كيكة بطحين البسكوت وعصير البرتقال

المقادير

• بيضتين
• فانيلا معلقه كبيره
• نص كوب زيت مازولا
• نص كوب سكر
• لون طعام احمر
• بسكوت الشاي الحجم الكبير
• عصير برتقاله

الخطوات

اول شي منطحن البسكوت ع محضرة الطعام ومن ضيفله نقطه صغيره من اللون الأحمر او اي لون متوفر عندكم بعدين منعصر عصرة صغيره برتقال ومنخلي الباقي ل خليط البيض والسكر والزيت هلا منشيل البسكوت المطحون ع جنب ومنخفق البيض والسكر والفانيلا والزيت وعصير البرتقال بس ينمزج مع بعض منضيف البسكوت المطحون ومنخلط منيح

ومدهن بايركس بزيت مازولا ومنصب الخليط وعالمايكرويف لحتى تنشف من فوق واخر شي منزين بالبسكوت المطحون

وصحه وهنا ع قلبكم

ملاحظه:البيكنج باودر ماذكرته لانه ما حطيت لانه بسكوت ولو حبيتو تحطو مافي مشكله جربوها كتير طيبه والله