شوربه برغل بالبقدونس وقطع الدجاج ملكة الشوربة

المقادير

• بصله مقطعه مكعبات
• معلقه كبيره زيت نباتي
• صدر دجاجه مقطع مكعبات كبيره
• كوب برغل خشن وبنفع ناعم
• مرقه دجاج أو ماء
• حبتين كوسا مقطعين مكعبات كبيره (إختياري أو فيكي تحطي بطاطا)
• ضمه صغيره من البقدونس
• رشه فلفل أسود
• ملح حسب الرغبه

الخطوات

بسم الله نبدأ

ف طنجره بحط معلقه الزيت والبصله بقلبه ليدبل إشوي بضفله قطع الصدر وبحرك بتركهم مع بعض إشويه ليصيرو قطع الصدر ع بياض بضيف البرغل وبحرك بغمرهم بالمرقه وبتركهم يغلو ع نار متوسطه بغطي الطنجره

بعد ربع ساعه حيكون البرغل إستوي واللحمه كمان بضيف قطع الكوسا وبغطي الطنجره لتستوى الكوسا ما بتأخد وقت

بعد ما تستوي الكوسا بضيف البقدونس ورشه الفلفل

وبضبط الملح

بعد ما بضيف البقدونس ما بتركها لتغلي كتير كم من غلوه وبطفي لأنو لونه بتغير وبصير ع صفار

بتمنا شوربتي البسيطه تعجبكم وتجربوهاا يا قمراتي وتدعولي إنو الله يرزقني بالذريه الصالحه ❤

وصحه وعافيه بحبكم أنا