بسكوت الزبده الدنماركي بطريقه جديده
بسكوت الزبده الدنماركي بطريقه جديده
المقادير
- صفار بيضتين مسلوقات وباردات منيح
- كوبين طحين ابيض تقريبا ممكن تحتاج اكثر شوي حسب نوع الطحين
- معلقه صغيره خل
- معلقتين صغار فانيلا
- معلقه صغيره عصير ليمون
- 200 غرام زبده طريه
- كوب سكر ناعم
- رشه ملح
- سكر خشن ابيض او بني للتغليف من الخارج
الخطوات
السلاام عليكم بالبدايه حابه احكيلكم اني كثير اشتقتلكم وبتمنا هالوصفه تعجبكم
بسم الله نبدا
بالبدايه بنضع صفار البيض المسلوق بصفايه صغيره وبنمرقو منها بوعاء العجن محضره الطعام او العجانه وبعد هيك بنضيف باقي المقادير السكر والزبده الطريه والخل والفانيلا وعصير الليمون ورشه الملح ما عدا السكر الخشن وبنخلط جميع المقادير لما تمتزج مع بعضها منيح بنلمها على بعض بإيدنا وبنريح العجينه ربع ساعه بالثلاجه وبعد هيك بنرق العجينه بين ورقه زبده وبنقطعها بقطاعات حسب الطلب وبنضع قطع العجينه بالسكر الخشن لما تتغلف منيح بنصفها بصينيه الفرن وبس نخلص كل الكميه بنخبزها بفرن محمى مسبقا على نار هاديه تقريبا 180 درجه لمده 12دقيقه تقريبا لما لونهم من تحت يسير ذهبي بنطلعهم من الفرن وبنتركهم يبردو منيح وبعد هيك بنقدمهم والف صحه وهنا
ملاحضه بتقدرو تستبدلو صفار البيض المسلوق بصفار بيض ني بس بصراحه انا عملت الطريقتين والطريقه الاطيب والهشه اكثر بصفار البيض المسلوق
بتمنى تجربوها وتعجبكم ولا تنسو تضيفوها للمفضله
تحياتي الكم جميعا رشا ام احمد
