤﺎ .. ﺑﺲ ﻫﺎﻟﻤﺮﻩ ﻫﺪﺩﻫﺎ ﺻﻔﻮﺍﻥ ﺍﻧﻮ ﺍﺯﺍ ﻣﺎ ﺑﺘﺠﻴﺒﻠﻮ ﺍﻟﺼﺒﻲ ﺭﺡ ﻳﺘﺠﻮﺯ ﻋﻠﻬﺎ !!
ﺗﺨﺎﻧﻘﻮ ﻭﻋﻠﻴﺖ ﺍﺻﻮﺍﺗﻬﻦ ﻭ ﺍﻧﻘﻬﺮﺕ ﻣﻨﻮ ﺩﻳﻤﺎ ﻛﺘﻴﺮ … ﻣﻦ ﻛﺘﺮ ﺍﻟﺰﻋﻞ ﺍﺟﻬﻀﺖ ﺍﻟﺠﻨﻴﻦ ﻗﺒﻞ ﻣﺎ ﻳﻌﺮﻓﻮﻩ ﺻﺒﻲ ﻭﻻ ﺑﻨﺖ
ﻭ ﺭﺟﻊ ﺻﻔﻮﺍﻥ ﻳﺤﺎﻭﻝ ﻳﺮﺍﺿﻴﻬﺎ … ﺑﻌﺪ ﺳﻨﻪ ﺭﺟﻌﺖ ﺣﺒﻠﺖ .. ﻭﻧﺴﻲ ﺻﻔﻮﺍﻥ ﺍﻟﻲ ﺻﺎﺭ ﻓﻴﻬﺎ ﻭﺭﺟﻊ ﻫﺪﺩﻫﺎ ﺍﻧﻮ ﺍﺯﺍ ﻣﻮ ﺻﺒﻲ ﺭﺡ ﻳﺘﺠﻮﺯ
ﻋﻠﻴﻬﺎ ﻣﻀﺖ ﺍﻳﺎﻡ ﺍﻟﺤﺒﻞ … ﻭ ﺧﻠﻔﺖ ﺩﻳﻤﺎ .. ﻭﺟﺎﺑﺖ ﺑﻨﺖ ..
ﺑﺲ ﺷﺎﻓﺘﻬﺎ ﺿﻤﺘﻬﺎ ﻭﻫﻲ ﺗﻌﺒﺎﻧﻪ ﻭﻫﻤﺴﺘﻠﻬﺎ : ﺑﺤﺒﻚ ﻳﺎ ﻧﻮﺭ ﻋﻴﻮﻧﻲ .. ﻭﺍﺑﻮﻛﻲ ﺑﺤﺒﻚ …. ﻭ ﺳﻤﺘﻬﺎ ﺩﺍﻧﺔ
ﻭﺑﺲ ﺳﻤﻊ ﺻﻔﻮﺍﻥ ﺍﻟﺨﺒﺮ .. ﻣﺎ ﻋﺎﺩ ﺷﺎﻑ ﻗﺪﺍﻣﻮ .. ﺭﻓﺾ ﻳﺸﻮﻑ ﺍﻟﺒﻨﺖ ﻣﺸﺎﻥ ﻣﺎ ﻳﺤﻦ ﻗﻠﺒﻮ .. ﺑﻠﺸﺖ ﺗﺘﻌﺎﻓﻰ ﺩﻳﻤﺎ
ﻭﻫﻲ ﻗﻠﺒﻬﺎ ﻣﺤﺮﻭﻕ .. ﻭﺗﺤﺎﻭﻝ ﺗﻘﻨﻊ ﺻﻔﻮﺍﻥ ﻳﺤﻤﻞ ﺍﻟﺒﻨﺖ .. ﻭﻫﻮ ﻳﺮﻓﺾ .. ﻻﺟﻰ ﻳﻮﻡ ﻣﻦ ﺍﻷﻳﺎﻡ .. ﻓﺎﺕ ﻋﺎﻟﺒﻴﺖ ﻭﻗﻠﻬﺎ ﺗﻌﻲ ﻟﻬﻮﻥ
ﺩﻳﻤﺎ : ﺍﻳﻪ ﺻﻔﻮﺍﻥ
ﺻﻔﻮﺍﻥ : ﺍﻧﺎ ﺑﺪﻱ ﺍﺗﺠﻮﺯ
ﺩﻳﻤﺎ : ﻧﻌﻢ ؟
ﺻﻔﻮﺍﻥ : ﻓﻀﻴﻠﻲ ﻏﺮﻓﺔ .. ﺍﺷﺘﺮﻳﺖ ﻏﺮﻓﺔ ﻧﻮﻡ ﻭﺭﺡ ﺗﻮﺻﻞ ﺑﻜﺮﺍ ﺍﻟﺼﺒﺢ ﻭﻳﻔﻮﺗﻮ ﻳﺮﻛﺒﻮﻫﺎ
ﺩﻳﻤﺎ : ﺻﻔﻮﺍﻥ ﺷﻮ ﻋﻢ ﺗﺤﻜﻲ ﺍﻧﺖ
ﺻﻔﻮﺍﻥ : ﺍﻧﺎ ﺑﺪﻱ ﻭﻟﺪ ﻭﻫﺎﺩ ﺣﻘﻲ .. ﻭﻫﻸ ﺭﺍﻳﺤﻴﻦ ﻋﻠﻰ ﺑﻴﺖ ﺍﻟﺠﻤﺎﻋﻪ ﻧﻄﻠﺐ ﺭﺳﻤﻲ ..
ﻭﻃﻠﻊ ﻣﻦ ﺍﻟﺒﻴﺖ .. ﻭﺗﺮﻙ ﺩﻳﻤﺎ ﻋﻢ ﺗﺒﻜﻲ ﻭ ﺗﺼﺮﺥ ﻭﻫﻲ ﻣﻮ ﻣﺴﺪﺋﺔ ﺍﻧﻮ ﺻﻔﻮﺍﻥ ﺍﻟﻲ ﺑﺤﺒﻬﺎ ﻭﺑﻴﻤﻮﺕ ﻋﻠﻴﻬﺎ ﻳﻌﻤﻞ ﻓﻴﻬﺎ ﻫﻴﻚ
ﺻﺎﺭﻭ ﺩﺍﺭﻳﻦ ﻭﺩﺍﻧﺔ ﺑﻨﺎﺗﻬﺎ ﻛﻤﺎﻥ ﻳﺒﻜﻮ .. ﻭﻫﻲ ﺗﻀﻤﻬﻦ ﻭﺗﺼﺮﺥ : ﺍﻟﻠﻪ ﻋﻠﻰ ﺍﻟﻈﺎﻟﻢ .. ﺍﻟﻠﻪ ﻋﻠﻰ ﺍﻟﻈﺎﻟﻢ
ﺍﻟﻠﻪ ﻋﻠﻰ ﺍﻟﻲ ﻭﻋﺪﻧﻲ ﻣﺎ ﻳﻨﺴﻰ ﺗﻌﻲ ﻭﺫﻟﻲ ﻭﻳﻌﻀﻮﻧﻲ ﺑﺲ ﺍﻟﻠﻪ ﻳﻔﺘﺤﻬﺎ ﻋﻠﻴﻪ .. ﻭﺍﻭﻝ ﻣﺎ ﺍﻟﻠﻪ ﻓﺘﺤﻬﺎ ﻗﻬﺮﻧﻲ ﻭﻇﻠﻤﻨﻲ
ﻳﺎ ﺭﺏ ﺗﻘﻬﺮﻭ ﻳﺎ ﺭﺏ
ﻭﻣﺎ ﻛﺎﻧﺖ ﻋﺮﻓﺎﻧﻪ ﺍﻧﻮ ﺑﻬﻲ ﺍﻟﺴﺎﻋﻪ .. ﺍﺑﻮﺍﺏ ﺍﻟﺴﻤﺎ ﻣﻔﺘﻮﺣﺔ .. ﻛﺎﻥ ﺻﻔﻮﺍﻥ ﻭﺭﻓﻴﻘﻮ ﻃﺎﻟﻌﻴﻦ ﻋﻠﻰ ﺍﻟﻤﻮﺗﻮﺭ … ﺿﺮﺑﺘﻬﻦ ﺷﺎﺣﻨﺔ ﻛﺒﻴﺮﺓ
ﻭﻧﻘﻠﻮﻫﻦ ﻋﻠﻰ ﺍﻟﻤﺴﺘﺸﻔﻰ .. ﺭﻓﻴﻘﻮ ﺻﺎﺭ ﻣﻌﻮ ﻛﺴﻮﺭ ﻭﺟﺒﺮﻭﻟﻮ ﻳﺎﻫﻦ .. ﺍﻣﺎ ﺻﻔﻮﺍﻥ !!
ﻓﺎﺕ ﺑﻐﻴﺒﻮﺑﺔ ﻭﻛﺎﻥ ﻣﻌﻮ ﻧﺰﻳﻒ ﺩﺍﺧﻠﻲ .. ﺿﻞ 13 ﻳﻮﻡ ﺑﺎﻟﻐﻴﺒﻮﺑﺔ ﻭ ﺩﻳﻤﺎ ﺑﺎﻟﻤﺴﺘﺸﻔﻰ ﻋﻢ ﺗﺮﻛﺾ ﻭﺷﺎﻳﻠﻪ ﺑﻨﺎﺗﻬﺎ ﻣﻌﻬﺎ
ﺩﻳﻤﺎ : ﻳﺎﺭﻳﺘﻮ ﺗﺠﻮﺯ ﺑﺲ ﻣﺎ ﺻﺎﺭﻟﻮ ﺷﻲ .. ﺑﺤﺒﻮ ﻛﺘﻴﺮ .. ﻳﺎ ﺭﺏ ﺗﺤﻤﻴﻠﻲ ﻳﺎﻩ ﻳﺎ ﺭﺏ
ﺑﺎﻟﻴﻮﻡ 12 .. ﺻﺤﻲ ﺻﻔﻮﺍﻥ ﻣﻦ ﻏﻴﺒﻮﺑﺘﻮ .. ﻭﻓﺎﺗﺖ ﺩﻳﻤﺎ ﻟﺘﺸﻮﻓﻮ ﻭﺑﻨﺎﺗﻬﺎ ﻣﻌﻬﺎ
ﺻﻔﻮﺍﻥ : ﺍﻋﻄﻴﻨﻲ ﺩﺍﻧﺔ
ﻗﺮﺑﺖ ﺩﻳﻤﺎ ﻣﻨﻮ ﺍﻟﺒﻨﺖ .. ﺑﻮﺳﻬﺎ … ﻭﻗﻠﻬﺎ ﺳﺎﻣﺤﻴﻨﻲ
ﺻﻔﻮﺍﻥ : ﺩﺍﺭﻳﻦ ﺗﻌﻲ ﺑﺎﺑﺎ ..
ﺗﻌﺮﺑﺸﺖ ﺩﺍﺭﻳﻦ ﻋﺎﻟﺘﺨﺖ .. ﻭﺑﺎﺳﺘﻮ
ﺻﻔﻮﺍﻥ : ﺩﻳﺮﻱ ﺑﺎﻟﻚ ﻋﻠﻰ ﺍﻣﻚ ﺍﺗﻔﺌﻨﺎ؟
ﺩﻳﻤﺎ : ﺍﻧﺎ ﺑﺪﻱ ﺍﻧﺖ ﺗﺪﻳﺮ ﺑﺎﻟﻚ ﻋﻠﻲ .. ﺍﻧﺎ ﺑﺤﺒﻚ ﻛﺘﻴﺮ
ﺭﺟﻊ ﺻﻔﻮﺍﻥ ﻏﻤﺾ ﻋﻴﻮﻧﻮ .. ﻭﻧﺎﻡ
ﻭﻛﺎﻧﺖ ﻫﻲ ﺍﺧﺮ ﻧﻮﻣﺔ ﺍﻟﻮ ﺑﻬﻞ ﺣﻴﺎﺓ .. ﺻﺎﺭﻭ ﺍﻟﻤﻤﺮﺿﻴﻦ ﻭﺍﻷﻃﺒﺎﺀ ﻳﺮﻛﻀﻮ ﻭﺍﻟﻤﺴﺘﺸﻔﻰ ﻛﻠﻬﺎ ﺍﺳﺘﻨﻔﺮﺕ
ﻭﻃﻠﻌﻮ ﺩﻳﻤﺎ ﻣﻦ ﺍﻟﻐﺮﻓﺔ .. ﻭﻫﻲ ﺗﺼﺮﺭﺭﺭﺥ
ﺩﻳﻤﺎ : ﺷﻮﻭﻭﻭﻭﻭﻭﻭﻭﻭﻭﻭﻭ ﻓﻲ ؟ ﻟﻚ ﺷﻮﻭﻭﻭﻭﻭﻭﻭﻭﻭ ﻓﻲ ﺷﺒﻜﻦ ﺷﻮ ﻓﻲ
ﺻﻔﻮﺍﺍﺍﺍﺍﺍﺍﺍﺍﺍﺍﺍﻥ … ﺻﻔﻮﺍﺍﺍﻥ ﻗﻮﻭﻭﻭﻭﻭﻭﻭﻭﻭﻡ … ﺻﻔﻮﺍﻥ ﺍﻧﺎ ﻣﺎ ﺍﻟﻲ ﻏﻴﺮﻙ
ﺻﻔﻮﺍﺍﺍﺍﻥ ﻣﺸﺎﻥ ﺍﻟﻠﻪ ﻗﻮﻭﻭﻡ ﻗﻮﻡ ﻗﻮﻡ
ﻳﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﺍﻟﻠﻪ .. ﻳﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﺍﻟﻠﻪ ﻻ ﺗﺎﺧﺪﻭ .. ﻳﺎ ﺍﺍﺍﺍﺍﺍﺍﺍﻟﻠﻪ
# ﻳﺘﺒﻊ
# ﺳﻤﻮ _ ﺍﻟﻤﻠﻜﺔ _ ﺑﻘﻞﻡ _ ﻣﺎﻝ _ ﺍﻟﺸﺎﻡ
ﺍﻟﺠﺰﺀ ﺍﻟﺜﺎﻣﻦ
ﻣﺎﺕ ﺻﻔﻮﺍﻥ … ﻣﺎﺕ ﻭ ﺍﺧﺪ ﻣﻌﻮ ﻗﻠﺐ ﺩﻳﻤﺎ … ﺿﺤﻜﺘﻬﺎ ﻭ ﺑﺮﺍﺀﺗﻬﺎ ﻭ ﻃﻔﻮﻟﺘﻬﺎ … ﻛﻠﻬﻦ ﺍﻧﺪﻓﻨﻮ ﻣﻌﻮ ﺑﻨﻔﺲ ﺍﻟﻘﺒﺮ … ﻭ ﺗﺮﻛﻠﻬﺎ ﺍﻣﺎﻧﻪ ﻻﺯﻡ ﺗﺤﺎﻓﻆ ﻋﻠﻴﻬﺎ …
ﻛﺎﻥ ﻫﻤﻬﺎ ﺍﻛﺒﺮ ﻣﻦ ﻣﻮﺕ ﺯﻭﺟﻬﺎ !!! .… ﺑﺲ ﺗﻮﻓﻰ ﺻﻔﻮﺍﻥ ﺍﺟﺎ ﺻﺎﺣﺐ ﺍﻟﺸﺎﺣﻨﻪ ﺍﻟﻲ ﺿﺮﺑﻮ ﻭ ﺩﻓﻊ ( ﺍﻟﺪﻳﺔ ) … ﻣﺒﻠﻎ ﻛﺒﻴﺮ ﺑﻠﺸﻮ ﺍﻫﻞ ﺩﻳﻤﺎ ﻭ ﺍﻫﻞ ﺻﻔﻮﺍﻥ ﺑﺪﻫﻦ ﻳﺘﻘﺎﺳﻤﻮﻩ … ﺍﺧﺮ ﺷﻲ ﻣﺎ ﺍﺗﻔﻘﻮ ﻋﻠﻰ ﺍﻟﻘﺴﻤﻪ … ﻭ ﺣﻄﻮ ﺍﻟﻤﺼﺎﺭﻱ ﺑﺎﻟﺒﺮﻳﺪ ﺑﺎﺳﻢ ﺍﻟﺒﻨﺎﺕ ﺩﺍﺭﻳﻦ ﻭ ﺩﺍﻧﺔ …
ﻭ ﺩﻳﻤﺎ ﺑﻌﺎﻟﻢ ﺗﺎﻧﻲ ﻭ ﻫﻦ ﺑﻌﺎﻟﻢ ﺗﺎﻧﻲ … ﻟﻮﻗﺖ ﻣﺎ ﺧﻠﺼﺖ ﻋﺪﺗﻬﺎ
ﺍﺟﺎ ﺍﺑﻮﻫﺎ ﻭ ﻗﻠﻬﺎ ﺿﺒﻲ ﻏﺮﺍﺿﻚ ﻭ ﺍﻣﺸﻲ ﻣﻌﻲ
ﺩﻳﻤﺎ ﻭ ﻫﻲ ﺣﺎﻃﺔ ﺑﻨﺘﻬﺎ ﻋﻠﻰ ﺻﺪﺭﻫﺎ : ﺍﺑﻲ ﺑﺪﻱ ﺿﻞ ﺑﺒﻴﺘﻲ ﻭ ﺭﺑﻲ ﺑﻨﺎﺗﻲ … ﺭﻳﺤﺔ ﺻﻔﻮﺍﻥ ﻫﻮﻥ ﺍﺗﺮﻛﻨﻲ
ﺍﺑﻮ ﺣﻤﺰﺓ : ﻗﻮﻣﻲ ﺍﻧﻘﺒﺮﻱ ﺍﻟﻠﻪ ﻳﻨﻌﻦ ﺍﺑﻮ ﺍﻻﻓﻼﻡ ﺍﻟﻤﺼﺮﻳﺔ ﺍﻟﻲ ﺧﺮﺑﺖ ﻫﺎﻟﺠﻴﻞ … ﻗﻮﻣﻲ ﻳﻼ …
ﻃﻠﻌﺖ ﺩﻳﻤﺎ ﻣﻜﺴﻮﺭﺓ ﻣﻦ ﺍﻟﺒﻴﺖ ﺍﻟﻲ ﺗﻌﺒﺖ ﻓﻴﻪ ﻭ ﻋﻤﺮﺗﻮ ﺷﺒﺮ ﺑﺸﺒﺮ .… ﺍﻟﺒﻴﺖ ﺍﻟﻲ ﻋﺎﺷﺖ ﻓﻴﻪ ﻫﻲ ﻭ ﺻﻔﻮﺍﻥ ﻣﺘﻞ ﻋﺼﺎﻓﻴﺮ ﺍﻟﺤﺐ … ﻣﺎ ﻛﺎﻧﺖ ﺗﺘﺰﻛﺮ ﻣﻨﻮ ﺍﻻ ﺣﻨﻴﺘﻮ ﻭ ﺣﺒﻮ .. ﺳﻜﺮﺕ ﺍﻟﺒﺎﺏ ﻭ ﻃﻠﻌﺖ ﻣﻨﻮ …
ﺍﻭﻝ ﻣﺎ ﻭﺻﻠﻮ ﻋﺎﻟﺒﻴﺖ … ﺳﺤﺐ ﺍﺑﻮﻫﺎ ﺑﻨﺘﻬﺎ ﺩﺍﺭﻳﻦ ﻣﻨﻬﺎ ..
