كفتة مدعبلة بالبندورة أو كفتة داود باشا متل ما بتحبوا تسموا

المقادير

• كفتة كيلو أو نص كيلو حسب العدد
• بندورة
• بصلتين
• تلات سن ثوم
• مية بندورة تلات معالق
• ملح وفلفل
• بهارات مشكلة
• زيت نباتي

الخطوات

بنجن الكفتة منيح وبنملحها ونفلفلها وبنشكلها على شكل طابات

بنقليها بزيت غزير وبنخليها على جنب

بفرم البصل فرم خشن شوي وبقليه وبهرس الثوم وبضيفه عالبصل بقطع البندورة وبخلطها بالخلاط مع شوية مي وبطبخها مع البصل لحتى تتسبك منيح

بضيف الكفتة المقلية عليها وملح وفلفل وشوية بهار

وبطفي تحتها وبتتقدم مع رز بشعيرية أو رز أبيض لحاله وبتتاكل كمان مع الخبز بس بتشهي كتير بكل حالاتها

وصحة وهناااا