كرات البطاطس بالكريمة والدجاج ملكة رمضان
كرات البطاطس بالكريمة والدجاج ملكة رمضان
المقادير
- صدرين دجاج
- فليفله ألوان اخضر واحمر واصفر
- فطر
- بصله
- نص اصبع زبده أو زيت
- نص ليتر كريمة طبخ
- جبنه موزيريلا
- مكعب ماجي
- ٤حبات بطاطا مسلوقه
- ملعقتين جبنه سائله أو قشطه ( اختياري)
- دره
الخطوات
اول شي بنفرم البصله فرم ناعم وبنشوحها على الغاز مع قطعوا الزبده أو الزيت بعدين بنحط الدجاج وبنقلبو لحتى تنشف ميتو بعدين بنحط الفليلفه المقطعه مربعات وبعدين الفطر وبنتركها يادوب ٥ دقايق بس تذبل الفليلفه وبنديرها في البايركس وبنتركهاعلى جنب وبنحضر البطاطا
يتسلق تقريبا ٤ حبات كبار بطاطا وبس تستوي وبنتركها تبرد وبحط عليها رشه فلفل اسود ورشه ملح مقطعه زبده بحرارة الغرفه ملعقتين جبنه سائله ( اختياري) ورشه زعتر أخضر ناشف بنعجنهم منيح بالايد وبنكورها كرات كبيره وبنرتبها فوق الخلطه بالبايركس
بعدين بندوب مكعب الماجي بفنجان مي سخن وبنديرو على باكيت الكريمه وبنحركو وبنديرو فوق كرات البطاطا وبنحطها بالفرن نص ساعه وبس تطلع بنحط الجبنه لحتى تدوب وصحتين وعافيه
