مفتول بالطحين البلدي او الاسمر على طريقتي الخاصه

المقادير

• ٣ كاسات برغل خشن منقوع قبل بوقت
• كاسه ونص عدس حب
• بصل مفروم
• زيت زيتون
• طحين اسمر حسب الحاجه
• ملح
• كاسه حمص حب مسلوق
• بندوره مجففه
• بهارات مشكله
• فلفل
• كركم
• نص كاسه ميه
• بندوره
• دجاج

الخطوات

اول شي ي حلوات هالطبخه بدها تحضير مسبق وبتغلب اشويه بس بتستاهل التعب لانه النتيجه دماااااار الطعم بيجنن يله نبلش بنكون سالقين الحمص وناقعين البرغل وبنقلي الجاج بالزيت

بس نجهز كل هالاشياء بنبلش نفتل بالمفتولات ي معدلات ناخذ البرغل المنقوع ومنملحه وبنخلي عليه اشويه مي يعني بيكون رطب مش مصفى تماما ونحط كميه قليله منه بسدر ونرش عليه الطحين الاسمر ونحركه مع بعض بحركه دائريه بالايد لحد ما الطحين يمسك بحبه البرغل ويصير دوائر صغيره ( رح تشوفو كيف بالصوره )كل ما نعمل كميه من البرغل ننخلها بالمنخل وانحطهم بالمصفايه الخاصه بالمفتول لحد ما نعمل الكميه المناسبه لعيلتنا بعد هيك بنيجي للشوربه بطنجره المفتول بنضيف ميه او مرق دجاج وبنضيف عليها البصل المفروم والفلفل والبهارات المشكله معلقه صغيره كركم نص فنجان صغير زيت زيتون ميه البندوره والبندوره المجففه والجاج والحمص المسلوق والعدس والملح

قبل لا اركب المصفايه على الطنجره بحطها ع الغاز لما تغلي الشوربه اول غلوة وبعدين بركبها واتركها لحتى تستوي بس نتاكد من استوائها بنزلها عن الغاز ونفرغ المفتول من المصفايه بسدر ونفركه بزيت زيتون وهو ساخن وبعدها بنسقيه بقليل من الشوربه واخر شي بنقدمه وبنسكب الشوربه ع الوجه ووصحتين والف عافيه طبعن ي عسولات الطريقه موضحه بالصور وانا كان عندي مشكله انه بحب هالاكله كثير ومرات بعملها بالصيف مع انها شتويه بس ماعندي طنجره مفتول ف ماخليت هالمشكله توقف بطريق ابداعي وركب مصفايه عطنجره عادية عندي وعملتلكم المفتول اتمنى يكون شرحي وافي لان تعب من الكتابه