ﺍﺑﻮ ﺣﻤﺰﺓ : ﻫﻲ ﻣﺎ ﺭﺡ ﻧﺮﺑﻴﻬﺎ ﻧﺤﻨﺎ … ﺗﺮﻭﺡ ﻋﻠﻰ ﺑﻴﺖ ﺟﺪﻫﺎ ﻫﻦ ﺑﻴﺮﺑﻮﻫﺎ
ﺩﻳﻤﺎ ﺻﺎﺭﺕ ﺗﺼﺮﺥ ﻭ ﺗﺒﻜﻲ ﻭ ﺑﻨﺘﻬﺎ ﺩﺍﻧﺔ ﺗﺒﻜﻲ … ﻭ ﺍﺑﻮ ﺣﻤﺰﺓ ﺯﺕ ﺩﺍﺭﻳﻦ ﺑﺮﺍ ﺍﻟﺒﻴﺖ ﻭ ﻗﻠﻬﺎ ﻫﺪﺍﻙ ﺑﻴﺖ ﺟﺪﻙ ﻳﻼ ﺭﻭﺣﻲ ﻋﻠﻴﻪ ..
ﻛﺎﻧﺖ ﺩﺍﺭﻳﻦ ﻻﺑﺴﻪ ﺑﻴﺠﺎﻣﻪ ﺯﻫﺮﻳﺔ … ﻭ ﺑﺮﺟﻠﻬﺎ ﺣﻔﺎﻳﺔ ﺯﺭﻗﺎ … ﺷﻌﺮﺍﺗﻬﺎ ﻣﻨﻜﻮﺷﻴﻦ … ﺭﺍﺣﺖ ﺩﻗﺖ ﺑﻴﺖ ﺟﺪﻫﺎ ( ﺍﺑﻮ ﺍﺑﻮﻫﺎ )
ﺍﺑﻮ ﻣﺤﻤﺪ : ﺍﻧﺘﻲ ﻣﻴﻦ ﺟﺎﺑﻚ ﻟﻬﻮﻥ؟
ﺩﺍﺭﻳﻦ : ﺟﺪﻭ ﻗﻠﻲ ﺍﺟﻲ
ﺍﺑﻮ ﻣﺤﻤﺪ : ﺍﻳﻪ ﺭﻭﺣﻲ ﻣﻦ ﻫﻮﻥ … ﺭﻭﺣﻲ
ﻭ ﺳﻜﺮ ﺍﻟﺒﺎﺏ ﺑﻮﺷﻬﺎ …
ﺭﺟﻌﺖ ﺩﺍﺭﻳﻦ ﺩﻗﺖ ﺍﻟﺒﺎﺏ ﻣﺎ ﺣﺪﺍ ﻓﺘﺤﻠﻬﺎ … ﻭ ﺍﻟﺸﻤﺲ ﻗﻮﻳﻪ ﻛﺘﻴﺮ ..
ﺭﺟﻌﺖ ﻋﻠﻰ ﺑﻴﺖ ﺟﺪﻫﺎ ( ﺍﺑﻮ ﺍﻣﻬﺎ ) ﻭ ﺩﻗﺖ ﺍﻟﺒﺎﺏ : ﻣﺎﻣﺎ ﺍﻧﺎ ﺟﻮﻋﺎﻧﻪ ..
ﻛﺎﻥ ﺻﻮﺕ ﺻﺮﻳﺦ ﺍﻣﻬﺎ ﻭﺍﺻﻞ ﻟﻌﻨﺪﺍ … ﻭﻫﻲ ﻋﻢ ﺗﻘﻮﻝ ﻻﺑﻮﻫﺎ ﻣﺸﺎﻥ ﺍﻟﻠﻪ ﺧﻠﻴﻬﺎ ﺗﻔﻮﺕ ﻫﻲ ﻃﻔﻠﺔ …
ﺿﻠﺖ ﺩﺍﺭﻳﻦ ﻭﺍﻗﻔﻪ ﻭ ﻣﺎ ﺣﺪﺍ ﻓﺘﺢ …
ﺩﺍﺭﻳﻦ ﺻﺎﺭﺕ ﺗﺒﻜﻲ : ﻳﺎ ﺍﻟﻠﻪ ﻭﻳﻦ ﺑﺪﻱ ﺭﻭﺡ ﻳﻌﻨﻲ
ﻛﺎﻧﺖ ﻓﺮﺡ ﺍﺧﺘﻬﺎ ﻟﺪﻳﻤﺎ ﻣﺘﺠﻮﺯﺓ ﺟﺪﻳﺪ … ﻭ ﺑﻴﺘﻬﺎ ﺟﻨﺐ ﺑﻴﺖ ﺟﺪﻫﺎ
ﺭﺍﺣﺖ ﻟﻌﻨﺪﺍ ﺩﻗﺖ ﺍﻟﺒﺎﺏ ﻭ ﻓﺘﺤﺘﻠﻬﺎ ﺧﺎﻟﺘﻬﺎ : ﺩﺍﺭﺭﻳﻦ؟ ﻟﻴﺶ ﻋﻢ ﺗﺒﻜﻲ ﺧﺎﻟﺘﻮ؟؟
ﺩﺍﺭﻳﻦ ﻓﺮﻛﺖ ﻋﻴﻮﻧﺎ : ﺟﻮﻋﺎﺍﺍﺍﻧﻪ
ﺷﺎﻟﺘﻬﺎ ﻭ ﺷﺪﺗﻬﺎ ﻟﺤﻀﻨﻬﺎ ﻭﻫﻲ ﺗﺒﻜﻲ : ﻳﺎ ﺑﻌﺪ ﻋﻤﺮﻱ ﺗﻌﻲ ﻃﻌﻤﻴﻜﻲ ..
ﻓﻮﺗﺘﻬﺎ ﻭ ﻋﻤﻠﺘﻠﻬﺎ ﺳﻨﺪﻭﻳﺸﺔ ﻭ ﺳﺄﻟﺘﻬﺎ ﺷﻮ ﺍﻟﻲ ﺻﺎﺭ ..
ﻛﺎﻧﺖ ﺩﺍﺭﻳﻦ ﻋﻢ ﺗﺎﻛﻮﻝ ﺍﻟﺴﻨﺪﻭﻳﺸﺔ ﻭ ﺗﺤﻜﻲ … ﻭ ﺧﺪﻭﺩﻫﺎ ﻋﻠﻴﻬﻦ ﺍﻛﻞ ﻭ ﺗﺄﺷﺮ ﺑﺎﻳﺪﻳﻬﺎ ﺍﻟﺼﻐﺎﺭ ﻟﺘﺸﺮﺡ ﻟﺨﺎﻟﺘﻬﺎ …
ﻓﺮﺡ : ﻳﺎ ﻭﻳﻠﻮ ﻣﻦ ﺍﻟﻠﻪ ﺍﻟﻈﺎﻟﻢ …
ﺑﻬﺎﺩ ﺍﻟﻮﻗﺖ ﻛﺎﻥ ﻓﻲ ﻟﺼﻔﻮﺍﻥ ﺍﺥ ﺑﺎﻻﻣﺎﺭﺍﺕ … ﻣﺎ ﻗﺪﺭ ﻳﺤﻀﺮ ﺍﻟﻌﺰﺍ … ﻭ ﺭﺟﻊ ﺑﻌﺪ ﻳﻮﻣﻴﻦ ﻣﻦ ﺗﻘﻠﻴﻌﺔ ﺩﺍﺭﻳﻦ … ﻓﺎﺕ ﻭ ﺳﺄﻝ ﻋﻦ ﺑﻨﺎﺕ ﺻﻔﻮﺍﻥ ﻭ ﻗﺎﻟﻮﻟﻮ ﺍﻧﻬﻦ ﻋﻨﺪ ﺑﻴﺖ ﺍﻫﻠﻬﺎ ﻟﺪﻳﻤﺎ … ﻃﻠﻊ ﻓﻮﺭﺍً ﻭ ﺭﺍﺡ ﻟﻴﺸﻮﻑ ﺑﻨﺎﺕ ﺍﺧﻮﻩ
ﻭ ﻟﻤﺎ ﻭﺻﻞ ﻗﺎﻟﻮﻟﻮ ﺍﻧﻮ ﻫﻦ ﺑﻌﺘﻮ ﺍﻟﺒﻨﺖ ﻋﻠﻰ ﺑﻴﺖ ﺍﻫﻞ ﺻﻔﻮﺍﻥ !!
ﻋﺎﻣﺮ : ﻟﻚ ﻭﻳﻦ ﺍﻟﺒﻨﺖ؟ ﺑﻨﺖ ﺍﺧﻴﻴﻴﻲ ﻭﻳﻴﻴﻨﻬﺎﺍﺍﺍﺍ؟
ﻛﺎﻧﺖ ﺩﺍﺭﻳﻦ ﻗﺎﻋﺪﻩ ﺑﺎﻟﺸﺎﺭﻉ ﻋﻠﻰ ﺍﻟﺮﺻﻴﻒ ﻋﻢ ﺗﻠﻌﺐ ﺑﺎﻟﺘﺮﺍﺏ … ﻭ ﺍﻟﻜﻞ ﻋﻢ ﻳﺪﻭﺭ ﻋﻠﻴﻬﺎ ﻭ ﺩﻳﻤﺎ ﺩﺑﺤﺖ ﺣﺎﻟﻬﺎ ﻣﻦ ﺍﻟﺒﻜﻲ ﻭ ﻓﻜﺮﺕ ﺍﻧﻮ ﺧﺴﺮﺕ ﺑﻨﺘﻬﺎ …
ﻣﺮﻕ ﻋﺎﻣﺮ ﺑﺎﻟﺸﺎﺭﻉ ﻭ ﻟﻤﺢ ﺩﺍﺭﻳﻦ .… ﻧﺰﻝ ﻭ ﺣﻤﻠﻬﺎ ﻭ ﺭﺟﻊ ﻓﻴﻬﺎ ﻋﻠﻰ ﺑﻴﺖ ﺍﻫﻠﻮﻭ ﺑﻌﺖ ﺧﺒﺮ ﻟﺪﻳﻤﺎ ﺍﻧﻮ ﻟﻘﻰ ﺍﻟﺒﻨﺖ … ﺍﺟﺖ ﺗﺮﻛﺾ ﻭ ﺍﺑﻮﻫﺎ ﻭﺭﺍﻫﺎ ﻭ ﺩﺍﻧﺔ ﺑﺤﻀﻨﻬﺎ …
ﺑﺲ ﺷﺎﻓﺖ ﺩﺍﺭﻳﻦ ﺻﺎﺭﺕ ﺗﺒﻮﺳﻬﺎ ﻭ ﺗﺸﻤﻬﺎ ﻭ ﺗﺒﻜﻲ … ﻭ ﺩﺍﺭﻳﻦ ﺗﻀﺤﻚ ﻭ ﺗﻘﻠﻬﺎ ﺍﺷﺘﺮﻳﺘﻲ ﻟﺪﺍﻧﺔ ﺗﻴﺎﺏ ﺟﺪﻳﺪﺓ ﻭ ﺍﻟﻲ ﻷ؟
ﻭ ﻗﺒﻞ ﻣﺎ ﺗﻜﻤﻞ ﺟﻤﻠﺘﻬﺎ … ﺳﺤﺒﻬﺎ ﺍﺑﻮ ﻣﺤﻤﺪ ( ﺟﺪﻫﺎ ) ﻭ ﺿﺮﺑﻬﺎ ﻋﻠﻰ ﻭﺷﻬﺎ … ﻭ ﻓﺮﻁ ﻗﻠﺒﻬﺎ ﻣﻦ ﺍﻟﺒﻜﻲ
ﺩﻳﻤﺎ : ﻟﻚ ﻟﻴﺶ ﺿﺮﺑﺖ ﺍﻟﺒﻨﺖ ﻣﺎ ﺑﺘﺨﺎﻑ ﺍﻟﻠﻪ ..
