طريقة عمل صينية القزحة او حبه البركه
طريقة عمل صينية القزحة او حبه البركه
المقادير
- كوب الا ربع سائل القزحه
- كوب ونص طحين
- نص كوب سميد
- نص كوب سكر
- نص كوب زيت زيتون
- كوب ونص تقريبا ماء دافئ
- معلقه صغيره خميره
- كوبين قطر دافي
- للتزيين:
- لوز
- طريقه عمل سائل القزحه:
- كوب قزحه
- نصف كوب سمسم محمص
- كوب الا ربع زيت زيتون
الخطوات
لكل الصبايا الي طلبو مني هالوصفه بتمنى تجربوها تعجبكم
بسم الله نبدا
بالبدايه بنحمص الطحين شوي وبنضعو بوعاء وبنظيف للطحين السميد والسكر والخميره وبنخلطهم مع بعض وبعد هيك بنضيف القزحه السائله للمكونات
وبنظيفلها الماء وزيت الزيتون وبنخلط المكونات منيح وبنضع الخليط بصينيه فرن مدهونه بالطحينه وبنقطعها وبنزينها باللوز وبنتركها تتريح خمسه واربعين دقيقه وبعد هيك بنخبزها بالفرن لمده 20 دقيقه تقريبا عنار 180 وبس تستوي الاطراف وتوخذ اللون البني بنحمر وجها على الخفيف وبنسقيها بالقطر الدافي بالتدريج لما تتشرب القطر بنتركها تبرد تماما وتقدم والف صحه وهناا بتمنا تجربوها وتعجبكم
مقدار القطر كل كوبين سكر كوب ماء وعصره ليمونه بنتركهم يغلو ثمن دقائق وبنتركو يبرد شوي
طريقه عمل سائل القزحه بنحمص كوب قزحه وبس يبرد بنضعو بخلاط الميكسر وبنضيفلو نصف كوب سمسم محمص وكوب الا ربع زيت زيتون وبنخلطهم منيح على الخلاط لينحصل على خليط ناعم وبنحتفظ فيه لوقت الاستعمال ويفضل تحضيرو بيومين قبل استعمالو لحتى يعطينا الطعم المميز للقزحه
ملاحضه لا تحاولو تطلعو منها قطع وهيه سخنه لانها رح تفت ويخرب تماسكها معكم مهم كثير تتركوها تبرد منيح بعد متتشرب القطر اكيد مشان قوامها وطعمها الطيب لا تنسو تضيفوها للمفضله
تحياتي الكم جميعا رشا ام احمد
لا تنسوني من فضل دعواتكم الحلوه
