تمر محشي باللوز ومغطى بالشوكولاتة

المقادير

• نصف كيلو تمر مجهول
• لوز محمص
• كوب شوكولاته خام مبشوره(دارك)
• معلقتين كبار زيت نباتي
• للزينه :
• جوز هند ( إختياري)

الخطوات

بسم الله نبدأ

جبت اللوز النئ وحمصته ع طنجره الكهربا

تركته يبرد

لو متواجد لوز متحمص وجاهز إستخدميه أريح إلك بس عموما المحمص أغلبه بكون مملح لهيك إستخدمت النئ وحمصته

فتحت حبات التمر من الجنب وشلت النواه وحطيت بدالها لوزه

الحبه الكبيره كنت أحط فيها لوزتين أما الصغيره وحده

خلصت الكميه كلها سيحت الشوكولاته ع حمام مائي وضفتلها الزيت وحركت كويس

صرت أغطس كم من حبه بالشوكولاته وبالشوكه أرفعها علشان أي زياده تنزل

حطيتهم ع ورق قصدير لتتماسك الشوكولاته

حبات رشيت عليهم جوز هند وحبات لا الخيار راجع إلك

لما جمدت الشوكولاته حطيت كل حبه بورقه

فيكي تتركيهم بره التلاجه بس أنا بحطهم لحتى اللوز يصير يقرش أكثر والشوكولاته تبقى متماسكه أكتر وهيك خلصنا

وصحه وعافيه بحبكم أنا