الشاورما العربي
الشاورما العربي
المقادير
- صدور دجاج مقطع شرائح رفيعة ومنضف ومغسول جيدا
- معلقة صغيرة كاري
- معلقة صغيرة بهارات شاورمة
- معلقة صغيرة بهارات تندوري
- نص معلقة صغيرة هيل
- نص معلقة صغيرة زنجبيل
- معلقة صغيرة توم باودر
- معلقة صغيرة بصل باودر
- باكيت ماجي
- معلقة ملح صيني اذا وجد
- معلقة بابريكا حلوة
- بابريكا حارة اختياري
- رشة فلفل اسود
- ملح اذا احتاجت
- برش برتقالة
- برش ليمونة
- عصير حبة برتقال
- عصير نص حبة ليمون
- بصلة صغيرة
- سنين توم
- ربع كاسة زيت
- للصلصة:
- كاتشب
- ميونيز
- برش برتقالة
- برش ليمونة
- بابريكا حارة اختياري
- سن تومة مهروس
- للتقديم:
- خبز شراك
- بطاطة اختياري
- مخلل
الخطوات
مرحبا صبايا هاي طريقة الشورما العربي تقريبا متل طريقة ام عبود المبدعة صراحة كل شفات زاكي مبدعات ومقدرات وهاي الطريقة معتمدة عندي منذ زمن وفعلا كتيييير زاكية جربوها ورح تعجبكم ويلااا ع الطريقة
بالهاند بلاندر او بخلاط المولونكس بحط برش البرتقال والليمون مع عصيرهم والبصل والتوم والبهارات والزيت والماجي وبخلطهم منيح وبتبل فيهم الصدور قبل بيوم او من الصبح لوقت الطبخ
بعدين بفردهم بصينية وبدخلهم الفرن وبحمرهم منيح عشان ياخدو طعمة زاكية التحمير الو دور كبير بسر النكهة وبس يتحمرو بطلعهم وبقطعهم شرائح وبكونو جهزو للحشي يلا نشوف كيف بعمل الصلصة الرائعة تبعت الشورما طبعا بجهزها اول ما ادخل الصدور الفرن وبحطها بالتلاجة
طبعا بحط كمية كاتشب وكمية ميونيز طبعا الكمية متل ما بدك انتي وببرش عليهم برتقالة وببرش ليمونة وبقلي سن تومة مهروس بس يشقر فاتح بحطو ع خليط الكاتشب والمايونيز وشوية بابريكا حارة اذا حبيتي وهيك صارت جاهزة
هسة عشان احشيهم بقسم رغيف الشراك من النص عشان ما تكون كلها خبز السندويشة وتكون خميلة كتير وبحط بالخبزة من الصلصة وبحط الصدور وبطاطة اذا حبيتي وبتلفيها وبتضغطيها على الجرل وبتتقدم مع المخلل والبطاطة والصلصة وطبعا مشروبات غازية واكيد الطعم ولا اكبر مطعم تحفة
