بسبوسة محشية بالقشطة رمضانكم مبارك
بسبوسة محشية بالقشطة رمضانكم مبارك
المقادير
- كاسة سميد خشن
- كاسة جوز الهند
- بيضة
- نص ملعقة صغيرة فانيلا سائلة
- نص كاسة زبدة مذوبة
- ١٢٥ غم قشطة قيمر او لبن زبادي
- ملعقتين كبار حليب باودر
- تلات أرباع الكاسة سكر
- ملعقة ونص صغيرة بيكنغ باودر
- رشة ملح و كربونات الصودا
- طحينية لدهن القالب
- شعيرية باكستانية
- للحشوة علبة قشطة
- للمهلبية
- كاستين ماء
- عشر ملاعق كبيرة حليب باودر
- أربع ملاعق كبيرة نشا
- ملعقتين كبار سكر
- نص ملعقة صغيرة ماء زهر
- للقشطة الطازجة
- أربع كاسات ماء
- كاسة ونص حليب باودر
- ملعقتين كبار خل أبيض
- أو فيك تحشيها ب علبتين قشطة جاهزة
- قطر او حليب مكثف محلى لتشريب البسبوسة
الخطوات
يدهن القالب بالطحينية
تخلط جميع النواشف
تخلط جميع السوائل مع السكر بالخلاط وتصب على النواشف وتحرك يسكب نصف الخليط بقالب ثم تحشى ثم يضاف باقي الخليط و توزع الشعيرية الباكستانية ويدخل على فرن حامي من قبل درجة ١٨٠ من الوسط بدها من 40لا 45 دقيقة حسب حرارة فرنك ثم تشغل الشواية لتتحمر وتوخد لون ذهبي
بعد ما تطالعيها تشرب بالقطر البارد وتترك لتبرد
وتدخل التلاجة لمدة ليلة كاملة قبل التقديم بتزينها
للقشطة الطازجة
يوضع الماء و الحليب على الغاز لتغلي يضاف الخل ليفصل الخليط يصفى ويترك ليبرد
للمهلبية تحرك جميع المكونات ماعدا ماء الزهر بالخلاط وتصب بطنجرة مع التحريك المستمر ليتكاثف ويغلي (في حال شفتيه بحتاج كمان نشا بتذوبيه بشوية حليب سائل وبتضفيه مع التحريك المستمر)
بس تطفي الغاز بتضفي القشطة و ماء الزهر وبتتركيها لتبرد
بتضيفي القشطة الطازجة و علبة القشطة
لازم الحشوة تكون جامدة
في حال حشيتها بعلبتين قشطة جاهزة بتحطي نص كمية البسبوسة وبتدخليها الفرن من تحت بس تطلع بتحشيها و بتحطي باقي كمية البسبوسة والشعيرية من الوسط وبتضوي الشواية لتتحمر
بالهنا والشفا يارب