ﺍﺑﻮ ﻣﺤﻤﺪ : ﻫﻲ ﺗﺮﺑﺎﻳﺘﻚ؟ ﺑﻨﺎﺕ ﺷﻮﺍﺭﻉ؟
ﺩﺍﺭﻳﻦ : ﺍﻧﺖ ﻗﻠﻌﺘﻨﻲ ﻣﺎ ﺧﻠﻴﺘﻨﻲ ﻓﻮﻭﻭﻭﺕ
ﺣﻤﻠﻬﺎ ﻋﺎﻣﺮ ﻭ ﺻﺎﺭ ﻳﺮﺍﺿﻴﻬﺎ … : ﺧﻠﺺ ﻋﻤﻮ ﻻ ﺗﺒﻜﻲ ﺧﻠﺺ
ﻋﺎﻣﺮ : ﺍﺑﻮ ﺣﻤﺰﺓ ﺣﺪﺍ ﺑﻴﺮﻣﻲ ﺷﺮﻓﻮ ﺑﺎﻟﺸﻮﺍﺭﻉ؟
ﺍﺑﻮ ﺣﻤﺰﺓ : ﻫﻲ ﺷﺮﻓﻜﻦ ﻣﻮ ﺷﺮﻓﻲ …
ﻭ ﻫﺠﻢ ﻋﻠﻰ ﺩﻳﻤﺎ ﻭ ﺍﺧﺪ ﺩﺍﻧﺔ ﻣﻦ ﺍﻳﺪﻫﺎ ﻭ ﺯﺗﻬﺎ ﻋﻠﻰ ﻋﺎﻣﺮ : ﻭﻫﻲ ﻛﻤﺎﻥ ﺍﻟﻜﻮﻭﻭﻭﻥ .… ﺭﺑﻮﻫﺎ ﺍﻧﺘﻮ …
ﻭ ﺟﺮ ﺩﻳﻤﺎ ﻋﺎﻟﺒﻴﺖ ﻭ ﻫﻲ ﺗﺼﺮﺥ ﻭ ﺗﻌﻴﻂ : ﻟﻚ ﻣﺸﺎﻥ ﺍﻟﻠﻪ ﻳﺎ ﻋﺎﻟﻢ ﻳﺎ ﻧﺎﺱ ﻣﺸﺎﻥ ﺍﻟﻠﻪ ﺟﺪﺍ ﻳﻌﻤﻞ ﺷﻴﻴﻴﻴﻴﻴﻲ
ﻋﺎﻣﺮ : ﻣﺤﻤﺪ ﺍﺗﺼﻞ ﺑﺎﺧﻮﺍﺗﻚ ﺧﻠﻴﻬﻦ ﻳﺠﻮ … ﻧﺤﻨﺎ ﺭﺡ ﻧﺮﺑﻲ ﺑﻨﺎﺕ ﺻﻔﻮﺍﻥ …
ﺍﺟﺘﻤﻌﻮ ﺍﻻﺧﻮﻩ ﺍﻻﺭﺑﻌﻪ ( ﻋﺎﻣﺮ – ﻣﺤﻤﺪ – ﺑﺴﺎﻡ – ﻗﺼﻲ )
ﻭ ﻛﻞ ﻭﺍﺣﺪ ﻳﻘﻮﻝ ﺍﻧﺎ ﻣﺎ ﻗﺪﺭﺗﻲ ﺭﺑﻲ ﻭﻻﺩ ﻏﻴﺮ ﻭﻻﺩﻱ ..
ﻋﻤﺎﺭ ﻭﻗﻒ ﻭﻫﻮ ﻣﻌﺼﺐ : ﻃﻴﺐ .… ﺍﻧﺎ ﺭﺡ ﺭﺑﻴﻬﻦ
ﻣﺤﻤﺪ : ﺍﺧﻲ ﺍﻧﺎ ﺑﺎﺧﻮﺩ ﺩﺍﺭﻳﻦ .. ﻭ ﺍﻧﺖ ﺧﻮﺩ ﺩﺍﻧﺔ …
ﻋﻤﺎﺭ : ﻣﺎﺷﻲ … ﻫﻴﻚ ﻣﻨﻴﺢ …
ﻗﺼﻲ ﺑﻬﺎﺩ ﺍﻟﻮﻗﺖ ﺗﺴﺤﺐ ﻋﻠﻰ ﺑﻴﺖ ﺩﻳﻤﺎ … ﻭ ﻟﻒ ﻣﻦ ﻭﺭﺍ ﺍﻟﺒﻴﺖ ﻭ ﻧﺪﻩ ﻟﺪﻳﻤﺎ …
ﻗﺼﻲ : ﺩﻳﻤﺎ … ﻳﺎ ﺩﻳﻤﺎ
ﻃﻠﻌﺖ ﺩﻳﻤﺎ ﻭ ﻋﻴﻮﻧﻬﺎ ﻣﻨﻔﺨﻴﻦ ﻭﻣﺎﻛﻠﻪ ﻗﺘﻠﻪ : ﻣﻴﻦ؟
ﻗﺼﻲ : ﺍﻧﺎ ﻗﺼﻲ
ﻛﺎﻥ ﻣﺘﺨﺒﻲ ﻭﺭﺍ ﺷﺠﺮﺓ ﺍﻟﻠﻴﻤﻮﻥ …
ﺩﻳﻤﺎ : ﻗﺼﻲ؟؟؟ ﻛﻴﻔﻬﻦ ﺑﻨﺎﺍﺍﺍﺗﻲ؟؟
ﻗﺼﻲ : ﺍﺯﺍ ﺑﺪﻙ ﺑﻨﺎﺗﻚ ﻳﻜﻮﻧﻮ ﺑﺨﻴﺮ ﻭ ﻳﺮﺑﻮ ﺑﺤﻀﻨﻚ ﺷﻮ ﺭﺃﻳﻚ ﺗﺘﺠﻮﺯﻳﻨﻲ؟
# ﺳﻤﻮ _ ﺍﻟﻤﻠﻜﺔ _ ﺑﻘﻞﻡ _ ﻣﺎﻝ _ ﺍﻟﺸﺎﻡ
ﺍﻟﺠﺰﺀ ﺍﻟﺘﺎﺳﻊ
ﺩﻳﻤﺎ : ﺍﺗﺠﻮﻭﻭﻭﺯﻙ؟؟؟؟ … ﻟﻚ ﺍﻧﺎ ﻣﺮﺕ ﺍﺧﻮﻙ … ﻟﺴﻪ ﻣﺎ ﻧﺸﻒ ﺗﺮﺍﺑﻮ ﻟﺼﻔﻮﺍﻥ ﺧﺎﻓﻮ ﺭﺑﻜﻦ
ﻗﺼﻲ : ﺍﻳﻪ ﻋﻠﻰ ﺭﺍﺣﺘﻚ … ﺣﺒﻴﺖ ﺍﻋﻤﻞ ﻣﻌﻚ ﻣﻌﺮﻭﻑ ﺑﺲ ﻣﺎ ﺑﺘﺴﺘﺎﻫﻠﻲ …
ﺩﻳﻤﺎ : ﻭﻳﻦ ﺑﻨﺎﺗﻲ؟ ﺑﻨﺎﺗﻲ ﻭﻳﻨﻬﻦ؟
ﻗﺼﻲ : ﻣﺎﺑﻌﺮﻑ ﻭ ﻣﺎ ﺑﻬﻤﻨﻲ …
ﻭ ﺭﺍﺡ ﻭ ﺗﺮﻛﻬﺎ …
ﻟﺴﻮﺀ ﺣﻆ ﺩﺍﺭﻳﻦ ﺍﻧﻬﺎ ﺭﺑﻴﺖ ﻋﻨﺪ ﺭﻳﻢ .… ﺍﻟﻲ ﺑﺘﻜﺮﻩ ﺩﻳﻤﺎ ﻣﻦ ﻛﻞ ﻗﻠﺒﻬﺎ … ﺑﻠﺶ ﺍﻟﺬﻝ ﻭ ﺍﻻﺳﺘﻌﺒﺎﺩ ﻭ ﻛﻞ ﺍﻧﻮﺍﻉ ﺍﻟﻈﻠﻢ ﺗﻘﻊ ﻓﻮﻕ ﺭﺍﺱ ﻫﺎﻟﻄﻔﻠﺔ ﺑﺪﻭﻥ ﺭﺣﻤﺔ .… ﻭ ﺍﺧﺘﻬﺎ ﺩﺍﻧﺔ ﺍﺧﺪﻫﺎ ﻋﺎﻣﺮ ﻭ ﺳﺎﻓﺮ … ﻭ ﺭﺑﻴﺖ ﻋﻨﺪ ﻣﺮﺗﻮ …
ﺑﻌﺪ ﺳﻨﺘﻴﻦ ﺧﻄﺐ ﺩﻳﻤﺎ ﺭﺟﺎﻝ ﻣﺘﺠﻮﺯ ﻭ ﻣﺎ ﺍﺟﺎﻩ ﻭﻻﺩ ﻭ ﺑﺪﻭ ﺩﻳﻤﺎ ﺗﺠﻴﺒﻠﻮ ﻭﻻﺩ .… ﺭﻓﻀﺖ ﺩﻳﻤﺎ ﺑﺲ ﺑﻨﺖ 17 ﺳﻨﻪ ﺍﺭﻣﻠﺔ ﻭ ﺍﺧﺪﻭ ﻣﻨﻬﺎ ﺑﻨﺎﺗﻬﺎ ﻛﺎﻧﺖ ﻣﺤﻄﻤﺔ ﻭ ﻣﺎ ﻗﺪﺭﺕ ﺗﻮﻗﻒ ﺑﻮﺵ ﺍﺑﻮﻫﺎ … ﺗﺠﻮﺯﺕ ﻫﺎﻟﺮﺟﺎﻝ ﻭ ﻛﺎﻥ ﺑﻤﻨﻄﻘﺔ ﺗﺎﻧﻴﻪ ﻭ ﻫﻴﻚ ﺍﻧﻘﻄﻌﺖ ﺍﺧﺒﺎﺭﻫﺎ ﻋﻦ ﺍﻭﻻﺩﻫﺎ .. ﻣﺮﻗﻮ ﺍﺭﺑﻊ ﺳﻨﻴﻦ … ﺩﻳﻤﺎ ﻛﺎﻧﺖ ﺗﺎﺧﻮﺩ ﺣﺒﻮﺏ ﻣﻨﻊ ﺣﻤﻞ ﻭ ﺑﻴﻮﻡ ﻣﻦ ﺍﻻﻳﺎﻡ ﻛﺸﻔﻬﺎ ﺟﻮﺯﻫﺎ … ﻗﻠﻌﻬﺎ ﻭ ﻃﻠﻘﻬﺎ ﻭ ﺭﺟﻌﺖ ﻋﻠﻰ ﺑﻴﺖ ﺍﻫﻠﻬﺎﺍ ﺍﺭﻣﻠﺔ ﻭ ﻣﻄﻠﻘﻪ …
ﻭ ﺑﻨﺎﺗﻬﺎ ﻛﻞ ﻭﺣﺪﻩ ﺑﻤﻜﺎﻥ … ﻭ ﺭﻳﻢ ﻋﺒﺖ ﻋﻘﻞ ﺩﺍﺭﻳﻦ ﺍﻧﻮ ﺍﻣﻬﺎ ﺗﺠﻮﺯﺕ ﻭ ﺯﺗﺘﻬﺎ ﻭ ﻣﺎ ﺳﺄﻟﺖ ﻓﻴﻬﺎ ..
ﺻﺎﺭﺕ ﺩﻳﻤﺎ ﺗﺤﺎﻭﻝ ﺗﺰﻭﺭ ﺑﻨﺘﻬﺎ ﻛﻞ ﺷﻬﺮ ﻣﺮﻩ ﻭ ﺗﻔﻬﻤﻬﺎ ﺍﻧﻮ ﻣﻮ ﻃﺎﻟﻊ ﺑﺎﻳﺪﻫﺎ ﺷﻲ ﻭﻫﻲ ﺑﺘﺤﺒﻬﻦ ﻛﺘﻴﺮ … ﻭ ﻛﺎﻧﺖ ﺩﺍﻧﺔ ﺗﻨﺰﻝ ﻣﻊ ﺑﻴﺖ ﻋﻤﻬﺎ ﻛﻞ ﻣﺎ ﻳﺠﻮ ﺑﺎﻻﺟﺎﺯﺍﺕ ﻭ ﺗﺸﻮﻓﻬﻦ ﺩﻳﻤﺎ ﺑﺎﻟﺴﺮﻗﻪ ﺑﻤﺴﺎﻋﺪﺓ ﻋﺎﻣﺮ …
ﻣﺮﻗﻮ ﺳﺒﻊ ﺳﻨﻴﻦ .… ﻭ ﺑﻠﺸﺖ ﺩﺍﻧﺔ ﺗﺘﻮﺍﺻﻞ ﻣﻊ ﺩﺍﺭﻳﻦ … ﻭ ﺗﻘﻠﻬﺎ ﺍﻧﻬﺎ ﻣﺒﺴﻮﻃﺔ ﻭ ﻣﺪﻟﻠﻪ ﻭ ﺩﺍﺭﻳﻦ ﺗﻐﺺ ﻭ ﺗﻘﻮﻝ ﻳﺎﺭﻳﺖ ﻋﻤﻲ ﺍﺧﺪﻧﻲ ﺍﻧﺎ ﻛﻤﺎﻥ …
ﺩﺍﻧﺔ : ﻟﻮ ﺗﺸﻮﻓﻲ ﻋﻨﺪﻱ ﻏﺮﻓﺔ ﻛﺒﻴﺮﺓ … ﻛﻠﻬﺎ ﺍﻟﻌﺎﺏ … ﻋﻨﺪﻱ ﺗﺨﺖ ﺩﺍﻓﻲ … ﻭ ﻣﺮﺕ ﻋﻤﻲ ﺑﺘﻤﻮﺕ ﻋﻠﻲ ﺑﺘﺤﺒﻨﻲ ﻣﺘﻞ ﺑﻨﺎﺗﻬﺎ ﺑﺎﻟﺰﺑﻂ ..
ﺩﺍﺭﻳﻦ ﺣﺒﺴﺖ ﺩﻣﻌﺘﻬﺎ : ﺍﻟﻠﻪ ﻳﺤﻨﻦ ﻗﻠﺒﻬﺎ ﻋﻠﻴﻜﻲ ﻭ ﻳﺴﻌﺪﺓﻙ
ﺑﻬﺎﺩ ﺍﻟﻮﻗﺖ ﺣﻤﺰﺓ ﺣﺲ ﻋﻠﻰ ﺩﻳﻤﺎ ﺍﻧﻬﺎ ﻋﻢ ﺗﺮﻭﺡ ﻭ ﺗﺸﻮﻑ ﺑﻨﺎﺗﻬﺎ … ﻭ ﺍﺟﺎ ﻟﻌﻨﺪ ﺍﺑﻮﻩ ﻭ ﻗﻠﻮ ﺍﻧﻮ ﺑﺪﻭ ﺩﻳﻤﺎ ﺗﺠﻲ ﺗﻌﻴﺶ ﻋﻨﺪﻭ ﻫﻮ ﻭ ﻣﺮﺗﻮ ﺳﻬﺎﻡ … ﻭ ﺑﺪﻭﻥ ﺭﺃﻱ ﺩﻳﻤﺎ ﻣﺎ ﻟﻘﺖ ﺣﺎﻟﻬﺎ ﺍﻻ ﺑﺒﻴﺖ ﺣﻤﺰﺓ … ﺗﺤﺖ ﺭﺣﻤﺔ ﻣﺮﺗﻮ ﺍﻟﻲ ﻣﺎ ﺑﺘﺨﺎﻑ ﺍﻟﻠﻪ …
ﺭﺟﻌﺖ ﺩﻳﻤﺎ ﺗﺘﺮﺟﻰ ﺍﺑﻮﻫﺎ ﻳﺨﻠﻴﻬﺎ ﻋﻨﺪﻭ ﻭ ﻣﺎ ﻳﺒﻌﺘﻬﺎ ﻟﺒﻴﺖ ﺣﻤﺰﺓ ﺑﺲ ﺭﻓﺾ ..
