اطيب فروج مشوي بدون كيس حراري
اطيب فروج مشوي بدون كيس حراري
المقادير
- فروجة كاملة انا كانت عندي كيلو وربع
- للخلطة التوابل:
- معلقة صغيرة فلفل اسود
- معلقة صغيرة كزبرة ناشفة
- معلقة صغيرة فلفلة ناعمة
- نص معلقة صغيرةكمون
- معلقتين كبار ملح
- رشة زنجبيل بودرة
- معلقة كبيرة سماق
- معلقتين كبار دبس فليفلة
- معلقتين كبار دبس بندورة
- راس توم صغيرة مفروم ناعم
- تقريبا كاسة زيت ذرة
- ربع كاسة دبس رمان
- نص كاسة خل تفاح
- ورقتين غار
الخطوات
كيفكن ياعسلات انشالله تكونو كلكن بخير جبتلكن طريقتي اللذيذة بالفروج المشوي انشالله تجربوا وتعجبكن يلا نبلش
بسم الله الرحمن الرحيم
جبت الفروجة بعد مانضفتا تركتا ليلة كاملة منقوعة بالخل والمي وضفتلا معلقة ملح
تاني يوم فقت من صبح رجعت عملتلا كم دور ونضفتا وشلتلا الاجزاء الي لازم تنشال وتركتا عالزيق جهزت التتبيلة حطيت الملح والفلفل والكزبرة والفليفلة الناعمة والدبس والسماق والتوم والدبس فليفلة والبندورة والكمون والزيت ماعليكم من هالتوابل الي بتحبوه حطوهههه وخلطتن منيح جبت هالجاجة الي مو عارفة شو رح يصير فيا ههههه صرت اغمرا بالتتبيلة وادخل التتبيلة تحت الجلد وعملتلا شقوق مشان طعمة تتدخل لقلبا تركتا من صبح للعصر منقوعا بالتبلة بعد ماتركتا وقت منيح واخدت طعمة التبلة
جبت صينة الفرن فرشتا بالسلفان وحطيت الفروجة الامورة عليها ورجعت دهنت الفروجة من التبلة وحطيت ورقتين غار بقلبا وغطيتا بسلفان ودخلتا فرن حامي اخدت معي ساعة ونص كانت منهنها تنهنه ههههه قبل ماطالعا شلت السلفان وشويتا طبعآ وهي بالفرن كل نص ساعة افتح عليها وارجع ادهنا من الزيت يلي نزل منا مشان اتم طرية وماتنشف طالعتا وقدمت جنبا كاتشب شغل ايدي وكريم توم والصلصة الي زادت دهنت كم رغيف خبز وحطيتو تحتا وفوقا
بتمنا من كل قلبي تجربوا اكيد رح تعجبكن
وانشالله صحة والف عافية على قلبكن
بحببببببببببببببببببببكن
