محشى الكوسه و شوربة الكوسة المميزه جدا
محشى الكوسه و شوربة الكوسة المميزه جدا
المقادير
- كيلو كوسه متقور
- خمس فلفلات متنضفين
- كوبين رز مصرى مغسول ومتصفى
- ملح
- فلفل اسمر
- كمون السبع
- بهارات نعناع ناشف واخضر
- معلقة زيت زيتون
- صلصة طماطم عباره عن قطع طماطم
- قطع بصل
- فلفل اخضر
- فصين توم
- نص كوب ماء
الخطوات
فى حله على النار نضع معلقتين زيت يسخنوا ننزل فيهم بصله مبشوره تاخد اللون الدهبى انزل فيها الطماطم اللى ضربناها فى الخلاط ونضع مكعب مرقة ونص معلقه صغيره سكر و٣ معالق كبار صلصه اول مايغلوا اهدى النار واسيبهم يتسبكوا حاجه بسيطه واطفى واحضر رز الخلطه بوضع كل المكونات ونضيفلها كبشتين كبار من الصلصه اللى جهزتها وخضره محشى مغسوله كويس ومتقطعه واقلبهم كويس ويكون جاهز بجيب كوسايه وابتدى احشيها بالخلطه من غير الضغط عليها ومانملهاش للآخر وكذلك الفلفل وبس اخلص الكميه اللى معايا اجيب حله وابطنها بشرايح جزر واحط عليها شويه زيت وارصهم فيها واسقيها بكوب شوربه سخن عليه مكعب مرقة وملح وفلفل أسود وكمون ومعلقه كبيره من الصلصله اللى جهزناها وننقله على النار اول مايغلى اوطى النار واغطيه واسيبه يستوى
الشوربه
قلب الكوسه نسلقها مع بصله وفلفل أسود ونص كوب ماء البهارات ملح وفلفل أسمر كركم وقرفه وحبهان وبصل بودر ومرقه بحط قلب الكوسه المسلوق في الخلاط واضربه مع البهارات ونص كوب شوربه واحطهم فى حله واديهم غلوه على النار وباعدين اضيف ربع كوب من الكريمه واقلب واطفى ونقدمها مع شرائح الليمون ونقدم المحشى ومعاه الشوربه وبالهنا والشفا فيديو الوصفه على قناتنا باليوتيوب أحلى واسهل مع ساره best and easiest with sara
