طريقة عمل السبانخ باللحمة ملكة رمضان
طريقة عمل السبانخ باللحمة ملكة رمضان
المقادير
- ضمتين سبانخ مغسولين ومفرومين ناعم او حسب افراد العائله
- راس بص ل متوسط الحجم
- زيت ذره او زيتون
- حمص مسلوق
- كيلو لحمه راس عصفور
- ملح
- فلفل اسود
- بهارات مشكله
- كاستين ارز قصير الحبه
- معلقه كبيره ملح
- معلقه فلفل اسود
- معلقة بهارات مشكله
- ورق غار
- لسلق اللحمه:
- حبات من الهيل
الخطوات
بسم الله الرحمان الرحيم
يسعد اوقاتكم جميعا اليوم التاني من رمضان صياما مقبولا وافطارا هنيئا باذن الله
اليوم يا وردات حابه اقدملكم السبانخ مع اللحمه والحمص كتير ناس بحبوها خاصه الجيل الكبير شوي بس الجيل الطالع بدهم شاورما واذا اكلوها بكون مغلوب على امرهم رح اقدمها شاءوا ام ابوا لانها من الاكلات المفضله عندي وخاصة انها غنيه بالحديد بتلبق لكل من يعاني فقر الدم
عافانا الله جميعا
يلى نروح ونشوف الطريقه وكل واحد الو طريقته في عمل هذه الاكله وغيرها من الاكلات
اول شي يا غاليين بنقب السبانخ زي ما انتو عارفين وبنفرمه وبنغسله عدة مرات مزبوط مزبوط وبنحطه بصفايه حتى نتخلص من المي تبعه وبنتركه على جنب
في هذه الاثناء بنسلق اللحمه بالمطيبات الي هي ورق الغار والهيل والملح والفلفل والبهارات المشكله وبنتركها حتى تنضج
بفرم راس صغير من البصل مع الزيت وبقلبه حتى يتذبل وبقلب معه السبانخ مزبوط لما يتذبل وبضيف رشه من الملح والفلفل الاسود وبضيفله جزء من شوربة اللحمه المصفيه من الشوائب مع اللحمه نفسها وكاسة حمص مسلوق تقريبا وبحركهم مزبوط وبترك الطنجره مكشوفه على نار متوسطه حتى ما يسود السبانخ ما كثرت ملح على السبانخ لانه الشوربه الي ضفتها مملحه وما بستخدم الماجي بالطبخ بعتمد على شوربة اللحمه وكثير طعمها طيب اول ما تشعري انها استوت طفي النار وقدميها ساخنه مع السلطان والارز الابيض المفلفل الي كلنا عارفين طريقته وكلي وتمتعي ولاتحرمي حالك لانه السبانخ خضار وما بنصح وابنك الحردان يلي ما بدو سبانخ اما بتقنعيه الله بعينك اذا ما رضي ياكل بغششيه اذا ما رضي الله يعينك اعمليلو معكرونه سريعه او سخنيلو باقي المنسف تبع امبارح ربي يحمي اولادكم ويحفظهم وتشوفوهم شباب صالحين وبارين
استودعتكم لله الذي لا تضيع ودائعه يا غاليين
