رز المطاعم استعدادات رمضانية
رز المطاعم استعدادات رمضانية
المقادير
- كيلو ارز بسمتي منقوع
- حبة بندورة
- قرن فلفل حار او حلو زي ما بتحبي
- راس بصل
- راس ثوم
- ملح وفلفل
- بهارات مندي
- كاري
- خل ابيض
- برتقالة
- ورق غار
- زيت ذرة
- صبغة صفراء وبرتقالية او زعفران
- اذا حبيتي تشوي دجاج معها بتستخدمي نفس البهارات اللي للرز
الخطوات
السلام عليكم ورحمة الله وبركاته
كلنا بنتسائل عن سر ارز المطاعم اللي بكون كل حبة لحال وشكله بيشهي والوانه بتفتح الشهية ، ولما عرفت الطريقة فورا نفذتها وطلعت روووووووعه ففورا شاركتكم فيها.
وطبعا الأرز ملك عزايم رمضان مافي عزومة بتخلى منه خلينا نشوف الطريقة
أولاً/ خلطة الارز
بنقلب في طنجرة بصلة مفرومة و5 سن ثوم مهروس وبس تفوح ريحتهم بنضيف بهارات مندي وبنقلب وبعدين حبة فلفل حار وحبة بندورة مفرومين وملح وفلفل وبرش برتقالة وبنقلبهم كويس وبنضيف عليهم احد أمرين:
1. اذا بدك تعملي ارز لوحدة بتضيفي للخلطة كاسة مي مغلية فقط.
2. اذا بدك تعملي دجاج بتضيفي الدجاج للخلطة وبتقلبيه وبتضيفي مي لمقدار اقل من الدجاج يعني لا تغمريه مابدنا نسلقه سلق وبس يستوي الدجاج بنرفعه وبنحمره بالفرن والماء المتبقي بنخلي منه مقدار كاسة فقط.
ثانياً/ الارز
بننقع ارز بسمتي عادي مع ملعقة خل مع ماء النقع.
وبنصفيه وعلى طنجرة فيها مي بتغلي مع شوية زيت وبنسلقه خمس دقائق فقط. وبنصفيه
—بنضيف الارز المسلوق والمصفى للخلطة وبنقلبهم سوا وبنضيف عصير نصف برتقالة و صبغة او زعفران وبنغطي وبنوطي الغاز عالاخر لمدة ثلث ساعة.
ثالثاً/التقديم
بس تقلبي الطنجرة رح تشوفي منظر من اروع المناظر الرز مفلفل كل حبة وحبتها عنجد روعة.
—قدميه اما لوحده كطبق جانبي او بتحطي عليه الدجاج المشوي مع اللوز والزبيب ، الصوص بالصحن هوه من خلاصة شوي الدجاج.
وصحة وهنا.
