طريقة عمل البفاريا ولا ألذ سلسلة حلوياتي الباردة ٢
طريقة عمل البفاريا ولا ألذ سلسلة حلوياتي الباردة ٢
طريقة عمل البفاريا ولا ألذ سلسلة حلوياتي الباردة ٢
المقادير
- للطبقه الأولى بنحتاج:
- ست أكواب ماء أو حليب
- سبع ملاعق كبيرة طحين
- سبع ملاعق كبيرة حليب بودره
- قالب زبده وزنه ٢٠٠ راح أخد نصه والنص التاني للطبقه التانيه
- معلقه صغيره فانيلا
- سبع ملاعق كبيرة سكر أو حسب الرغبه
- للطبقه الثانيه
- نفس مقادير الطبقه الأولى بس بضيف:
- ثلاث ملاعق كبيرة كاكاو بودره
- معلقه كبيره نسكافيه سريع الذوبان
- بسكوت شاي ساده
- لتسقيه البسكوت:
- كوب ماء مدوب فيه
- معلقه كبيره حليب بودره
- معلقه صغيره نسكافيه
- للزينه:
- بسكوت مكسر
- جوز هند
- ولو متوفر مكسرات بتطلع أزكا وأزكا
الخطوات
بسم الله نبدأ
بحط فى الطنجره أربع كاسات من الميه مع السكر والطحين والحليب والفانيلا وبحرك كويس بقطع الزبده لمكعبات وبضيفها بحط الطنجره على الغار على نار هاديه مع التقليب المستمر لما يجمد الخليط ويصير يطلع فقاعات بكون جهز
بحط كاستين ميه أو حليب سائل بالخلاط بضرب المزيج كويس لحتى يصير ناااعم
بجيب بايركس أو صينيه وبغطس البسكوت بخليط الحليب بصف أول طبقه من البسكوت وبصب فوقيها المزيج وبتركه ليهدا شويه وبرجع أغطس وأصف كمان طبقه من البسكوت بحط البايركس بالفريزر
بجهز الطبقه التانيه بنفس المقادير والخطوات بس بضيف الكاكاو والنسكافيه وبضيفها فوق طبقه البسكوت
زيني الوجه زي ما بتحبي بعد ما تجهز حطيها بالفريزر ساعه أو أكتر حسب ما بتحبي ثولجتهاااا وقدميهااا طيبه خصوصي بهالجو رااائعه❤
بتمنا هالوصفه البسيطه تعجبكم وتدعولي يا قمراتي بالخير
وصحه وعافيه بحبكم أنا ❤