ﻫﻴﻚ ﻣﺮﺕ ﺍﻟﺴﻨﻴﻦ … ﻭ ﺍﺟﺎ ﺣﻤﺰﺓ ﻋﺎﻟﺒﻴﺖ ﻭ ﻧﺪﻩ ﻟﺪﻳﻤﺎ ﺑﺼﻮﺕ ﻋﺎﻟﻲ
ﺩﻳﻤﺎ : ﺍﻱ ﺍﺧﻲ ﺟﻴﺖ
ﺣﻤﺰﺓ : ﺍﺟﺎﻛﻲ ﻋﺮﻳﺲ ﻳﺎ ﺿﺮﺳﺎﻧﻪ
ﺩﻳﻤﺎ : ﻧﻨﻨﻌﻤﻤﻤﻤﻤﻤﻤﻢ؟؟؟؟ ﺷﻮﻭﻭﻭﻭﻭ؟؟؟
ﺣﻤﺰﺓ : ﺷﺒﻚ ﺍﻧﺒﺤﺘﻲ ﻭﻃﻲ ﺻﻮﺗﻚ ﻭﻟﻴﻪ …
ﻛﺎﻧﺖ ﺳﻬﺎﻡ ﻋﻢ ﺗﺴﻤﻊ ﻣﻦ ﻭﺭﺍ ﺍﻟﺒﺎﺏ : ﺍﻟﻌﻤﻰ ﺭﺡ ﺗﺘﺠﻮﺯ ﺗﻼﺕ ﺭﺟﺎﻝ ﻳﺨﺮﺏ ﺑﻴﺘﺎ … !!
ﺭﻓﻀﺖ ﺩﻳﻤﺎ ﻭ ﺍﻛﻠﺖ ﻗﺘﻠﺔ ﻟﺘﻮﺭﻣﻮ ﺟﻨﺎﺑﻬﺎ … ﻭ ﺑﺎﻻﺧﻴﺮ ﺍﻧﺠﺒﺮﺕ ﻋﻠﻰ ﺍﻟﺠﻮﺍﺯﻩ … ﺑﺲ ﻫﺎﻟﻤﺮﺓ ﻗﺎﻝ ﺍﻟﻌﺮﻳﺲ ﺑﺪﻭ ﻋﺮﺱ ﻭ ﺑﺪﻭ ﻳﺎﻫﺎ ﺗﺠﻬﺰ ﺣﺎﻟﻬﺎ ﻭ ﺗﻠﺒﺲ ﻓﺴﺘﺎﻥ !!
ﻭ ﺩﺍﺭﻳﻦ ﺻﺎﺭﻭ ﻧﺴﻮﺍﻥ ﺍﻋﻤﺎﻣﻬﺎ ﻳﻌﻴﺮﻭﻫﺎ ﺑﺠﻮﺍﺯﺓ ﺍﻣﻬﺎ !! ( ﻳﺎ ﺑﻨﺖ ﺩﻳﻤﺎ ﺍﻟﻲ ﺑﺘﺮﻛﺾ ﻭﺭﺍ ﺍﻟﺮﺟﺎﻝ … ﺻﺎﺭﻭ ﺗﻼﺗﻪ ﻫﻬﻬﻬﻬﻬﻪ )
ﻭ ﺩﺍﺭﻳﻦ ﺑﺲ ﺳﻤﻌﺖ ﺍﻟﺨﺒﺮ ﺟﻦ ﺟﻨﺎﻧﻬﺎ ﻭ ﺍﺣﺘﺮﻕ ﻗﻠﺒﻬﺎ .. ﺍﺗﺼﻠﺖ ﻋﻠﻰ ﺍﺧﺘﻬﺎ
ﺩﺍﺭﻳﻦ ﻭﻫﻲ ﻋﻢ ﺗﺒﻜﻲ : ﺍﻟﻴﻮﻡ ﻋﺮﺱ ﺍﻣﻚ
ﺩﺍﻧﺔ : ﺩﺍﺭﻳﻦ ﻫﻸ ﺍﻣﻲ ﻣﺎ ﻛﺎﻧﺖ ﺗﺤﺒﻮ ﻟﺒﺎﺑﺎ؟
ﺩﺍﺭﻳﻦ : ﻻ ﻫﻲ ﻣﺎ ﺑﺘﺤﺒﻮ ﻭ ﻫﻮ ﻛﻤﺎﻥ ﻣﺎ ﺑﻴﺤﺒﺎ ﻻﻥ ﻣﺮﺕ ﻋﻤﻚ ﻗﺎﻟﺘﻠﻲ ﺍﻧﻮ ﺍﺑﻲ ﻛﺎﻥ ﻳﻜﺮﻫﺎ ﻭ ﺑﺪﻭ ﻳﺘﺠﻮﺯ ﻋﻠﻴﻬﺎ
ﺩﺍﻧﺔ : ﻟﻴﺶ ﺗﺠﻮﺯﻭ ﻭ ﺟﺎﺑﻮﻧﺎ ﻟﻜﻦ؟
ﺩﺍﺭﻳﻦ : ﻻﻧﻬﻦ ﻛﻤﺎﻥ ﻣﺎ ﺑﺤﺒﻮﻧﺎ … ﺍﻧﺎ ﺑﻜﺮﻫﻮ ﻻﺑﻮﻛﻲ
ﺩﺍﻧﺔ : ﻭ ﺍﻧﺎ ﺑﻜﺮﻫﺎ ﻻﻣﻚ
ﻛﺎﻧﻮ ﻋﻢ ﻳﺤﻜﻮ ﻭ ﻓﺠﺄﺓ ﺳﻤﻌﺖ ﺩﺍﺭﻳﻦ ﺻﺮﺍﺧﻬﺎ ﻟﺪﺍﻧﺔ
ﺩﺍﻧﺔ ﺑﺼﻮﺕ ﻋﺎﻟﻲ : ﻭﺍﻟﻠﻪ ﺍﺧﺮﺭﺭ ﻣﺮﻩ ﻻ ﺗﻀﺮﺑﻴﻨﻲ ﺍﺧﺮﺭﺭﺭﺭ ﻣﺮﺭﺭﺭﻩ ﻳﺎ ﻣﺮﺕ ﻋﻤﻮ ﺍﺧﺮ ﻣﺮﻩ ﺍﻣﺎﻧﻪ ﻻ ﺗﻀﺮﺑﻴﻨﻲ
ﺩﺍﺭﻳﻦ : ﺩﺍﺍﺍﺍﻧﻪ .… ﻟﻚ ﺷﻮ ﻋﻢ ﻳﺼﻴﺮ؟؟
ﻣﺮﺕ ﻋﺎﻣﺮ : ﻭﺍﻟﻠﻪ ﻻﺣﺮﻗﻠﻚ ﺍﻳﺪﻙ ﺍﻟﺘﺎﻧﻴﻪ ﻳﺎ ﻛﻠﺒﻪ .… ﻣﺎ ﺗﺮﺑﻴﺘﻲ ﻣﻦ ﺍﻟﻤﺮﻩ ﺍﻟﻤﺎﺿﻴﻪ … ﺍﻧﺎ ﻣﻮ ﻗﻠﺘﻠﻚ ﺍﻟﺘﻠﻴﻔﻮﻥ ﻣﻮ ﺍﻟﻚ؟ ﺍﻧﺘﻲ ﺍﻟﻚ ﺍﻟﻤﻄﺒﺦ ﻭ ﺍﻟﺠﻠﻲ ﻭ ﺍﻟﺤﻤﺎﻣﺎﺕ
ﺩﺍﻧﺔ : ﺍﺧﺮﺭﺭﺭ ﻣﺮﺓ ﺍﺧﺮﺭﺭﺭ ﻣﺮﺭﺭﺭﺭﺓ ﻣﺸﺎﻥ ﺍﻟﻠﻪ .… ﺍﺍﺍﺍﺍﺍﺥ .… ﺍﺍﺍﺍﺍﺧﺨﺨﺨﺨﺨﺦ ﻳﺎ ﺍﻣﻴﻴﻴﻴﻴﻲ
ﻛﺎﻧﺖ ﺩﺍﺭﻳﻦ ﺗﺒﻜﻲ ﻭ ﺑﻌﺪﻳﻦ ﺍﻧﻘﻔﻞ ﺍﻟﺨﻂ
ﺩﺍﺭﻳﻦ ﻗﻌﺪﺕ ﺑﺰﺍﻭﻳﺔ ﺍﻟﻐﺮﻓﺔ : ﺩﺍﻧﺔ ﻛﺎﻧﺖ ﺗﻜﺰﺏ ﻋﻠﻲ .… ﻛﺎﻧﺖ ﺗﺌﻠﻲ ﺍﻧﻬﺎ ﻣﺒﺴﻮﻃﺔ .… ﻛﺎﻧﺖ ﺗﻜﺰﺏ ﻋﻠﻲ … ﻫﻲ ﻛﻤﺎﻥ ﻋﺎﻳﺸﻪ ﻣﺘﻠﻲ
ﺑﺲ ﺍﻧﺎ ﻣﺎ ﺑﻴﻀﺮﺑﻮﻧﻲ .… ﺭﺡ ﺗﺤﺮﻗﻠﻬﺎ ﺍﻳﺪﻫﺎ ..
ﺑﻬﺎﺩ ﺍﻟﻮﻗﺖ ﻓﺎﺗﺖ ﺩﻳﻤﺎ ﻋﺎﻟﻐﺮﻓﺔ ﻣﻊ ﺟﻮﺯﻫﺎ … ﻗﻌﺪﻭ ﻋﺎﻟﺘﺨﺖ … ﻭ ﻗﻌﺪ ﺟﻮﺯﻫﺎ ﻋﺰﺍﻡ ﺟﻨﺒﻬﺎ
ﻋﺰﺍﻡ : ﻣﺒﺮﻭﻙ ﻳﺎ ﻋﺮﻭﺱ
ﺩﻳﻤﺎ ﺑﻘﺮﻑ : ﺍﻟﻠﻪ ﻳﺒﺎﺭﻙ ﻓﻴﻜﻲ
ﻋﺰﺍﻡ : ﺩﻣﺪﻭﻣﺔ ﺣﺒﻴﺒﺘﻲ … ﺍﻧﺘﻲ ﺑﺪﻙ ﺑﻨﺎﺗﻚ ﻣﻮ؟ ﺷﻮ ﺭﺃﻳﻚ ﺟﻴﺒﻠﻚ ﻳﺎﻫﻦ؟
ﺩﻳﻤﺎ : ﺷﻮﻭﻭﻭ؟؟ ﺟﺪ ﺭﺡ ﺗﺠﻴﺒﻠﻲ ﻳﺎﻫﻦ؟ ﺑﺼﻼﺓ ﻣﺤﻤﺪ ﺑﺘﺤﻜﻲ ﺟﺪ؟
ﻋﺰﺍﻡ ﺑﺨﺒﺚ : ﺍﻳﻪ ﻃﺒﻌﺎً ﺍﻟﻤﻬﻢ ﺗﻜﻮﻧﻲ ﻣﺒﺴﻮﻃﺔ
ﺩﻳﻤﺎ : ﺍﺣﻠﻒ ﻃﻴﺐ
ﻋﺰﺍﻡ : ﺑﺲ ﻣﺎﻓﻲ ﺷﻲ ﺑﺒﻼﺵ
ﺩﻳﻤﺎ : ﻛﻴﻒ ﻳﻌﻨﻲ؟ ﻭﻟﻚ ﺑﺼﻴﺮ ﺟﺎﺭﻳﻪ ﻋﻨﺪﻙ ﺍﻧﺖ ﺑﺲ ﺃﻣﺮﺭﺭﺭﻧﻲ
ﻋﺰﺍﻡ ﻏﻤﺰﻟﻬﺎ : ﻫﻸ ﺍﻧﺘﻲ ﺍﺑﺴﻄﻴﻨﻲ … ﻭ ﺧﻠﻴﻜﻲ ﻣﺘﻞ ﻣﺎﺑﺪﻱ ﻫﺎﻟﻠﻴﻠﺔ … ﻭ ﺍﻟﺼﺒﺢ ﺑﻘﻠﻚ ﺷﻮ ﺍﻟﻤﻘﺎﺑﻞ … ﻳﻼ ﻗﻮﻣﻲ ﺍﺭﻗﺼﻴﻠﻲ ﻟﺸﻮﻑ ﻛﻴﻒ ﺭﻗﺼﻚ
# ﺳﻤﻮ _ ﺍﻟﻤﻠﻜﺔ _ ﺑﻘﻞﻡ _ ﻣﺎﻝ _ ﺍﻟﺸﺎﻡ
ﺍﻟﺠﺰﺀ ﺍﻟﻌﺎﺷﺮ
ﻗﺎﻣﺖ ﺩﻳﻤﺎ ﻭﺻﺎﺭﺕ ﺗﺮﻗﺺ ﻭﺩﻣﻮﻋﻬﺎ ﻳﺸﺮﻭ ﺷﺮ ﻭﺗﺒﻜﻲ ﻣﻦ ﻛﻞ ﻗﻠﺒﻬﺎ ﻭﻫﻲ ﺗﺘﺰﻛﺮ ﺻﻔﻮﺍﻥ ﻛﻴﻒ ﺭﺍﺡ ﻭﺗﺮﻛﻬﺎ ﻫﻲ ﻭﺑﻨﺎﺗﻬﺎ
ﻋﺰﺍﻡ : ﺍﻳﻮﻩ .. ﺩﻭﺭﻱ ﻳﻤﻴﻦ .. ﻟﻔﻲ ﺷﻤﺎﻝ .. ﻧﻄﻲ ﻧﻄﻲ ﻫﻬﻬﻬﻬﻬﻬﻬﻬﻬﻬﻬﻬﻪ
ﻭﺧﻠﺼﺖ ﻫﻲ ﺍﻟﻠﻴﻠﺔ ﻣﺘﻞ ﺍﻟﺴﻢ ﻋﻠﻴﻬﺎ .. ﻓﺎﻗﺖ ﺍﻟﺼﺒﺢ ﺑﻜﻴﺮ ﻭﺿﻠﺖ ﻧﺎﻃﺮﺗﻮ ﻟﻴﺼﺤﻰ ﻣﻦ ﺍﻟﻨﻮﻡ ﻭﺍﻭﻝ ﻣﺎ ﻓﺎﻕ ﻋﻤﻠﺘﻠﻮ ﻗﻬﻮﺓ ﻭﻓﻄﺮﺗﻮ
ﺩﻳﻤﺎ : ﻋﺰﺍﻡ .. ﺷﻮ ﻣﺸﺎﻥ ﺑﻨﺎﺗﻲ ؟
ﻋﺰﺍﻡ : ﻣﻴﻦ ﺑﻨﺎﺗﻚ ؟ ﺍﻩ ﺍﻱ ﺍﻱ
ﺩﻳﻤﺎ : ﺍﻳﻪ ﺷﻮ ؟
ﻋﺰﺍﻡ : ﻃﻴﺐ .. ﻣﻨﺠﻴﺒﻬﻦ ﻟﺒﻨﺎﺗﻚ .. ﺑﺲ ﺍﻧﺎ ﺳﻤﻌﺖ ﺍﻧﻮ ﺍﻧﺘﻮ ﺍﺧﺪﺗﻮ ﺍﻟﺪﻳﺔ ﻭﺣﻄﻴﺘﻮﻫﺎ ﺑﺎﻟﺒﺮﻳﺪ ﻟﻠﺒﻨﺎﺕ
ﻭﺍﻧﺎ ﻣﺎ ﺑﺄﻣﻦ ﺑﻬﻲ ﺍﻟﻤﻄﺎﺭﺡ .. ﻭﺑﺨﺎﻑ ﻋﻠﻰ ﺣﻖ ﺑﻨﺎﺗﻚ ﻳﻀﻴﻊ .. ﻭﺍﻧﺘﻲ ﺍﻣﻬﻦ ﺑﺘﻘﺪﺭﻱ ﺗﺴﺤﺒﻴﻬﻦ
ﺑﺘﺠﻴﺒﻲ ﺍﻟﻤﺼﺎﺭﻱ ﻭﺑﻌﺪﺍ ﻣﻨﺠﻴﺐ ﺍﻟﺒﻨﺎﺕ ..
