كريم كراميل بالبيت بيشهي
كريم كراميل بالبيت بيشهي
المقادير
- تلات بيضات
- كوب صغير سكر
- معلقة فانيلا
- كوب مليان حليب بودرة
- كوب ونص مي
الخطوات
كراميل بالبيت أزكى وأفيد من الكريم كراميل البودرة الجاهز إلي بنشتريه من السوق وبيختلف إنو بينعمل بالفرن على حمام مي والجاهز عالغاز ومعه كراميل محروق بيتفرغ تحته وبينقلب قلب بعد ما يبرد بصحن يعني أنا بعمل لعيلتي النوعين وهنه ييحبوهم التنين
الطريقة ببساطة نخلط المكونات كلها مع بعض وبنعبيها بكاسات حجمها مناسب وبنحطهم بصينية بنعبيها مي وعالفرن بدها شي ساعة إلا ربع تقريبا أو حسب ما بتشوفي استواها بتفحصيه بسكينة صغيرة مثلا وبتحمريها شوي من فوق قد ما بتحبي وبتتقدم وآخر صورة هي للكراميل الجاهز من السوق أكيد الكل بيعرفه
وصحة وهناااا
