اطيب والذ مكسيكانو
اطيب والذ مكسيكانو
المقادير
- صدر فروج
- تلات حبات بندورة
- تلات قرون فليفلة خضرا
- تلات بصلات كبار
- تلات قرون فليفلة حمرا
- نص كاسة ذرة او بليلة
- معلقة ونص كبيرة توابل كبسة
- معلقة كبيرة ملح
- معلقة صغيرة حبة بركة معلقة صغيرة سمسم
- معلقة صغيرة فلفل اسود
- نص كاسة زيت
الخطوات
يسعدلي كل اوقاتكن حبيباتي وهي اطيب صحن مكسيكانو مين حابب يعرف الطريقة يشمر عم ايديه ويتفضل عالمطبخ
بسم الله الرحمن الرحيم
قطعت الفروج شرايح رفيعة
قطعت البصل والفليفلة شرايح رفيعة
قطعت البندورة شرايح رفيعة
في ناس بيحطو فطر بس جوزي مابيحبو مشان هيك استغنيت عنو
بطنجرة عالغاز حطيت الزيت وقليت البصل والفليفلة والذرة لدبلو معي شوي ضفتلن الفروج بعد ماغسلتو منيح وقليتن شوي
ضفتلن التوابل وقلبتن شوي لياخدو طعمة التوابل ضفتلن البندورة وحركتن شوي وغطيتن ليستوي بهالوقت عملت رز بالشعيرية في ناس بيقلو جنبو بطاطا وفي ناس بيعملو رز بالذرة مو بالشعيرية حسب كل واحد شو بيحب عفتو عالغاز تقريبا ربع ساعة لوقت تستوي البندورة والفروج سكبتن وقدمتن بهالطريقة انشالله تكون عجبتكن طريقتي وبتمنى من كل قلبي تجربوها وتدعولي
ان شالله الف صحةوهنا قلبوشاتي
