طريقة عمل الفتوتشيني عنجد طعم فوق الخيال
طريقة عمل الفتوتشيني عنجد طعم فوق الخيال
المقادير
- جاج مسحب من العظم
- زيت
- حبة بصله
- ٤ حبات تومه
- ملعقتين زبده
- ملح وفلفل اسمر
- علبة فطر
- معكرونة الفيوتشيني
- كريمة الطبخ
- بقدونس
الخطوات
مرحبا يا خواتي يا حبيباتي كيفكم بتمنى تجربوا هاي الوصفه لأنها عنجد لذيذه وخاصة عشاق المعكرونه
بننقع الجاج يلي قطعناه مربعات او شرائح زي ما بدكم بلخل وزيت زيتون وفلفل أسود ساعه وبعدين زيت بتقلب الجاج حتي يستوي وبنشيلوا ع جنب وبنفس الطنجرة يلي كان فيها الجاج بنظيف الزبده وبنقلب البصل وتومه حتى يتغير لونهم وبعدين بنظيف الفطر وبنظل نقلب وبنظيف الجاج المستوي ع الفطر وبنظل نقلب حتى يصير لونهم زي ما بدنا وتملحي وفلفل وبعدين بظيفي كريمة الطبخ العلبه كلها وبس تغلي غلوتين بطفي عليهم
وبتنجره تانيه ماء مغلي مع ملح ورشة زيت وبتظيفي نصف بكيت المعكرونه خمس دقائق لانوا ما بدنا تستوي كتير عشان ما تعجن لما نظيفها ع الكريمه لازم تطلع حبة ب حبة
بظلك تقلبي حتى الخلطه تفوت بكل المعكرونه
وبتسكبيها بصحن التقديم وبتزينيها ب بقدونس ومزرولا اذا متوفر
وصحه ومية هنا
