برياني بالفرن بشههههي
برياني بالفرن بشههههي
المقادير
- دجاجتين
- بهارات البرياني
- كاري
- فلفل اسمر
- كمون مطحون
- بهارات خشنة
- ماجي بودرة
- كيلو رز حبة طويلة
- بصل
- توم
- باكيت قشطة
- كاسة لبن
- معلقة كبيرة صلصة بندورة
- ولصوص :
- بندورة
- توم
- فلفل حار
الخطوات
اول شي منكون منظفين الدجاج منيح بعدين منجيب طنجرة ومنحط فيها زيت قلي ومنحط لبهارات الناعمة كلها الي هيي بهارات البرياني والفلفل الاسمر والكمون والعصفر والكاري والماجي البودرة ومنحوسهم شوي مع الزيت بعدين منحط فوقهم الدجاج ومنظل نقلب في لحتى يصير احمر منغطيهم بدون (لا مي ولا شي) ومنتركهم شي ربع ساعة ع نار واطية بعدين منحط بمقلاة شوية زيت والبصل والتوم ومنظل نقلبهم لحتى يتذبلو ويستوو بس ما يتحمرو طبعآ منكون مفرمينهم ناعم بعد الربع ساعة بفتح ع الطنجرة الي فيها الدجاج وبدير فوقها البصل مع التوم وبكون خالطة بصحن مية البندورة مع باكيت القشطة وكاسة اللبن ومنحطهم كمان فوق الدجاج ومنغطيهم كمان شي ربع ساعة بهاي الفترة بكون غاسلة الرز منيح وحاطة مي بطنجرة تانية وحاطة فيها شوي زيت قلي والبهارات الخشنة كاااااملة والملح وبس يغلو شوي بدير فوقهم الرز شي ١٠ دقائق او ربع ساعة ومنصفي الرز وبكون الدجاج خلص منجيب صينية تيفال ومندير فيها الدجاج مع الصوص الي علي من اللبن والقشطة والى أخره ومنحط الرز فوقهم ومنعمل فتحات بسيطة بالرز وبدير فيها صبغة صفرا وصبغة برتقالي وبقصدرهم وبالفرن لمدة ثلث ساعة على حرارة ٢٠٠ وبفتح عليهم وتلذذي بالمذاق الرااااااائع والي فووووووق الخيال جد جد شهييييية كتيييير وطيبة وجربوها واحكولي رأيكم ومش حتندمو لانها جد رووووووووعة
ملاااااااحظة لما يخلص الجاج مش لازم يكون علي مي لازم يكون في صوص خفيف بس ازا كان في مي يا بتزليها يا بتفتحي غطا الطنجرة وبتخليها تتبخر ******
ولعمل الصوص منحط البندورة والفلفل الحااااار والتوم بالخلاط لحتى يصيرو ناعمين منديرهم بصحون وبتقدميهم
وتعبت قد ما كتبت بس يااا ريت منكم حبيبات قلبي بعد هالتعب تجربوها وتحكولي ارائكم
وريتوووووووو عووووووووووافي
لا تنسوني من دعوة حلوة متل قلوبكم
