بوظه بنكهه السنيكرز بطريقتي الرائعه

المقادير

• ٢ م ك زبده الفول السوداني الناعمه
• ٢ ونصف كوب حليب بودرة
• ٣ كوب ماء بحرارة الغرفه
• ٢ ظرف كريمه بودرة
• ١ كوب سكر ناعم ( حبيبات ناعمه )
• نصف الى م ص سحلب بودرة( طبعا هون حسب النوعيات في سحلب بيجمد منيح كتير وفي سحلب لا ..حسب النوعيه …يلي مصوريتها كتير نوعيه كويسه بتكفي منها نصف م ص ))
• التزييين:
• ٢ م ك نوتيلا ذائبة
• ٢ م ك فول سوداني محمص او ني ونحنا نحمص( وانا هون هيك عملت )

الخطوات

الوصفه هاي اكلتها بكاندي شوب وفعلا كانت رائعه ..فكان لازم اطبقها بالبيت واكل منها لاشبع ههههههههه ..بما انها جدا غاليه بالكاندي شوب …والحمدلله طلعت جدا جدا لذيذه ..وكانها سنيكرز ع شكل بوظه …

ويلااا تعالو ناكلها سوا ،هههههه بما انوووو اجا الصيف واجت اكلاتوووو البارده ونقول بسم الله **

نحمص الفول السوداني بمقلاه غير لاصقه وبدون اي مواظ دهنيه …وبس يبرد نطحنو طحن خشن

نضع كل المواد الجافه سوا ونخلط خلط خفيف

ثم نذوب زبده الفول السوداني بالماء …ثم نضعها ع المواد الجافه ونخلط بشوكه او ويسك حتى تختلط المواد جيدا وتكون بدون تكتلات

نضعها بالفريزر ونحركها مرتين كل اربع ساعات مرة …ثم نتركها لتاني يوم بالفريزر

نخرجها من الفريزر .. ونقدمها بتزيييينها بالنوتيلا والفول السوداني المحمص والمطحون

وان شاء الله تنال اعجابكم

*****وعليكم بالف هنا وصحه حبيباتي******