سمك مقلي وفتوش الخضرا مافي ابسط من هيك
سمك مقلي وفتوش الخضرا مافي ابسط من هيك
المقادير
- 2حبة سمك بيطلعو شي كيليين
- كاستين رز بسمتي
- حبة بصل
- سنين توم
- حبة جزر مبروشة
- نص كاسة صغيرة زيت نباتي
- معلقة زبدة
الخطوات
بنقع الرز بمي سخنه كتير مع معلقة ملح لمدة نص ساعة بعدين بغسلو منيح وبصفي بقلي البصلة مع التومة بالزيت لبين مايتحمرو شوي بعدين بنزل عليهن الجزر وبنقلب
بنزل عليهن نص معلقة صغيرة سبع بهارات
ورشة صغيرة بهار الكبسة وبرش ليمونة
وشوي هيل بودرة وبقلب شوي ليتغير لون الزيت
بعدين بنزل عليهن الرز وبقلب حتى تتغلف كل حبات الرز بزيت وبحط عيار المي كاستين مي وبتركه عنار هادية كتير
بكون منضفة السمكات منيح وناقعتن بخل وملح قبل بوقت يعني اقل شي ساعتين بغسل السمكات منيح وبتركن يتصفو انا بسوين بهي الطريقة لان زوجي بحب السمك مقلي كتير منيح ومقرمش ومستوي لاخر
درجة بقلين بزيت غزير وحامي لشوفن صار لونن دهبي غامق بكون ستوا الرز بسكب الرزات وبصف حوليين السمكات وتزين حسب الرغبة ممكن مكسرات ممكن متلي بقدونس شوي لان حبيت غير شكل
والفتوش كلكن بتعرفو طريقتو بس انا بضيف شوي صغيرة كمون وبرش ليمون خفيف بيعطي طعمة كتير طيبة وصحتين وهنا
