كيكة القهوه البارده روعه
كيكة القهوه البارده روعه
المقادير
- كوب سكر
- كوب نشا
- نص كوب طحين
- معلقتين نسكافيه
- 10 معالق حليب بودره
- ليتر مي
- او ممكن ليتر حليب جاهز
- 2 بكيت بسكويت عالكاكاو مطحون او كيك مطحون
- لتسقية البسكويت :
- كوب حليب
- معلقة نسكافيه
الخطوات
يسعد مسااكم ..وصفتنا اليوم من الحلويات الصيفيه البارده وطعم رااائع وضياافه أرووع ..
كعكة القهوه مميزه جدا بطعمها
ان شاء الله تنال أعجابكم ..
ويلااا مع شرح الطريقه …
& بنحتاج بكتين بسكويت عالكاكاو بنطحنه نااعم ..
او ممكن استبداله بالكيك…
بنضع البسكويت المطحون بالبايركس او طبق التقديم وبنشربه كوب حليب عليه معلقة نسكافيه بشربه مزبوط عشان يتماسك ممكن تحتاجي اكتر من كوب حسب الكميه
وبضغط عليه بأيدي او السبوتيلا …
& بنبلش نجهز الخليط ..بنضع النشا والطحين والسكر والنسكافيه وبنحركهم سواا ..وبضعلهم اما لتر حليب سائل جاهز او حليب بودره وعليه عيار لتر مي انا ضفت عشر معالق حليب عليهم اربع كوب مي وبحركهم سوا عالبارد لحتى يذوب الحليب وباقي المواد
& بضعه عالنار وسط مع التحريك المستمر لحتى يثقل الخليط بشيله وبضعه فوق البسكويت وبفرده وبعد ما يبرد بضيف عليه صوص الشوكولا بحيث يشكل طبقه من الشوكولا ..وبزينه بفتات كيك ابيض او بسكويت
بدخله الثلاجه لحين وقت التقديم او لثاني يوم بكون افضل ..بقطعه وبقدمه مع النسكافيه او القهوه
الصرااحه ولا اروع من هيك تحلايه راقيه وسهله
الافضل بالحلا البارد انه بنعمل قبل بيوم اذا كان عندك مناسبه او كنوع ضيافه لضيوفك
وصحه وعافيه
دمتم بكل خير