ﺳﻜﺘﺖ ﺩﻳﻤﺎ ﻭﻓﻬﻤﺖ ﺍﻧﻮ ﻫﺎﻟﺠﻮﺍﺯﺓ ﻛﻠﻬﺎ ﻣﺸﺎﻥ ﻣﺼﺮﻳﺎﺗﻬﺎ ..
ﺩﻳﻤﺎ : ﻣﺎﺷﻲ .. ﺑﺪﻙ ﺍﻟﻤﺼﺎﺭﻱ ﻣﺎ ﻋﻨﺪﻱ ﻣﺸﻜﻠﺔ ﺑﺲ ﺑﺘﺠﻴﺒﻠﻲ ﺍﻟﺒﻨﺎﺕ ﺑﺎﻷﻭﻝ
ﻋﺰﺍﻡ : ﻻ .. ﺑﻤﺴﻚ ﺍﻟﻤﺼﺎﺭﻱ ﻭﺑﺸﻢ ﺭﻳﺤﺘﻬﻦ ﻭﺑﻌﺪﻳﻦ ﺑﺠﻴﺐ ﺍﻟﺒﻨﺎﺕ .. ﻭﻣﺎ ﻋﻨﺪﻱ ﻏﻴﺮ ﻫﺎﻟﺤﻜﻲ
ﺩﻳﻤﺎ : ﻭﻛﻴﻒ ﻳﻌﻨﻲ ﺑﺪﻱ ﺍﺿﻤﻦ ﺍﻧﻚ ﺭﺡ ﺗﺠﻴﺒﻠﻲ ﻳﺎﻫﻦ ؟
ﻋﺰﺍﻡ : ﺍﻳﻪ ﻗﻮﻣﻲ ﺑﻼ ﻓﻠﺴﻔﺔ ﻗﻮﻣﻲ ﺍﻋﻤﻠﻴﻠﻲ ﺍﺭﻛﻴﻠﺔ ﻭﺍﻟﺒﺴﻴﻠﻲ ﺷﻲ ﻓﺮﺍﻳﺤﻲ ﻳﻼ
ﺩﻳﻤﺎ : ﻻ ﻻ .. ﺧﻠﻴﻨﺎ ﻫﻸ ﻧﺮﻭﺡ ﻧﺴﺤﺐ ﺍﻟﻤﺼﺎﺭﻱ ﻭﻧﺠﻴﺐ ﺍﻟﺒﻨﺎﺕ
ﻋﺰﺍﻡ : ﻫﻸ ؟
ﺩﻳﻤﺎ : ﺍﻳﻪ ﻫﻸ
ﻋﺰﺍﻡ : ﻣﻤﻤﻤﻤﻤﻤﻢ ﻃﻴﺐ ﻳﻼ ﺍﻟﺒﺴﻲ
ﻗﺎﻣﺖ ﺩﻳﻤﺎ ﺗﺮﻛﺾ ﻭﻫﻲ ﺧﺎﻳﻔﻪ ﺗﻜﻮﻥ ﻋﻢ ﺗﻈﻠﻢ ﺑﻨﺎﺗﻬﺎ ﻭﺗﺎﺧﻮﺩ ﺣﻘﻬﻦ .. ﺑﺲ ﻛﺎﻧﺖ ﻣﺴﺘﻌﺪﻩ ﺗﻀﺤﻲ ﺑﻜﻞ ﺷﻲ
ﻟﺘﺮﺟﻊ ﺗﻀﻤﻬﻦ ﻟﺤﻀﻨﻬﺎ ﻭﺗﻄﻤﻦ ﺍﻧﻬﻦ ﺑﺄﻣﺎﻥ
ﻧﺰﻟﻮ ﻭﺳﺤﺒﻮ ﺍﻟﻤﺼﺎﺭﻱ ﻭﺭﺟﻌﻮ ﻋﺎﻟﺒﻴﺖ .. ﻭﺑﻠﺶ ﻋﺰﺍﻡ ﻳﻌﺪﻫﻦ
ﻋﺰﺍﻡ : ﺍﻟﻌﻤﻰ !! ﻛﻞ ﻫﺎﻟﻤﺼﺎﺭﻱ !! ﻭﻟﻲ
ﺩﻳﻤﺎ : ﻋﺰﺍﻡ .. ﺍﻟﻠﻪ ﻳﻮﻓﺌﻚ ﻳﻼ ﻧﺠﻴﺐ ﺍﻟﺒﻨﺎﺕ
ﻋﺰﺍﻡ : ﺍﻩ ؟ ﺍﻟﺒﻨﺎﺕ ؟
ﺩﻳﻤﺎ : ﺍﻳﻪ ﺍﻟﺒﻨﺎﺕ ﻣﺎ ﻫﻴﻚ ﺍﺗﻔﺌﻨﺎ ؟
ﻋﺰﺍﻡ : ﺩﻳﻤﺎ .. ﻫﻸ ﺍﻧﺎ ﺑﻌﺮﻑ ﺍﻧﻚ ﻛﻤﺎﻥ ﻭﺭﺛﺘﻲ ﺑﻴﺘﻮ ﻟﺼﻔﻮﺍﻥ
ﺩﻳﻤﺎ : ﺍﻳﻪ ؟
ﻋﺰﺍﻡ : ﺍﻓﺮﻏﻴﻠﻲ ﺍﻟﺒﻴﺖ .. ﻣﺸﺎﻥ ﺑﻴﻌﻮ ﻭﺍﺷﺘﺮﻱ ﺑﻴﺖ ﻛﺒﻴﺮ ﺍﻟﻲ ﻭﺍﻟﻚ ﻭﻟﻠﺒﻨﺎﺕ ﻭﻧﻌﻤﻤﻠﻬﻦ ﻛﻞ ﻭﺣﺪﻩ ﻏﺮﻓﻪ ﺣﻠﻮﺓ
ﻭﺑﻌﺪﺍ ﻣﻨﺠﻴﺒﻬﻦ .. ﺍﻣﺎ ﻫﻮﻥ ﻭﺑﻴﻦ ﺑﺪﻧﺎ ﻧﺤﻄﻬﻦ !!
ﺩﻳﻤﺎ ﻧﺰﻟﺖ ﺩﻣﻌﺘﻬﺎ ﻭﺍﺗﺄﻛﺪﺕ ﺍﻧﻮ ﻣﺎ ﺭﺡ ﻳﺠﺒﻠﻬﺎ ﺑﻨﺎﺗﻬﺎ ﻭﻻ ﺷﻲ ﺑﺲ ﺑﺪﻭ ﻳﺴﺮﻕ ﻛﻞ ﺷﻲ ﻣﻌﻬﺎ
ﺩﻳﻤﺎ ﺳﺤﺒﺖ ﺍﻟﻤﺼﺎﺭﻱ ﻣﻦ ﺍﻳﺪﻭ : ﻫﺎﺗﻬﻦ ﻟﻬﻮﻥ ﻫﺪﻭﻝ ﺣﻖ ﺑﻨﺎﺗﻲ
ﻣﺴﻜﻬﺎ ﻣﻦ ﺍﻳﺪﻫﺎ ﻭﺷﺪ ﻋﻠﻴﻬﺎ ﻟﺼﺮﺧﺖ ﺩﻳﻤﺎ ﻣﻦ ﺍﻟﻮﺟﻊ
ﻭﻗﺮﺏ ﻣﻨﻬﺎ ﻭﺻﺎﺭ ﻳﺒﻮﺳﻬﺎ ﻭﻫﻲ ﺗﺒﻜﻲ ﻭﺗﻘﻠﻮ ﺣﺮﺍﻡ ﻋﻠﻴﻚ ﻫﺪﻭﻝ ﻣﺎﻝ ﻳﺘﺎﻣﻰ ﺍﻟﻠﻪ ﺑﻴﺤﺮﻗﻚ ﺑﻨﺎﺭ ﺟﻬﻨﻢ
ﻋﺰﺍﻡ : ﺍﺧﺮﺳﻲ ﻭﻟﻴﻪ .. ﺍﺷﻠﺤﻲ ﻳﻼ
ﺩﻳﻤﺎ : ﻟﻚ ﺭﺟﻌﻠﻲ ﺍﻟﻤﺼﺎﺍﺍﺭﻱ ﺭﺟﻠﻌﻠﻲ ﻳﺎﻫﻦ ﻣﻮ ﺍﻟﻲ ﻭﺍﻟﻠﻪ ﻟﺒﻨﺎﺗﻲ ﻣﻮ ﺍﻟﻲ
ﻋﺰﺍﻡ : ﻟﻴﻜﻲ ﻭﻟﻴﻪ ﺣﻴﻮﺍﻧﻪ .. ﺗﻀﺮﺑﻲ ﺍﻧﺘﻲ ﻭﺑﻨﺎﺗﻚ .. ﻣﺎ ﺍﺣﻼﻧﻲ ﻭﺍﻧﺎ ﺟﺎﻳﺒﻬﻦ ﻭﻗﺎﻋﺪ ﺭﺑﻲ ﻓﻴﻬﻦ
ﻗﻮﻣﻲ ﻳﻼ ﻟﺸﻮﻑ … ﺍﻋﻤﻠﻲ ﺍﺭﻛﻴﻠﺔ ﻭﺗﻌﻲ ﻟﻌﻨﺪﻱ ﺍﻧﺎ ﻋﺮﻳﺲ ﻻﺯﻡ ﺍﻧﺒﺴﻂ ﻣﻮ ﻳﻨﺴﻢ ﺑﺪﻧﻲ
ﻭﺩﻓﺸﻬﺎ ﺿﺮﺑﺖ ﺑﺎﻟﺤﻴﻂ ﻭﻗﻌﺪﺕ ﻭﺻﺎﺭﺕ ﺗﺒﻜﻲ
ﻋﺰﺍﻡ : ﻓﺎﻳﺖ ﺍﺧﻮﺩ ﺩﺵ ﻭﺍﻃﻠﻌﻞ ﻻﻗﻲ ﺍﻟﻘﻌﺪﻩ ﺟﺎﻫﺰﺓ
ﺍﺧﺪ ﺍﻟﻤﺼﺎﺭﻱ ﻭﻟﻤﻬﻦ … ﻭﻓﺎﺕ ﺧﺒﺎﻫﻦ ﻭﻓﺎﺕ ﺗﺤﻤﻢ
ﻗﺎﻣﺖ ﺩﻳﻤﺎ ﻭﻗﻠﺒﺖ ﺍﻟﺒﻴﺖ ﻣﺎ ﺧﻠﺖ ﻣﻄﺮﺡ ﻣﺎ ﺩﻭﺭﺕ ﻓﻴﻪ ﺑﻜﻞ ﺯﺍﻭﻳﺔ ﺩﻭﺭﺕ ﻭﻣﺎ ﻟﻘﻴﺘﻬﻦ .. ﺍﻧﻘﻄﻊ ﻧﻔﺴﻬﺎ ﻣﻦ ﺍﻟﺘﻌﺐ
ﻭﻗﻌﺪﺕ ﺑﺎﻷﺭﺽ ﻭﺻﺎﺭﺕ ﺗﻀﺮﺏ ﺣﺎﻟﻬﺎ ﻭﺗﺼﺮﺥ ﺿﻴﻌﺖ ﺣﻖ ﺑﻨﺎﺍﺍﺍﺍﺍﺍﺍﺍﺍﺍﺍﺍﺗﻲ
ﺿﻠﻊ ﻋﺰﺍﻡ ﻭﻫﻮ ﻋﻢ ﻳﻨﺸﻒ ﺷﻌﺮﺍﺗﻮ ﻭﺷﺎﻑ ﺍﻟﺒﻴﺖ ﻣﻘﻠﻮﺏ
ﻋﺰﺍﻡ : ﻭﻟﻚ ﺷﻮ ﻋﺎﻣﻠﻪ
ﻫﺠﻤﺖ ﻋﻠﻴﻪ ﺩﻳﻤﺎ ﻭﺻﺎﺭﺕ ﺗﻀﺮﺑﻮ ﻭﺗﻘﻠﻮ ﺭﺟﻌﻠﻲ ﺣﻖ ﺑﻨﺎﺗﻲ .. ﺭﺟﻌﻠﻲ ﺍﻟﻤﺼﺎﺭﻱ ﻭﻳﻦ ﺧﺒﻴﺘﻬﻦ
ﻋﺰﺍﻡ : ﻳﻨﻌﻦ ﺍﺧﺖ ﻫﺎﻟﻘﺼﺔ .. ﺗﻌﻲ ﻟﻬﻮﻥ ﻭﻟﻴﻪ ﺷﻮ ﺑﺪﻱ ﺿﻞ ﺍﻧﺎ ﻋﻢ ﺍﺣﻜﻲ ﻣﻌﻚ ﻣﺘﻞ ﺍﻟﺒﺸﺮ
ﻭﻗﺮﺏ ﻣﻨﻬﺎ ﻏﺼﺐ ﻋﻨﻬﺎ ﻭﺍﺧﺪ ﺍﻟﻲ ﺑﺪﻭ ﻳﺎﻩ ﻭﻫﻲ ﻋﻢ ﺗﺒﻜﻲ ..
ﻣﺮﻗﻮ ﺍﺳﺒﻮﻋﻴﻦ ﻭﻋﺮﻓﻮ ﺍﻟﻜﻞ ﺍﻧﻮ ﻣﺼﺎﺭﻱ ﺍﻟﺒﻨﺎﺕ ﺍﻧﺴﺤﺒﻮ ﻣﻦ ﺍﻟﺒﺮﻳﺪ ﻭﺍﻟﻲ ﺍﺧﺪﺗﻬﻦ ﻫﻲ ﺩﻳﻤﺎ
ﻭ ﻗﺎﻟﺘﻠﻬﻦ ﺍﻧﻮ ﻋﺰﺍﻡ ﺍﺧﺪﻥ ﻣﻨﺎ ..
