فروج صيصان محشي رز ملكة رمضان
فروج صيصان محشي رز ملكة رمضان
المقادير
- 4 فروج صغير وزن نصف كيلو ( صوص)
- ارز بسمتي
- بهارات دجاج
- كاري
- ملح وفلفل
- خل
- زيت زيتون
- صلصة بندورة
- هيل
- خضار
- جزر
- بصل
- ثوم
- فلفل أخضر
الخطوات
فروج صغير محشي رز ملكة رمضان
السلام عليكم ورحمة الله وبركاته
بتكثر العزائم في شهر رمضان المبارك ودائما بنحب نجدد ونغير يطبخاتنا وصفة اليوم معروفة ومنتشرة بس عملتها على فروج صغير بتقدروا تحكوا صيصان وزن كل واحد نص كيلو ، بعملوا كمية عالتقديم وشكلهم حلو وانيق واكييييد زاكي.
أولاً/ تتبيل الفروج
بنضف الفروج منيح من برا ومن جوا وبنتبله بملح وفلفل وخل وزيت الزيتون وبهاراتك المفضلة من كاري هيل بهارات دجاج او مشكلة وبندهنها من برا برب البندورة مخفف بالخل للتحمير وبنتبل معهم خضار جزر بصل ثوم فلفل . وبنتركهم بالتتبيلة ساعتين عالاقل.
ثانياً/ تحضير الارز وحشو الفروج
بنقلب بصلة وثوم وفلفل اخضر بزيت ذرة وبنضيف بهارات المذكورة وملح وفلفل وبنضيف الرز وبنقلبه معهم بعدين بنضيف مي بتغلي وبنزبط الملح وبنطبخ كالمعتاد وقبل الاستواء يعني لما تنشف المي شوي بناخد من الرز كمية تكفي للفروج وبنكمل طبخ الرز عادي.
—بنحشي الفروج بالرز الرطب وبنسكر افخاد الفروج بقصدير .
ثالثاً/ شوي الفروج
بنرتب الخضار المتبله بكيس حراري وفوقهم الفروج وبضيف قدر كاسة مي بالكيس وبنسكره بالمرفق اللي بيجي معه.
—بنشويهم بالفرن على اول رف اول نص ساعة على فرن حامي بعدين ساعة بفرن وسط لحتى يستووا.
—همه رح يتحمروا لحالهم بالكيس اطا بتحبي تحمير زيادة افتحي الكيس وحمريهم عالشوايه.
رابعاً/التقديم
قدمي الفروج فوق الرز وزينيه بالمكسرات وبالبقدونس المفروم اذا بتحبي وصحححة وهنا.
