طريقة الدجاج بالفرن ملكة رمضان
طريقة الدجاج بالفرن ملكة رمضان
المقادير
- دجاجة كاملة
- ربع كاسة خل
- معلقتين كبار ملح
- معلقة صغيرة ملح
- ليمون
- معلقتين زيت
- معلقة صغيرة بهارات تندوري
- معلقة صغيرة بهارات الماجي
- معلقة صغيرة ملح
- بابريكا حارة حسب الرغبة
- معلقة صغيرة بابريكا حلوة
الخطوات
بفتح الجاجة من عند الصدر من النص وبفردها وبنظفها كتير منيح وبغسلها بطحين وملح وزيت زيتون واخر اشي بغسلها بالليمون بعدين بجيب جاط بحط في غمرة الجاجة مي وبحط عليها الخل والملح الليمون ومعلقتين الملح الكبار وبحط فيها الجاجة وبنقعها فيها لمدة لا تقل عن اربع ساعات
بعدين بصفيها من المي مزبوط وبجيب معلقتين الزيت وبضيف عليها جميع البهارات الي ذكرتها وبدهن فيها الجاجة كاملة من برا وجوا وبحطها بالفرن بدون اي اشي طبعا انا حطيت تحتيها ورق زبدة لنتي اذا متوفر حطي مش موجود عادي بنفس الصينية حطيها ودخليها فرن محمى واول نص ساعة خلي النار فوق الوسط على حامي وبعدين وطيها هية رح تطلع مي منها وفيها بس لما المي تبعتها تنشف بتزيديلها قدر كاسة شاي صغيرة بتاخد وقت تقريبا ساعتين على نار هادية وبالهنا والعافية
لاتنسوني من دعواتكم ودعمكم يا غاليات