ﻭ ﺻﺎﺭ ﻋﻠﻰ ﻗﺎﺋﻤﺔ ﺍﻹﻫﺎﻧﺎﺕ ﺇﻫﺎﻧﺔ ﺟﺪﻳﺪﺓ ﺻﺎﺭﺕ ﺗﺴﻤﻌﻬﺎ ﺩﺍﺭﻳﻦ ﻋﻦ ﺍﻣﻬﺎ ( ﺍﻣﻚ ﺳﺮﻗﺖ ﻣﺼﺎﺭﻳﻜﻲ ﺍﻧﺘﻲ ﻭﺍﺧﺘﻚ ) ﺍﻣﻚ ﻛﻞ ﻳﻮﻡ ﻣﻊ ﺯﻟﻤﺔ
ﺍﻣﻚ ﺣﺮﺍﻣﻴﺔ .. ﺍﻣﻚ ﻭﺍﻣﻚ ﻭﺍﻣﻚ .. ﻭﺩﺍﺭﻳﻦ ﻃﻔﻠﺔ ﻋﻢ ﺗﻜﺒﺮ ﻭﺗﺘﻮﺟﻊ ﺍﻛﺘﺮ ﻭ ﺍﻛﺘﺮ
ﻭﺑﻴﻮﻡ ﻣﻦ ﺍﻷﻳﺎﻡ ﻫﺠﻢ ﺣﻤﺰﺓ ﻋﻠﻰ ﻋﺰﺍﻡ ﻣﺸﺎﻥ ﻳﻬﺪﺩﻭ ﻭﻳﺮﺟﻌﻠﻮ ﺍﻟﻤﺼﺎﺭﻱ .. ﺑﺲ ﻳﺒﺪﻭ ﻛﺒﺮﺕ ﺑﻴﻨﺎﺗﻬﻦ ﻭ ﺣﻤﺰﺓ ﺿﺮﺑﻮ ﻟﻌﺰﺍﻡ ﻋﻠﻰ ﺭﺍﺳﻮ
ﻭﻫﺮﺏ ﻣﻦ ﺍﻟﻀﻴﻌﺔ ﻻﻥ ﻓﻜﺮ ﻋﺰﺍﻡ ﻣﺎﺕ .. ﺑﺲ ﺑﻌﺪ ﻳﻮﻣﻴﻦ ﺻﺤﻲ ﻣﺘﻞ ﺍﻟﻘﺮﺩ .. ﻭﻃﻠﻘﻬﺎ ﻟﺪﻳﻤﺎ .. ﻭﺭﺟﻌﺖ ﻋﻠﻰ ﺑﻴﺖ ﺍﻫﻠﻬﺎ ﻣﻄﻠﻘﺔ
ﻣﺮﻗﻮ ﺧﻤﺲ ﺳﻨﻴﻦ ﻭﻫﻲ ﺑﺒﻴﺖ ﺍﻫﻠﻬﺎ ﺧﺪﺍﻣﺔ ﻟﻨﺴﻮﺍﻥ ﺍﻷﺧﻮﺓ .. ﻭﺍﻣﻬﺎ ﺍﻟﻲ ﻛﺎﻧﺖ ﺗﺤﻦ ﻋﻠﻴﻬﺎ ﺍﺣﻴﺎﻧﺎً ﻣﺎﺗﺖ
ﻭﺍﺑﻮﻫﺎ ﻟﺪﻳﻤﺎ ﺿﻠﻮ ﻇﺎﻟﻢ ﻭﺟﺒﺎﺭ ﻟﻮﻗﺖ ﻣﺎ ﻫﺪﻭ ﺍﻟﻤﺮﺽ ﻭﻗﻌﺪ ﺑﻔﺮﺷﺘﻮ
ﺑﺲ ﻣﺴﻠﺴﻞ ﺍﻟﻌﺮﺳﺎﻥ ﻣﺎ ﺧﻠﺺ .. ﻭﻫﺎﻟﻤﺮﺓ ﺩﻳﻤﺎ ﺑﻄﻠﺖ ﺍﻟﻄﻔﻠﺔ ﺍﻟﻲ ﺧﺎﻳﻔﻪ ﻣﻦ ﺍﻟﻘﺘﻠﺔ .. ﻭﻣﺎ ﻋﻨﺪﻫﺎ ﻗﻮﺓ
ﻫﺪﺩﺗﻬﻦ ﺍﺯﺍ ﺑﻌﺪ ﺑﻔﺘﺤﻮﻟﻬﺎ ﺳﻴﺮﺓ ﺍﻟﻌﺮﺳﺎﻥ ﺗﻬﺮﺏ ﻣﻦ ﺍﻟﺒﻴﺖ ﻭﺗﻌﻤﻠﻠﻬﻦ ﻓﻀﻴﺤﻪ ﻟﺘﻮﻃﻲ ﺭﺍﺳﻬﻦ ﻛﻞ ﺍﻟﻌﻤﺮ
ﻭﺍﻟﻌﺎﻟﻢ ﺍﻛﻠﺖ ﻭﺷﻬﻦ ﺍﻧﻮ ﺻﺎﺭﺕ ﻣﺘﺠﻮﺯﺓ ﺗﻼﺕ .. ﻟﻬﻴﻚ ﺗﺴﻜﺮ ﻫﺎﻟﺪﻓﺘﺮ ..
ﺻﺎﺭﻭ ﺩﺍﺭﻳﻦ ﻭﺩﺍﻧﺔ ﺻﺒﺎﻳﺎ ﻭﺑﻌﻤﺮ ﺯﻭﺍﺝ .. ﻭ ﻛﺎﻥ ﻋﻨﺪ ﺩﺍﺭﻳﻦ ﺍﺑﻦ ﻋﻢ .. ( ﺍﺑﻦ ﻋﻤﻬﺎ ﻗﺼﻲ ) ﺩﺍﺭﺱ ﺷﺮﻳﻌﻪ ﻭ ﺗﺨﺮﺝ
ﻭﻛﺎﻧﺖ ﻋﻴﻨﻮ ﻋﻠﻰ ﺩﺍﺭﻳﻦ .. ﻭ ﻃﻠﺐ ﻳﺨﻄﺒﻬﺎ .. ﺑﺲ ﻗﺼﻲ ﺭﻓﺾ ﻭﺍﻋﺘﺮﺽ …
ﺃﺻﺮ ﻗﺼﻲ ﻋﺎﻟﻤﻮﺿﻮﻉ ﻭﻋﺎﻧﺪ ﺍﻟﻜﻞ .. ﻭﺧﻄﺒﻬﺎ ﻟﺪﺍﺭﻳﻦ .. ﻭﻃﺒﻌﺎً ﻣﺎ ﻓﻲ ﺣﺪﺍ ﻳﻮﺍﻓﻖ ﺍﻭ ﻳﻌﺘﺮﺽ .. ﺑﺲ ﺍﻋﻄﻮ ﺧﺒﺮ
ﻟﺪﻳﻤﺎ ﻣﺸﺎﻥ ﺗﺠﻲ ﺗﺤﻀﺮ ﻋﺮﺱ ﺑﻨﺘﻬﺎ ..
ﺍﺟﺖ ﺩﻳﻤﺎ .. ﻭﻭﻗﻔﺖ ﺑﻌﻴﺪ .. ﺑﺎﻟﺰﺍﻭﻳﺔ .. ﻣﺘﻞ ﺍﻟﻐﺮﻳﺒﺔ ..
ﻭﺩﺍﻧﺔ ﻛﺎﻧﺖ ﻗﺎﻋﺪﻩ ﺟﻨﺐ ﺍﺧﺘﻬﺎ … ﻭﺍﻟﺘﻨﺘﻴﻦ ﻋﻢ ﻳﺘﻄﻠﻌﻮ ﻋﻠﻰ ﺍﻣﻬﻦ ﻣﻦ ﺑﻌﻴﺪ .. ﻓﻲ ﺣﻮﺍﻟﻴﻬﻦ ﺿﺠﺔ ﻭﺻﻮﺕ ﻋﺎﻟﻲ
ﺑﺲ ﻓﻲ ﺿﺠﺔ ﺍﻛﺒﺮ .. ﻭ ﺍﻗﻮﻯ .. ﺑﻘﻠﺐ ﺍﻟﺘﻼﺗﻪ
ﻫﻴﻚ ﻟﻮﻗﺖ ﻣﺎ ﻗﺎﻣﺖ ﺩﺍﺭﻳﻦ ﻣﻦ ﻣﻄﺮﺣﻬﺎ … ﻭ ﺣﺎﻭﻟﺖ ﺩﺍﻧﺔ ﺗﻤﺴﻜﻬﺎ ﻭﺗﻘﻌﺪﻫﺎ ﺑﺲ ﺩﺍﺭﻳﻦ ﻛﺎﻧﺖ ﻣﺎﺷﻲ ﻭﻫﻲ ﻣﻌﺼﺒﻪ
ﻭﺍﺟﺖ ﺑﺎﺗﺠﺎﻩ ﺩﻳﻤﺎ .. ﻭﺩﺍﻧﺔ ﺭﻛﻀﺖ ﻭﺭﺍﻫﺎ
ﺩﻳﻤﺎ ﺧﺎﻓﺖ ﻭﺭﺟﻌﺖ ﺧﻄﻮﺗﻴﻦ ﻟﻮﺭﺍ … ﺑﺲ ﻣﺎ ﻋﺮﻓﺖ ﺗﻄﻠﻊ ﻣﻦ ﺑﻴﻦ ﺍﻟﻨﺎﺱ ﻭﺗﻬﺮﺏ ﻣﻦ ﻋﻴﻮﻥ ﺑﻨﺘﻬﺎ ﺍﻟﻲ ﻛﻠﻬﻦ ﻋﺘﺎﺏ ﻭﻭﺟﻊ
ﺩﺍﺭﻳﻦ : ﻟﻴﺶ ﺟﻴﺘﻲ ﻫﻸ ؟؟؟ ﻟﻴﺶ ﺟﻴﺘﻲ ؟
# ﺳﻤﻮ _ ﺍﻟﻤﻠﻜﺔ _ ﺑﻘﻞﻡ _ ﻣﺎﻝ _ ﺍﻟﺸﺎﻡ
ﺍﻟﺠﺰﺀ 11 ( ﻗﺒﻞ ﺍﻻﺧﻴﺮ )
ﺩﻳﻤﺎ : ﻳﺎﻣﻮ ﺍﻧﺎ .. ﺍﻧﺎ
ﺩﺍﺭﻳﻦ ﻧﺰﻟﻮ ﺩﻣﻮﻋﻬﺎ ﻭﺻﺎﺭﺕ ﺗﺤﻜﻲ ﻭﺗﻐﺺ ﺑﺪﻣﻌﻬﺎ : ﻟﻴﺶ ﻣﺎ ﺟﻴﺘﻲ ﻣﻦ ﺯﻣﺎﻥ .. ﻟﻴﺶ ﺗﺮﻛﺘﻴﻨﻲ ﺑﺎﻳﺪﻳﻦ ﻫﺪﻭﻝ ﺍﻟﻈﻼﻡ
ﺩﻳﻤﺎ : ﺍﻧﺎ ﻣﻮ ﺑﺎﻳﺪﻱ .. ﺍﻧﺎ ﻣﺎ ﻗﺪﺭﺕ ﺍﻋﻤﻞ ﺷﻲ ﻭﺍﻟﻠﻪ .. ﻣﺎ ﻗﺪﺭﺕ .. ﻣﺎ ﻗﺪﺭﺕ
ﻗﺮﺑﺖ ﺩﺍﺭﻳﻦ ﻭﺿﻤﺖ ﺍﻣﻬﺎ ﺑﻜﻞ ﻗﻮﺗﻬﺎ .. ﺑﻜﻞ ﻃﺎﻗﺘﻬﺎ .. ﺑﻜﻞ ﺷﻲ ﻓﻴﻬﺎ ﻣﻦ ﺗﻌﺐ ﻭ ﻗﻬﺮ ﻭﺷﻮﻕ ﻭﺻﺎﺭﺕ ﺗﺘﻨﻔﺲ ﺭﻳﺤﺘﻬﺎ
ﺩﺍﺭﻳﻦ : ﻛﻞ ﻟﻴﻠﺔ ﻛﻨﺖ ﺍﺣﻠﻢ ﺍﻧﻲ ﺑﺤﻀﻨﻚ .. ﻛﻞ ﻟﻴﻠﺔ ﻛﻨﺖ ﺣﺎﻭﻝ ﺍﺗﺰﻛﺮ ﻭﺷﻚ ﺍﻟﻲ ﻣﺘﻞ ﺍﻟﻘﻤﺮ .. ﻛﺘﻴﺮ ﺣﻜﻮﻟﻲ ﻋﻨﻚ
ﻗﺎﻟﻮﻟﻲ ﺍﻧﻚ ﺗﺠﻮﺯﺗﻲ ﻛﺘﻴﺮﻳﻦ ﺑﻌﺪ ﺍﺑﻲ .. ﻛﺎﻧﻮ ﻛﺘﻴﺮ ﻳﻌﻴﺮﻭﻧﻲ ﻓﻴﻜﻲ .. ﺑﺲ ﺍﻧﺎ ﺑﺤﺒﻚ ﻛﺘﻴﺮ
ﺭﻳﺤﺘﻚ ﻋﻠﻘﺎﻧﻪ ﺑﻘﻠﺒﻲ .. ﻻ ﺗﺘﺮﻛﻴﻨﻲ ﺍﻣﺎﻧﻪ
ﺑﻜﻴﺖ ﺩﻳﻤﺎ ﻭﻣﺎ ﻗﺪﺭﺕ ﺗﺮﺩ ﺑﺄﻱ ﺷﻲ .. ﺍﺟﺖ ﺍﻣﻮ ﻟﺰﻳﺎﺩ ( ﺍﻟﻌﺮﻳﺲ ) ﻭﺳﺤﺒﺖ ﺩﺍﺭﻳﻦ ﻭﻗﺎﻟﺘﻠﻬﺎ ﺗﺮﺟﻊ ﻋﻠﻰ ﺍﻟﻜﻮﺷﻪ ﻻﻥ ﺍﻟﻨﺎﺱ ﺍﺷﺘﻠﻘﻮ ﻋﻠﻴﻬﺎ
ﺭﺟﻌﺖ ﺩﺍﺭﻳﻦ ﻗﻌﺪﺕ ﻭﺿﻠﺖ ﻋﻴﻮﻧﻬﺎ ﻋﻠﻰ ﺍﻣﻬﺎ ﺧﺎﻳﻔﻪ ﺍﻧﻬﺎ ﺗﺮﻭﺡ ﻭﺗﺘﺮﻛﻬﺎ
ﻭﺩﺍﻧﺔ ﺭﺟﻌﺖ ﻗﻌﺪﺕ ﺟﻨﺒﻬﺎ ﻭﺣﺎﻭﻟﺖ ﺗﻬﺪﻳﻬﺎ
ﻟﻮﻗﺖ ﻣﺎ ﺧﻠﺺ ﺍﻟﻌﺮﺱ ..
