البخاري بالدجاج اللذيذ
البخاري بالدجاج اللذيذ
المقادير
- ارز بسمتي منقوع لمده نصف ساعه بماء دافئ
- دجاج منظف ومغسول …طبعا حسب افراد العائله
- ٥ سن ثوم مدقوقين او مبروشين احسن
- زيت نباتي او ممكن سمنه
- ٤ م ك زبده
- ملح
- فلفل اسود حب
- هيل حب
- ورقتين غار
- كزبرة حب
- بهار حب
- عودين قرفه صغار
- رشه عصفر
- بهارات مطحونه سادة
- فلفل اسود مطحون
- هيل مطحون
- رشه عصفر مطحون
- ٢ م ك رب البندورة
- قرن فلفل اخضر
- ٣ جزر مبروش
- بصله مقطعه مربعات
- التزيين:
- لوز
- بقدونس
- لشوي الدجاج:
- زيت زيتون
- بابريكا
- ملح
- فلفل اسود مطحون
الخطوات
طبعا متل مو عارفين البخاري اصلو اكله خليجيه او ممكن نقول سعودية تحديدا …
وتنوعت طرق طبخه بتنوع المكونات التي يفضلها اي شخص او تفضلها العائله …
رح اقدملكم اليوم اكلة البخاري بطريقتي المتووواضعه ..فيارب تعجبكم وتنال رضاكم
اول شي نبدا بوضع السمنه او الزيت بالطنجره ثم نضع نصف كميه الثوم المدقوق مع البصله المقطعه ونحرك حتى يتدبلو شوي ..ثم نضيف الفلفل الاخضر ويمكن الاستغناء عنو
ثم نضع البهارات الحب كاملة ونحرك حتى تظهر ريحتها اللذيذه …ثم نضع رب البندورة ونحرك قليلا …
نضع الان الدجاج ونحرك ونتركو تقريبا عشر دقائق حتى ياخد لون وطعم ….. نضع الملح ايضا
ثم نضيف ماء ليغمره فقط ((( لانو بدنا النكهه تطلع بالمرقه مابدنا نستغني عن اي شي منها)))
طبعا الارز منقوع متل ما ذكرت بالمقادير
الان نبرش الجزر مع الثوم ونضعهم مع الزبده ع الغاز حتى تظهر ريحتهم ويدبلو شوي ..ثم نضيف الزبيب ونحرك كي تختلط النكهات الرائعه
عند نضج الدجاج ناخده من الطنجره ونضعه بصينيه فرن ((( او ممكن قليه ))) وندهنو بالفرشاه بالخلطه ونشويه
نصفي الارز من الماء ونضع البهارات المطحونه …..نضع خليط الجزر مع الثوم والزبيب
…نقيس كميه المرقه الموجوده ونستعملها بدون تصفيه …. ونتذوق طعم الملح ….
(((المرقه بس تغطي الارز .بمعنى الارز يكون ظاهر ومبين لعيونك )))
بس تغلى نوطي الغاز لفوق … يعني اوطى درجه حراره …انا بصراحه ما بحرك الارز ابدا ..بس بضل الف الطنجرة حول عين الغاز من كل الجوانب لمده عشر دقائق او ربع ساعه وبعدين بفتح اشوف الارز والحمدلله دايما ناضج ومفتح بطريقه روووعه
نحمص اللوز ونفرم البقدونس وتقدم وتزييين
الصور لاكتر من مرة عشان هيك مختلفات
*****عليكم بالعافيه والصحه *****
