فريكة مفلفلة بالدجاج
فريكة مفلفلة بالدجاج
المقادير
- ٣ كوب فريكه مغسولة ونظيفه
- ٣ قطع دجاج
- ٢ بصله مقطعه مربعات صغيره
- ٢ سن ثوم مفروم ناعم جدا
- ملح
- م ك ماجي بودرة
- رشه فلفل اسود
- رشه هيل مطحون
- نصف م ك كاري مدراس
- رشه قرفه
- ٢ ورقه غار
- ربع م ص بهار مشكل
- ٣ م ك سمنه ( ممكن زيت نباتي)
- للتزيين:
- ربع كوب لوز محمص
- ربع كوب بقدونس مفروم ناعم
- لقلي الدجاج:
- نصف كوب طحين
- زيت نباتي
الخطوات
يسعدلي اوقاتكم بكل خير يارب العالمين
الوصفه هاي رائعه بكل المقاييس …طعم …شكل … فائده …شو ما بينحكى عنها قليل ..خصوصي لرمضان اللهم بلغنا اياه يارب العالمين
يمكن الاغلب بيعرف كيف تنطبخ ولكن المكون السري يلي اضفتو للوصفه اعطاها طعم ولوون رائع ….هووو الكاااااااري ….ويلا نبلش
نسلق الدجاج النظيف والمغسول … بوضع الدجاج مع بصله مذبلة بالقليل من السمنه وسن ثوم …ثم نضع البهارات ( بدون الكاري) حتى تظهر رائحتها …ثم ماء ليغطيه فقط
ننقع الفريكه المغسولة عده مرات بالماء لمده نصف ساعه الا ساعه الا ربع
بعد نضج الدجاج …نصفي المرق ونضع الدجاج جانبا للشوي او القلي
نذبله بصله كمان مرة ومعها سن ثوم بالسمنه …ثم نضع عليها الفريكه المصفيه من الماء تماما. ….ونرش كمان مرة نفس البهارات والملح …رشات بسيطه فقط لتعزيز النكهه … ولا تنسو تضيفو الكاري ..المكون السري
نضيف المرقه ..فقط تغطي وجه الفريكه …اي الفريكه ظاهرة لعينك وتشوفيها تمام ….
نتركها تغلي ع نار هاديه لتحت حتى تنشف المي عن الوجه …ثم نخفض درجه الحراره لفوق اخفض درجه ممكنه ..ونتركها تنضج ع نار هادئة تماما ….وكل خمس دقائق حركي الطنجره حوالين عين الغاز ( لا تفتحي عليها غطا الطنجرة)
بعد ربع ساعه نفتح الطنجرة ونحرك بالشوكه لنحافظ ع شكل الحبات وما تخبص معنا ….ونرجع نغطيها ..وهيك لتنضج تماما ( كثر التحريك بيخليها تخبص)
نقلي الدجاج المعفر بالطحين بالزيت النباتي
نزين باللوز والبقدونس
وتقدم بجانب اللبن بالخيار ..جدا لذذذذيذذذذ
….بالف هنا وصحه ويارب تعجبكم وتجربوها ….
