خلية النحل بجبنة الكيري و بالجبنه البيضاء
خلية النحل بجبنة الكيري و بالجبنه البيضاء
المقادير
- للعجين :
- خمس كاسات طحين
- ملعقتين سكر
- ملعقتين خميرة فورية
- ثلاث ملاعق حليب ناشف
- ملعقه صغيرة ملح
- ربع كاسه زيت قلي
- ملعقة صغيرة خل يعطي طرواة للعجين
- ماء دافئ للعجن بما يعادل كاسه تقريبا
- الحشوة :
- جبنة بيضاء
- زعتر ناشف
- او جبنه مثلثات
- او جبنه كيري
- لدهن وجه العجين :
- بيضه
- رشه نسكافيه
- للتزيين :
- حبه البركة او سمسم اللي متوفر عندك
الخطوات
السلام عليكم اخواتي المعجنات كثير اشي طيب بالشتاء وتغيير عن روتين الاكل اليومي رح ابدا بطريقة العجين بتخلطي كل المواد الجافه وبتضيفيلها الزيت وبتعجنيها بالمي لحد ما تصير متماسكة وتتركيها تختمر بمكان دافي وتغطي عليها اخذت حوالي ساعتين لانه الجو بارد.
الحشوة جبت الجبنة البيضاء وهرستها وضفتلها زعتر ناشف كثير طيب معها وباقي العجين حشيته بجبنة كيري
بس اختمر العجين قطعتها كرات صغيرة وخليتها ترتاح وبعدها حشيتها وسكرتها منيح وصفيت الكرات بالصينية جنب بعض عشان تاخذي نتيجة كويسة اتركي خليه النحل بعد ما تحشيها فترة نص ساعه او ساعه مغطى عليها مشان تنفش . بس ارتاحت دهنت الوجه بالبيض ورشه النسكافيه 3in1 وزينتها بجبه البركه والسمسم او اللي متوفر عندك
بتدخليها للفرن المحمى مسبقا على درجه حرارة 200 تاخذ عشر دقائق تقريبا
وتحمري وجهها بعد ما تستوي
ولاتقطعيها الا لما تبرد لانه اذا كانت حامية ممكن تتفتفت اتركيها ربع ساعه وصحه وهنا
العجين تعمل صينية كبيرة وصينية صغيرة يعني كميتها ممتازة