طريقة عمل حلوى القطيفة لرمضان

المقادير

• كاستين طحين
• كاسة او اكتر شوي مية دافية
• معلقة فانيلا
• معلقة صغيرة خميرة
• معلقة صغيرة بكنغ باودر
• رشة كربونة معلقة كبيرة نشا

الخطوات

مرحبا كيفك والله اشتقتلكم كتير والي فترة ما بنزل وصفات قلت فضاوة الله وكيلكم بس انتو بالقلب دايما وبتابعكم وطبقة وصفات منكم كتير وطلعو كلهم بجننو تسلمولي انتو وصفاتكم يا رب يلااااا خلينا نشوف وصفتي وبدي دعمكم

بخلط جميع المكونات مع بعض بالخلاط او بالهاند بلاندر وبتكون عجينتها اخف من عجينة الكيك بتكون سائلة وبعدين بتركها ربع ساعة ترتاح وبعدين على صاجة كبيرة او على قلاية الكريب بس تكون حجمها كبير وطبعا القطيفة هية بتكون متل القطايف بس بتيجي كبيرة يعني حجم عائلي هههههههه بس عنجد كتييييييييير زاكية جربوها برمضان خفيفة وزاكية

طبعا بس اعملها ع الصاجة وتستوي وتصير متل حبة القطايف الكبيرة بحطها على شرشف نضيف وبغطيها عشان تضلها طرية وطبعا بعدين بحشيها جبنة او جوز او مكسرات متل ما بدك على زوقك الحشوة وطبعا بدهن السدر سمنة وبحط اول قطعه وبعدين بحط الحشوة وبفرد فوقها القطعة التانية وبضغط على الاطراف حتى تلزق وبدهن الوجة سمنة وبشويها بالفرن وبس تطلع بشربها قطر وبقطعها وبزينها بفستق حلبي او. بدون متل ما بدك

وبس خلص تعبت وانا بكتب هههههههههه بدي دعوة بظهر الغيب من اغلى خوات