كوكيز جوز الهند مع خيَار بدون بيض بدون فرن

المقادير

• كوب طحين
• نصف كوب زبدة طرية
• نصف كوب سكر بودرة
• نصف كوب جوز هند
• نصف م.ص بيكينج باودر
• م.ص فانيلا
• 3 م.ك حليب سائل أو بيضة

الخطوات

السلام عليكم ورحمة الله وبركاته

كثير بحب يكون بالبيت بسكوتات جافة هيك وجبة خفيفة او شغل تصبيرة وهاد النوع من الكوكيز سهل جدا جدا ومناسب للي مابحبوا البيض وللي ماعندهم فرن لا تحرموا حالكم من هالاكلات الطيبة خلينا نشوف الطريقة

أولاً/ العجينة

بنخلط السكر والزبدة مزبوط بعدين بنضيف البيضة والفانيلا وبنخلط (للي مابحب البيض يضيف الحليب بداله) بعدين بنضيف الطحين وجوز الهند والبيكينج وبنخلطهم كويس لحتى تلم العجينة معك بس لا تعجني كثير.

ثانياً/ التشكيل

بنشكل كرات متساوية وبنضغطها بجوز هند على جهه وحدة بس شوي بنضغطها مش كثير وبنرتبهم بصواني. اما مربعات او دوائر زي مابدك.

—لصينية الشوي ورق زبدة او زيت وطحين.

ثالثاً/ الشوي عالغاز

بنختار صينية الشوي حجمها ييجي بصينية اكبر منها وبنحط الصينية الاكبر عالغاز فاضيه وفيها شغلة معدنية ترفعلي صينية الكوكيز عن القاعدة او تكون اصلا قاعدة صينية الكوكيز مابتوصل للصينية القاعدية.

—بنغطي و بنسخن الصينية الفاضيه عالغاز عشر دقائق على حرارة هادئة.

—بعد العشر دقائق بنحط صينية الكوكيز فيها وبنغطيها لمدة نص ساعة بتكون جاهزة. وعالغاز ما بتتحمر الكوكيز.

رابعاً/ الشوي بالفرن

للي بتحب شوي الفرن بتحطي الصينية في فرن محمي على 180 لمدة 10—12 دقيقة.

خامساً/ الفرق بين شوي الغاز والفرن

شوي الغاز لهاي الكوكيز بخلي الكوكيز اطرى بس مابتتحمر كثير يادوب لونها بتغير شوي.

—شوي الفرن مدته اقل والكوكيز بتطلع محمرة.

* الفرق بين وجود البيض او الحليب

بوجود البيض الكوكيز هشة اما مع الحليب بتكون ناشفة شوي.

—لك الخيار بين الطريقتين حسب كيف بتحبي الكوكيز—

سادساً/التقديم

قدميها مع فنجان قهوة طعم راااااائع ياصبايا وان شاء الله الف صحة وهنا مقدما للي بحب يجربها.

ملاحظة/ الصور نتائج اكثر من مرة الدوائر بالحليب والمربعات بالبيض .