كعك شاي مقرمش واطيب من الجاهز
كعك شاي مقرمش واطيب من الجاهز
المقادير
- ٥ كوب طحين ( او حتى تلم العجينه)
- ربع كوب سميد ناعم
- كوب زيت نباتي
- كوب حليب سائل
- ٢ بيضه
- نصف م ك بيكنج باودر
- نصف م ك فانيليا
- ٢ م ك شومر محمص ومطحون
- ٢ م ك يانسون محمص ومطحون
- ١ م ك يانسون مطحون غير محمص
- ١ م ك شومر مطحون غير محمص
- كوب ونصف سكر عادي
- ٣ م ك سمنه ممتلئه وطريه ( يمكن استبدالها بالزيت)
- ربع م ص محلب مطحون
- نصف كوب نشا
- رشه ملح
- نصف كوب سمسم محمص
- ٢ م ك حبه البركه ( قزحه)
- التزييين:
- كوب سمسم محمص
- ٣ م ك قطر ثقيل وبارد
- ٢ م ك ماء
الخطوات
مرحبا كيفكم اشتقتلكم خيرات الله ..بقولو من طول الغيبه جاب الغنايم ههههههههه فجيت ومعي وصفه رووووعه من اطيب ما يكون قرمشه وريحه وطعم اطيب من اتخن مخبز فيكي يابلد ههههههههه
نخلط المواد السائله معا خلطا جيدا ثم نبدا باضافه المواد الجافه ….ثم الطحين تدريجيا ((( حسب اختلاف نوع الطحين ) …نغطيها و نتركها ترتاح لمده ساعه تقريبا
نخلط مواد التزيين معا ونضعها بصحن مفتوح
نبدا تشكيل الكعك بشكل طولي ورفيع ..لانو رح ينفش بشكل خفيف بالفرن وعشان كمان يقرمش معنا
ثم نغطسها بخليط السمسم ونصفها بصينيه الفرن بدون دهن اي شي
تخبز بفرن محمى لمده ربع ساعه تقريبا لحتى تشقر .( ممنوع تحريكها لانو بتتكسر).
.نطلعها من الفرن وبس تبرد نرجعها كمان مرة ونخليها تتحمر من تحت كويس ..ونحمر الوجه ع الخفيف
نتركها بدون غطاء ولحتى تبرد ..وتقدم مع اطيب كاسه شاي ..ويووووويلي لو كانت بنعنع
****طبعا ممكن نحط زعتر اخضر ناشف مطحون معها وتصير كعك بالزعتر …. وممكن نحط كمون حب رح اعملها المرة الجاي ان شاء الله ****
عليكم بالعافيه والصحه والهنا دعواتكم وتجاربكم كالعاده ههههههههه
