كيفية تحميص المكسرات على طريقة المحامص

المقادير

• مكسرات نيئة انا استخدمت فول سوداني
• ملح خشن

الخطوات

تحميص المكسرات

السلام عليكم ورحمة الله وبركاته

مافي اطيب من المكسرات المحمصة ومملحة ودائما بنشتريها من المحامص ولما نيجي نجرب نحمصها بالبيت اه بتطلع طيبة بس مش زي المحمص ولونها شي محمص وشي ابيض ، لقيت طريقة المحامص وجربتها والصراحة فاقت كل توقعاتي ففورا صورتها ونزلتها عشان الكل يستفيد ويجرب.

باختصار مو بحاجة خطوات

بنحتاج ملح خشن كمية منيحة بنحطها بالقلاية وبنسخنها عشر دقائق مع التقليب على نار هادئة وبنضيف المكسرات اي نوع بدك بنفس الطريقة انا حمصت الفول السوداني ، بنضيفه للملح وبدنا نضل نقلب فيه طول مدة التحميص عشان يتحمص من كل الجهات بنفس الدرجة وماينحرق لا هوه ولا الملح.

—بيحتاج تقريبا ثلث ساعة تحميص او حسب مابتحبي درجة تحميصه.

—طبعا لاتخافي من كمية الملح مارح يطلع مالح ابدا ابدا بيعلق عالمكسرات شي بسيييييط لا يذكر بس اللي يملحلي ياه باعتدال.

—بعد ما تحمصي بتنخليه مزبوط من كل الملح وبتتركيه يبررررد تماما عشان يظهر طعمه وقرشته.

—عنجد ياصبايا مافي اسهل من هيك ولا اطيب حتى ما بيتميز عن الجاهز ولا لواحد بالمية. وبكفي مافي مضافات ولا خرابيط الله اعلم ايش مصدرها.

—بتمنى تجربوه وتدعولي.

ملااحظة

ممكن استخدام نكهات للتحميص بانك ترشي عالمكسرات بعد ما تنخليها من الملح ، لا تخلطي النكهه بالملح لانها رح تنحرق وغير هيك بتخسري الملحات .

—الملح اللي حمصتي فيه لما يبرد احفظيه وعيدي استخدامه للتحميص مرات عدة لحتى يغمق عالاخر بتغيريه.

شكككككككككككر وتقدير

حابه أتقدم بجزيل شكري وامتناني وعرفاني لأعضاء زاكي والشيفات المبدعات اللي شرّفوني بتجربة وصفاتي وعرضها على زاكي وحتى اللي جربوا وما نزلوا على زاكي كماان بشكرهم من كل قلبي لإنه الثقة شيء عزيز وغالي كثير وان شاء الله انه بكون قد هالثقة واطرح اي وصفة بمنتهى الأمانة والصدق وعوامل النجاح وعوامل الفشل ، لإنه بتمنى انه في كل بيت يكون شيف وبنضل طول عمرنا نتعلم من بعض .

جزاكم الله كل خير ومشكورييين ماقصرتم

وأخص بالذكر

❤أم محمد عن تجربتها لوصفة الهريسة والكنافة

❤أم ادم عن تجربة الشاورما والمضغوط و البروستد وفطيرة الدجاج وفتة الحمص

❤leen عن تجربة الشاورما والمضغوط والكباب الهندي وبسكويت الموزاييك

❤رشا ام احمد عن تجربة التندوري وبسكويت الموزاييك

❤نور احمد عن تجربة بيتزا

❤هدهد اليمن عن تجربة الغريبة

❤أميرة بأخلاقي عن تجربة الغريبة وبسبوسة القشطة

❤ام سارة عن تجربة البقلاوة

❤danya عن تجربة البسبوسة بالقشطة

❤ام جود عن تجربة اصابع زينب

❤ام عمر عن تجربة كيكة الليل والنهار

❤ نادية عن تجربة ليزي كيك

❤وبحب أوجه تحية وشكر لأم أوس وعبودة ولأم عمرو

يلي نزلوا منشورات كلها ذوق وأخلاق ولطف