فتة لسانات خروف ملكة رمضان
فتة لسانات خروف ملكة رمضان
المقادير
- كيلو لسانات خروف
- بصله كبيره مقطعه شرائح
- ماء للسلق
- ٢ رغيف خبز عربي ( سوري)
- ملح
- فلفل اسود
- هيل
- ورقتين غار
- عود قرفه
- بهار مشكل
- كزبرة حب
- زيت نباتي
- لتنظيف اللسانات :
- طحين
- زيت زيتون
- ملح
- عصير ليمونه مع قشرتها
- للفتة:
- لبن رايب
- ٢ سن ثوم مبروش
- نعنع اخضر مفروم ناعم
- عصير ليمون
- رشه ملح
- التزيين :
- ربع كوب بقدونس مفروم ناعم
- ربع كوب لوز محمص
الخطوات
السلام عليكم ورحمه الله وبركاته …كيفكم يا قمرات اشتقتلكم ع الاكيد
هالاكلة يا بتضرب يا بتهرب . ههههههههه انتووو مين فيهم …هالاكلة مافي خيار ثالث يا بتحبها وعشق يا اما ما بتطيقها ابدا … والحمدلله ع النعمه هي الشغله اذواق ولكن كلها نعمه الله
يلاااا نبلشش
ننظف اللسانات اول شي بمي جاري من الحنفيه ثم نضعهم بجاط ونضعهم عليهم رشه طحين كبيره وكميه وفيره زيت زيتون ورشه ملح وعصير الليمون .. وتقطع قشره الليمونه فوقهم ….. ونفركهم كويس ونتركهم فيها شي ربع الى نص ساعه ونحط القشره الي ع اللسان بسكين ع الخفيف
نغسل جيدا جدا من الخليط ونصفيهم من الماء ….هسه هون في طريقتين للعمل …في طريقه هي تنقعوهم بمي سخنه عشان نسلخ قشره اللسان قبل السلق
او تسلقوهم وبتنسلخ القشره بعد الاستواء انا بعمل هالطريقه
المهم نرجع ..توضعي كل البهارات والماء ليغمرهم والبصل والزيت النباتي واللسانات واول ما تغلي نوطي عليهم لمده ساعه ونصف ..او بالضغط لمده ساعه الا ربع …نقشرهم ونمسك اللسان من لغلولوغو ههههههههه ونقشرهم من الخلف للامام ولحالها القشره رح تطلع
نقطعهم شرحات او نخليهم متل ماهم
بنعمل خليط الفته …نضع اللبن الرائب مع الثوم والنعنع وعصير الليمون والملح ونحرك
نقطع الخبز العربي ونضعو بقاع جاط التقديم ونشربو من مرقه اللسانات اللذيذه
ثم نضع خليط اللبن الرائب ع الوجه…ونضع اللسانات ونزززيين باللوز والبقدونس
اخر صورة قديمه عندي بس حبيت فرجيكم الشكل باللسانات بدون تقطيع … يمممممممممي
اتمنى تنال اعجابكم ….وبالف هنا وصحه
