طريقة الخبز العربي سهله ورائعه مع المناقيش اللذيذه لفطور سريع

المقادير

• ثلاث صحون كبيره طحين أبيض
• ثلاث ملاعق كبيره خميره فوريه
• معلقه كبيره سكر
• معلقه صغيره ملح
• ماء دافئ للعجن
• # للمناقيش
• زعتر مطحون
• فلفل أحمر مطحون
• جبنه مربعات
• شرائح بندوره
• كميه من زيت الزيتون

الخطوات

بسم الله نبدأ

فى وعاء بحط الطحين المنخول مع السكر والخميره والملح بعجنهم بالميه كويس بدك تعجني كويس لحتى تصير العجينه ناعمه وطريه غطيها وسبيها ترتاح عشر دقائق بعدها قطعتهم كرات متوسطه الحجم خلصت الكميه وبلشت برقهم أخدت أول كوره قطعتها علشان لأنها بتكون مرتاحه رقيت الكوره لرغيف متوسط السماكه خلصت الكميه وتركتهم ليرتاحوا كمان مره عشر دقائق

# للخبز

حميت طنجره الكهربا وحطيت الرغيف من فوق وبس يبلش يطلع فقاعات بنزله يحمر وجهه لو حسيتي إنو مو خامر بدك ترجعي تطفي الطنجره وتتركيه كمان مره يرتاح عشر دقائق وإن شاء الله بكون خمر وإرتاح كويس

طبعا إزا مو متوفره الطنجره بنفع ينخبز بالفرن بإنك بتجيبي صينيه مناسبه للخبز بتسخنيها كويس قبل ما تحطي الرغيف منشان ما يلزق وبترصي الأرغفه عليها والفرن يكون حامي كتيررر بتحمريهم من تحت وبعدين بتحمري الوجه بس الصراحه ما بكون طرى زي إلي مخبوز ع الطنجره لهيك بس تخلصي تخبزيهم على طول حطيتهم بكيس نايلون وإربطيه مع البخار برجع يطرى إن شاء الله

# لحشوه المناقيش

بخلط كميه من الزعتر مع الزيت لأحصل على خليط لا جامد ولا مرق أقدر أفرده ع الخبز

والفلفل كمان بخلطه مع إشويه زيت ليخف حرقانه وينفرد بسهوله

# لعمل المناقيش

بخبز الرغيف بس من تحت وببلش أعمل بأصابعي زي علو فى الرغيف علشان الزيت ما يبهدل الدنيا وعلى نفس الرغيف عملت بأصابعي زي علامات علشان الحشوه تدخل جوه والرغيف يتشرب الزيت حمرت الوجه وهيك خلصنا هاي بالنسبه لمنقوشته الزعتر مع الزيت

لمنقوشته الفلفل بالجبنه بفرد الجبنه بالأول بعدين بفرد الفلفل فوقه وبحمره من فوق

لمنقوشته الفلفل بالجبنه بفرد الجبنه بالأول بعدين بفرد الفلفل وبحمره من فوق قدميهم مع كاسه شاي وإستمتعي بالطعم اللذيذ يا حلوه أنتي أيوه أنتي يلي قرأتي وصفتي ❤

# أغلب البيوت عنا بغزه بتعمله كتير هالخبز كتير زاكي وبتأكل مع أغلب الأكلات مع الطبايخ والفلافل وبينعمل سندوتشات جبنه زعتر وزيت إلخ……..

تقريبا ولا بيت بيخلا منه طيب كتير وريحته بالبيت إلها نكهه خاصه

# طريقه الحفظ

بعد ما يبرد الخبز بصفته فوق بعض ويحفظ بالفريزر ولما بدك تستخدميه بطلعيه قبل بوقت يفك وبعدها سخنيه بالفرن أو على الغار

بتما هالوصفه البسيطه تعجبكم وتدعولي يا قمراتي بالخير والعافيه

❤ وصحه وعافيه بحبكم أنا ❤