ﺩﺍﺭﻳﻦ : ﻭﻳﻨﻬﺎ ﺍﻣﻲ ؟
ﺍﻡ ﺯﻳﺎﺩ : ﺷﻮ ﺑﺪﻙ ﻓﻴﻬﺎ ﻓﻮﺗﻲ ﻣﻊ ﻋﺮﻳﺴﻚ ﻳﻼ
ﺩﺍﺭﻳﻦ : ﻣﺎ ﺑﺪﻱ ﻋﻢ ﻗﻠﻜﻦ ﻭﻳﻨﻬﺎ ﺍﻣﻲ ؟؟؟؟؟؟
ﺩﺍﻧﺔ : ﻟﻚ ﺩﺍﺭﻳﻦ ﻻﺯﻣﻲ ﺗﻔﻮﺗﻲ ﻣﻊ ﺟﻮﺯﻙ ﻋﻠﻰ ﺑﻴﺘﻜﻦ ﻳﻼ
ﺯﻳﺎﺩ : ﻣﻌﻠﻴﺶ ﻳﺎ ﺟﻤﺎﻋﻪ ﺷﺒﻜﻦ .. ﺧﻠﺺ ﺟﻴﺒﻮ ﺍﻣﻬﺎ ﻳﻤﻜﻦ ﺑﺪﻫﺎ ﺗﺴﺄﻟﻬﺎ ﺷﻲ ﺧﺎﺹ
ﺩﺍﺭﻳﻦ : ﺍﻳﻪ ﻣﺰﺑﻮﻁ ﻋﻨﺪﻱ ﺳﺆﺍﻝ ﺧﺎﺹ ﻭﻣﺎ ﺭﺡ ﺍﺳﺄﻟﻮ ﻏﻴﺮ ﻷﻣﻲ
ﺍﻡ ﺯﻳﺎﺩ : ﻃﻴﺐ ﻓﻮﺗﻲ ﺍﻧﻘﺒﺮﻱ ﻟﺠﻮﺍ ﻭﻫﻸ ﻣﻨﺠﻴﺒﻠﻚ ﻳﺎﻫﺎ ﻓﻀﺤﺘﻴﻨﺎ
ﺩﺍﺭﻳﻦ : ﻻ ﻣﺎ ﺭﺡ ﻓﻮﺕ ﺑﻼﻫﺎ
ﺯﻳﺎﺩ : ﺩﺍﺭﻳﻦ .. ﻭﻋﺪ ﺍﺯﺍ ﻣﺎ ﺟﺎﺑﻮﻫﺎ ﺍﻧﺎ ﺍﻃﻠﻊ ﺟﻴﺒﻬﺎ ﺑﺮﺍﺳﻲ ﺑﺲ ﻓﻮﺗﻲ ﺍﻟﻌﺎﻟﻢ ﺍﺷﺘﻠﻘﺖ ﻋﻠﻴﻨﺎ
ﺧﺠﻠﺖ ﺩﺍﺭﻳﻦ ﻣﻦ ﺟﻮﺯﻫﺎ ﻭﻓﺎﺗﺖ ﻋﺎﻟﺒﻴﺖ .. ﻓﺎﺗﺖ ﻣﻌﻬﻦ ﺩﺍﻧﺔ ﻭﻗﻌﺪﻭ ﺗﻼﺗﺘﻬﻦ ﺳﺎﻛﺘﻴﻦ .. ﺑﻌﺪ ﻋﺸﺮ ﺩﻗﺎﻳﻖ
ﺍﺟﺖ ﺍﻡ ﺯﻳﺎﺩ ﻭﻣﻌﻬﺎ ﺩﻳﻤﺎ
ﻭﺍﻭﻝ ﻣﺎ ﻓﺎﺗﺖ ﺩﻳﻤﺎ ﺭﻛﻀﺖ ﻋﻠﻰ ﺩﺍﺭﻳﻦ ﻭﺩﺍﻧﺔ ﻭﻏﻤﺮﺗﻬﻦ ﻭﺻﺎﺭﺕ ﺗﺒﻜﻲ
ﺩﻳﻤﺎ : ﻣﺒﺮﻭﻙ ﻳﺎ ﺭﻭﺡ ﺍﻟﺒﻲ ﺍﻧﺘﻲ .. ﻣﺒﺮﻭﻙ ﻳﺎ ﻋﻴﻮﻧﻲ .. ﻳﺎ ﺭﻭﺡ ﺍﻣﻚ .. ﻳﺎ ﻧﺒﺾ ﺍﻟﺒﻲ ﺍﻧﺘﻲ
ﺩﺍﺭﻳﻦ : ﻣﺎﻣﺎ ﺑﺤﺒﻚ ﻛﺘﻴﺮﺭﺭ … ﺍﺷﺘﺌﺘﻠﻚ ﻛﺘﻴﺮﺭﺭ .. ﺍﺷﺘﺌﺖ ﻳﻜﻮﻥ ﻋﻨﺪﻱ ﺍﻡ
ﺩﻳﻤﺎ : ﺩﺍﻧﺔ ﺣﺒﻴﺒﺘﻲ .. ﺻﺎﻳﺮﻩ ﻣﺘﻞ ﺍﻟﻘﻤﺮ ﻳﺎ ﺍﻣﻲ ..
ﺩﺍﻧﺔ ﻛﻤﺎﻥ ﻛﺎﻧﺖ ﻋﻢ ﺗﺒﻜﻲ ﺑﺲ ﻣﺎ ﻛﺎﻧﺖ ﻗﺎﺩﺭﺓ ﺗﺴﺎﻣﺢ ﺍﻣﻬﺎ ﺑﺴﺒﺐ ﺍﻟﻮﺟﻊ ﺍﻟﻲ ﺷﺎﻓﺘﻮ
ﺍﻡ ﺯﻳﺎﺩ : ﻳﻼ ﺑﺌﻰ ﺷﻮ ﺍﻧﺎ ﺟﻮﺯﺕ ﺍﺑﻨﻲ ﻟﻨﺘﻔﺮﺝ ﻋﻠﻴﻜﻮﻥ ؟
ﺩﺍﺭﻳﻦ ﻭﻫﻲ ﻋﻢ ﺗﺒﻜﻲ : ﺑﺲ ﺷﻮﻭﻭﻱ
ﺯﻳﺎﺩ : ﺍﻣﻲ ﺧﻠﺺ ﺍﻧﺘﻲ ﺭﻭﺣﻲ ﻭﻫﻸ ﻫﻦ ﺑﻴﺮﻭﺣﻮ
ﺍﻡ ﺯﻳﺎﺩ : ﺿﻠﻚ ﻛﺒﺮ ﺑﺮﺍﺳﻬﺎ ﻟﺸﻮﻑ ﻟﻮﻳﻦ ﺑﺪﻙ ﺗﻮﺻﻞ .. ﻣﻤﺸﻴﺘﻚ ﻋﺎﻟﺼﺮﺍﻁ ﺍﻟﻤﺴﺘﻘﻴﻢ ﺑﻨﺖ ﺩﻳﻤﺎ
ﻭﻃﻠﻌﺖ ﻭﻫﻲ ﻣﻌﺼﺒﻪ
ﺩﺍﺭﻳﻦ : ﺷﻜﺮﺍً ﺯﻳﺎﺩ
ﺩﺍﺭﻳﻦ ﻛﺎﻧﺖ ﻣﺨﺒﺮﻩ ﺯﻳﺎﺩ ﺑﻜﻞ ﺷﻲ ﺻﺎﺭ ﻣﻌﺎ ﺑﺤﻴﺎﺗﻬﺎ ﻭﺍﻟﻈﻠﻢ ﺍﻟﻲ ﺷﺎﻓﺘﻮ ﻭﻫﻮ ﻛﺎﻥ ﻛﺒﻴﺮ ﻭﻭﺍﻋﻲ ﻭﺩﺍﺭﺱ ﺷﺮﻳﻌﻪ
ﻭﺑﻌﺮﻑ ﺍﻟﺤﻼﻝ ﻭﺍﻟﺤﺮﺍﻡ ﻭﻛﺎﻥ ﻳﻌﺮﻑ ﺑﻘﺼﺔ ﺩﻳﻤﺎ .. ﻭ ﺧﺒﺮ ﺩﺍﺭﻳﻦ ﺍﻧﻮ ﺟﻮﺍﺯﻫﺎ ﺑﺎﻟﻤﺮﺗﻴﻦ ﻛﺎﻥ ﻏﺼﺐ ﻋﻨﻬﺎ ﻭﻫﻮ ﻛﺎﻥ ﺣﺎﺿﺮ ﺍﻟﻌﺮﺱ
ﻭ ﺑﻴﻌﺮﻑ ﺍﻧﻮ ﺑﺎﻻﺟﺒﺎﺭ ﺗﺠﻮﺯﺕ .. ﻭﻗﻠﻬﺎ ﺍﻧﻮ ﺍﻟﻤﺼﺎﺭﻱ ﺳﺮﻗﻬﻦ ﻣﻨﻬﺎ ﺟﻮﺯﻫﺎ ﺍﻟﺘﺎﻟﺖ ﺑﺤﺠﺔ ﻳﺠﻴﺒﻜﻦ ﻟﻌﻨﺪﺍ .. ﻛﺎﻧﻮ ﻗﺎﻳﻠﻠﻬﺎ
ﻛﻞ ﺍﻟﺘﻔﺎﺻﻴﻞ ﻗﺒﻞ ﺍﻟﻌﺮﺱ .. ﻭﻫﻲ ﻛﺘﻴﺮ ﻛﺎﻧﺖ ﺗﻮﺛﻖ ﻓﻴﻪ ﻭﻓﻬﻤﺖ ﻛﻞ ﺷﻲ
ﺯﻳﺎﺩ : ﻋﻔﻮﺍً .. ﺍﻧﺎ ﺭﺡ ﻏﻴﺮ ﺗﻴﺎﺑﻲ .. ﻭﻧﺎﻡ ﺑﺎﻟﻐﺮﻓﻪ ﺍﻟﺘﺎﻧﻴﻪ .. ﻭﺍﻧﺘﻲ ﻭﺩﺍﻧﺔ ﻭﺍﻣﻚ ﻧﺎﻣﻮ ﺑﻐﺮﻓﺘﻨﺎ
ﺩﻳﻤﺎ : ﻻ ﻳﺎ ﺍﺑﻨﻲ ﻣﺎ ﺑﺼﻴﺮ
ﺯﻳﺎﺩ : ﻻ ﻣﺮﺕ ﻋﻤﻲ ﺍﻧﺘﻮ ﺍﻟﻜﻦ ﻋﻤﺮ ﻣﺎ ﺍﺟﺘﻤﻌﺘﻮ ﺗﺤﺖ ﺻﻘﻒ ﻭﺍﺣﺪ .. ﺳﺪﺋﻴﻨﻲ ﻓﺮﺣﺘﻲ ﺭﺡ ﺗﻜﻮﻥ ﺍﺿﻌﺎﻑ .. ﻳﻼ ﺑﺎﻹﺯﻥ
ﺗﺮﻛﻬﻦ ﺯﻳﺎﺩ ﻭﻫﻦ ﻓﺎﺗﻮ ﻋﻠﻰ ﻏﺮﻓﺘﻬﻦ ..
ﻗﻌﺪﺕ ﺩﻳﻤﺎ ﻋﺎﻟﺘﺨﺖ .. ﻭ ﺩﺍﺭﻳﻦ ﺑﺤﻀﻨﻬﺎ ﻭ ﻫﻲ ﻋﻢ ﺗﻠﻌﺐ ﺑﺸﻌﺮﺍﺗﻬﺎ ﻭﺗﺤﻜﻴﻠﻬﺎ ﻛﻞ ﺷﻲ ﺻﺎﺭ
ﻭﺩﺍﻧﺔ ﻛﺎﻧﺖ ﺑﻌﻴﺪﺓ ﻭﻋﻢ ﺗﺴﻤﻊ ﻭﺗﺒﻜﻲ ..
ﻟﻮﻗﺖ ﻣﺎ ﺣﻜﺘﻠﻬﻦ ﻛﻞ ﺷﻲ ﺻﺎﺭ ﻣﻌﺎ ﻣﻦ ﻭﻗﺖ ﻣﺎﺕ ﺍﺑﻮﻫﻦ ﻟﻬﻞ ﻟﺤﻈﺔ ﻫﻲ .. ﺧﻠﺼﺖ ﺣﺪﻳﺜﻬﺎ .. ﻭﻛﺎﻥ ﻋﻢ ﻳﺄﺫﻥ ﺍﻟﻔﺠﺮ ..
ﺩﻳﻤﺎ : ﺩﺍﻧﺔ .. ﺗﻌﻲ ﻟﺤﻀﻨﻲ ﻳﺎ ﺍﻣﻲ ..
