فتة مكدوس على الطريقة الشامية من وصفات امي بنت دمشق الله يحفظها ويبارك بعمرها

المقادير

• خبز
• باذنجان
• بصل
• ملح
• فلفل اسمر
• زيت ابيض
• تلات ملاعق رب بندورة
• ملعقة دبس رمان
• مكعب مرقة دجاج
• ماء
• طحينية
• لبن
• ليمون
• توم
• للزينة:
• فستق او لوز
• بقدونس

الخطوات

نقطع الخبز ونقليه بزيت حامي لحتى يحمر نصفيه ونضعه ببايركس..

نقطع الباذنجان ونقليه لحتى يحمر ونصفيه ونضعه في صحن على ورق لتنشيف الزيت..

نقطع البصل ونقليه بشوية زيت ابيض مع ملح وفلفل اسمر وبعد مايدبل نضع ماء وبعد ان تغلي نضع رب البندورة ومكعب مرقة دجاج او مرقة اللحمة في حال وضع لحمة بالطبق وممكن ان نضع لحمة في هذا الطبق ثم نضع دبس رمان ونعدل الملح..

في وعاء او زبدية كبيرة نضع طحينة ولبن تقريبا ثلاث ملاعق وتوم ضرس مهروس ناعم او حسب الرغبة وعصير ليمونتين والقليل من الماء والملح ونخلطها..

وعند تقديم الطبق يكون كلشي جاهز فقط نغلي الباذنجان بالصلصلة التي صنعناها ثم نسقي الخبز بهذه الصلصة ونصف الباذنجان والبصل ثم نسكب الطحينية المجهزة مع اللبن و الليمون ونفردها على كل الطبق ونقلي لوز او فستق بالسمن البلدي او العادي ونزين بالبقدونس..وصحة وهنا

والحمدلله رب العالمين والصلاة والسلام على خير المرسلين وخاتم النبيين نبينا الكريم محمد وعلى آله وصحبه وسلم تسليما كثيرا