عيش السرايا بدون توست
عيش السرايا بدون توست
المقادير
- للطبقة الأولى راح نحتاج:
- كاسة ونص سميد ناعم
- كاسة سكر
- معلقة كبيرة ماء زهر
- للطبقة التانية:
- ٤ معالق كبار سكر
- ٨ معالق كبار نشا
- ٤ أكواب حليب سائل
- معلقة كبيرة ماء زهر
- علبة قشطة
- لدهن الوجه :
- علبة قشطة
- للزينة:
- فستق حلبي
الخطوات
كيفكم يا حلواااااات اليوم حبيت أعمل عيش السرايا واخدها لحماتي فحبيت أجرب الطريقة هااااي وطلعت جد بتشهههههههي ورووووووعة
طبعآ بشهادة الغوالي كلهم وبنصح الكل يجربها غير عن المعتاد الي بالتوست
على بركة الله خلينا نبدأ
أول شي للطبقة الأولى منجيب السكر ومنحطو بطنجرة على الغاز لحتى يتكرمل منحط علي كوبين ماء دافئ ( طبعآ هون انا خفت لأنو السكر جمد كتير وفكرت الوصفة كلها خربت بس الحمدلله بالأخير زبطت ) بدنا نستنى على السكر لحتى يذوب على الأخير على نار هادية بعدين منحط علي السميد ومنحرك لحتى تبلش تطلع فقعات منحط ماء الزهر ومنطفي الغاز وعلى الصينية مباااااشرة بتفردي وبتحطي الصينية على جنب لحتى نعمل الطبقة التانية
تاني شي الطبقة التانية منحط الحليب والسكر والنشا على البارد ومنحركهم بعدين منحطهم على الغاز لحتى يجمدو طبعآ مع التحريك المستمر بعدين منضيفلهم علبة قشطة وملعقة ماء الزهر ومنطفي الغاز ومنحركهم ع السريع حتى يتجانسو بعدين منديرها ع الطبقة الأولى بسررررعة قبل ما يجمدو معنا
بعدين ع التلااااااجة لمدة لا تقل عن ٤ ساعات ولما نطلعها منحط ع وجها علبة قشطة منفردها بالتساوي ومنرش عليها الفستق الحلبي ومنتركها شي ساعة بالتلاجة
وقدميها لأهل بيتك وحبابك وراااااح يكيفو عليها ههههههههه
وريتووووووووو عوووووووووافي حبيباتي