ﺩﺍﺭﻳﻦ : ﺣﺒﻴﺒﺘﻲ ﺩﺍﻧﺔ ﺗﻌﻲ .. ﺍﻣﻚ ﻣﻮ ﺫﻧﺒﻬﺎ ﻭﺍﻟﻠﻪ
# ﺳﻤﻮ _ ﺍﻟﻤﻠﻜﺔ _ ﺑﻘﻞﻡ _ ﻣﺎﻝ _ ﺍﻟﺸﺎﻡ
ﺍﻟﺠﺰﺀ ﺍﻟﺜﺎﻧﻲ ﻋﺸﺮ ( ﺍﻻﺧﻴﺮ )
ﺭﻛﻀﺖ ﺩﺍﻧﺔ ﻭﺍﺭﺗﻤﺖ ﺑﺤﻀﻨﻚ ﺍﻣﻬﺎ .. ﻗﺎﻣﻮ ﺗﻼﺗﺘﻬﻦ ﺻﻠﻮ ﺳﻮﺍ .. ﻭﺑﻌﺪﻫﺎ ﻏﻔﻴﻮ .. ﺿﻠﻮ ﻧﺎﻳﻤﻴﻦ ﻟﻠﺴﺎﻋﻪ ﺗﻨﺘﻴﻦ ﺍﻟﻀﻬﺮ
ﺩﻕ ﺯﻳﺎﺩ ﻋﺎﻟﺒﺎﺏ ﻭﺻﺤﺎﻫﻦ ﻭﻗﺎﻝ ﻟﺪﺍﺭﻳﻦ ﺍﻧﻮ ﻫﻸ ﺭﺡ ﺗﺠﻲ ﺍﻣﻮ ﻭﺍﻟﻨﺴﻮﺍﻥ ﻋﻠﻰ ﺍﻟﺼﺒﺤﻴﺔ ﻟﻬﻴﻚ ﺧﻠﻴﻬﻦ ﻳﻘﻮﻣﻮ ﻭﻳﺘﺨﺒﻮ ﺑﺎﻟﻐﺮﻓﺔ ﺍﻟﺠﻮﺍﻧﻴﺔ
ﺑﺎﻟﻔﻌﻞ ﺻﺤﺘﻬﻦ ﻭﻓﺎﺗﻮ ﻋﻠﻰ ﻏﺮﻓﻪ ﻭ ﻗﻔﻠﻮ ﺍﻟﺒﺎﺏ
ﻭﺩﺍﺭﻳﻦ ﻟﺒﺴﺖ ﺗﻮﺏ ﺍﻟﺼﺒﺤﻴﺔ ﻭﺗﻤﻜﻴﺠﺖ ﻭﺍﺳﺘﻘﺒﻠﺖ ﺍﻡ ﺯﻳﺎﺩ ﻭ ﻧﺴﻮﺍﻥ ﺍﻋﻤﺎﻣﻬﺎ ﻭ ﺍﻟﻤﺒﺎﺭﻛﻴﻦ .. ﺣﻄﻮﻟﻬﺎ ﺍﻟﻔﻄﻮﺭ
ﻭﻗﻌﺪﻭ ﺷﻮﻱ ﻭﺭﺍﺣﺘﻮ
ﺩﺍﺭﻳﻦ : ﻫﻸ ﻃﻠﻊ ﺍﻣﻲ ﻭﺍﺧﺘﻲ ؟
ﺯﻳﺎﺩ : ﻻ ﺗﻌﻲ ﺑﺲ ﺧﻠﻴﻨﻲ ﺍﺧﻮﺩ ﺑﻮﺳﺔ ﺑﺎﻷﻭﻝ
ﺩﺍﺭﻳﻦ ﺻﺎﺭ ﻭﺷﻬﺎ ﺍﺣﻤﺮ ﻛﺘﻴﺮ : ﺯﻳﺎﺩ ﺧﻠﺺ ﺑﻌﺪﻳﻦ
ﺯﻳﺎﺩ : ﻟﻚ ﻟﻮ ﺗﻌﺮﻓﻲ ﺍﺩﻳﺶ ﺻﻌﺒﻪ ﺍﺗﺤﻤﻞ ﺑﻌﺪﻙ ﻋﻨﻲ ﺍﻛﺘﺮ
ﺩﺍﺭﻳﻦ : ﺧﻠﺺ ﻫﺲ ﻻ ﺗﺴﻤﻊ ﺍﻣﻲ ﻭﺍﺧﺘﻲ .. ﺭﺡ ﺍﻓﺘﺤﻠﻬﻦ ﺍﻟﺒﺎﺏ
ﻓﻄﺮﻭ ﻣﻌﻬﻦ .. ﻭﺑﻌﺪﻳﻦ ﻃﻠﻌﻮ ﻣﻦ ﻋﻨﺪﻥ ﻭ ﺗﺮﻛﻮ ﺍﻟﻌﺮﺳﺎﻥ ﻟﺤﺎﻟﻬﻦ
ﺯﻳﺎﺩ ﻛﺎﻥ ﺭﺟﺎﻝ ﺑﻜﻞ ﻣﻌﻨﻰ ﺍﻟﻜﻠﻤﺔ .. ﺳﻨﺪ ﻭ ﺣﻘﺎﻧﻲ ﻭﻣﺎ ﺑﺨﺎﻑ ﻣﻦ ﺣﺪﺍ ﻭﻻ ﺣﺘﻰ ﻣﻦ ﺍﺑﻮﻩ
ﻭﺿﻌﻮ ﺍﻟﻤﺎﺩﻱ ﻛﺎﻥ ﻓﻮﻕ ﺍﻟﻤﻤﺘﺎﺯ ﻻﻥ ﻣﻦ ﻭﻫﻮ ﺻﻐﻴﺮ ﻛﺎﻥ ﻣﺘﻌﻠﻢ ﺻﻨﻌﺔ ﺗﺼﻠﻴﺢ ﺍﻟﺴﻴﺎﺭﺍﺕ ﻭﻛﺎﻥ ﻣﻌﻠﻢ
ﺑﺲ ﺿﻞ ﻳﺮﻭﺡ ﻋﻠﻰ ﻣﺪﺭﺳﺘﻮ ﻭﻛﻤﻞ ﻟﻔﺎﺕ ﻋﺎﻟﺠﺎﻣﻌﺔ ﻭﺩﺭﺱ ﺷﺮﻳﻌﻪ ﻭﺑﻌﺮﻑ ﺣﻖ ﺭﺏ ﺍﻟﻌﺎﻟﻤﻴﻦ
ﻭﻗﻒ ﺑﻮﺵ ﺍﻟﻜﻞ ﻭﻃﺎﻟﺐ ﺑﺤﻖ ﻣﺮﺗﻮ ﻭﺩﺍﻧﺔ ﻭ ﺍﻣﻬﻦ
ﻭﻭﺍﺟﻪ ﺍﺧﻮﺗﻬﺎ ﻟﺪﻳﻤﺎ ﻭﻗﻠﻬﻦ ﺍﻧﻮ ﺩﻳﻤﺎ ﺭﺡ ﺗﻄﻠﻊ ﻭﺗﺮﺟﻊ ﺗﺴﻜﻦ ﺑﺒﻴﺘﻬﺎ .. ﺑﻴﺖ ﺻﻔﻮﺍﻥ ﺍﻟﻠﻪ ﻳﺮﺣﻤﻮ
ﻛﺒﺮﺕ ﺍﻟﻤﺸﺎﻛﻞ ﺑﺲ ﺍﺑﻮ ﺩﻳﻤﺎ ﻛﺎﻧﺖ ﺻﺤﺘﻮ ﻛﺘﻴﺮ ﺗﻌﺒﺎﻧﻪ ﻭﻗﻠﻬﻦ ﺧﻠﺺ .. ﺧﻠﻮﻫﺎ ﺗﺮﻭﺡ
ﻃﻠﻌﺖ ﺩﻳﻤﺎ ﻋﻠﻰ ﺑﻴﺘﻬﺎ .. ﺍﻟﻲ ﻓﻴﻪ ﺭﻳﺤﺔ ﺣﺒﻴﺒﻬﺎ .. ﻓﻴﻪ ﺍﺣﻠﻰ ﺍﻳﺎﻡ ﻋﻤﺮﻫﺎ .. ﺑﻴﺘﻬﺎ ﺍﻟﻲ ﻋﻤﺮﺗﻮ ﺑﻀﺤﻜﺘﻬﺎ ﻭﺩﻣﻌﺘﻬﺎ
ﻓﺎﺗﺖ ﻋﻠﻴﻪ ﻫﻲ ﻭﺑﻨﺎﺗﻬﺎ .. ﻭﺭﺟﻌﻮ ﻧﻔﻀﻮﻩ ﻭﻧﻈﻔﻮﻩ ﻭ ﺟﻮﺯ ﺩﺍﺭﻳﻦ ﺟﺎﺑﻠﻬﺎ ﻓﺮﺵ ﺟﺪﻳﺪ ﻭﻛﻞ ﺍﻟﻠﻮﺍﺯﻡ ﺍﻟﻲ ﺑﺘﺤﺘﺎﺟﻬﻦ
ﺑﻌﺪ ﻓﺘﺮﺓ ﺭﻓﻴﻖ ﺯﻳﺎﺩ ﻃﻠﺐ ﻣﻨﻮ ﻳﺪﻭﺭﻟﻮ ﻋﻠﻰ ﻋﺮﻭﺱ .. ﻭﺩﻟﻮ ﻋﻠﻰ ﺩﺍﻧﺔ .. ﻭﻃﻠﺒﻮﻫﺎ ﺭﺳﻤﻲ ﻭﺗﺠﻮﺯﺕ ﻫﻲ ﻛﻤﺎﻥ
ﺟﺎﺑﺖ ﺩﺍﺭﻳﻦ ﺑﻨﺖ ﺳﻤﻌﺘﻬﺎ ﻫﻴﺎ .. ﻭ ﻭﻟﺪ ﺧﻠﺖ ﺍﻣﻬﺎ ﺗﺴﻤﻴﻪ ﻻﻥ ﻟﺴﻪ ﻓﻲ ﺑﻘﻠﺐ ﺩﻳﻤﺎ ﻏﺼﺔ ﺍﻟﻮﻟﺪ
ﻭ ﺍﻟﻤﻔﺎﺟﺌﺔ ﻛﺎﻧﺖ ﻟﻤﺎ ﺩﻳﻤﺎ ﺳﻤﺖ ﺍﻟﻮﻟﺪ ﺻﻔﻮﺍﻥ ..
ﻭ ﺩﺍﻧﺔ ﺟﺎﺑﺖ ﺻﺒﻲ .. ﻭ ﻗﺎﻟﺖ ﻻﻣﻬﺎ ﻛﻤﺎﻥ ﺗﺴﻤﻴﻬﺎ .. ﻭﻛﻤﺎﻥ ﺳﻤﺘﻮ ﺻﻔﻮﺍﻥ ! ﻭﺍﻟﺘﻨﺘﻴﻦ ﻣﺎ ﺍﻋﺘﺮﺿﻮ ﻻﻧﻮ ﻛﺎﻧﺖ ﺿﺤﻜﺔ ﺍﻣﻬﻦ ﻋﻨﺪﻫﻦ ﺑﺎﻟﺪﻧﻴﺎ
ﻭﻫﻴﻚ ﻳﺎ ﺍﻣﻲ ﺧﻠﺼﺖ ﺣﻜﺎﻳﺔ ﺳﺘﻜﻦ .. ﻫﻸ ﻓﻬﻤﺘﻮ ﻟﻴﺶ ﺍﻧﺎ ﻭ ﺧﺎﻟﺘﻜﻦ ﺩﺍﻧﺔ ﻋﻄﻮﻝ ﻣﻨﻨﺪﻫﻠﻬﺎ ﺳﻤﻮ ﺍﻟﻤﻠﻜﺔ ؟.
ﻻﻧﻬﺎ ﺑﻌﻴﻨﻲ ﻭﺑﻴﻌﻨﻬﺎ ﻣﻠﻜﺔ ﺗﺤﻤﻠﺖ ﻭﺻﺒﺮﺕ ﺍﻟﻲ ﻣﺎ ﺑﻴﺘﺤﻤﻠﻮ ﺣﺪﺍ ..
ﺗﻄﻠﻌﺖ ﻫﻴﺎ ﻭﺻﻔﻮﺍﻥ ﺑﺒﻌﻀﻬﻦ
ﻣﺪﺕ ﺩﺍﺭﻳﻦ ﺍﻳﺪﻫﺎ ﻋﻠﻰ ﺷﻌﺮﺍﺕ ﺍﺑﻨﻬﺎ ﺻﻔﻮﺍﻥ : ﻭﺍﻧﺖ ﻓﻬﻤﺖ ﻟﻴﺶ ﺍﻧﺖ ﻭﺍﺑﻦ ﺧﺎﻟﺘﻚ ﺍﻟﺘﻨﻴﻦ ﺍﺳﻤﻜﻦ ﺻﻔﻮﺍﻥ ؟
ﻻﻧﻮ ﺳﺘﻚ ﻫﻴﻚ ﺑﺪﺍ .. ﻭﺍﻟﻲ ﺑﺪﻫﺎ ﻳﺎﻩ ﺑﻜﻮﻥ ﺃﻭﺍﻣﺮ ﻓﻬﻤﺎﻧﻴﻦ ؟
ﻭ ﺭﺑﻜﻦ ﻋﻮﺿﻨﻲ ﺑﺎﺑﻮﻛﻦ ﺍﻟﻠﻪ ﻳﺤﻦ ﻋﻠﻴﻪ ﻭ ﻳﻔﺘﺤﻬﺎ ﺑﻮﺷﻮ ﻭﻳﻦ ﻣﺎ ﺭﺍﺡ
ﻫﻴﺎ : ﻟﻜﻦ ﻟﻬﻴﻚ ﺳﺘﻲ ﻣﺎ ﺭﺿﻴﺖ ﺗﺘﺮﻙ ﺑﻴﺘﻬﺎ ﻭﺗﺠﻲ ﺗﻌﻴﺶ ﻣﻌﻨﺎ ؟ ﺍﻧﺎ ﻛﻨﺖ ﻣﻔﻜﺮﺗﻬﺎ ﻣﺎ ﺑﺘﺤﺒﻨﺎ
ﺩﺍﺭﻳﻦ : ﺍﻭﻋﻮ ﺗﺤﻜﻮ ﻫﻴﻚ .. ﺍﻟﻜﻞ ﻇﻠﻤﻬﺎ ﻟﺴﺘﻜﻦ ﺣﺘﻰ ﺍﻧﺎ … ﻭ ﻫﻸ ﺑﺪﻧﺎ ﻧﻌﻮﺿﻬﺎ ﻋﻦ ﻛﻞ ﺷﻲ ﺻﺎﺭ ﻧﺴﻌﺪﻫﺎ ﻓﻬﻤﺎﻧﻴﻦ ﻳﺎ ﺻﻴﺼﺎﻥ؟
ﺻﻔﻮﺍﻥ : ﺣﺎﺿﺮ ﻳﺎ ﺍﻣﻴﺮﺓ
ﺩﺍﺭﻳﻦ : ﺍﻣﻴﺮﺓ ؟
ﻫﻴﺎ ﺿﺤﻜﺖ : ﺍﻳﻪ ﻣﺎﻣﺎ .. ﻣﻮ ﺳﺘﻲ ﻣﻠﻜﺔ . ؟ ﻭﺍﻧﺘﻲ ﺑﻨﺘﻬﺎ ؟ ﻣﻌﻨﺎﺗﻬﺎ ﺍﻧﺘﻲ ﺍﻣﻴﺮﺓ ..
ﺩﺍﺭﻳﻦ : ﻫﻬﻬﻬﻬﻬﻬﻬﻬﻬﻬﻬﻬﻪ ﺍﻧﺘﻮ ﺍﺯﻛﻴﺎﺀ ﻣﺘﻞ ﺍﺑﻮﻛﻦ
ﺻﻔﻮﺍﻥ : ﺳﺘﻲ ﺍﺟﺖ ﺳﺘﻲ ﺍﺟﺖ ﻫﻴﻴﻴﻴﻴﻴﻴﻴﻴﻲ ﻫﻴﻴﻴﻴﻴﻴﻴﻴﻴﻴﻴﻴﻲ ﺍﺟﺖ ﺍﻟﻤﻠﻜﺔ ﺍﺟﺖ ﺍﻟﻤﻠﻜﺔ
ﻫﻴﺎ : ﻳﺎﺍﺍﺍﺍﺍﺍﺍﺍﻱ .. ﺍﺟﺖ ﺳﺘﻲ ﺍﻟﺤﻠﻮﻭﻭﻭﺓ
ﺭﻛﻀﻮ ﻋﻠﻴﻬﺎ ﻭﺿﻤﻮﻫﺎ ﻫﻲ ﻛﺎﻧﺖ ﻋﻢ ﺗﺘﻌﻜﺰ ﻋﻠﻰ ﻋﺼﺎﻳﺔ ﺧﺸﺐ
ﻣﺴﺤﺖ ﺩﺍﺭﻳﻦ ﺩﻣﻌﺘﻬﺎ : ﺍﻟﻠﻪ ﻳﻘﺪﺭﻧﻲ ﻳﺎ ﺍﻣﻲ ﻭ ﺍﻗﺪﺭ ﻋﻮﺿﻚ ﻋﻦ ﺟﺰﺀ ﺑﺴﻴﻂ ﻣﻦ ﺍﻟﻲ ﻋﺸﺘﻴﻪ ﻳﺎ ﺗﺎﺝ ﺭﺍﺳﻲ ﺍﻧﺘﻲ
ﻳﺎ ﺍﺣﻠﻰ ﻭﺍﻋﻈﻢ ﻭ ﺍﻫﻢ ﻣﻠﻜﺔ ﺭﺡ ﻳﻌﺮﻓﻬﺎ ﺍﻟﺘﺎﺭﻳﺦ .. ﺍﻧﺘﻲ ﻣﻠﻜﺔ ﻗﻠﺒﻲ ﻭﻋﻴﻮﻧﻲ
ﺩﻳﻤﺎ : ﺩﺍﺭﺭﺭﻳﻦ ﻟﻴﺶ ﻭﻻﺩﻙ ﻋﻢ ﻳﻘﻠﻮﻟﻲ ﺳﻤﻮ ﺍﻟﻤﻠﻜﺔ ﻣﺘﻠﻚ ﺷﻮ ﻋﻠﻤﺘﻴﻬﻦ ؟
ﺩﺍﺭﻳﻦ ﺿﺤﻜﺖ : ﺍﻫﻠﻴﻦ ﺍﻣﻲ .. ﺗﻌﻲ ﻃﺒﺨﺘﻚ ﻣﻠﻮﺧﻴﺔ ﺍﻷﻛﻠﺔ ﺍﻟﻲ ﺑﺘﺤﺒﻴﻬﺎ
ﺩﻳﻤﺎ : ﻟﻜﻦ ﻛﺘﺮﻳﻠﻲ ﻋﻠﻴﻬﺎ ﻟﻴﻤﻮﻥ
ﺩﺍﺭﻳﻦ ﺍﺑﺘﺴﻤﺖ ﻭ ﻭﻃﺖ ﺻﻮﺗﻬﺎ : ﺣﺎﺿﺮ ﻳﺎ ﺳﻤﻮ ﺍﻟﻤﻠﻜﺔ ..تمت