البقلاوه الخضراء او اصابع اليبرق
البقلاوه الخضراء او اصابع اليبرق
المقادير
- عجينه الكلاج وسبق ونزلت طريقتها بوصفه حلو الهلال بتلاقوها بملفي
- فستق حلبي مجروش ناعم وخشن
- نشا لرق العجينه
- كوب سمنه سايحه
- صبغه خضره تركيز اللون حسب الرغبه اذا بتحبوها فاتحه ولا غامقه شوي
- كوبين قطر ساخن مصبوغ باللون الاخضر
الخطوات
بسم الله نبدا
بالبدايه بنرق اربع قطع من العجينه لدوائر صغيره وبنضع بين الطبقات كميه منيحه من النشا وبنرقهم منيح لنحصل على اربع طبقات رقيقه جداا وبنفصل الطبقات بكل حذر
وبنرش على اول طبقه الفستق الحلبي وبمساعده عصا صغيره نظعها على طرف العجينه وبنلف عليها عجينه الكلاج المحشيه بالفستق وبنطلعها شوي شوي على صينيه الفرن وبنكمل هيك لتخلص كل الكميه وبنقطعها حسب الطلب وبنسيح السمنه وبنديرها على العجينه الي حشيناها بالفستق وبعد هيك بنخبزها بالفرن لمده عشرين دقيقه لما تسير اطرافها ذهبيه بنحمر وجها شوي وبنطلعها من الفرن وبنسقيها بالقطر الساخن وبنتركها تبرد وبنقدمها والف صحه وهنا
ملاحضه يمكن تقطيعها قبل الخبز او بعد الخبز يفضل قبل لتستوي منيح وتتشرب القطر
مقدار القطر كل كوبين سكر كوب ماء وعصره ليمونه بنتركهم يغلو ثمن دقاىق وآخر اشي بنضيفلهم الصبغه الخضره وبنحركهم منيح لتذوب الصبغه بالقطر
بتمنى منكم تجربوها وان شاء الله رح تعجبكم
تحياتي الكم رشا ام احمد
لا تنسوني من فضل دعواتكم الحلوه
